ದುಂಬು

ದುಂಬುದ ಸೆಮಿಸ್ಟರ್ ಪರೀಕ್ಷೆ ನಡಪಾವಂದಿಲಕ ಒತ್ತಾಯ

ಕುಡ್ಲ ,ಜುಲೈ 8: : ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದುಗೊಳಿಸಸಾವೊಡು ಪನ್ಪಿನ ಜೋಕ್ಲೆನ ಬೇಡಿಕೆದ ಮಿತ್ತ್ ಅಟ್ಟನೆ ಮಲ್ತಿನ ಸಹಿ ಸಂಗ್ರಹ ಅಭಿಯಾನಡ್ 1 ಲಕ್ಷರ್ದ್ ಜಾಸ್ತಿ ಜನ ಪಾಲ್ ಪಡೆತೆರ್ ಪಂದ್ ಆಲ್ ಇಂಡಿಯಾ ಡೆಮಾಕ್ರಟಿಕ್ ಸ್ಟೂಡೆಂಟ್ಸ್ ಆರ್ಗನೈಸೇಶನ್ (ಎಐಡಿಎಸ್‌ಒ) ಪ್ರಕಟನೆಡ್ ತೆರಿಪಾದುಂಡು.

ಕರಿನ ಮೂಜಿ ವಾರರ್ದ್ ರಾಜ್ಯದ ಪದವಿ, ಸ್ನಾತಕೋತ್ತರ ಪದವಿ, ಇಂಜಿನಿಯರಿಂಗ್ ಬೊಕ್ಕ ಡಿಪ್ಲೊಮ ಜೋಕುಲು ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದು ಮಲ್ಪೊಡು ಪಂದ್ ಸರಕಾರಗ್ ಅಗ್ರಹ ಮಲ್ತೊಂದು ಉಲ್ಲೆರ್.. ಆನ್‌ಲೈನ್ ಚಳವಳಿ, ಪ್ರಾತಿನಿಧಿಕವಾದ್ ಕಾಲೇಜು, ವಿವಿ ದ ದುಂಬು ಚಳವಳಿ, ಪ್ರಾಂಶುಪಾಲೆರೆಗ್ , ವಿವಿ ಕುಲಪತಿಲೆಗ್ ಪತ್ರ ಸಲ್ಲಿಕೆ, ಜನಪ್ರತಿನಿಧಿಲೆಗ್ ಮನವಿ ಸಲ್ಲಿಕೆ, ರಾಜ್ಯವ್ಯಾಪಿ ಆನ್‌ಲೈನ್ ತರಗತಿ ಬಹಿಷ್ಕಾರ ನಡಪಾಂಡಲ ಸರಕಾರರ್ದ್ ಒವ್ವೆ ಪ್ರತಿಕ್ರಿಯೆ ಇಜ್ಜಂದಿನ ಕಾರಣ ಸಹಿ ಸಂಗ್ರಹ ಅಭಿಯಾನನ್ ಎಐಡಿಎಸ್‌ಒ ವತಿರ್ದ್ ಅಟ್ಟನೆ ಮಲ್ತೆರ್ .