ಧರ್ಮ

ಆಶ್ರಮವಾಸಿಲೆಗ್ ಧರ್ಮದ ಸೇವೆ ಮಲ್ತೊಂದು ಉಪ್ಪುನ ರವಿಚಂದ್ರ ಭಂಡಾರಿ

Jul 1, 2021

ಉಜಿರೆ, ಜುಲೈ 1: : ನೆರಿಯಾ ಗ್ರಾಮಡ್ ಉಪ್ಪುನ ಸಿಯೋನ್ ಆಶ್ರಮವಾಸಿಲೆಗ್ ಮುಂಡಾಜೆ ಗ್ರಾಮದ ರವಿಚಂದ್ರ ಭಂಡಾರಿ ಉಚಿತ ಕ್ಷೌರ ಸೇವೆ ಒದಗಿಸಾಯೆರೆ ಸಂಕಲ್ಪ ಮಲ್ದೆರ್ .

ಆಶ್ರಮಡ್ ಸುಮಾರ್ 150 ಜನ ಆಣ್ಜೊವುಲು ಉಲ್ಲೆರ್ , ಪ್ರತಿ ತಿಂಗೊಲು ಆಶ್ರಮಗ್ ಪೋದು ಅಕ್ಲೆನ ಸೇವೆ ಮಲ್ಪುವ ಪಂದ್ ಪಂತೆರ್.
ಮುಂಡಾಜೆ ಗ್ರಾಮದ ಸೋಮಂತಡ್ಕಡ್ ಸ್ವಂತ ಸೆಲೂನ್ ಉಪ್ಪುನ ರವಿಚಂದ್ರ ಭಂಡಾರಿ, ಐನ್ ವರ್ಷರ್ದ್ ಮರಿಯಾ ನಿಕೇತನ ವಿಶೇಷ ಜೋಕ್ಲೆನ ಶಾಲೆಡ್ ಜೋಕ್ಲೆಗ್ ಉಚಿತ ಕ್ಷೌರ ಮಲ್ತೊಂದು ಉಲ್ಲೆರ್ .

ಅನ್ಯ ಧರ್ಮದಕ್ಲೆಗ್ ತಸ್ತೀಕ್ ಕಾಸ್ ಬೊರ್ಚಿ : ವಿಎಚ್ ಪಿ ಆಗ್ರಹ

Jun 11, 2021

ಕುಡ್ಲ, ಜೂನ್ 11: ರಾಜ್ಯಡ್ ಕೋವಿಡ್ 19 ಸೋಂಕುರ್ದಾವರ ಅರ್ಚಕೆರ್ ಆರ್ಥಿಕ ಸಂಕಷ್ಟಡ್ ಉಪ್ಪುನ ಕಾರಣ ಸರ್ಕಾರರ್ದ್ ತಸ್ತಿಕ್ ಭತ್ಯೆ ಕೊರಿಯರೆ ಆದೇಶ ಮಲ್ತಿನೆನ್ ಎದುಕೊಂಡಿನ ವಿಶ್ವ ಹಿಂದೂ ಪರಿಷತ್, ತಸ್ತಿಕ್ ಕಾಸ್ ನ್ ಹಿಂದೂ ಧಾರ್ಮಿಕ ದತ್ತಿ ಇಲಾಖೆರ್ದ್ ದಕ್ಷಿಣ ಕನ್ನಡ ಜಿಲ್ಲೆದ 41 ಮಸೀದಿ, ಮದರಸದ ಮೌಲ್ವಿಲೆಗ್ ಕೊರಿಯರೆ ನಿರ್ಧಾರ ಮಲ್ತಿನೆನ್ ವಿರೋಧಿಸಾವ ಪಂದ್ ತೆರಿಪಾದುಂಡು .

ದೈವಸ್ಥಾನ, ದೇವಸ್ಥಾನದ ಕಾಸ್ ನ್ ಹಿಂದೂಲೆಗ್ ಬೊಕ್ಕ ದೇವಸ್ಥಾನದ ಕಾರ್ಯಗ್ ಮಾತ್ರ ಉಪಯೋಗ ಮಲ್ಪೋಡು . ಮಸೀದಿ, ಮದರಸಗ್ ಉಪಯೋಗಿಸಾವುನ ನಿರ್ಧಾರನ್ ಪಿರ ದೆತೊನೊಡು ಪಂದ್ ವಿಶ್ವ ಹಿಂದೂ ಪರಿಷತ್‌ ಮುಖಂಡೆರ್ ಧಾರ್ಮಿಕ ದತ್ತಿ ಇಲಾಖೆ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೆರೆಗ್ ಮನವಿ ಮಲ್ತೆರ್.ಮನವಿಗ್ ಸ್ಪಂದಿಸಾಯಿನ ಸಚಿವೆರ್ ನಿರ್ಧಾರನ್ ಪಿರ ದೆತೊನುವ ಪಂದ್ ಭರವಸೆ ಕೊರಿಯೆರ್ .