ಬೀಚ್

ಆಸ್ಟ್ರೇಲಿಯಾ ಬೀಚ್ ಡ್ ವಿಚಿತ್ರ ತರದ ಸೀ ಡ್ರಾಗನ್ ಪತ್ತೆ

Apr 20, 2022

ಸಿಡ್ನಿ : ಆಸ್ಟ್ರೇಲಿಯಾಡ್ ಭಾರಿ ಬರ್ಸ ಬತ್ತಿ ಬೊಕ್ಕ ಸಿಡ್ನಿ ಕಡಲಬರಿಟ್ ಕಳೆ ಇತ್ತಿನ ರೋಮಾಂಚಕ ರಂಗ್ ದ ಸೀಡ್ರಾಗನ್‌ ತೊಜೀದ್ ಬೈದುಂಡು .

ಆಸ್ಟ್ರೇಲಿಯಾಡ್ ಬತ್ತಿನ ದಾಖಲೆ ಬರ್ಸರ್ದ್ ಬೊಕ್ಕ ಕಡಲ ಬರಿಟ್ ಡಜನ್ ಗಟ್ಟಲೆ ಸೀಡ್ರಾಗನ್‌ ತೊಜೀದ್ ಬೈದುಂಡು .
ವೀಡಿ ಸೀಡ್ರಾಗನ್ಸ್ ಪಂದ್ ಲೆಪ್ಪುನ ಈ ಅಸಾಮಾನ್ಯ ಜೀವಿಲೆನ್ ಕ್ರೊನುಲ್ಲಾ, ಮಲಬಾರ್ ಬೊಕ್ಕ ಮಧ್ಯ ಕರಾವಳಿಡ್ ಗುರ್ತಿಸಾದೆರ್.

ಉಂದು ಆಘಾತಕಾರಿ ಮಾಲಿನ್ಯ, ಹವಾಮಾನ ವೈಪರೀತ್ಯದ ಪರಿಣಾಮರ್ದ್ ಇಂಚ ಆದುಪ್ಪು ಪಂದ್ ಸಿಡ್ನಿ ವಿಶ್ವವಿದ್ಯಾಲಯದ ಯೂನಿವರ್ಸಿಟಿ ಆಫ್ ಟೆಕ್ನಾಲಜಿದ ಸಮುದ್ರ ಪರಿಸರ ವಿಜ್ಞಾನದ ಪ್ರಾಧ್ಯಾಪಕ ಡಾ. ಡೇವಿಡ್ ಬೂತ್ ಪಂಡೆರ್ .

Wierd colorful Sea dragons noticed at a beaches in Australia.

Sydney: Heavy rains in the past few days and storm in Australia has brought ashore dozens of sea dragons.Called as Vedi sea dragons these rare creatures were noticed in Cronulla, Malbar and Mid coast.

This phenomenon may be a result of pollution or changing weather conditions says Dr David Booth proffesser of Marine studies at University of Technology , Sydney.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಹೆಜಮಾಡಿ ಕೋಡಿ ಡ್ ಬೀಚ್ ನಿರ್ಮಲ ಮಲ್ಪುನ ಅಭಿಯಾನ

Feb 1, 2022

ಪಡುಬಿದ್ರಿ: ಸ್ವಚ್ಚತಾ ಲೇಸ್ ನಿರಂತರವಾದ್ ಉಪ್ಪಡ್ . ತಮ್ಮ ದಿನನಿತ್ಯದ ಕಜ್ಜಡ್ ನಿರ್ಮಲ ಮಲ್ಪುನವು ತಮ್ಮ ಜೀವನದಲ್ಲಿ ಅಳವಡಿಕೆ ಮಲ್ಪೊಡು . ಈ ಬಗ್ಗೆ ಜಾಗೃತಿ ನಮ್ಮ ಇಲ್ಲರ್ದೆ ಸುರು ಆವೊಡು ಪನ್ಪಿನವು ಮಾತೆರ್ಲ ತೆರಿಯೊನೊಡು ಪಂದ್ ಲಾಲಾಜಿ ಆರ್. ಮೆಂಡನ್ ಪಂಡೆರ್ .

ಮುಲ್ಕಿದ ವಿಜಯ ಕಾಲೇಜು ಜೋಕುಲು ಪಾಲ್ ಪಡೆಯಿನ ಈ ಲೇಸ್ ಡ್ ಮಾತಾ ಜವಣ್ಯೆರೆಗಾದ್ ಜಲ ಜಾಗೃತಿ ಅಭಿಯಾನದ ತರಬೇತಿನ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ರಾಜ್ಯ ಸಂಪನ್ಮೂಲ ವ್ಯಕ್ತಿ ಜೋಸೆಫ್ ಜಿ. ಎಂ. ರೆಬೆಲ್ಲೋ ಕೊರಿಯೆರ್.

ಈ ಪೊರ್ತುಡು ಹೆಜಮಾಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಉಪಾಧ್ಯಕ್ಷೆ ಪವಿತ್ರಾ ಗಿರೀಶ್, ವಿಜಯಾ ಕಾಲೇಜು ಆಡಳಿತ ಮಂಡಳಿ ಸದಸ್ಯ ಮಾಧವ ಸನಿಲ್, ಅನಿವಾಸಿ ಉದ್ಯಮಿ ಹರೀಶ್ ಕೋಟ್ಯಾನ್, ಪೆರಿಯೆರಾಯಿನ ನಾರಾಯಣ ಕೆ. ಮೆಂಡನ್, ಹೇಮಾನಂದ ಕೆ. ಪುತ್ರನ್, ಗ್ರಾಮ ಪಂಚಾಯಿತಿ ಸದಸ್ಯೆರಾಯಿನ ಪಾಂಡುರಂಗ ಸಿ. ಕರ್ಕೇರ, ಲೀಲೇಶ್ ವಿ. ಸುವರ್ಣ, ರೇಶ್ಮಾ ಎ. ಮೆಂಡನ್, ಕರಾವಳಿ ಯುವಕ – ಯುವತಿ ವೃಂದದ ಗುರ್ಕಾರ್ಲಾಯಿನ ಅಶೋಕ್ ವಿ. ಕೆ. ಪಾಲ್ ಪಡೆದಿತ್ತೆರ್.

ಸಸಿಹಿತ್ಲು ಬೀಚ್‌ಡ್ ಜನೊಕ್ಲೆಗ್ ರಕ್ಷಣೆ ಇಜ್ಜಿ: ವಸಂತ್ ಬೆರ್ನಾಡ್ ಆರೋಪ

Jan 15, 2021

ಹಳೆಯಂಗಡಿ: ಜಗತ್ತ್ಡೇ ಮಲ್ಲ ಪುದರ್ ಪಡೆಯಿನ ಸಸಿಹಿತ್ಲು ಮುಂಡಾ ಬೀಚ್‌ಡ್ ಕರಿನ ಒಂಜರೆ ವರ್ಸೊರ್ದಿಂಚಿ ೧೪ ಜನ ನೀರ್‌ಡ್ ಮುರ್ಕುದು ಸೈದೆರ್. ಅವುಲು ಜನೊಕ್ಲೆಗ್ ರಕ್ಷಣೆ ಇಜ್ಜಿ. ಉಂದೆಕ್ಕ್ ಮತಾ ಜಿಲ್ಲಾಡಳಿತದ ನಿರ್ಲಕ್ಷö್ಯ ಕಾರಣ ಪಂಡ್‌ದ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಮಿಟಿ(ಕೆಪಿಸಿಸಿ) ಕೋಆರ್ಡಿನೇಟರ್ ವಸಂತ ಬೆರ್ನಾಡ್ ಆರೋಪ ಮಲ್ತೆರ್.
ಮುಲ್ಕಿ ಬ್ಲಾಕ್ ಕಾಂಗ್ರೆಸ್‌ದ ಕಚೇರಿಡ್ ಗುರುವಾರ ಸುದ್ದಿಗೋಷ್ಠಿಡ್ ಪಾತರ‍್ನ ಆರ್, ಕರಿನ ಸರ್ತಿ ಕಾಂಗ್ರೆಸ್ ಬೆಂಬಲಿತ ಪಂಚಾಯ್ತಿ ಅಧಿಕಾರೊಡು ಉಪ್ಪುನಗ ಬೀಚ್‌ಡ್ ರಕ್ಷಣಾ ಸಿಬ್ಬಂದಿಲೆನ್ ನೇಮಕ ಮಲ್ತ್ದ್ ಅಕ್ಲೆಗ್ ಸಂಬಳಲಾ ಕೊರೊಂದಿತ್ತ್ಡ್. ಆಂಡ ಇತ್ತೆದ ಆಡಳಿತ ಅಕ್ಲೆಗ್ ಸಂಬಳ ಕರ‍್ಪಿನೆನ್ ಉಂತಾದಿನೆರ್ದಾವರ ಅಡೆಗ್ ಬತ್ತಿನ ಪ್ರವಾಸಿಗೆರೆನ್ ರಕ್ಷಣೆ ಮಲ್ಪುನಕುಲೇ ಇಜ್ಜಾದ್ ಪೋತುಂಡು. ಸಿಬ್ಬಂದಿಲೆಗ್ ಸೂಚನೆ ಕೊರಂದೆ ಜಿಲ್ಲಾ ಪಂಚಾಯ್ತಿದ ಸಿಇಒಗ್ ಪಂಡ್‌ದ್ ಪಿಡಿಒ ಸೂಚನೆ ಕರ‍್ದು ಅಕ್ಲೆನ್ ಕೆಲಸೊರ್ದು ದೆತ್ತ್ದ್ ಪಾಡ್ದೆರ್. ಅಂಚಾದ್ ಈತ್ ಪುಗರ್ತೆದ ಬೀಚ್‌ಗ್ ಬತ್ತಿನ ಕೆಲವೆರ್ ಪ್ರಾಣ ಕಳೆವೊಂದೆರ್ ಪಂಡ್‌ದ್ ಬೆರ್ನಾಡ್ ಪಂಡೆರ್.ಸಸಿಹಿತ್ಲು ಬೀಚ್‌ದ ಅಭಿವೃದ್ಧಿಗ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಕಾರಣಕರ್ತೆರ್. ಆಂಡ ಇತ್ತೆದ ಉಸ್ತುವಾರಿ ಸಚಿವೆರ್, ಶಾಸಕೆರ್ ಓಟು ಬನ್ನಗ ಮಾತ್ರ ಈ ಜಾಗೆಗ್ ಭೇಟಿ ಕರ‍್ದು ತಡೆಗೋಡೆ ನಿರ್ಮಾಣ ಮಲ್ಪುವ ಪಂಡ್‌ದ್ ಎಡ್ಡೆ ಪ್ರಚಾರ ದೆತೊಂದೆರ್ ಐರ್ದ್ ಇನಿ ಮುಟ್ಟ ದಾಲ ಅಭಿವೃದ್ಧಿ ಕೆಲಸ ಆತಿಜಿ ಪಂಡ್‌ದ್ ದೂರಿಯೆರ್.ಕಡಲ್‌ಕೊರೆತ ತಡೆಪರೆ ಮಲ್ದಿನ ೨ನೇ ಹಂತದ ತಡೆಗೋಡೆದ ಕೆಲಸ ನನಲಾ ಆತಿಜಿ. ಅವುಲು ಅಗತ್ಯ ಬೋಡುತ್ತಿನ ಮೂಲಸೌಕರ್ಯ ಇಜ್ಜಿ. ಅಂಗಡಿಲು ನೀರ್‌ಡ್ ಪೋತುಂಡು. ತಂಡಾಸ್‌ದ ನಿರ್ವಹಣೆ ಮಲ್ಪುನಕುಲು ಇಜ್ಜಿ.ಇಂಚೊಗು ಪ್ರವಾಸೊಗು ಬೈದಿನ ಕುಟುಂಬದ ಒರಿ ವ್ಯಕ್ತಿ ನೀರ್‌ಡ್ ಮುರ್ಕುದೆರ್. ಬೊಕ್ಕೊರಿಯನ ಪುಣ ನಾಡುನ ವಿಷಯೊಡ್ಲಾ ಜಿಲ್ಲಾಡಳಿತ ಉದಾಸೀನ ಮಲ್ದ್ಂಡ್ ಪಂಡ್‌ದ್ ಆರ್ ಪಂಡೆರ್. ಪ್ರವಾಸಿಗೆರೆಗ್ ಸರಿಯಾಯಿನ ರಕ್ಷಣೆ ಕರ‍್ಪಾಲೆ ಪಂಡ್‌ದ್ ಆಗ್ರಹ ಮಲ್ತೆರ್.

ಸುದ್ದಿಗೋಷ್ಠಿ ಆನಗ ಹಳೆಯಂಗಡಿ ಗ್ರಾಮ ಪಂಚಾಯ್ತಿ ಸದಸ್ಯೆರಾಯಿನ ಧನರಾಜ್ ಕೋಟ್ಯಾನ್, ಅನಿಲ್ ಕುಮಾರ್ ಸಸಿಹಿತ್ಲು, ಚಂದ್ರಕುಮಾರ್,ಅಬ್ದುಲ್ ಖಾದರ್, ಅಬ್ದುಲ್ ಅಜೀಜ್ ಹಳೆಯಂಗಡಿ ಇತ್ತೆರ್.

ಬೀಚ್ ಡ್ಲಾ ಸುರು ಆಯಿನ “ಆಪರೇಷನ್‌ ಸುರಕ್ಷಾ”

Jan 9, 2021

ಸಾರ್ವಜನಿಕ ಜಾಗೆಲೆಡ್ ಅಕ್ರಮ ಕೂಟ, ಅನಗತ್ಯ ಸಂಚಾರ, ಅಕ್ರಮ ಚಟುವಟಿಕೆಲ್ ಉಂತಾಯರೇ “ಆಪರೇಷನ್‌ ಸುರಕ್ಷಾ’ ಸುರು ಮಲ್ದಿನ ಕುಡ್ಲ ಪೊಲೀಸೆರ್ ಇತ್ತೆ ಬೀಚ್‌ ದಲ್ಪಲಾ ಅಕ್ಲೆನ ಕಣ್ಣ್ ದೀತೆರ್ .

ಮಂಗಳೂರು ಪೊಲೀಸ್‌ ಕಮಿಷನರೆಟ್‌ ವ್ಯಾಪ್ತಿದ ತಣ್ಣೀರುಬಾವಿ, ಸುರತ್ಕಲ್‌, ಸೋಮೇಶ್ವರ ಬೊಕ್ಕ ಪಣಂಬೂರು ಬೀಚ್‌ಡ್ ಗುರುವಾರ ರಾತ್ರಿ ದಿಢೀರ್‌ ಕಾರ್ಯಾಚರಣೆ ಮಲ್ದಿನ ಪೊಲೀಸೆರ್ರು 70 ಜನನ್ ವಶಕ್ ದೆತೊಂದು ವಿಚಾರಣೆ ಮಲ್ತೊಂದು ಉಲ್ಲೆರ್. ಸಾರ್ವಜನಿಕೆರ್ನ ದೂರ್ದ ಹಿನ್ನೆಲೆಡ್ ವ್ಯವಸ್ಥಿತವಾದ್ ಕಾರ್ಯಾಚರಣೆ ಮಲ್ದಿನ ಪೊಲೀಸೆರ್ , ಅಕ್ರಮ ಚಟು ವಟಿಕೆಡ್ ಉಪ್ಪುನಕ್ಲೆಗ್ ಬೆಚ್ಚ ಮುಟ್ಟದೆರ್.

Mangalore police have launched an ‘Operation Safeguard’ to prevent illegal gatherings, unwanted traffic and illegal activities in public places.

On Thursday night, 70 people were taken into custody by the police in Tannirubavi, Surathkal, Someshwara and Panambur beaches under Mangalore Police Commissionerate. The police, which have been operating systematically in the wake of complaints from the public, have heated up those who engage in illegal chats.