ಪ್ರಯುಕ್ತ

ಪ್ರಧಾನಿ ನರೇಂದ್ರ ಮೋದಿ ಪುಟ್ಟು ಪರ್ಬದ ಪ್ರಯುಕ್ತ ದೇವಸ್ಥಾನಡ್ ಸೇವೆ

ಕುಡ್ಲ ಸೆಪ್ಟೆಂಬರ್ 18: ಪ್ರಧಾನಮಂತ್ರಿ ನರೇಂದ್ರ ಮೋದಿ 71ನೇ ವರ್ಷದ ಪುಟ್ಟು ಪರ್ಬದ ಪ್ರಯುಕ್ತ , ನರೇಂದ್ರ ಮೋದಿ ಅಭಿಮಾನಿಲು ಕುಡ್ಲದ ಪ್ರಸಿದ್ಧ ಧಾರ್ಮಿಕ ಕ್ಷೇತ್ರಡ್ ವಿಶೇಷ‌ ಸೇವೆ ಮಲ್ಪುನ ಮುಖೇನ ಅಕ್ಲೆನ ಅಭಿಮಾನನ್ ತೋಜಾದ್ ಕೊರ್ತೆರ್.

ಕುಡ್ಲದ ಅಧಿದೇವತೆ ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನಡ್ ದೇವಿಗ್ ಬಾರಿ ಇಷ್ಟ ಆಯಿನ ಪೂತ ಪೂಜೆ ನ್ ಪ್ರಧಾನಮಂತ್ರಿ ನರೇಂದ್ರ ಮೋದಿನ ಪುದರ್ ಡ್ ಮಲ್ದೆರ್.

ಪತ್ರಿಕಾ ದಿನಾಚರಣೆ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣೆ

ಒಡಿಪು , ಜು.2: ಒಡಿಪು ಜಿಲ್ಲಾ ಕಾರ್ಯತೆರ್ ಆಯಿನ ಪತ್ರಕರ್ತರ ಸಂಘದ ಆಶ್ರಯಡ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಸಹ ಯೋಗಡ್ ಪತ್ರಿಕಾ ದಿನಾಚರಣೆದ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣಾ ಶಿಬಿರಡ್ ಗುರುವಾರ ಒಡಿಪು ಪ್ರೆಸ್ ಕ್ಲಬ್ ಅಟ್ಟನೆ ಮಲ್ತಿತ್ತೆರ್.

ಈ ಲೇಸ್ ಗ್ ಚಾಲನೆ ಕೊರಿನ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಾತೆರ್ದ್ , ಇತ್ತೆದ ಕೊರೋನಾ ಕಾಲಘಟ್ಟಡ್ ಮಾನವೀಯ ವೌಲ್ಯ ಬೊಕ್ಕ ಸಂಬಂಧದೊಟ್ಟುಗು ನನಾತ್ ಜನಪರ ಬೇಲೆಲು ವೈದ್ಯೆರ್ ಬೊಕ್ಕ ಪತ್ರಕರ್ತೆರೆರ್ದ್ ಆವೊಡು. ಕೋವಿಡ್ ಸಂಕಷ್ಟ ಪೊರ್ತುಡು ಜನಕ್ಲೆನ್ ಜಾಗೃತಿ ಮಲ್ಪುನ ನೆಲೆಟ್ಟ್ ಪತ್ರಕರ್ತೆರ್ನ ಸೇವೆ ಅಭಿನಂದನೀಯ ಪಂದ್ ಪಂಡೆರ್ .

ಈ ಪೊರ್ತುಡು ಜಿಲ್ಲಾಸ್ಪತ್ರೆದ ವೈದ್ಯೆ ಡಾ.ರೋಶಿನಿ ಪೂಂಜಾ, ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಪಾಲ್ ಪಡೆದಿತ್ತೆರ್.ಶಿಬಿರಡ್ ಒಡಿಪುದ 50ರ್ದ್ ಜಾಸ್ತಿ ಪತ್ರಕರ್ತೆರ್ನ ಸಾಮಾನ್ಯ ಆರೋಗ್ಯ ತಪಾಸಣೆ ನಡಪಾದ್ ಅಗತ್ಯ ಸಲಹೆನ್ ವೈದ್ಯೆರ್ ಕೊರಿಯೆರ್ .