ನೆತ್ತೆರ್ದಾನ

ಕುಡ್ಲದ ಬೆಸೆಂಟ್ ಸಂಧ್ಯಾ ಕಾಲೇಜ್ಡ್ ನೆತ್ತೆರ್ದಾನ ಶಿಬಿರ

ಕುಡ್ಲ : ಕೋವಿಡ್ 19ರ ಮಹಾಮಾರಿ ಸೀಕ್ ರ್ದ್ ಜನಕುಲು ಕುಗ್ಗಿನ ಈ ಪೊರ್ತುಡು ನೆತ್ತೆರ್ ದಾನ ದಂಚಿನ ಮಹತ್ಕಾರ್ಯನ್ ಮಲ್ತೊಂದು ಅವ್ವೆತೋ ಜನಕ್ಲೆನ ಪಾಲ್ ಗ್ ಬೊಲ್ಪಾಯಿನ ಬೆಸೆಂಟ್ ಸಂಧ್ಯಾ ಕಾಲೇಜ್ ದ ಹಳೆ ವಿದ್ಯಾರ್ಥಿ ಸಂಘದ ಕಾರ್ಯ ಶ್ಲಾಘನೀಯ ಪಂದ್ ಕುಡ್ಲ ನಗರಪಾಲಿಕೆದ ಕಾರ್ಪೊರೇಟರ್ ಬೊಕ್ಕ ಲೆಕ್ಕ ಪತ್ರ ಸ್ಥಾಯೀ ಸಮಿತಿ ಗುರ್ಕಾರ್ಲಾಯಿನ ಲೀಲಾವತಿ ಪ್ರಕಾಶ್ ಪಂಡೆರ್ .

ಮೇರ್ ಬೆಸೆಂಟ್ ಸಂಧ್ಯಾ ಹಳೆ ವಿದ್ಯಾರ್ಥಿ ಸಂಘ (ರಿ) ಬೊಕ್ಕ ಬೆಸೆಂಟ್ ಸಂಧ್ಯಾ ಕಾಲೇಜ್ ದ ಒಟ್ಟು ಸೇರಿಗೆಡ್ ಕಸ್ತೂರ್ಬಾ ವೈದ್ಯಕೀಯ ಆಸ್ಪತ್ರೆ ಅಂಬೇಡ್ಕರ್ ವೃತ್ತ ಕುಡ್ಲದ ಬ್ಲಡ್ ಬ್ಯಾಂಕ್ ದ ಒಟ್ಟು ಸೇರಿಗೆಡ್ ಬೆಸಂಟ್ ಸಂಧ್ಯಾ ಕಾಲೇಜ್ ಡ್ ನಡತಿನ ನೆತ್ತೆರ್ ದಾನ ಶಿಬಿರನ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಪೊರ್ತುಡು ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಆದಿತ್ಯ ಶೆಟ್ಟಿ, ಕಾರ್ಯದರ್ಶಿ ರಾಜೇಶ್ ಮೊದಲಿಯಾರ್, ಸಲಹೆಗಾರೇರಾಯಿನ ಶ್ರೀ ಗಣಪತಿ ಭಟ್ ಎಂ. ಪಾಲ್ ಪಡೆದಿತ್ತೆರ್.