ಕಾಮತ್

ದ.ಕ. ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಶನ್ದ ಪೊಸ ಗುರ್ಕಾರ್ಲಾದ್ ಆಯ್ಕೆ ಆಯಿನ ಶಾಸಕ ವೇದವ್ಯಾಸ ಕಾಮತ್

ದ.ಕ. ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಶನ್ದ ಪೊಸ ಗುರ್ಕಾರ್ಲಾದ್ ಆಯ್ಕೆ ಆಯಿನ ಶಾಸಕ ವೇದವ್ಯಾಸ ಕಾಮತ್

ಕುಡ್ಲ : ಕುಡ್ಲ ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಶನ್ ನೆತ್ತ ವಾರ್ಷಿಕ ಸಾಮಾನ್ಯ ಸಭೆ ಪೇಂಟೆದ ಬೆಂದೂರ್ ಡ್ ಉಪ್ಪುನ ಸೆಂಟ್ ಸೆಬೇಂಸ್ಟಿನ್ ಚರ್ಚ್ ಚಾವಡಿಡ್ ಶನಿಯಾರ ನಡತುಂಡು , ಪೊಸ ಗುರ್ಕಾರ್ಲಾದ್ ಶಾಸಕ ವೇದವ್ಯಾಸ ಕಾಮತ್ ಮೇರ್ ಆಯ್ಕೆ ಆತೆರ್ .

2022-23 ಬೊಕ್ಕ 2023-24 ಪೊರ್ತುಡು ಪೊಸ ಕಮಿಟಿದ ಪದುಕೆರೆನ್ ಸಹಕಾರಿ ಸಂಘದ ಒಕ್ಕೂಟದ ಸಹಾಯಕ ರಿಜಿಸ್ಟ್ರಾರ್ ಸುಧೀರ್ ಕುಮಾರ್ ಮೇರ್ ಘೋಷಣೆ ಮಲ್ತೆರ್.

ಗುರ್ಕಾರ್ಲಾದ್ ವೇದವ್ಯಾಸ ಕಾಮತ್, ಒತ್ತು ಗುರ್ಕಾರ್ಲಾದ್ ಅಶೋಕ್ ಪೂವಯ್ಯ ಬೊಕ್ಕ ಶಿವಾನಂದ ಶೆಣೈ, ಕಾರ್ಯಂತೆರಾದ್ ಐವನ್ ಆಲ್ಪ್ರೇಡ್ ಪತ್ರಾವೋ, ಸಹಕಾರ್ಯದರ್ಶಿಯಾದ್ ಗಣೇಶ್ ಪ್ರಸಾದ್ ಕೆ, ಗಣೇಶ್ ಕಾಮತ್, ಕೋಶಾಧಿಕಾರಿಯಾದ್ ಎ.ಎಸ್ ವೆಂಕಟೇಶ್, ಕಾರ್ಯಕಾರಿಣಿ ಸದಸ್ಯೆರಾದ್ ಸುರೇಶ್ ಎಚ್, ರಾಜೇಶ್ ಆಚಾರ್ಯ, ಆರ್.‌ ಶ್ರೀನಿವಾಸ್ ಬಾಳಿಗಾ ಆಯ್ಕೆ ಆತೆರ್ .

ಅಶೋಕ್ ಪೂವಯ್ಯ ಎದುಕೊಂಡೆರ್ . ಗಣೇಶ್ ಕಾಮತ್ ಸೊಲ್ಮೆ ಸಂದೈತ ಮಲ್ತೆರ್ .