ವಸ್ತು

ಅಗತ್ಯ ವಸ್ತುಲೆಗ್ ಹೋಂ ಡೆಲಿವರಿ ವ್ಯವಸ್ಥೆ : ಜಿಲ್ಲಾಡಳಿತ ಸೂಚನೆ

ಕುಡ್ಲ, ಎಪ್ರಿಲ್ 30: ಕೊರೊನಾ ನಿಯಂತ್ರಣ ಮಲ್ಪುನ ನೆಲೆಟ್ಟ್ ಲಾಕ್‌ಡೌನ್‌ ಮಾದರಿದ ಕರ್ಫ್ಯೂ ಪೇಂಟೆಡ್ ಜಾರಿಡ್ ಉಂಡು , ಈ ಪೊರ್ತುಡು ಜನಕುಲು ಇಲ್ಲದ ಉಲಯಿ ಕುಲ್ದು ಸಾಕಾರ ಕೊರೊಡು ಪಂದ್ ಸರಕಾರ ಸೂಚನೆ ಕೊರ್ತುಂಡು . ಆಂಡಲಾ ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಜನಕುಲು ಅಗತ್ಯ ವಸ್ತುದ ಖರೀದಿದ ನೆಪಟ್ ಇಲ್ಲರ್ದ್ ಪಿದಾಯಿ ಬರೊಂದು ಉಲ್ಲೆರ್ . ಇಂಚಾದ್ ಪೇಂಟೆಡ್ ಜನದಟ್ಟಣೆ ಜಾಸ್ತಿ ಆವೊಂದು ಉಂಡು . ಉಂದೆನ್ ತಪ್ಪಾಯರೇ ಹೋಂ ಡೆಲಿವರಿ ವ್ಯವಸ್ಥೆ ಜಾರಿ ಮಲ್ಪುನ ಬಗ್ಗೆ ಜಿಲ್ಲಾಡಳಿತ ಚಿಂತನೆ ಮಲ್ದುಂಡು .

ಈ ನೆಲೆಟ್ಟ್ ಪಾಲಿಕೆ ವತಿರ್ದ್ ಅಂಗಡಿ ಮಾಲಕೆರ್ನ ಸಾಕರಾದೊಟ್ಟುಗು ವಸ್ತುಲೆನ್ ಹೋಂ ಡೆಲಿವರಿ ಮಲ್ಪುನ ಬಗ್ಗೆ ಪಾತೆರಕತೆ ನಡಪಾವೊಂದು ಉಲ್ಲೆರ್ ಪಂದ್ ಪ್ರಕಟಣೆಗ್ ತೆರಿಪಾದೆರ್.