ಪೂರೈಕೆ

ಜೂನ್ 21ರ್ದ್ ರಾಜ್ಯಡ್ ಕೇಂದ್ರರ್ದೇ ಉಚಿತ ಲಸಿಕೆ ಪೂರೈಕೆ ಮಲ್ಪರೆ ಮೋದಿ ಘೋಷಣೆ

Jun 7, 2021

ನವದೆಹಲಿ, ಜೂನ್ 07: ಭಾರತಡ್ 2014ರ್ದ್ ಜದುಂಬು ಶೇ.60 ದಾತ್ ಲಸಿಕೆ ಉತ್ಪಾದನಾ ಪ್ರಮಾಣ ಇತ್ತುಂಡು , ಆಂಡ 6ವರ್ಷಡ್ ಅವೆನ್ ಶೇ.80-90ಕ್ಕ್ ಜಾಸ್ತಿ ಮಲ್ದೆರ್ ಪಂದ್ ಪ್ರಧಾನಿ ನರೇಂದ್ರ ಮೋದಿ ಪಂಡೆರ್ .

ಕರೊನಾ ನಿಯಂತ್ರಣಡ್ ಲಸಿಕೆದ ಪಾತ್ರ ಪ್ರಮುಖವಾಯಿನವು ಪಂದ್ ಪ್ರತಿಪಾದಿಸಾಯಿನ ಪ್ರಧಾನಿ ನರೇಂದ್ರ ಮೋದಿ, ಇತ್ತೇ ಲಸಿಕೆ ವಿತರಣೆ ಸಂಬಂಧ ಕುಡೊಂಜಿ ಮಹತ್ವದ ಪಜ್ಜೆ ದೀತೆರ್ . ಲಸಿಕೆ ವಿರುದ್ಧ ನಡತೊಂದು ಉಂಡು. ಜೂ. 21ರ್ದ್ ಬೊಕ್ಕ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ರೆ ಉಲ್ಲೆರ್ ಪಂದ್ ಪಂಡೆರ್.

ಈ ದುಂಬು ಲಸಿಕೆ ವಿತರಣೆ ಸಂಬಂಧ ರಾಜ್ಯಗ್ ಶೇ. 50 ಜವಾಬ್ದಾರಿ ವಹಿಸ್ ದಿತ್ತೆರ್ . ಲಸಿಕೆ ವಿತರಣೆದ ಪೂರ್ತಿ ಜವಾಬ್ದಾರಿನ್ ಕೇಂದ್ರ ಸರ್ಕಾರನೇ ವಹಿಸರೆ ಉಲ್ಲೆರ್ , ನನ ರಡ್ಡ್ ವಾರಡ್ ಆ ಬಗ್ಗೆ ಪೊಸ ಮಾರ್ಗಸೂಚಿನ್ ಕೊರ್ಪೆರ್ ಪಂದ್ ಪಂಡೆರ್.

ದ.ಕ. ಜಿಲ್ಲೆಗ್ 1000 ಡೋಸ್ ಕೋವ್ಯಾಕ್ಸಿನ್ ಪೂರೈಕೆ

May 10, 2021

ಕುಡ್ಲ , ಮೇ 10: ಲಸಿಕೆಗ್ ಬೇಡಿಕೆ ಜಾಸ್ತಿ ಆವೊಂದು ಇತ್ತಿಲಕನೇ ಇತ್ತೆ ಲಸಿಕೆ ದೆತೊoದು ರಡ್ಡನೇ ಡೋಸ್ ದೆತೊನ್ರೆ ಅವಧಿ ಮೀರೊಂದು ಉಪ್ಪುನಕ್ಲೆನ ಸಂಖ್ಯೆಲಾ ಜಾಸ್ತಿ ಆವೊಂದು ಉಂಡು . ಇತ್ತೆ ಕೋವ್ಯಾಕ್ಸಿನ್ ಜಿಲ್ಲೆಗ್ ಬರಂದೆ ಸುಮಾರ್ ರಡ್ಡ್ ವಾರ ಆತುಂಡು ಕೋಡೆ ಸುಮಾರ್ 1000 ಡೋಸ್ ಜಿಲ್ಲೆಗ್ ಬೈದುಂಡು. ಕೋವ್ಯಾಕ್ಸಿನ್ ಪ್ರಥಮ ಡೋಸ್ ಪಡೆದ್ ಸುಮಾರ್ ಏಳ್ ಎನ್ಮ ವಾರರ್ದ್ ಕಾತೊಂದು ಉಪ್ಪುನಕ್ಲೆನ ಲೆಕ್ಕ ಜಾಸ್ತಿ ಆವೊಂದು ಉಂಡು ಅಕ್ಲೆಗ್ ಸುರುತ್ತ ಹಂತಡ್ ಆದ್ಯತೆ ಕೊರಿಯರೆ ಜಿಲ್ಲಾ ಆರೋಗ್ಯ ಇಲಾಖೆ ತೀರ್ಮಾನ ಮಲ್ದೆರ್ .