ಪೂಜಾರಿ

ಹಂತ ಹಂತವಾದ್ ತುಳು, ಬ್ಯಾರಿ, ಕೊಂಕಣಿ ಭವನ ನಿರ್ಮಾಣ : ಸಚಿವ ಕೋಟ ಶ್ರೀನಿವಾಸ ಪೂಜಾರಿ

ಕುಡ್ಲ, ಜುಲೈ 21: ತುಳು, ಬ್ಯಾರಿ, ಕೊಂಕಣಿ ಸಾಂಸ್ಕೃತಿಕ ಭವನನ್ ಹಂತಹಂತವಾದ್ ನಿರ್ಮಾಣ ಮಲ್ಪರೆ ಇತ್ತೆ ಕ್ರಮ ದೆತೊoದ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ತುಳು, ಬ್ಯಾರಿ, ಕೊಂಕಣಿ ಅಕಾಡಮಿ ಗುರ್ಕಾರ್ಲೆನ ಒಟ್ಟುಗು ಭವನದ ನಿರ್ಮಾಣ ಬಗ್ಗೆ ಸೋಮವಾರ ಅಟ್ಟನೆ ಮಲ್ತಿನ ಸಭೆಟ್ ಗುರ್ಕಾರ್ಲಾದ್ ಆರ್ ಪಾತೆರಿಯೆರ್ .

ಜಿಲ್ಲಾ ರಂಗಮಂದಿರದ ಒಟ್ಟುಗು ತುಳು, ಬ್ಯಾರಿ ಬೊಕ್ಕ ಕೊಂಕಣಿ ಸಾಂಸ್ಕೃತಿಕ ಭವನದ ನಿರ್ಮಾಣಗ್ ಸರಕಾರರ್ದ್ ಇತ್ತೆ ಅನುದಾನ ಬುಡುಗಡೆ ಆತುಂಡು . ಆಯಾ ಅಕಾಡಮಿ ಭವನದ ನಿರ್ಮಾಣಗ್ ಸಂಬಂಧ ಪಟ್ಟಿನoಚ ಒಪ್ಪಿಗೆ ಕೊರ್ತೆರ್ ಪಂದ್ ಪಂಡೆರ್

ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಬೊಕ್ಕ ಶಾಸಕ ಡಾ.ಭರತ್ ಶೆಟ್ಟಿ, ಉಪವಿಭಾಗಾಧಿಕಾರಿ ಮದನ್ ಮೋಹನ್, ತುಳು ಅಕಾಡಮಿದ ಗುರ್ಕಾರ್ಲಾಯಿನ ಅಧ್ಯಕ್ಷ ದಯಾನಂದ ಕತ್ತಲ್‌ಸಾರ್, ಬ್ಯಾರಿ ಅಕಾಡಮಿ ಗುರ್ಕಾರ್ಲಾಯಿನ ರಹೀಂ ಉಚ್ಚಿಲ, ಕೊಂಕಣಿ ಅಕಾಡಮಿ ಗುರ್ಕಾರ್ಲಾಯಿನ ಡಾ. ಜಗದೀಶ್ ರೈ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕ ರಾಜೇಶ್, ತಹಶೀಲ್ದಾರೆರ್ ಬೊಕ್ಕ ಬೇತೆ ಅಧಿಕಾರಿಲು ಪಾಲ್ ಪಡೆದಿತ್ತೆರ್.

ಬೊಳ್ಳಾಯಿ ಬಿಲ್ಲವ ಸಮಿತಿ ವತಿರ್ದ್ ಪ್ರಭಾಕರ್ ಪೂಜಾರಿ ಮೆರೆಗ್ ಪಣವುದ ಸಾಕಾರ

ಜೂನ್,6: ರಸ್ತೆ ಅಪಘಾತಡ್ ಗಾಯ ಆದ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಉಪ್ಪುನ ಪ್ರಭಾಕರ ಪೂಜಾರಿ ಪಣೋಲಿಬೈಲ್ ಮೆರೆಗ್ ಬೊಳ್ಳಾಯಿ ಬಿಲ್ಲವ ಸೇವಾ ಸಮಿತಿರ್ದ್ ಗುರ್ಕಾರ್ಲಾಯಿನ ಪ್ರಶಾಂತ್ ಪೂಜಾರಿ ವಿಟ್ಲುಕೋಡಿ ಬೊಕ್ಕ ಸಮಿತಿದ ಸದಸ್ಯೆರ್ನ ಮುತಾಲಿಕೆಡ್ ಇನಿ ಆರ್ನ ಇಲ್ಲಗ್ ಪೋದು ರೂಪಾಯಿ 25000 ತ್ತ ಚೆಕ್ ಕೊರಿಯೆರ್.