ಪರಿಸರ

ಕೃಷ್ಣ ಮಠಟ್ ಪರಿಸರ ಸ್ನೇಹಿ ಸೌರ ವಿದ್ಯುತ್ ಘಟಕ ಸ್ಥಾಪನೆ

ಒಡಿಪು , ಮಾ.20: ಒಡಿಪುದ ಪರ್ಯಾಯ ಅದಮಾರು ಮಠ, ಕೃಷ್ಣಮಠಟ್ ಪರಿಸರ ಸ್ನೇಹಿ ಸೌರ ವಿದ್ಯುತ್ ಘಟಕ ಯೋಜನೆನ್ ಅನುಷ್ಠಾನ ಮಲ್ಪರೆ ದುಂಬು ಬೈದೆರ್ , ಎಪ್ರಿಲ್ ಸುರುತ್ತಾ ವಾರದುಲಯಿ 135 ಕಿ.ವ್ಯಾ. ಸಾಮರ್ಥ್ಯದ ಸೌರ ವಿದ್ಯುತ್ ಘಟಕ ಕಾರ್ಯಾರಂಭ ಮಲ್ಪರೆ ಉಂಡು ಪಂದ್ ಪರ್ಯಾಯ ಅದಮಾರು ಮಠದ ಆಳಿತ ವ್ಯವಸ್ಥಾಪಕ ಗೋವಿಂದ ರಾಜ್ ತೆರಿಪಾದೆರ್ .

ಒಡಿಪು ಕೃಷ್ಣ ಮಠತ ಕನಕ ಮಂಟಪಡ್ ಕೋಡೆ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ತೆರಿಪಾಯಿನ ಗೋವಿಂದರಾಜ್, ಪರ್ಯಾಯ ಅದಮಾರು ಮಠದ ಶ್ರೀಈಶ್ವಪ್ರಿಯ ತೀರ್ಥ ಸ್ವಾಮೀಜಿ ಮೆರ್ನ ಆಶಯದ ಪ್ರಕಾರ 60ಲಕ್ಷ ರೂ. ಒಟ್ಟು ವೆಚ್ಚದ ಈ ಯೋಜನೆನ್ ಕಾರ್ಯಗತ ಮಲ್ಪರೆ ಉಲ್ಲೆರ್ ಶ್ರೀಮಠದ ರಾಜಾಂಗಣದ ಮಿತ್ತ್ ದ ಘಟಕನ್ ಕಟ್ಟರೆ ಉಲ್ಲೆರ್ ಪಂದ್ ಪಂಡೆರ್.

ಕೃಷ್ಣಮಠತ ವಿದ್ಯುತ್ ಬಿಲ್ ಪ್ರತಿ ತಿಂಗೊಲ್ ಗು ರಡ್ಡ್ ಲಕ್ಷ ರೂ.
ಬರೊಂದು ಉಂಡು , ಮಠನೇ ಸ್ವಂತ ಶಕ್ತಿಡ್ ವಿದ್ಯುತ್ ಉತ್ಪಾದನೆ ಮಲ್ಪುನ ಯೋಜನೆ ಮಲ್ದುಂಡು.ಸೋಲಾರ್ ಪರಿಸರಸ್ನೇಹಿ ಆದುಪ್ಪುನೆರ್ದಾವರ ಸೌರ ಶಕ್ತಿನ್ ಬಳಕೆ ಮಲ್ತ್ ದ್ ಪರಿಸರ ಮಾಲಿನ್ಯ ಆವಂದಿಲಕ ವಿದ್ಯುತ್ ತಯಾರ್ ಮಲ್ಪರೆ ಉಲ್ಲ ಪಂದ್ ಗೋವಿಂದರಾಜ್ ಮಾಹಿತಿ ಕೊರಿಯೆರ್ .

ಪತ್ರಿಕಾಗೋಷ್ಠಿಡ್ ಯು.ಕೆ. ರಾಘವೇಂದ್ರ ರಾವ್, ವೈ.ಎನ್.ರಾಮಚಂದ್ರ ರಾವ್, ಶ್ರೀನಿವಾಸ ಪೆಜತ್ತಾಯ, ಪ್ರದೀಪ್ ರಾವ್, ಪುರುಷೋತ್ತಮ ಅಡ್ವೆ, ಮಾಧವ ಉಪಾಧ್ಯಾಯ, ರೋಹಿತ ತಂತ್ರಿ ಪಾಲ್ ಪಡೆದ್ ಇತ್ತೆರ್ . ಬಾಲಕೃಷ್ಣ ಆಚಾರ್ಯ ಯೋಜನೆದ ನಿರ್ವಹಣೆನ್ ತೂಯರೇ ಉಲ್ಲೆರ್.

ಎಂಐಟಿ ಪರಿಸರ ಕಂಟೈನ್‌ಮೆಂಟ್ ವಲಯ ಪಂದ್ ಘೋಷಣೆ

ಒಡಿಪು : ಮಣಿಪಾಲ ಇನ್‌ಸ್ಟಿಟ್ಯೂಟ್ ಆಫ್‌ ಟೆಕ್ನಾಲಜಿಡ್ ಕೆಲವು ಜೋಕ್ಲೆಗ್ ಕೋವಿಡ್‌-19 ಧೃಡ ಆಯಿನ ಹಿನ್ನೆಲೆಡ್ ಎಂಐಟಿ ಪರಿಸರನ್ ಕಂಟೈನ್‌ಮೆಂಟ್ ವಲಯ ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ಘೋಷಣೆ ಮಲ್ದೆರ್ .

ಅಂಗಾರೆ ಜಿಲ್ಲೆಡ್ ಪತ್ತೆಯಾಯಿನ 33 ಪ್ರಕರಣಡ್ 27 ಎಂಐಟಿ ಬೊಕ್ಕ ಮಣಿಪಾಲದ ಮಾಹೆ ವಿವಿ ಕ್ಯಾಂಪಸ್‌ಡ್ ತೊಜಿದ್ ಬೈದುಂಡು.

ಎಂಐಟಿಡ್ ಎಂಜಿನಿಯರಿಂಗ್ ಜೋಕ್ಲೆಗ್ ಸೆಮಿಸ್ಟರ್‌ ಪರೀಕ್ಷೆ ನಡತೊಂದು ಉಪ್ಪುನೆರ್ದಾವರ , ಸೋಂಕಿತ ವಿದ್ಯಾರ್ಥಿಲೆಗ್ ಪ್ರತ್ಯೇಕವಾದ್ ಪರೀಕ್ಷೆ ಬರೆಯರೆ ವ್ಯವಸ್ಥೆ ಮಲ್ಪೊಡು ಪಂದ್ ಆರೋಗ್ಯ ಇಲಾಖೆ ಅಧಿಕಾರಿಲು ಸೂಚನೆ ಕೊರ್ತೆರ್ .

ಪರಿಸರ ಕಾರ್ಯಕರ್ತೆ,ಸೇವಾದಳ ಸಂಘಟಕೆರಾಯಿನ ಲಯನ್ ಸುರೇಶ್ ಶೆಟ್ಟಿ ನಿಧನ

ಕುಡ್ಲ : ಕುಡ್ಲದ ಪರಿಚಿತ ಪರಿಸರ ಕಾರ್ಯಕರ್ತ, ಸೇವಾದಳ ಸಂಘಟಕ ಲಯನ್ ಸುರೇಶ್ ಶೆಟ್ಟಿ ಹೃದಯಾಘಾತರ್ದ್ ಶನಿವಾರ ತೀರ್ ಪೋಯೆರ್ . ಮೆರೆಗ್ 72 ವರ್ಷ ಪ್ರಾಯ ಆದಿತ್ತ್oಡ್ . ಕುಡ್ಲದ ಜೆಪ್ಪು ಮಾರ್ಕೆಟ್ ರೋಡ್ ಗರೋಡಿ ಕಂಪೌಂಡ್ ನಿವಾಸಿಯಾದಿತ್ತಿನ ಸುರೇಶ್ ಶೆಟ್ಟಿ ಮೇರ್ ರೆಡ್ ಕ್ರಾಸ್ ಸಂಸ್ಥೆ, ಭಾರತ ಸೇವಾದಳ, ರಾಮಕೃಷ್ಣ ಆಶ್ರಮ ಸ್ವಚ್ಛತಾ ಆಂದೋಲನ, ಕುಡ್ಲ ಮಹಾನಗರಪಾಲಿಕೆ ಮಲೇರಿಯಾ ಜಾಗೃತಿ, ಪರಿಸರಾಸಕ್ತರ ಒಕ್ಕೂಟದ ಸಕ್ರಿಯ ಕಾರ್ಯಕರ್ತೆರಾದ್ ಇತ್ತೆರ್ . ವೃತ್ತಿಡ್ ಭಾರತೀಯ ಜೀವ ವಿಮಾ ಏಜೆಂಟ್ ಆದ್ , ಸದಾ ಸಮಾಜ ಸೇವೆಡ್ ಕಾರ್ಯ ನಿರತರಾದಿತ್ತೆರ್.

ರಡ್ಡ್ ಸಲ ಯುವ ಕಾಂಗ್ರೆಸ್ ಬ್ಲಾಕ್ ಸಮಿತಿ ಗುರ್ಕಾರ್ಲಾದಿಟ್ಟಿನ ಸುರೇಶ್ ಶೆಟ್ಟಿ, ಸೇವಾದಳ ಸಂಘಟಕೆರಾದ್ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿ ಪದಾಧಿಕಾರಿಯಾದ್ ಕೆಲವು ವರ್ಷ ಬೇಲೆ ಮಲ್ದೆರ್.