ಕುಡ್ಲ : ನಾಲ್ ಗೋಡೆದ ನಡುಟ್ಟು ಇತ್ತಿನ ಪೊಂಜೊವ್ಲೆನ ಮನಸ್ ಗೆಂದ್ದ್ ಸಂಘಟನೆ ಕಟ್ಟುನವು ಸುಲಭದ ಬೇಲೆ ಅತ್ತ್. ಬದಲಾವಣೆಗ್ ಮನಸ್ ಮಲ್ಪಂದಿನ, ಆತ್ಮಸ್ಥೈರ್ಯ ಇಜ್ಜಾಂದಿನ ಪೊಂಜೊವ್ಲೆನ್ ಒಟ್ಟುಸೇರ್ಸಾದ್ ಸಂಘಟನೆ ಕಟ್ಟುನು ಮಲ್ಲ ಸಾಹಸ. ಪೊಂಜೊವ್ಲೆನ ಸ್ವಾಯತ್ತ ಬದ್ಕ್ಗ್ ಸಂಘಟನೆ ಬೋಡೇ ಬೋಡು. ಈ ನಿಲೆಟ್ಟ್ ಸುಮಲತ ಎನ್ ಸುವರ್ಣ ಮೇರ್ ಒಡಿಪು ಬೊಕ್ಕ ದಕ್ಷಿಣಕನ್ನಡ ರಡ್ಡ್ ಜಿಲ್ಲೆದ ಪೊಂಜೋವುಲೆನ್ ಒಟ್ಟು ಸೇರ್ಸಾದ್ ಸ್ನೇಹ, ಬಾಂಧವ್ಯ ಬುಲೆಪಾವರೆ ಬೋಡಾದ್ “ಸ್ನೇಹ ಸೇತು’ ಪನ್ಪಿನ ಲೇಸ್ನ್ ಅಟ್ಟಣೆ ಮಲ್ದಿನೆನ್ ನಮ ಮೆಚ್ಚೊಡು ಪಂದ್ ಬೊಂಬೈದ ಭಾರತ್ ಕೋಆಪರೇಟಿವ್ ಬ್ಯಾಂಕ್ದ ಡೈರೆಕ್ಟರ್ ಶಾರದ ಎಸ್.ಕರ್ಕೇರ ಮೇರ್ ಪಂಡೆರ್.
ಆರ್ ಕುದ್ರೋಳಿದ ಶ್ರೀ ನಾರಾಯಣ ಗುರು ಕಾಲೇಜಿದ ದಾಮೋದರ ಆರ್ ಸುವರ್ಣ ಚಾವಡಿಡ್ ಬಿಲ್ಲವರ ಮಹಿಳಾ ಸಂಘ ಅಟ್ಟಣೆ ಮಲ್ದಿನ “ಸ್ನೇಹ ಸೇತು’ ಲೇಸ್ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಈ ಲೇಸ್ಡ್ ಸಂಶೋಧಕಿ, ಪೆರಿಯ ಸಾಹಿತಿ ಬಿ.ಎಂ.ರೋಹಿಣಿ, ದಕ್ಷಿಣ ಕನ್ನಡ ಜಿಲ್ಲಾ ಮಹಿಳಾ ಒಕ್ಕೂಟ ಬೊಕ್ಕ ಕುಡ್ಲ ತಾಲೂಕು ಮಹಿಳಾ ಮಂಡಳಿಲೆನ ಒಕ್ಕೂಟದ ಗುರ್ಕಾರ್ದಿ ಚಂಚಲ ತೇಜೋಮಯ ಮೆರೆನ್ ಮಾನಾದಿಗೆ ಮಲ್ತೆರ್. ಮಲ್ಲ ಬಿನ್ನೆದಿಯಾದ್ ಬತ್ತ್ ತ್ತಿನ ವಿಶ್ವ ಬಿಲ್ಲವ ಮಹಿಳಾ ಮಹಿಳಾ ಸಂಘದ ಗುರ್ಕಾರ್ದಿ ಊರ್ಮಿಳಾ ರಮೇಶ್ಕುಮಾರ್ ಮಾನಾದಿಗೆ ಮಲ್ತೆರ್. ಸಂಪನ್ಮೂಲ ವ್ಯಕ್ತಿಯಾದ್ ಬತ್ತ್ ತಿನ ಡಾ.ರಮೀಳಾ ಶೇಕರ್ ಮೇರ್ “ಮಹಿಳಾ ಸಬಲೀಕರಣದಲ್ಲಿ ಮನಸ್ಥಿತಿಯ ಪಾತ್ರ’ ಪನ್ಪಿನ ವಿಚಾರೊಡು ಮದಿಪು ಕೊರಿಯೆರ್.
ಲೇಸ್ದ ಗುರ್ಕಾರ್ಮೆ ಒಯಿಸ್ದಿತ್ತಿನ ಅಖಿಲ ಭಾರತ ಬಿಲ್ಲವರ ಮಹಿಳಾ ಸಂಘದ ಗುರ್ಕಾರ್ದಿ ಸುಮಲತ ಎನ್. ಸುವರ್ಣ ಮೇರ್ ಪಾತೆರ್ದ್, ಪೊಂಜೋವುಲು ಅಭಿವೃದ್ಧಿ ಆವೊಡಾಂಡ ಮಹಿಳಾ ಸಂಘಟನೆಲೆಡ್ ಉಪ್ಪೊಡು. ಹೋರಾಟದ ಮುಕೇನ ತನ್ನ ಹಕ್ಕ್, ಅವಕಾಶ ಬೊಕ್ಕ ಅಧಿಕಾರೊನು ಪಡೆವೊಂಡು ಪಂಡೆರ್.
ರಡ್ಡ್ ಜಿಲ್ಲೆರ್ದ್ ಲ ಬೈದಿನ ಬೇತೆ ಬೇತೆ ಬಿಲ್ಲವ ಸಂಘದ ಮಹಿಳಾ ಪ್ರತಿನಿಧಿನಕುಲು ಅಕ್ಲೆನ ಅಭಿಪ್ರಾಯ ತೆರಿಪಾಯೆರ್. ಮಲ್ಲ ಕಾರ್ಯಂತೆರ್ ಸುಖಲಾಕ್ಷಿ ವೈ.ಸುವರ್ಣ ಬಿನ್ನೆರೆನ್ ಸ್ವಾಗತ ಮಲ್ತ್ ದ್ ಲೇಸ್ ಸುಧಾರಿಕೆ ಮಲ್ತೆರ್. ಸಾಂಸ್ಕೃತಿಕ ಕಾರ್ಯಂತೆರ್ ಶಕೀಲಾ ರಾಜ್ ಪ್ರಾಸ್ತಾವಿಕ ಪಾತೆರಿಯೆರ್. ಒತ್ತು ಗುರ್ಕಾರ್ದಿ ದೇವಕಿ ಆರ್. ಉಳ್ಳಾಲ್ ಸೊಲ್ಮೆ ಸಂದಾಯೆರ್.
ಕೋಟ ಕುಂದಾಪುರ ಬಿಲ್ಲವ ಸಂಘದ ಮಹಿಳಾ ಸದಸ್ಯೆರೆರ್ದ್ ಚೆಂಡೆ ಕಾರ್ಯಕ್ರಮ ಇತ್ತ್ಂಡ್. ಅವೆರ್ದ್ ಬೊಕ್ಕ ಸಂಘದ ಸದಸ್ಯೆರೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.
Co-operative spirit necessary for women’s empowerment: Sharada S Karkera
Mangalore: Women empowerment is necessary in today’s world.It is a herculean task in fill in courage and bring in a change in their outlook in life . A spirit of cooperation is necessary to help these women who have been cooped in the four walls of their home.
“In this regard Sumalatha N Suvarna who has organised a platform ” SnehaSeethu” to help women in DK and Udupi districts is praise worthy” said Sharda Karkera director of Bharat cooperative bank , Mumbai.
She was speaking at “SnehaSeethu” a program organised at Sri Narayan guru college. Dr Rameela Shekhar spoke on the topic Mental health in women’s empowerment.
Ladies who had come down from different billawa societies spoke about opinion on the topic.Entertainment program followed after the formal function
ನೆಂಪುಡು…