ಮಾರ್ಗಸೂಚಿ

ಆ.23 ರ್ದ್ ಶಾಲೆ ಸುರು : ಮಾರ್ಗಸೂಚಿ ಬುಡುಗಡೆ

Aug 18, 2021

ಬೆಂಗ್ಳೂರು : ಆಗಸ್ಟ್ 23ರ್ದ್ ರಾಜ್ಯಡ್ ಸರ್ಕಾರಿ, ಅನುದಾನಿತ ಬೊಕ್ಕ ಅನುದಾನ ರಹಿತ ಪ್ರೌಡ ಶಾಲೆದ 9 ಬೊಕ್ಕ 10ನೇ ತರಗತಿ ಜೋಕ್ಲೆಗ್ ಶಾಲೆನ್ ಪೂರ್ಣ ಪ್ರಮಾಣಡ್ ಸುರು ಮಲ್ತ್, ಬೋಧನಾ ತರಗತಿಲೆನ್ ನಡಪಾದ್ , ಮಾರ್ಗಸೂಚಿ ಕ್ರಮನ್ ಬುಡುಗಡೆ ಮಲ್ದೆರ್ .

ಈ ಬಗ್ಗೆ ಸಾರ್ವಜನಿಕ ಶಿಕ್ಷಣ ಇಲಾಖೆದ ಆಯುಕ್ತೆರ್ ಮಾರ್ಗಸೂಚಿ ಬುಡುಗಡೆ ಮಲ್ದೆರ್ , 2021-22ನೇ ಶೈಕ್ಷಣಿಕ ವರ್ಷದ ಶಾಲೆ ಸುರು ಮಲ್ಪುನ ಬಗ್ಗೆ ಮುಖ್ಯಮಂತ್ರಿಲೆನ ಗುರ್ಕಾರ್ಮೆಡ್ ಆರೋಗ್ಯ ಇಲಾಖೆದ ಕೋವಿಡ್ ತಾಂತ್ರಿಕ ಸಲಹಾ ಸಮಿತಿದ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಇಲಾಖೆದ ಪೆರಿಯ ಅಧಿಕಾರಿಲೆನ ಸಭೆಟ್ ಚರ್ಚೆ ಮಲ್ತ್ , ಆ.23 ರ್ದ್ ರಾಜ್ಯಡ್ ಕೋವಿಡ್-19 ದ ಸೋಂಕುದ ಪ್ರಮಾಣ ಶೇ.2ರ್ದ್ ಕಮ್ಮಿ ಉಪ್ಪುನ ಜಿಲ್ಲೆಡ್ 9ನೇ ಬೊಕ್ಕ 10ನೇ ತರಗತಿಲೆನ್ ಸುರು ಮಲ್ಪರೆ ಮಾತಾ ಕರ್ನಾಟಕ ರಾಜ್ಯ ಸರ್ಕಾರದ ಸರ್ಕಾರಿ, ಅನುದಾನಿತ ಬೊಕ್ಕ ಅನುದಾನ ರಹಿತ ಶಾಲೆನ್ ಸುರು ಮಲ್ಪರೆ ನಿರ್ಧಾರ ಮಲ್ದೆರ್.

ಧಾರ್ಮಿಕ ಕೇಂದ್ರಗ್ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ತಿನ ಸರಕಾರ

Jul 26, 2021

ಬೆಂಗ್ಳೂರು, ಜುಲೈ 26: ಕೋವಿಡ್ ಮುಂಜಾಗ್ರತಾ ಕ್ರಮಕ್ಲೆನ್ ಕಟ್ಟುನಿಟ್ಟಾದ್ ಪಾಲಿಸಾದ್ ಬೊಕ್ಕ ಸರಕಾರ ಕೊರಿನ ಮಾರ್ಗಸೂಚಿಲೆನ್ ಪಾಲಿಸಾದ್ ರಾಜ್ಯಾದ್ಯಂತ ಇನಿರ್ದ್ ಪೂಜಾ ಜಾಗೆನ್ ದೆಪ್ಪರೆ ಬೊಕ್ಕ ಸಂಬಂಧಿತ ಚಟುವಟಿಕೆಲೆನ್ ನಡಪಾಯರೇ ಸರಕಾರ ಅನುಮತಿ ಕೊರ್ತುಂಡು .

ಈ ಸಂಬಂಧ ರಾಜ್ಯ ಸರಕಾರ ಶನಿವಾರ ಮಾರ್ಗಸೂಚಿ ಕೊರ್ತುಂಡು . ಆಂಡ ಜನ ಸೇರುನ ಜಾತ್ರೆ, ಉಚ್ಚಯ , ಮೆರವಣಿಗೆಗ್ ಅವಕಾಶ ಇಜ್ಜಿ .

ಯುಜಿಸಿ ಮಾರ್ಗಸೂಚಿದ ಪ್ರಕಾರ ಡಿಪ್ಲೋಮ ಪರೀಕ್ಷೆ : ಮಂಜುನಾಥ್

Jul 22, 2021

ಬೆಂಗ್ಳೂರು, ಜುಲೈ 22: ಯುಜಿಸಿ ಕೊರಿನ ಮಾರ್ಗದರ್ಶನದಲಕ ಡಿಪ್ಲೊಮಾ ಪರೀಕ್ಷೆ ನಡಪಾವುನ ಬಗ್ಗೆ ಆಯಿನಾತ್ ಬೇಗ ತೀರ್ಮಾನ ದೆತೊನುವ ಪಂದ್ ತಾಂತ್ರಿಕ ಶಿಕ್ಷಣ ನಿರ್ದೇಶನಾಲಯದ ನಿರ್ದೇಶಕ ಮಂಜುನಾಥ್ ಪಂಡೆರ್.

ಸೋಮವಾರ ಮಧ್ಯಂತರ ಪರೀಕ್ಷೆನ್ ಉoತಾದ್ ಕೇವಲ ಅಂತಿಮ ಸೆಮಿಸ್ಟರ್ ಪರೀಕ್ಷೆನ್ ಮಾತ್ರ ಕಡ್ಡಾಯವಾದ್ ನಡಪಾವೊಡು ಪಂದ್ ಒತ್ತಾಯ ಮಲ್ತ್ ಎಐಡಿಎಸ್‍ಒ ಮುತಾಲಿಕೆಡ್ ನಡತಿನ ಡಿಪ್ಲೊಮಾ ಜೋಕ್ಲೆನ ಪ್ರತಿಭಟನೆಗ್ ಪ್ರತಿಕ್ರಿಯೆ ಮಲ್ತಿನ ಆರ್, ಯುಜಿಸಿ ಮಾರ್ಗದರ್ಶನ್ ಅನುಷ್ಠಾನಗ್ ಕನಪಿನ ನೆಲೆಟ್ಟ್ ತಾಂತ್ರಿಕ ಶಿಕ್ಷಣ ನಿರ್ದೇಶನಾಲಯ ನನ ರಡ್ಡ್ ದಿನಟ್ ಸುತ್ತೋಲೆ ಕೊರ್ಪುಂಡು ಪಂದ್ ಪಂಡೆರ್.

ಕೋವಿಡ್ ಮಾರ್ಗಸೂಚಿ ಪಾಲಿಸಾದ್ ನಮಾಜ್ ಮಲ್ಪರೆ ಮಾಣಿ ಉಸ್ತಾದ್ ಕರೆ

Jul 18, 2021

ಕುಡ್ಲ, ಜುಲೈ 18: ಸರಕಾರದ ಕೋವಿಡ್ ಮಾರ್ಗಸೂಚಿನ್ ಪಾಲಿಸಾವುನ ಮುಖೇನ ಈದ್ ನಮಾಝ್ ಬೊಕ್ಕ ಖುತ್ಬಾನ್ ಆನಿ ಕಾಂಡೆ ಆಯಿನಾತ್ ಬೇಗ ಮಲ್ಪರೆ ಮಾತಾ ಮೊಹಲ್ಲಾಡ್ ಪ್ರಯತ್ನ ಮಲ್ಪೊಡು ಪಂದ್ ಒಡಿಪು, ಚಿಕ್ಕಮಗಳೂರು, ಹಾಸನ, ಸಂಯುಕ್ತ ಜಮಾಅತ್ ಬೊಕ್ಕ ದ.ಕ. ಜಿಲ್ಲೆದ ಬೇತೆ ಬೇತೆ ಮೊಹಲ್ಲಾದ ಖಾಝಿ ಝೈನುಲ್ ಉಲಮಾ ಎಂ. ಅಬ್ದುಲ್ ಹಮೀದ್ ಮುಸ್ಲಿಯಾರ್ ಮಾಣಿ ತೆರಿಪಾದೆರ್ .

ಮಸೀದಿಡ್ ಕೋವಿಡ್ ಮಾರ್ಗಸೂಚಿ ಪಾಲಿಸಾಯೆರೆ ಖಾಝೀ ಮಾಣಿ ಉಸ್ತಾದ್ ಕರೆ

Jul 6, 2021

ಕುಡ್ಲ, ಜುಲೈ 6: ಮಾತಾ ಮಸೀದಿ, ದರ್ಗಾಡ್ ಕೋವಿಡ್ ಮಾರ್ಗಸೂಚಿ ಪಾಲಿಸಾವೊಡು ಪಂದ್ ಒಡಿಪು , ಚಿಕ್ಕಮಗಳೂರು, ಶಿವಮೊಗ್ಗ, ಹಾಸನ ಸಂಯುಕ್ತ ಜಮಾಅತ್ ಬೊಕ್ಕ ದ.ಕ ಜಿಲ್ಲೆದ ಬೇತೆ ಬೇತೆ ಮೊಹಲ್ಲಾದ ಖಾಝಿ ಝೈನುಲ್ ಉಲಮಾ ಎಂ.ಅಬ್ದುಲ್ ಹಮೀದ್ ಮುಸ್ಲಿಯಾರ್ ಮಾಣಿ ಕರೆ ಕೊರ್ತೆರ್ .

ಕೋವಿಡ್ -19 ಮಾರ್ಗಸೂಚಿ ಪಾಲಿಸಾವುನ ಷರತ್ತ್ ದೊಟ್ಟುಗು ಮಸೀದಿ ಬೊಕ್ಕ ದರ್ಗಾಲೆನ್ ಸುರು ಮಲ್ಪರೆ ರಾಜ್ಯ ಸರಕಾರ ಅನುಮತಿ ಕೊರ್ತುಂಡು . ಈ ಸಂಬಂಧ ಸರಕಾರ ಬೊಕ್ಕ ರಾಜ್ಯ ವಖ್ಫ್ ಮಂಡಳಿ ಸುತ್ತೋಲೆ ಕೊರ್ತುಂಡು . ಮಾತಾ ಮಸೀದಿ ದರ್ಗಾಡ್ ಕೋವಿಡ್ ಮಾರ್ಗಸೂಚಿನ್ ಪಾಲಿಸಾವೊಡು ಪಂದ್ ಆರ್ ಪ್ರಕಟಣೆಡ್ ತೆರಿಪಾದುಂಡು.

ಎಸ್ಎಸ್ಎಲ್ ಸಿ : ಅಧಿಕಾರಿಲೆಗ್ ಮಾರ್ಗಸೂಚಿ

Jun 25, 2021

ಬೆಂಗ್ಳೂರು, ಜೂನ್ 25: ಜುಲೈಡ್ ನಡಪರೇ ಉಪ್ಪುನ ಎಸೆಸೆಲ್ಸಿ ಪರೀಕ್ಷೆಗ್ ಸಂಬಂಧಿಸಾದ್ ಇಲಾಖೆದ ಬೇತೆ ಬೇತೆ ಹಂತದ ಅಧಿಕಾರಿಲು ಬೊಕ್ಕ ಸಿಬಂದಿ ವರ್ಗದಕುಲು ಮಲ್ಪೋಡಾಯಿನ ಕರ್ತವ್ಯ ಬೊಕ್ಕ ಜವಾಬ್ದಾರಿದ ಬಗ್ಗೆ ಗುರುವಾರ ಸುತ್ತೋಲೆ ಕೊರ್ತೇರ್ .

ಖಾಸಗಿ ಪರೀಕ್ಷಾ ಕೇಂದ್ರಗ್ ಸರಕಾರಿ ಪ್ರೌಢಶಾಲಾ ಮುಖ್ಯ ಶಿಕ್ಷಕೆರೆನ್ ಪರೀಕ್ಷಾ ಮುಖ್ಯ ಅಧೀಕ್ಷಕೆರಾದ್ ನೇಮಕ ಮಲ್ಪುನ ಕಡ್ಡಾಯ. ಪರೀಕ್ಷಾ ಕೊಠಡಿಡ್ ಪರೀಕ್ಷಾರ್ಥಿಲೆಗ್ ಅನ್‌ಲಾಗ್‌/ಮೆಕ್ಯಾನಿಕ್‌ ಕೈಗಡಿಯಾರ ಬಳಕೆ ಮಲ್ಪರೆ ಅವಕಾಶಲ್ ಉಂಡು . ಆಂಡ ಡಿಜಿಟಲ್‌ ಬೊಕ್ಕ ಸ್ಮಾರ್ಟ್‌ ವಾಚ್‌ ಬಳಕೆ ಮಲ್ಪರೆ ಇಜ್ಜಿ . ಕನಿಷ್ಠ ಒಂಜಿ ಡೋಸ್‌ ಕೋವಿಡ್‌ ಲಸಿಕೆ ಪಡೆಯಿನ ಅಧಿಕಾರಿ ಬೊಕ್ಕ ಸಿಬಂದಿಲೆನ್ ಪರೀಕ್ಷಾ ಕಾರ್ಯಗ್ ನಿಯೋಜನೆ ಮಲ್ಪರೆ ಸೂಚನೆ ಕೊರ್ತೆರ್.

ಮಾರ್ಗಸೂಚಿ ಉಲ್ಲಂಘನೆ ಮಲ್ಪಂದಿಲಕ ತೂವೊನೊಡು : ಕೋಟ ಶ್ರೀನಿವಾಸ ಪೂಜಾರಿ

Jun 23, 2021

ಕುಡ್ಲ, ಜೂನ್ 23: ಕೋವಿಡ್-19 ಮಾರ್ಗಸೂಚಿ ಉಲ್ಲಂಘನೆ ಆವಂದಿಲಕ ತೂವೊನ್ಲೆ . ಅಂಚನೇ ದಿನಲ ಕಾಂಡೆ 7 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ವಾಣಿಜ್ಯ ಚಟುವಟಿಕೆ ಮಲ್ಪರೆ ಅವಕಾಶ ಮಲ್ತ್ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಅಧಿಕಾರಿಲೆಗ್ ಸೂಚನೆ ಕೊರಿಯೆರ್ .

ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಅಂಗಾರೆ ನಡತಿನ ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ತುರ್ತು ಸಭೆತ ಗುರ್ಕಾರ್ಮೆ ವಯಿಸ್ದ್ ಆರ್ ಪಾತೆರಿಯೆರ್.

ಕೋವಿಡ್ ಮಾರ್ಗಸೂಚಿ ಉಲ್ಲಂಘನೆ : ಕಾಪುಡು 92 ಗಾಡಿ ಪೊಲೀಸೆರ್ನ ವಶ

May 22, 2021

ಕಾಪು, ಮೇ 22: ಕಾಪು ಇನ್ಸ್‍ಪೆಕ್ಟರ್ ಕಚೇರಿ ವ್ಯಾಪ್ತಿಡ್ ಒಟ್ಟು 92 ಗಾಡಿಲೆನ್ ಜಪ್ತಿ ಮಲ್ದೆರ್ . ಕೋವಿಡ್-19 ಮಾರ್ಗಸೂಚಿ ಉಲ್ಲಂಘನೆ ಮಲ್ತಿನ ಪ್ರಕರಣಗ್ ಸಂಬಂಧಿ ಎಪ್ರಿಲ್ 21ರ್ದ್ ಮೇ 20 ಮುಟ ಒಟ್ಟು 41 ಪ್ರಕರಣಲು ಬೊಕ್ಕ ಅನಗತ್ಯ ವಾಹನ ಸಂಚಾರಗ್ ಸಂಬಂಧ 92 ಗಾಡಿದ ವಿರುದ್ಧ ಪ್ರಕರಣ ಧಾಖಲಾತುಂಡು .

ಬೇತೆ ಬೇತೆ ಕಡೆ ಮಾರ್ಗಸೂಚಿ ಉಲ್ಲಂಘನೆ ಸಂಬಂಧ ಕಾಪು ಇನ್ಸ್‍ಪೆಕ್ಟರ್ ಕಚೇರಿರ್ದ್ 10, ಕಾಪು ಠಾಣೆಡ್ 12, ಶಿರ್ವ 8, ಪಡುಬಿದ್ರಿ 11 ಪ್ರಕರಣಲು ದಾಖಲಾತುಂಡು . ಅನಗತ್ಯ ವಾಹನ ಸಂಚಾರಗ್ ಸಂಬಂಧ ಕಾಪು ಇನ್ಸ್ ಪೆಕ್ಟರ್ ಕಚೇರಿರ್ದ್ 17 ಗಾಡಿ , ಕಾಪು ಠಾಣೆ ವ್ಯಾಪ್ತಿಡ್ 37 ಗಾಡಿ , ಶಿರ್ವ ಠಾಣಾ ವ್ಯಾಪ್ತಿಡ್ 23 ವಾಹನಲು , ಪಡುಬಿದ್ರಿ ಠಾಣಾ ವ್ಯಾಪ್ತಿಡ್ 15 ಗಾಡಿ ಸೇರಿ ಒಟ್ಟು 92 ಗಾಡಿಲೆನ್ ವಶಕ್ ದೆತೊoದೆರ್ ಪಂದ್ ಇನ್ಸ್‍ಪೆಕ್ಟರ್ ಪ್ರಕಾಶ್ ತೆರಿಪಾದೆರ್ .

ಜಿಲ್ಲೆಡ್ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ದ್ ಜಿ : ಡಿ.ಸಿ.ಸ್ಪಷ್ಟನೆ

May 20, 2021

ಪುತ್ತೂರು, ಮೇ 20: ಕೋವಿಡ್ ನಿಯಂತ್ರಣಗ್ ಸಂಭಂದ ಪಟ್ಟಿನoಚ ದಕ್ಷಿಣ ಕನ್ನಡಡ್ ಒವ್ವೆ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ದುಜ , ಸದ್ಯಗ್ ಇತ್ತೆದ ಮಾರ್ಗಸೂಚಿಯೇ ಜಾರಿಡ್ ಉಪ್ಪುಂಡು ಪಂದ್ ದ.ಕ.ಜಿಲ್ಲಾಧಿಕಾರಿ ಡಾ.ಕೆ.ವಿ ರಾಜೇಂದ್ರ ಪ್ರಕಟಣೆಡ್ ಪಂಡೆರ್. ದ.ಕ.ಜಿಲ್ಲೆಡ್ ಕೆಲವು ನಿರ್ಬಂಧದೊಟ್ಟುಗು ಪೊಸ ಮಾರ್ಗಸೂಚಿ ಬುಡುಗಡೆ ಆಪುಂಡು , ವಾರಡ್ ರಡ್ಡ್ ದಿನ ಮಾತ್ರ ಸಾಮಾಗ್ರಿ ಖರೀದಿಗ್ ಅವಕಾಶ ,ಮದಿಮೆ ಸಮಾರಂಭಗ್ ಅವಕಾಶ ಇಜ್ಜಿ ಪಂದ್ ಸಾಮಾಜಿಕ ಜಾಲತಾಣ ಬೊಕ್ಕ ವೆಬ್ ಮಾಧ್ಯಮಡ್ ಬರೊಂದು ಉಪ್ಪುನ ವರದಿದ ಬಗ್ಗೆ ಜಿಲ್ಲಾಧಿಕಾರಿಡ ಮಾಹಿತಿ ಕೇನ್ನಗ ಅವು ತಪ್ಪು ಮಾಹಿತಿ ಪಂದ್ ಡಾ.ಕೆ.ವಿ.ರಾಜೇಂದ್ರ ಸ್ಪಷ್ಟನೆ ಕೊರ್ತೆರ್ .

ಕೋವಿಡ್ -19 ಮಾರ್ಗಸೂಚಿನ್ ಉಲ್ಲಂಘನೆ ಮಲ್ಪುನಕ್ಲೆನ ವಿರುದ್ಧ ಕ್ರಮ

May 8, 2021

ಗುರುಪುರ, ಮೇ 8: ಅನಗತ್ಯವಾದ್ ತಿರ್ಗೊಂದು ಕೋವಿಡ್ -19 ಮಾರ್ಗಸೂಚಿನ್ ಉಲ್ಲಂಘನೆ ಮಲ್ಪುನಕ್ಲೆನ ವಿರುದ್ಧ ಕ್ರಮ ದೆತೊನೆರೆ ದುಂಬು ಬತ್ತಿನ ಗುರುಪುರ ಗ್ರಾಪಂ ಆಡಳಿತ ಕಟ್ಟುನಿಟ್ಟಾದ್ ದಂಡ ಪಾಡರೆ ನಿರ್ಧಾರ ಮಲ್ದೆರ್.

ಗುರುವಾರ ಪಂಚಾಯತ್ ಸಭಾಗೃಹಡ್ ಕೋವಿಡ್ ನಿಯಂತ್ರಣ ವಿಷಯಗ್ ಸಂಬಂಧಿ ಸಭೆ ನಡಪಾಯಿನ ಆಡಳಿತ ಜಿಲ್ಲಾಡಳಿತದ ಸೂಚನೆ ದ ಪ್ರಕಾರ ಕೋವಿಡ್ ಬಗ್ಗೆ ಜನಜಾಗೃತಿ, ಆದೇಶ ಉಲ್ಲಂಘನೆ ಮಲ್ತಿನಕ್ಲೆನ ವಿರುದ್ಧ ದಂಡ ಹೇರಿಕೆ ಬೊಕ್ಕ ಕೈತಲ್ ದ ಸಂಘ-ಸಂಸ್ಥೆದ ಪ್ರತಿನಿದಿಲು ಉಪ್ಪುನ ವಿಶೇಷ ಕಾರ್ಯ ಪಡೆ ರಚನೆ ಮಲ್ಪರೆ ನಿರ್ಧಾರ ಮಲ್ತೆರ್.

ಮಾರ್ಗಸೂಚಿ

ಆ.23 ರ್ದ್ ಶಾಲೆ ಸುರು : ಮಾರ್ಗಸೂಚಿ ಬುಡುಗಡೆ

ಧಾರ್ಮಿಕ ಕೇಂದ್ರಗ್ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ತಿನ ಸರಕಾರ

ಯುಜಿಸಿ ಮಾರ್ಗಸೂಚಿದ ಪ್ರಕಾರ ಡಿಪ್ಲೋಮ ಪರೀಕ್ಷೆ : ಮಂಜುನಾಥ್

ಕೋವಿಡ್ ಮಾರ್ಗಸೂಚಿ ಪಾಲಿಸಾದ್ ನಮಾಜ್ ಮಲ್ಪರೆ ಮಾಣಿ ಉಸ್ತಾದ್ ಕರೆ

ಮಸೀದಿಡ್ ಕೋವಿಡ್ ಮಾರ್ಗಸೂಚಿ ಪಾಲಿಸಾಯೆರೆ ಖಾಝೀ ಮಾಣಿ ಉಸ್ತಾದ್ ಕರೆ

ಎಸ್ಎಸ್ಎಲ್ ಸಿ : ಅಧಿಕಾರಿಲೆಗ್ ಮಾರ್ಗಸೂಚಿ

ಮಾರ್ಗಸೂಚಿ ಉಲ್ಲಂಘನೆ ಮಲ್ಪಂದಿಲಕ ತೂವೊನೊಡು : ಕೋಟ ಶ್ರೀನಿವಾಸ ಪೂಜಾರಿ

ಕೋವಿಡ್ ಮಾರ್ಗಸೂಚಿ ಉಲ್ಲಂಘನೆ : ಕಾಪುಡು 92 ಗಾಡಿ ಪೊಲೀಸೆರ್ನ ವಶ

ಜಿಲ್ಲೆಡ್ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ದ್ ಜಿ : ಡಿ.ಸಿ.ಸ್ಪಷ್ಟನೆ

ಕೋವಿಡ್ -19 ಮಾರ್ಗಸೂಚಿನ್ ಉಲ್ಲಂಘನೆ ಮಲ್ಪುನಕ್ಲೆನ ವಿರುದ್ಧ ಕ್ರಮ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ