ನಲ್ಲೂರು

ಪರಪ್ಪಾಡಿ ನಲ್ಲೂರು ಸರಕಾರಿ ಶಾಲೆಗ್ ತುಲು ಬರವು ಪುದರ್ ಪಲವೆ

Aug 16, 2021

ನಲ್ಲೂರು : ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆ ಪರಪ್ಪಾಡಿ ನಲ್ಲೂರುಡು ತುಲುನಾಡ್‌ ಪರತಿರಿಟ್ ರಡ್ಡನೇ ಸರ್ತಿ ಶಾಲೆಗ್ ತುಲುಲಿಪಿ ಪುದರ್‌ಪಲವೆನ್ ಜೈ ತುಲುನಾಡ್ (ರಿ) ಸಂಘಟನೆದ ಸಹಕಾರೊಡು ಪಾಡಿಯೆರ್.

ಪುದರ್‌ಪಲವೆದ ಉದಿಪನೊನು ಶಾಲಾ ಮುಖ್ಯೋಪಾಧ್ಯಾಯೆರಾಯಿನ ಶ್ರೀಮತಿ ಪೂರ್ಣಿಮಾ ಶೆಣೈ ನೆರವೇರಾಯೆರ್. ಈ ಪೊರ್ತುಡು ನಲ್ಲೂರು ಗ್ರಾಮ ಪಂಚಾಯಿತಿ ಗುರ್ಕಾರೆರಾಯಿನ ಶ್ರೀಮತಿ ಕವಿತಾ, ಯುವಚೇತನ ಯುವಕಸಂಘದ ಗುರ್ಕಾರ‌ ಪ್ರಮೋದ್ ಶೆಟ್ಟಿ, ಜೈ ತುಲುನಾಡ್ (ರಿ) ಸಂಘಟನೆದ ಕೇಂದ್ರ ಸಂಘಟನಾ ಕಾರ್ಯಂತೆರಾಯಿನ ಶ್ರೀ ರವಿಚಂದ್ರ ಆಚಾರ್ಯ ದುರ್ಗಾನಗರ, ತುಳುನಾಡ್ ಒಕ್ಕೂಟ (ರಿ) ಸಂಘಟನೆದ ಗುರ್ಕಾಲ್ರಾಯಿನ ವಿನಯ್ ಈದು ಬಟ್ಟೇಣಿ, ಜೈ ತುಲುನಾಡ್ ಕಾರ್ಲಯುನಿಟ್ ಪ್ರಮುಖರಾಯಿನ ವಿಶು ಶ್ರೀಕೇರ ಶೇಖರ್ ಶ್ರೀಗಂಗೆ, ದಿನೇಶ್ ಶೆಟ್ಟಿ ಮುಂಡ್ಲಿ, ತುಲುಲಿಪಿ ಕಲ್ಪಾದಿ ಕು.ಸೌಮ್ಯ, ಬೊಕ್ಕ ಪದುಕರ್ ಬೊಕ್ಕ ತುಲುಚಿತ್ರ ನಟ ಪ್ರಸಾದ್ ಈದು ಬಟ್ಟೆಣಿ, ಒತ್ತು ಕಲ್ಪಾದಿ ಶ್ರೀಮತಿ ವಿದ್ಯಾ SDMC ಪದುಕೆರ್ ಬೊಕ್ಕ ಊರುದ ಪ್ರಮುಖೆರ್ ಪಾಲ್‌ಪಡೆಯೆರ್.

ನಲ್ಲೂರು ಪಂಚಾಯತ್ ಗುರ್ಕಾರ್ಲಾದ್ ಕವಿತಾ ಸಂತೋಷ್

Aug 4, 2021

ಕಾರ್ಲ, ಆಗಸ್ಟ್ 4 : ನಲ್ಲೂರು ಗ್ರಾ.ಪಂ.ದ ಗುರ್ಕಾರ್ಲಾದ್ ಕವಿತಾ ಸಂತೋಷ್ ಮೇರ್ ಆಯ್ಕೆಯಾತೆರ್ . ಈ ದುಂಬು ಗುರ್ಕಾರ್ಲಾಯಿನ ಗಾಯತ್ರಿ ಪ್ರಭು ಮೇರ್ ಮೇ ತಿಂಗೊಲ್ಡು ತಮ್ಮ ಹುದ್ದೆಗ್ ರಾಜೀನಾಮೆ ಕೊರಿನ ನೆಲೆಟ್ಟ್ ಸಾಮಾನ್ಯ ಪೊಂಜೊವ್ಲೆಗ್ ಇತ್ತಿನ ಗುರ್ಕಾರ್ಲೆನ ತಾನೋಗು ಆ. 3 ಕ್ಕ್ ಗ್ರಾಮ ಪಂಚಾಯತ್ ಸಭಾಂಗಣಡ್ ಓಟು ನಡತುಂಡು .

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

Aug 3, 2021

ಕಾರ್ಕಳ, ಆಗಸ್ಟ್ 3 : ಆನ್‌ಲೈನ್ ಶಿಕ್ಷಣದ ಪ್ರಭಾವಗ್ ಜೋಕ್ಲೆಗ್ ಕೊರೊಂದು ಇತ್ತಿನ ಇಲ್ಲದ ಪಾಠ ಮರಪರೆ ಬಲ್ಲಿ . ಈ ನೆಲೆಟ್ಟ್ ಪೋಷಕೆರ್ ವಿಶೇಷ ಮುತುವರ್ಜಿ ವಹಿಸಾವುನ ಅಗತ್ಯ ಪಂದ್ ಶಾಸಕ ವಿ. ಸುನಿಲ್ ಕುಮಾರ್ ಪಂಡೆರ್ . ಮೇರ್ ಆ. 1ಕ್ಕ್ ನಲ್ಲೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮನೆಯೇ ಮೊದಲ ಪಾಠಶಾಲೆ ಮಗ್ಗಿ ಪುಸ್ತಕ ಬುಡುಗಡೆ ಮಲ್ತ್ ಬೊಕ್ಕ ಪಾತೆರಿಯೆರ್.

ಕರ್ನಾಟಕ ಗೇರು ನಿಗಮದ ಗುರ್ಕಾರ್ಲಾಯಿನ ಮಣಿರಾಜ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಕಾರ್ಕಳದ ನಿಕಟಪೂರ್ವ ಬಿಇಒ ಶಶಿಧರ ಜಿ.ಎಸ್., ಬಿಇಒ ವೆಂಕಟೇಶ್ ನಾಯಕ್, ಅಕ್ಷರ ದಾಸೋಹ ಅಧಿಕಾರಿ ಭಾಸ್ಕರ್, ಸಿಡಿಪಿಒ ಉಮೇಶ್, ನಲ್ಲೂರು ಗ್ರಾ.ಪಂ. ಪ್ರಭಾರ ಗುರ್ಕಾರ್ಲಾಯಿನ ಜಯಕೀರ್ತಿ ಜೈನ್, ಸಂಯೋಜಕಕೆರಾಯಿನ ಉದ್ಯಮಿ ಅನಂತಕೃಷ್ಣ ಶೆಣೈ ರೆಂಜಾಳ, ಜಿ.ಪಂ. ನಿಕಟಪೂರ್ವ ಸದಸ್ಯೆಯೆರಾಯಿನ ದಿವ್ಯಶ್ರೀ ಅಮೀನ್, ತಾ.ಪಂ. ಮಾಜಿ ಗುರ್ಕಾರ್ಲಾಯಿನ ಮಾಲಿನಿ ಜೆ. ಶೆಟ್ಟಿ, ರಮಾನಂದ ಶೆಟ್ಟಿ, ಗೋಪಶೆಟ್ಟಿ, ಮಹಾಬಲ ಶೆಟ್ಟಿ ನಲ್ಲೂರು ಪಾಲ್ ಪಡೆದಿತ್ತೆರ್.