ಕಲಾಭಿ (ರಿ )

ಕಲಾಭಿ (ರಿ.) ವತಿರ್ದ್ ಕಲಾಭಿ ಥಿಯೇಟರ್ ಹಬ್ ಮುತಾಲಿಕೆಡ್ ರಂಗ ಕಾರ್ಯಗಾರ

Jun 27, 2021

ಕುಡ್ಲ, ಜೂನ್ 27:ಮಾತಾ ಕಲಾವಿದೆರ್ ಅಕ್ಲೆನ ಕಲಾಸಕ್ತಿಡ್ ರಂಗ ಅಧ್ಯಯನ ಮಲ್ತ್ ಅಕ್ಲೆನ ಊರುಗು ಪಿರ ಬೈದಿನ ಈ ಪೊರ್ತುಡು ಕೋವಿಡ್ ಪನ್ಪಿ ಸಾಂಕ್ರಾಮಿಕ ಸೀಕ್ ರ್ದ್ ಅಕುಲು ಕಲ್ತಿನ ಕಲಾ ವಿಚಾರನ್ ತೋಜಾಯೆರೆ ಒವ್ವೆ ಮತ್ತರ್ಮೆ ತಿಕ್ಕoದಿನಿರ್ದಾವರ ,ಅವ್ವೆತೋ ಕಲಾವಿದೆರ್ ಇಲ್ಲಡೆ ಉಪ್ಪುನೆರ್ದಾವರ, ತಾನ್ ಕಲ್ತಿನ ವಿದ್ಯೆನ್ ನಾಲ್ ಜನಕ್ ಕಲ್ಪಾವುನ ನೆಲೆಟ್ಟ್ ಕಲಾಭಿ (ರಿ.) ವತಿರ್ದ್ ಕಲಾಭಿ ಥಿಯೇಟರ್ ಹಬ್ ಮುತಾಲಿಕೆಡ್ ” ದ ಕ್ರಿಯೇಟಿವ್ ಥಿಯೇಟರ್ ಅನ್ಲಾಕ್ ” ಪನ್ಪಿನ ಉಚಿತ ಕಾರ್ಯಗಾರ ತಾರೀಖ್ 1/7/2021 ರ್ದ್ ಐನ್ ದಿನತ ಕಾಲ ಬೈಯ್ಯ 5 ಗಂಟೆರ್ದ್ 7 ಗಂಟೆ ಮುಟ ನಡಪರೇ ಉಂಡು.

ಎಚ್ಚದ ಮಾಹಿತಿಗಾದ್ ಈ ಸಂಖ್ಯೆಗ್ ಲೆಪ್ಪು ಕೊರ್ಲೆ :9900772221

ಕಾರ್ಯಗಾರ ನಡಪುನ ಜಾಗೆ : ಕಲಾಭಿ (ರಿ.), ಉಜ್ವಲ್ ಉದಿತ್, ರಕ್ತೇಶ್ವರಿ ದೇವಸ್ಥಾನದ ಕೈತಲ್, ಮಾಲೆಮಾರ್, ಕುಡ್ಲ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಲಾಭಿ (ರಿ ) ನೆತ್ತ ಒಟ್ಟು ಸೇರಿಗೆಡ್ ಕುಡ್ಲದ ಪ್ರಸಾದ್ ಆರ್ಟ್ ಗ್ಯಾಲರಿ ಡ್ ನಡತಿನ “CONTEMPLATE ” ಛಾಯಾಗ್ರಹಣ ಚಿತ್ರ ಪ್ರದರ್ಶನ ದ ಮುಗಿತಲದ ಲೇಸ್

Nov 11, 2020

ಉಂದುವೇ ನವೆಂಬರ್ 6,7 ಬೊಕ್ಕ 8 ನೇ ತಾರೀಖ್ ಗ್ ಕುಡ್ಲದ ಪ್ರಸಾದ್ ಆರ್ಟ್ ಗ್ಯಾಲರಿ ಡ್ ನಡತಿನ CONTEMPLATE ” ಛಾಯಾಗ್ರಹಣ ಚಿತ್ರ ಪ್ರದರ್ಶನ ದ ಮುಗಿತಲದ ಲೇಸ್ ತಾರೀಕ್ 10/11/2020 ನೇ ತಾರೀಖ್ ಗ್ ಬಾರಿ ಪೊರ್ಲುಡೆ ನಡತುಂಡು.

ಪ್ರತಿಷ್ಠಿತ ಛಾಯಾಗ್ರಾಹಕೆರಾಯಿನ ವಿನೀತ್ ಕುಮಾರ್ ಮೇರ್ ಕಾರ್ಯಕ್ರಮದ ಉದಿಪನ ಮಲ್ತ್ದ್ ” ಛಾಯಾಗ್ರಹಣ ಪನ್ಪಿನ ಒಂಜಿ ಕಲೆ. ಕಲಾವಿದಗ್ ಛಾಯಾಗ್ರಹಣ ಮಲ್ಪರೆ ಏಪಲಾ ಸ್ವತಂತ್ರ ಉಪ್ಪೊಡು, ಪ್ರತಿಯೊಂಜಿ ಎಡ್ಡೆ ಕ್ಷಣೊಕುಲೆನ್ ತನ್ನ ಕ್ಯಾಮೆರಾ ಡ್ ಸೆರೆ ಪತ್ತುನ ಸಾಮರ್ಥ್ಯ ಅವು ಛಾಯಾಗ್ರಾಹಕನ ” ಪಂದ್ ಪಂಡೆರ್.

ACE ಪ್ರಮೋಟರ್ಸ್ ಗುರ್ಕರ್ಲಾಯಿನ ದರ್ಶನ್ ಜೈನ್ ಪಾತೆರ್ದ್ ” ಛಾಯಾಗ್ರಹಣ ಪನ್ಪಿನವು ಬಾರಿ ಕಮ್ಮಿಡ್ ಉಪ್ಪುನವು, ಕಲಾವಿದಗ್ ಎಡ್ಡೆ ಕ್ಷಣಕುಲೆನ್ ಸೆರೆ ಪತ್ತುನ ಸಾಮರ್ಥ್ಯ ಉಂಡು, ಜವನ್ಯೆರ್ ಮಲ್ತಿನ ಈ ಕಜ್ಜ ಶ್ಲಾಘನೀಯ” ಪಂದ್ ಎಡ್ಡೆಪ್ಪುದ ಪಾತೆರ ಪಂಡೆರ್.

“ಪೊರ್ಲುದ ಭಾವನೆದ ಮಿತ್ತ್ ಬೊಲ್ಪು ಪಾರಾದ್, ಕಲ್ಪನೆಗ್ ತೋರಣ ಕಟ್ ದ್ , ಚಿತ್ರಮೆರವಣಿಗೆನ್ ಮಲ್ತಿನ ಕಲ್ಪನಾಕಾರ ಕಲಾಕಾರರೆಗ್ ಸೊಲ್ಮೆಲು ಬೊಕ್ಕ ಎಡ್ಡೆಪ್ಪುಲು ” ಪಂದ್ ಉಪನ್ಯಾಸಕಿ ಆಯಿನ ಮಾಧುರಿ ಶ್ರೀರಾಮ್ ಪಂಡೆರ್.

“ಕಾಂಟೆಂಪ್ಲೇಟ್ ಪನ್ಪಿನ ಯಾನ್ ಭೇಟಿ ಕೊರಿನ ಕಲಾಭಿ (ರಿ. ) ಮೆಕ್ಲೆನ ಮುತಾಲಿಕೆಡ್ ಬಾರಿ ಪೊರ್ಲುಡೆ ನಡತಿನ ಫೋಟೋ ಪ್ರದರ್ಶನ.ನಮ್ಮ ಊರುದ ಯುವ ಫೋಟೋ ಕಲಾವಿದೆರ್ನ ಒಟ್ಟು ಸೇರಿಗೆಡ್ ಬಾರಿ ಪೊರ್ಲುಡೆ ಮೂಡುದು ಬೈದುಂಡು.ಈ ಚಿತ್ರಲು ಕಲಾವಿದೆರ್ನ ಪ್ರಾಯೋರ್ದುಲ ಮಿತ್ತ್ ಪಂದ್ ತೋಜಿದ್ ಬೈದುಂಡು.” ಪಂದ್ ಭರತನಾಟ್ಯ ಕಲಾವಿದೆ
ರಾಧಿಕಾ ಶೆಟ್ಟಿ ಪಂಡೆರ್.