ಕುಕ್ಕುಂದೂರು – ದರ್ಮಾರ್ಥ ಕನ್ನಡಕ ಪಟ್ಟುನ ಲೇಸ್
ಕಾರ್ಲ : ಒವ್ವೆ ಪ್ರತಿಫಲಾಪೇಕ್ಷೆ, ಪ್ರಚಾರದಾoತಿನ ಸಮಾಜ ಸೇವೆ ಶ್ರೇಷ್ಠವಾಯಿನವು . ಪ್ರತಿಯೊರಿಲಾ ಸಮಾಜದ ಅಭ್ಯುದಯಗಾದ್ ತನ್ನ ಕೈಟ್ ಆಯಿನ ಸೇವೆ ಮಲ್ಪೊಡು . ಪಂದ್ ಸಾಮಾಜಿಕ ಮುಂದಾಳು, ಉದ್ಯಮಿ ಡಿ.ಆರ್. ರಾಜು ಪಂಡೆರ್ .
ಮೇರ್ ಡಿ. 2 ಕ್ಕ್ ಕುಕ್ಕುಂದೂರು ಫ್ರೆಂಡ್ಸ್ ಕುಕ್ಕುಂದೂರು ಮುಂಬೈ, ಲಯನ್ಸ್ ಕ್ಲಬ್ ಕಾರ್ಲ ಸಿಟಿ, ಜೆಸಿಐ ಕಾರ್ಕಳ, ಬಿಲ್ಲವ ಸಮಾಜ ಸೇವಾ ಸಂಘ ಕಾರ್ಲ, ಶ್ರೀ ವಿಶ್ವಕರ್ಮ ಮಹಿಳಾ ಮಂಡಳಿ ನೆಕ್ಲಾಜೆ, ಪ್ರಾಥಮಿಕ ಆರೋಗ್ಯ ಕೇಂದ್ರ ಕುಕ್ಕುಂದೂರು ಮೆಕ್ಲೆನ ಒಟ್ಟು ಸೇರಿಗೆಡ್ ಪ್ರಸಾದ್ ನೇತ್ರಾಲಯ ಸೂಪರ್ ಸ್ಪೆಷಾಲಿಟಿ ಕಣ್ಣ್ ದ ಆಸ್ಪತ್ರೆ, ಒಡಿಪು ನೇತ್ರ ಜ್ಯೋತಿ ಚಾರಿಟೇಬಲ್ ಟ್ರಸ್ಟ್, ಒಡಿಪು ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸೊಸೈಟಿ, (ಅಂಧತ್ವ ವಿಭಾಗ) ಒಡಿಪು ಒಟ್ಟು ಸೇರಿಗೆಡ್ ನಡತಿನ ನಡೆದ ಧರ್ಮರ್ಥ ಕಣ್ಣ್ ತಪಾಸಣ ಶಿಬಿರಡ್ ಕನ್ನಡಕ ಪಟ್ಟ್ ದ್ ಪಾತೆರಿಯೆರ್.
ಈ ಪೊರ್ತುಡು ಶಿರ್ಡಿ ಸಾಯಿಬಾಬ ಮಂದಿರದ ಗುರ್ಕಾರ್ಲಾಯಿನ ಚಂದ್ರಹಾಸ ಸುವರ್ಣ, ಲಯನ್ಸ್ ಕ್ಲಬ್ ಕಾರ್ಲ ಸಿಟಿ ಗುರ್ಕಾರ್ಲಾಯಿನ ಜ್ಯೋತಿ ರಮೇಶ್, ಶಾಲಾ ಆಡಳಿತ ಮಂಡಳಿ ಸಂಚಾಲಕೆರಾಯಿನ ರಾಜೇಂದ್ರ ಕುಮಾರ್ ಬಲ್ಲಾಳ್, ಉದ್ಯಮಿ ಕಮಲಾಕ್ಷ ನಾಯಕ್, ಶಾಂತೇರಿ ಕಾಮಾಕ್ಷಿ, ಉದ್ಯಮಿ ತ್ರಿವಿಕ್ರಮ ಕಿಣಿ, ಪ್ರಭಾಕರ ಬಂಗೇರ, ಗ್ರಾ.ಪಂ. ಉಪಾಧ್ಯಕ್ಷ ಅನಿಲ್ ಪೂಜಾರಿ, ಸದಸ್ಯೆರಾಯಿನ ರಾಜೇಶ್ ಶೆಟ್ಟಿ ಮತ್ತರ್ಮೆಡ್ ಪಾಲ್ ಪಡೆದಿತ್ತೆರ್.
