ನಿಯಮ

ಕೋವಿಡ್ ನಿಯಮ ಪಾಲಿಸಾಲೆ : ಕಮಿಷ್ನರ್

Jul 19, 2021

ಸುರತ್ಕಲ್, ಜುಲೈ 19 : ಕೋವಿಡ್‍ ಮೂರನೇ ಅಲೆಟ್ ತಡೆಯುನ ನೆಲೆಟ್ಟ್ ದೇವಸ್ಥಾನ, ಚರ್ಚ್, ಮಸೀದಿಡ್ ಸಾಮೂಹಿಕವಾದ್ ಪರ್ಬ ನಡಪಾಯೆರೆ ಅನುಮತಿ ಕೊರ್ತುಜೆರ್ . ನನ ದುಂಬುದ ಬಕ್ರೀದ್ ಪರ್ಬನ್ ಮಾತೆರ್ಲ ನಿಯಮದಲಕ ಆಚರಣೆ ಮಲ್ಪೊಡು ಪಂದ್ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಪಂಡೆರ್ .

ಕೃಷ್ಣಾಪುರ 7ನೇ ಬ್ಲಾಕ್‍ದ ಬದ್ರಿಯಾ ಜುಮ್ಮಾ ಮಸೀದಿ, ಕೇಂದ್ರ ಜಮಾತ್‌ಡ್ ಶನಿವಾರ ಆಡಳಿತ ಮಂಡಳಿದ ಜತೆ ನಡಪಾಯಿನ ಸಭೆಟ್ ಮೇರ್ ಪಾತೆರಿಯೆರ್ .

ನಿಯಮ ಉಲ್ಲoಘನೆ ಮಲ್ತಿನ ಗಾಡಿ ವಶ

Jun 27, 2021

ವಿಟ್ಲ ಜೂನ್ 27: ಜಿಲ್ಲಾಡಳಿತ ವಿಧಿಸಾಯಿನ ವಾರಾಂತ್ಯದ ಕರ್ಫ್ಯೂ ವಿಟ್ಲದಡ್ ಯಶಸ್ವಿಯಾತುಂಡು . ನಾಲ್ ಮಾರ್ಗಡ್ ಪ್ರಭಾರ ಎಸೈ ರಾಜೇಶ್ ಕೆ.ವಿ ಮುತಾಲಿಕೆಡ್ ಪ್ರೊಬೇಷನರಿ ಎಸ್‌ಐ ಮಂಜುನಾಥ ಬೊಕ್ಕ ಪೊಲೀಸೇರ್ನ ಕೂಟ ನಾಕಾಬಂದಿ ಪಾರ್ದ್ ಇತ್ತೆರ್ . ಪೇರ್ ಬೊಕ್ಕ ಮರ್ದ್ ದ ಅಂಗಡಿ ಬುರ್ದು , ಅಗತ್ಯ ಇಜ್ಜಂದೆ ಪೇಂಟೆಗ್ ಬತ್ತಿನ ಗಾಡಿಲೆನ್ ವಶಕ್ ದೆತೊಂಡೆರ್.

ಜನಸಂಚಾರ, ಗಾಡಿ ಸಂಚಾರ ಇತ್ತ್ ಜಿ . ಪೇoಟೆ ಸಂಪೂರ್ಣ ಸ್ತಬ್ಧ ಆತುಂಡು .

ಲಾಕ್ಡೌನ್ ನಿಯಮ ಉಲ್ಲoಘನೇ : ಕುಡ್ಲಡ್ 2410 ಗಾಡಿ ಜಪ್ತಿ : ಎನ್. ಶಶಿಕುಮಾರ್

Jun 8, 2021

ಕುಡ್ಲ , ಜೂ.8: ಕೊರೋನ ರಡ್ಡನೇ ಅಲೆತ ಪೊರ್ತುಡು ಕುಡ್ಲ ಕಮಿಷನರೇಟ್ ವ್ಯಾಪ್ತಿಡ್ ಕೋವಿಡ್ ಲಾಕ್‌ ಡೌನ್ ನಿಯಮ ಉಲ್ಲಂಘನೆಗೆ ಸಂಬಂಧಿಸಾದ್ ಇತ್ತೇ ಮುಟ 2,410 ಗಾಡಿಲೆನ್ ಜಪ್ತಿ ಮಲ್ದೆರ್ . ಇಂದುವೆ ಪೊರ್ತುಡು ಮಾಸ್ಕ್ ಪಾಡನ್ಡಿನ ಬಗ್ಗೆ 13,578 ಪ್ರಕರಣ ದಾಖಲಾತುಂಡು , ಸುರಕ್ಷಿತ ಅಂತರಗ್ ಸಂಬಂಧಿ 91, ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಕಾಯ್ದೆದಡಿ 253 ಬೊಕ್ಕ ಸಾಂಕ್ರಾಮಿಕ ರೋಗ ತಡೆ ಕಾಯ್ದೆದಡಿ 286 ಪ್ರಕರಣ ದಾಖಲಾತುಂಡು ಪಂದ್ ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ್ ಪಂಡೆರ್ .

ಕೊರೋನ 2ನೆ ಅವಧಿಡ್ ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿದ 92 ಪೊಲೀಸ್ ಅಧಿಕಾರಿ ಬೊಕ್ಕ ಸಿಬ್ಬಂದಿಲೆಗ್ ಕೊರೋನ ಬೈದುಂಡು, ಪ್ರಸ್ತುತ 22 ಸಕ್ರಿಯ ಪ್ರಕರಣ ಉಂಡು . ಲಾಕ್‌ ಡೌನ್ ಪೊರ್ತುಡು ರಾಜ್ಯ ಸರಕಾರ ಬೊಕ್ಕ ಜಿಲ್ಲಾಡಳಿತ ಕೊರ್ಪಿನ ಮಾರ್ಗಸೂಚಿಲೆನ್ ಪಾಲಿಸಾದ್ ಕೊರೋನ ನಿಯಂತ್ರಣಡ್ ಸಹಕಾರ ಕೊರೊಡು ಪಂದ್ ಪಂಡೆರ್..

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ಸುಳ್ಯ ದ ಸುದ್ದಿ | Sullia News

ಕೋವಿಡ್ ನಿಯಮ ಉಲ್ಲಂಘನೆ ಮಲ್ತ್oಡ ದಂಡ : ಡಾ.ರಾಜೇಂದ್ರ ಕೆ.ವಿ

Apr 2, 2021

ಕುಡ್ಲ ,ಎಪ್ರಿಲ್ 02: ಜಿಲ್ಲೆಡ್ ಕೋವಿಡ್-19 ನಿಯಂತ್ರಣಗ್ ಸಂಬಂಧ ಪಟ್ಟಿ ನಂಚ ಸರಕಾರದ ನಿರ್ದೇಶನದಡಿ ಜಿಲ್ಲಾಡಳಿತ ಮಾತಾ ಅವಶ್ಯ ಕ್ರಮ ದೆತೊನೊಂದು ಉಂಡು. ಪ್ರಸ್ತುತ ಜಿಲ್ಲೆಡ್ ಕೋವಿಡ್ ಸಾಂಕ್ರಾಮಿಕ ರೋಗ ಪರಡುನ ಆತಂಕ ಕುಡ ಸುರು ಆತ್oಡ್. ಸಾರ್ವಜನಿಕೆರ್ನ ಆರೋಗ್ಯದ ಹಿತ ದೃಷ್ಠಿಡ್ ಮುಂಜಾಗೃತ ಕ್ರಮಲೆನ್ ದೆತೊನುನ ಅಗತ್ಯ ಅಂಚಾದ್ ಕೋವಿಡ್ ನಿಯಮ ಉಲ್ಲಂಘನೆ ಮಲ್ತ್oಡ ದಂಡ ಕಟ್ಟರೆ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ.ಆದೇಶ ಕೊರ್ತೆರ್ .

ಮಾ.25ತ್ತ ಸರಕಾರದ ಆದೇಶದಲಕ ಧಾರ್ಮಿಕ ಪರ್ಬ ಆಯಿನ ಯುಗಾದಿ, ಗುಡ್ ಫ್ರೈಡೆ ಇಂಚಿನ ಪರ್ಬದ ಪೊರ್ತುಡು ಪೇಂಟೆಡ್ ಒವ್ವೆ ಸಾರ್ವಜನಿಕ ಜಾಗೆ /ಮೈದಾನ, ಉದ್ಯಾನವನ, ಮಾರುಕಟ್ಟೆಲು , ಧಾರ್ಮಿಕ ಪ್ರದೇಶಡ್ ಸಾರ್ವಜನಿಕ ಸಮಾರಂಭ ಮಲ್ಪರೆ ಬಲ್ಲಿ ಪಂದ್ ಆದೇಶ ಕೊರ್ತೆರ್.

ಸರಕಾರದ ನಿಯಮ ಉಲ್ಲಂಘನೆ ಮಲ್ತ್oಡ ದಂಡ

Mar 18, 2021

ಒಡಿಪು , ಮಾ.18: ಕೊರೋನ ಸೋಂಕು ಪರಡುನೇನ್ ಉಂತಾವುನ ನೆಲೆಟ್ಟ್ ಮಾಸ್ಕ್, ಪಾಡಂದೆ , ಸಾಮಾಜಿಕ ಅಂತರ ಕಾಪಾಡಂದೆ ನಿಯಮಲೆನ್ ಪಾಲನೆ ಮಲ್ಪಂದಿನಕ್ಲೆಗ್ ದಂಡ ವಿಧಿಸಿ ಕಾನೂನು ಕ್ರಮ ದೆತೊನಿಯರೇ ಇಲಾಖಾ ವಾರು ಅಧಿಕಾರಿಲೆಗ್ ಅಧಿಕಾರನ್ ಕೊರ್ದು ಒಡಿಪು ಜಿಲ್ಲಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ಮಾಸ್ಕ್ ಪಾಡoದೆ , ಸುರಕ್ಷಿತ ಅಂತರ ಕಾಪಾಡoದೆ ನಿಯಮಲೆನ್ ಪಾಲನೆ ಮಲ್ಪಂದಿನಕ್ಲೆಗ್ 100ರೂ. ದಂಡ ವಿಧಿಸಾವ ಪಂದ್ ಪಂಡೆರ್.