ರಘುಪತಿ ಭಟ್

ಕೇರಳಡ್ ಕೋವಿಡ್ ಜಾಸ್ತಿ ಆಯಿನ ನೆಲೆಟ್ಟ್ ವಿವಿ ಪದವಿ ಪರೀಕ್ಷೆ ದುಂಬು ಪಾರ್ದಿನವು ಸರಿಯಾಯಿನ ಕ್ರಮ ಅತ್ತ್ : ರಘುಪತಿ ಭಟ್

Aug 5, 2021

ಒಡಿಪು : ಕೇರಳಡ್ ಕೋವಿಡ್ ಜಾಸ್ತಿ ಆಯಿನ ನೆಲೆಟ್ಟ್ ಮಂಗಳೂರು ವಿಶ್ವವಿದ್ಯಾನಿಲಯ ಪದವಿ(ಡಿಗ್ರಿ) ಪರೀಕ್ಷೆ ದುಂಬು ಪಾರ್ದಿನವು ಸರಿಯಾಯಿನ ಕ್ರಮ ಅತ್ತ್ . ಅಲ್ಪದ ಜೋಕ್ಲೆಗಾದ್ ಪದವಿ ಪರೀಕ್ಷೆ ದುಂಬು ಪಾರ್ದಿನೆರ್ದಾವರ ನಮ್ಮ ಭಾಗದ ಜೋಕ್ಲೆಗ್ ಅನ್ಯಾಯ ಮಲ್ತಿಲಕ ಆಪುಂಡು . ಪದವಿ ಪರೀಕ್ಷೆ ನಡಪಾವೊಡು ಪಂದ್ ಯಾನ್ ಆಗ್ರಹ ಮಲ್ಪುವೆ ಪಂದ್ ರಘುಪತಿ ಭಟ್ ಪಂಡೆರ್.

ನಮ್ಮ ಭಾಗದ ಜೋಕುಲು ಇತ್ತೆ ಪರೀಕ್ಷೆಗ್ ತಯಾರಿ ಮಲ್ದೆರ್, ಪರೀಕ್ಷೆ ನಡಪಾವಂದೆ ಇತ್ತುಂಡ ಅಕ್ಲೆನ ದುಂಬುದ ಉನ್ನತ ವ್ಯಾಸಂಗಗ್ ಬಂಗ ಆಪುಂಡು ಪಂದ್ ಪಂಡೆರ್ .ಇತ್ತೆ ಪರೀಕ್ಷೆ ದುಂಬು ಪಾಡoದೆ ನಡಪಾದ್ ಕೇರಳದ ಜೋಕ್ಲೆಗ್ ಬೊಕ್ಕ ಬೇತೆನೇ ಪರೀಕ್ಷೆದ ವ್ಯವಸ್ಥೆ ಮಲ್ಪೊಲಿ ಪಂದ್ ಟ್ವೀಟ್ ಮಲ್ದೆರ್ .

ಮಣಿಪಾಲ ಸಿಂಡಿಕೇಟ್ ಸರ್ಕಲ್ ರ್ದ್ ಜಿಲ್ಲಾಧಿಕಾರಿ ಕಚೇರಿ ಮುಟ ಮಾರ್ಗಗ್ ಡಾll ವಿ.ಎಸ್ ಆಚಾರ್ಯ ರಸ್ತೆ ನಾಮಕರಣ – ಸಚಿವ ಜಗದೀಶ್ ಶೆಟ್ಟರ್ – ರಘುಪತಿ ಭಟ್ ಉದಿಪನ

Jul 6, 2021

ಮಣಿಪಾಲ, ಜುಲೈ :6 ಮಣಿಪಾಲ ಸಿಂಡಿಕೇಟ್ ಸರ್ಕಲ್ ರ್ದ್ ಜಿಲ್ಲಾಧಿಕಾರಿ ಕಚೇರಿ ಮುಟದ ಮಾರ್ಗನ್ ಡಾll. ವಿ. ಎಸ್. ಆಚಾರ್ಯ ಮಾರ್ಗ ಪಂದ್ ಇತ್ತೇ ನಾಮಕರಣ ಮಲ್ದೆರ್ , ಈ ಮಾರ್ಗನ್ ಡಾll. ವಿ.ಎಸ್ ಆಚಾರ್ಯ ಮೆರ್ನ ಪುಟ್ಟುದಿನ ಆಯಿನ ತಾರೀಖ್ 06-07-2021 ಕ್ಕ್ ಬೃಹತ್ ಬೊಕ್ಕ ಮಧ್ಯಮ ಕೈಗಾರಿಕೆ ಸಚಿವೆರಾಯಿನ ಜಗದೀಶ್ ಶೆಟ್ಟರ್ ಮೆರೆನೊಟ್ಟಿಗೆ ಶಾಸಕ ಶ್ರೀ ಕೆ ರಘುಪತಿ ಭಟ್ ಮೇರ್ ನಾಮ ಫಲಕದ ಉದಿಪನ ಮಲ್ತ್ ಅಧಿಕೃತವಾದ್ ಘೋಷನೆ ಮಲ್ತ್ ಡಾll ವಿ.ಎಸ್ ಆಚಾರ್ಯ ಮೆರ್ನ ಪ್ರತಿಮೆಗ್ ಮಾಲಾರ್ಪಣೆ ಮಲ್ತೆರ್.

ಈ ಪೊರ್ತುಡು ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಓಡಿಪು ನಗರಾಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ರಾಘವೇಂದ್ರ ಕಿಣಿ, ಒಡಿಪು ನಗರ ಸಭೆತ ಗುರ್ಕಾರ್ಲಾಯಿನ ಸುಮಿತ್ರಾ ಆರ್ ನಾಯಕ್, ಉಪಾಧ್ಯಕ್ಷರಾಯಿನ ಲಕ್ಷ್ಮೀ ಮಂಜುನಾಥ ಕೊಳ, ನಗರ ಸಭೆಯ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಗಿರೀಶ್ ಅಂಚನ್, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಯಶ್ ಪಾಲ್ ಸುವರ್ಣ, ಬಿಜೆಪಿ ಜಿಲ್ಲಾಧ್ಯಕ್ಷರಾಯಿನ ಕುಯಿಲಾಡಿ ಸುರೇಶ್ ನಾಯಕ್, ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾದ ಗುರ್ಕಾರ್ಲಾಯಿನ ವೀಣಾ ಶೆಟ್ಟಿ ಬೊಕ್ಕ ಜಿಲ್ಲಾಧಿಕಾರಿಲೆನ ಜಿ ಜಗದೀಶ್, ನಗರ ಸಭೆತ ಅಧಿಕಾರಿಲು ಬೊಕ್ಕ ನಗರ ಸಭೆತ ಸದಸ್ಯೆರ್ ಬೊಕ್ಕ ಡಾll. ವಿ. ಎಸ್ ಆಚಾರ್ಯರ ಮಗೆ ಆಯಿನ ಕಿರಣ್ ಆಚಾರ್ಯ, ರವಿರಾಜ್ ಆಚಾರ್ಯ ಪಾಲ್ ಪಡೆದಿತ್ತೆರ್.

ಟ್ಯಾಬ್ಲೆಟ್ ಪಿಸಿ ರ್ದ್ ಆನ್ಲೈನ್ ವಿದ್ಯಾಭ್ಯಾಸಗ್ ಅನುಕೂಲ : ರಘುಪತಿ ಭಟ್

Jun 24, 2021

ಒಡಿಪು, ಜೂನ್ 24: ಕೋವಿಡ್ ಸಂಕಷ್ಟದ ನೆಲೆಟ್ಟ್ ಜೋಕ್ಲೆಗ್ ವಿದ್ಯಾಭ್ಯಾಸಗ್ ಅನುಕೂಲ ಆಪಿನ ನೆಲೆಟ್ಟ್ , ಸರಕಾರ ಮಾತಾ ಸರಕಾರಿ ಕಾಲೇಜ್ ದ ಪದವಿ ಜೋಕ್ಲೆಗ್ ಉಚಿತ ಟ್ಯಾಬ್ಲೆಟ್ ಪಿಸಿ ಕೊರೊಂದು ಉಲ್ಲೆರ್ , ನೆರ್ದಾವರ ಜೋಕ್ಲೆಗ್ ಆನ್‌ಲೈನ್ ತರಗತಿಗ್ ಹಾಜರಾಯೆರೆ ಅನುಕೂಲ ಆಯೆರೆ ಉಂಡು . ಈ ಲೇಸ್ ಕೋಡೆ ಮುಖ್ಯಮಂತ್ರಿಲು , ಉನ್ನತ ಶಿಕ್ಷಣ ಸಚಿವೆರ್ನ ಸಮ್ಮುಖಡ್ ಚಾಲನೆ ಕೊರೊಂದು ಉಪ್ಪುನ ಅಭಿನಂದನೀಯ ಪಂದ್ ಶಾಸಕ ರಘುಪತಿ ಭಟ್ ಪಂಡೆರ್ .

ಮೇರ್ ಕೋಡೆ ಅಜ್ಜರಕಾಡು ಡಾ.ಜಿ. ಶಂಕರ್ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜ್ ಡ್ , ಕಾಲೇಜು ಶಿಕ್ಷಣ ಇಲಾಖೆ ಸರಕಾರಿ ಪ್ರಥಮ ದರ್ಜೆ ಕಾಲೇಜು ತೆಂಕನಿಡಿಯೂರು ಬೊಕ್ಕ ಡಾ.ಜಿ.ಶಂಕರ್ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಅಜ್ಜರಕಾಡು ಮೆರ್ನ ಸಂಯುಕ್ತ ಆಶ್ರಯಡ್ ನಡತಿನ ಸ್ಮಾರ್ಟ್ಕ್ಲಾಸ್ ರೂಂದ ಉದಿಪನ ಬೊಕ್ಕ ಪ್ರಥಮ ಪದವಿ ಜೋಕ್ಲೆಗ್ ಉಚಿತ ಟ್ಯಾಬ್ಲೆಟ್ ಪಿ.ಸಿ ವಿತರಣೆ ಲೇಸ್ ನ್ ಉದಿಪನ ಮಲ್ತ್ ಕೊರಿಯೆರ್.

ಒಡಿಪು ಜಿಲ್ಲಾಸ್ಪತ್ರೆಡ್ ಪೊಸ ಆಕ್ಸಿಜನ್ ಘಟಕ ನಿರ್ಮಾಣ – ಜಿಲ್ಲಾಡಳಿತದೊಟ್ಟುಗು ಶಾಸಕ ರಘುಪತಿ ಭಟ್ ಜಾಗೆ ಪರಿಶೀಲನೆ

May 4, 2021

ಒಡಿಪು, ಮೇ 04: ಒಡಿಪು ಜಿಲ್ಲೆಡ್ ಕೋವಿಡ್ – 19 ಸೋಂಕಿತೆರ್ನ ಚಿಕಿತ್ಸೆಗ್ ಆಕ್ಸಿಜನ್ ಸಮಸ್ಯೆ ಆವಂದಿಲಕ ಪೊಸ ಆಕ್ಸಿಜನ್ ಘಟಕ ನಿರ್ಮಾಣಗ್ ತಯಾರಿ ನಡತೊಂದು ಉಂಡು. ಈ ಸಂಬಂಧ ಇನಿ ತಾರೀಖ್ 04-05-2021 ದಾನಿ ಒಡಿಪು ಜಿಲ್ಲಾ ಆಸ್ಪತ್ರೆದ ಜಾಗೆಡ್ ಪೊಸ ಆಕ್ಸಿಜನ್ ಘಟಕ ನಿರ್ಮಾಣ ಮಲ್ಪರೆ ಜಿಲ್ಲಾಡಳಿತದ ಅಧಿಕಾರಿಲೆನ ಒಟ್ಟುಗು ಶಾಸಕ ರಘುಪತಿ ಭಟ್ ಜಾಗೆದ ಪರಿಶೀಲನೆ ಮಲ್ತೆರ್.

ಬೆಗೋಡೆ ಆಕ್ಸಿಜನ್ ಘಟಕ ನಿರ್ಮಾಣ ಆದ್ ಬೇಲೆ ಮಲ್ಪರೆ ಉಂಡು. ಈ ಘಟಕ ದಿನಕ್ 100 ಸಿಲಿಂಡರ್ ಜಿಂಜಾವುನ ಸಾಮರ್ಥ್ಯನ್ ಪಡೆದುಂಡು.

ಜಿಲ್ಲಾಧಿಕಾರಿ ಜಿ. ಜಗದೀಶ್, ಜಿಲ್ಲಾ ಆರೋಗ್ಯ ಅಧಿಕಾರಿ ಸುಧೀರ್ ಚಂದ್ರ ಸೂಡ, ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾll ಮಧುಸೂದನ್ ನಾಯಕ್, ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು, ಕೋವಿಡ್ ನೋಡಲ್ ಅಧಿಕಾರಿ ಡಾll ಪ್ರಶಾಂತ್ ಭಟ್ ಪಾಲ್ ಪಡೆದಿತ್ತೆರ್ .