ಪಟ್ಟುನ ಲೇಸ್

ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಪಟ್ಟುನ ಲೇಸ್

ಕಲ್ಲಡ್ಕ ಜುಲೈ 17, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸದಸ್ಯೆರೆಗ್ ಕೋರೋನ ಸಂಕಷ್ಟದ ಪೊರ್ತುಡು ಲಾಭಾಂಶ ವಿತರಣೆ ಮಲ್ದಿನವು ಬಾರಿ ಕೃತಜ್ಞತಾಪೂರ್ವಕ ವಾತುಂಡು . ಪಂದ್ ಗ್ರಾಮಾಭಿವೃದ್ಧಿ ಯೋಜನೆದ ಕಲ್ಲಡ್ಕ ವಲಯದ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀಯುತ ಈಶ್ವರ ನಾಯ್ಕೆರ್ ಕಲ್ಲಡ್ಕದ ಪೂರ್ಲಿಪ್ಪಾಡಿ ಮರಾಠಿ ಸಮಾಜ ಸೇವಾ ಭವನಡ್ ನಡತಿನ ಗ್ರಾಮಾಭಿವೃದ್ಧಿ ಯೋಜನೆದ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಸಂಘದ ಸುರಕ್ಷಾ ವಿಮಾ ಮೊತ್ತ ಬೊಕ್ಕ ಪ್ರಕೃತಿ ವಿಕೋಪ ಇತ್ತಿನ ಕುಟುಂಬಗ್ ಪರಿಹಾರ ನಿಧಿ ವಿತರಣಾ ಕಾರ್ಯಕ್ರಮನ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್ .

ಮಲ್ಲ ಬಿನ್ನೆರ್ ಆಯಿನ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್( ರಿ) ವಿಟ್ಲ ನೆತ್ತ ಯೋಜನಾಧಿಕಾರಿ ಶ್ರೀಯುತ ಚನ್ನಪ್ಪಗೌಡ ಮೇರ್ ಶ್ರೀಯುತ ಕಾವಂದೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಮುಖೇನ ಸದಸ್ಯೆರೆಗ್ ಅವ್ವೆತೋ ಲೇಸ್ ಅಟ್ಟನೆ ಮಲ್ದೆರ್ ಆನಿ ನಡಿನ ದೈ ಇನಿ ಫಲ ಕೊರ್ಪಿಲಕ ಬುಳೆತುಂಡು , ಇತ್ತೆದ ಕಷ್ಟದ ಪರಿಸ್ಥಿತಿಗ್ ಸಾಕಾರ ಕೊರ್ಪಿಲಕ ಪ್ರಸಾದ ರೂಪಡ್ ಸದಸ್ಯೆರೆಗ್ ಲಾಭಾಂಶನ್ ವಿತರಣೆ ಮಲ್ತೆರ್ ,ನಮ್ಮ ಕಲ್ಲಡ್ಕ ವಲಯದ 27 ಸಂಘದ ಗುಣಮಟ್ಟದ ವ್ಯವಹಾರಗ್ 5 ಲಕ್ಷದ 50 ಸಾವಿರ ಲಾಭಾಂಶ ಬೈದುಂಡು ಪಂದ್ ಮಾಹಿತಿ ಕೊರಿಯೆರ್.

ಲೇಸ್ ದ ಗುರ್ಕಾರ್ಮೆ ವಹಿಸಿನ ಗೋಳ್ತಮಜಲು ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ಶ್ರೀಯುತ ಅಭಿಷೇಕ್ ಶೆಟ್ಟಿ ಗ್ರಾಮದ ಅಭಿವೃದ್ಧಿ ದೃಷ್ಟಿರ್ದ್ ಯೋಜನೆ ಮಲ್ಪುನ ಮಾತಾ ಕಾರ್ಯಕ್ರಮಗ್ ಲಾ ಪಂಚಾಯತಿರ್ದ್ ಪೂರ್ಣ ಸಾಕಾರ ಕೊರ್ಪ ಪಂದ್ ಪಂಡೆರ್.

ಈ ಲೇಸ್ ಡ್ ಕಲ್ಲಡ್ಕ ಹಾಲು ಉತ್ಪಾದಕರ ಸಂಘದ ಕಾರ್ಯನಿರ್ವಹಣಾಧಿಕಾರಿ ಶ್ರೀಯುತ ರಾಜೇಶ್ ಕೊಟ್ಟಾರಿ ,ಕಲ್ಲಡ್ಕ ಮರಾಠಿ ಸಮಾಜಸೇವಾ ಸಂಘದ ಕಾರ್ಯದರ್ಶಿ ನಾರಾಯಣ ನಾಯ್ಕ, ಗೋಳ್ತಮಜಲು ಬಿ ಒಕ್ಕೂಟದ ಅಧ್ಯಕ್ಷೆ ಶಿವಪ್ಪಗೌಡ, ಕಲ್ಲಡ್ಕ ಒಕ್ಕೂಟ ಅಧ್ಯಕ್ಶೆರಾಯಿನ ಶ್ರೀಮತಿ ತುಳಸಿ, ಜ್ಞಾನವಿಕಾಸ ಸಮನ್ವಯಾಧಿಕಾರಿ ಸವಿತಾ, ವಲಯ ಸೇವಾ ಪ್ರತಿನಿಧಿಲಾಯಿನ ವಿದ್ಯಾ, ಗಿರಿಜಾ, ಕೌಶಿತ, ಉಷಾ ಬೊಕ್ಕ ಸ್ವಸಹಾಯ ಸಂಘದ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ವಲಯ ಮೇಲ್ವಿಚಾರಕಿ ಶ್ರೀಮತಿ ಸವಿತಾ ನಾರಾಯಣ ಎದುಕೊಂಡೆರ್ ,ಸೇವಾ ಪ್ರತಿನಿಧಿ ಶ್ರೀಮತಿ ಮಾಲತಿ ಸೊಲ್ಮೆ ಸಂದೈತ ಮಲ್ತೆರ್ . ಲೆಕ್ಕ ಪರಿಶೋಧಕ ಶ್ರೀಯುತ ಶಿವಪ್ರಸಾದ್ ಲೇಸ್ ನಡಪಾದ್ ಕೊರಿಯೆರ್ .

ಕಟ್ಟಡ ಕಾರ್ಮಿಕೆರೆಗ್ ಸುರಕ್ಷತಾ ಕಿಟ್ ಪಟ್ಟುನ ಲೇಸ್

ಕುಡ್ಲ , ಜುಲೈ 2: ಲಾಕ್‌ಡೌನ್‌ರ್ದ್ ಕಷ್ಟಡ್ ಉಪ್ಪುನ ಕಟ್ಟಡ ಕಾರ್ಮಿಕೆರೆಗ್ ಕರ್ನಾಟಕ ಕಟ್ಟಡ ಬೊಕ್ಕ ಇತರ ನಿರ್ಮಾಣ ಕಾರ್ಮಿಕೆರ್ನ ಕಲ್ಯಾಣ ಮಂಡಳಿರ್ದ್ ಸುರಕ್ಷತಾ ಬೊಕ್ಕ ನೈರ್ಮಲ್ಯೀಕರಣ ಕಿಟ್‌ಲೆನ್ ಕೊರ್ತೆರ್ .

ಈ ನೆಲೆಟ್ಟ್ ಪದವಿನಂಗಡಿದ ಕಟ್ಟಡ ನಿರ್ಮಾಣದ ಕೈತಲ್ 52 ಕಟ್ಟಡ ಕಾರ್ಮಿಕೆರೆಗ್ ಪೆರಿಯ ಸಿವಿಲ್ ನ್ಯಾಯಾಧೀಶೆರ್ ಬೊಕ್ಕ ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಕಾರ್ಯದರ್ಶಿ ಎ.ಜೆ. ಶಿಲ್ಪಾ ಸುರಕ್ಷತಾ ಕಿಟ್‌ಲೆನ್ ಕೊರಿಯೆರ್ .

ಸ್ಮಾರ್ಟ್ ಕ್ಲಾಸ್ ಉದಿಪನ ಜೋಕ್ಲೆಗ್ ಟ್ಯಾಬ್ ಪಟ್ಟುನ ಲೇಸ್

ಕೊಣಾಜೆ, ಜೂನ್ 23 : ಜೋಕುಲು ಬಲಿಷ್ಠರೆರಾಂಡ ಮಾತ್ರ ಈ ದೇಶ ಗಟ್ಟಿ ಆಪುಂಡು . ಅಂಚಾದ್ ಶಿಕ್ಷಣಡ್ ಪಂಥಗ್ ಸರ್ಕಾರ ಮಾತಾ ರೀತಿದ ವ್ಯವಸ್ಥೆ ಮಲ್ತೊಂದು ಉಲ್ಲೆರ್ ಶಿಕ್ಷಣಗ್ ಆದ್ಯತೆ ಕೊರ್ಪಿನೆ ಮಲ್ಲ ಗುರಿ ಪಂದ್ ಶಾಸಕ ಯು.ಟಿ. ಖಾದರ್ ಪಂಡೆರ್ .

ಮೇರ್ ಬುಧವಾರ ಕುರ್ನಾಡು ಮುಡಿಪುದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್ ಡ್ ಸ್ಮಾರ್ಟ್ ಕ್ಲಾಸ್ ಬೊಕ್ಕ ಸುರುತ್ತ ವರ್ಷದ ಪದವಿ ಜೋಕ್ಲೆಗ್ ಧರ್ಮದ ಟ್ಯಾಬ್ಲೆಟ್ ಪಿ.ಸಿ. ಕೊರ್ದು ಪಾತೆರಿಯೆರ್ .ಒವ್ವೆ ಅಭಿವೃದ್ಧಿಡ್ ಕನಿಷ್ಟ ದುಂಬುದ ಮುಪ್ಪ ವರ್ಷದ ದೂರದೃಷ್ಟಿ ಉಂಡು .ಮುಲ್ಪ ಸುಂದರ ಪರಿಸರ, ಸುಂದರ ಕಟ್ಟಡ, ನುರಿತ ಉಪನ್ಯಾಸಕೆರ್ , ಸಿಬ್ಬಂದಿ ಮಾತಾ ಸೌಲಭ್ಯರ್ದ್ ಸುಸಜ್ಜಿತ ವಾದ್ ಉಂಡು ಇತ್ತೇ ಕಲ್ತೊಂದು ಉಪ್ಪುನ ಜೋಕ್ಲೆನ ಸಾಧನೆ ನನ ದುಂಬು ಬರ್ಪಿನ ಜೋಕ್ಲೆಗ್ ಸಾಕಾರ ಕೊರೊಡು ಪಂದ್ ಪಂಡೆರ್.

ಮೆಕಾನಿಕ್ಸ್ ಸ್ಮಾರ್ಟ್ ಕಾರ್ಡ್ ಪಟ್ಟುನ ಲೇಸ್

ಕುಡ್ಲ , ಜೂ.15: ದ.ಕ. ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ವತಿರ್ದ್ ‘ಮೆಕ್ಯಾನಿಕ್ಸ್ ಸ್ಮಾರ್ಟ್ ಕಾರ್ಡ್’ ಪಟ್ಟುನ ಲೇಸ್ ಐತಾರ ಸಂಘದ ಸಭಾಂಗಣಡ್ ನಡತುಂಡು.

ಮೇಯರ್ ಪ್ರೇಮಾನಂದ ಶೆಟ್ಟಿ ಸಭಾ ಕಾರ್ಯಕ್ರಮ ಉದಿಪನ ಮಲ್ತ್ ಪಾತೆರಿಯೆರ್. ಕಾರ್ಮಿಕ ಇಲಾಖೆದ ಅಧಿಕಾರಿ ವಿಲ್ಮಾ ಎಲಿಜಬೆತ್ ತೌರೊ ಸ್ಮಾರ್ಟ್ ಕಾರ್ಡ್ ವಿತರಿಸಾದ್ ಸರಕಾರದ ಸವಲತ್ತುಲೆನ್ ಕಾರ್ಮಿಕೆರ್ ದೆತೊನೊಡು ಪಂದ್ ಪಂಡೆರ್ .

ಸಂಘದ ಗುರ್ಕಾರ್ಲಾಯಿನ ದಿನೇಶ್ ಕುಮಾರ್, ಸುಧಾಕರ್ ರಾವ್, ರುಕ್ಮಯ್ಯ ಗೌಡ, ದಿವಾಕರ್, ಕೋಶಾಧಿಕಾರಿ ರಾಜಗೋಪಾಲ್, ಕಾರ್ಪೊರೇಟರ್ ಶೈಲೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ .

ಜನಾರ್ದನ್ ಎ. ಪ್ರಾಸ್ತಾವಿಕ ಪಾತೆರ ಪಂಡೆರ್ . ಪುಂಡಲೀಕ ಸುವರ್ಣ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಕಮಿಲ ಸೊಲ್ಮೆ ಸಂದೈತ ಮಲ್ತೆರ್ .

ನರಿಕೊಂಬುಡು ಆಶಾ ಕಾರ್ಯಂತೆರೆಗ್ ಕಿಟ್ಟ್ ಪಟ್ಟುನ ಲೇಸ್

ಬಂಟ್ವಾಳ, ಜೂನ್ 5 : ಬಂಟ್ವಾಳ ತಾಲೂಕು ನರಿಕೊಂಬು ಗ್ರಾಮದ ಮೊಗರುನಾಡುಡು ಉಪ್ಪುನ ನಿವೃತ್ತ ಸೈನಿಕ ಶ್ರೀಯುತ ಮೋಹನ್ ಮೇರ್ ತನ್ನ ಪತ್ನಿ ಪ್ರಾಥಮಿಕ ಆರೋಗ್ಯ ಕೇಂದ್ರ ಕಲ್ಲಡ್ಕ, ಬಾಳ್ತಿಲ ನೆತ್ತ ಉಪಕೇಂದ್ರ ನರಿಕೊಂಬು ಮುಲ್ಪದ ಕಿರಿಯ ಆರೋಗ್ಯ ಸಹಾಯಕಿ ಶ್ರೀಮತಿ ಸುಮತಿನ ಒಟ್ಟುಗು ಬೇಲೆ ಮಲ್ತೊಂದು ಉಪ್ಪುನ ನರಿಕೊಂಬು ಬೊಕ್ಕ ಶಂಭೂರು ಗ್ರಾಮ ವ್ಯಾಪ್ತಿದ ಮಾತಾ ಆಶಾ ಕಾರ್ಯಕರ್ತೆರೆಗ್ ಉಚಿತವಾದ್ ಆಹಾರ ಸಾಮಗ್ರಿದ ಕಿಟ್ಟ್ ಬೊಕ್ಕ ಪ್ಲೇಟು, ಲೋಟ, ಸ್ಯಾನಿಟೈಸರ್, ಮಾಸ್ಕ್ ನ್ ತಮ್ಮ ಇಲ್ಲಡ್ ಪಟ್ಟಿಯೆರ್ . ಕಿಟ್ಟ್ ಪಡೆಯಿನ ಆಶಾ ಕಾರ್ಯಂತೆರ್ ಮೋಹನ ಸುಮತಿ ದಂಪತಿಲೆಗ್ ಸೊಲ್ಮೆ ಸಂದೈತ ಮಲ್ತೆರ್.