ಕುಡ್ಲ

ಕುಡ್ಲ ಗ್ ಬರ್ರೆ ಉಪ್ಪುನ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ

ಕುಡ್ಲ , ಎ.6: ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಮೇರ್ ಎ.8 ಬೊಕ್ಕ 9 ತಾರೀಖ್ ಗ್ ದ.ಕ. ಜಿಲ್ಲೆಗ್ ಬರಿಯರೆ ಉಲ್ಲೆರ್.

ಎ.8 ತಾರೀಖ್ ಗ್ ಬೈಯ್ಯ l 4:10ಕ್ಕ್ ಕುಡ್ಲ ವಿಮಾನ ನಿಲ್ದಾಣಗ್ ಬರ್ರೆ ಉಲ್ಲೆರ್. ಸಂಜೆ 6:30ಕ್ ಜಿಪಂ ಸಭಾಂಗಣಡ್ ಕೋವಿಡ್-19ಗ್ ಸಂಭಂದ ಪ್ರಧಾನಿನ ಒಟ್ಟುಗು ವೀಡಿಯೋ ಸಂವಾದ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್. ರಾತ್ರಿ 9:15ಕ್ ಕಡಬದ ಕುಂಜಾಡಿ ಗ್ರಾಮಡ್ ನಡಪರೆ ಉಪ್ಪುನ ಧರ್ಮನೇಮೋತ್ಸವ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್ ರಾತ್ರಿ ಕುಡ್ಲಡೆ ಕುಲ್ದು
ಎ.9 ತಾರೀಖ್ ಗ್ ಕಾಂಡೆ 8:25ಕ್ಕ್ ಕುಡ್ಲ ವಿಮಾನ ನಿಲ್ದಾಣರ್ದ್ ಬೆಂಗಳೂರುಗು ಪೋಯೆರೆ ಉಲ್ಲೆರ್ ಪಂದ್ ಪ್ರಕಟನೆಗ್ ತೆರಿಪಾದೆರ್ .

ನಿವೃತ್ತ ಪೊಲೀಸೆರೆಗ್ ಆರೋಗ್ಯ ಭಾಗ್ಯ ಯೋಜನೆ

ಒಡಿಪು , ಎ.3: ನಿವೃತ್ತ ಪೊಲೀಸೆರೆಗ್ ಪೇಂಟೆದ ಪ್ರಮುಖ ಆಸ್ಪತ್ರೆಡ್ ಆರೋಗ್ಯ ಭಾಗ್ಯ ಯೋಜನೆದ ಪ್ರಯೋಜನ ತಿಕ್ಕೊಡು ಪಂದ್ ಸಶಸ್ತ್ರ ಮೀಸಲು ಪಡೆತ ನಿವೃತ್ತ ಸಹಾಯಕ ಪೊಲೀಸ್ ಉಪನಿರೀಕ್ಷಕೆರಾಯಿನ ಎ. ಚಂದ್ರಶೇಖರ್ ಪಂಡೆರ್ .

ಶುಕ್ರವಾರ ಪೇಂಟೆದ ಪೊಲೀಸ್ ಕವಾಯತು ಮೈದಾನ (ಚಂದು ಮೈದಾನ)ಡ್ ಉಡುಪಿ ಜಿಲ್ಲಾ ಪೊಲೀಸ್ ಇಲಾಖೆರ್ದ್ ನಡತಿನ ಕರ್ನಾಟಕ ರಾಜ್ಯ ಪೊಲೀಸ್ ಧ್ವಜ ದಿನಾಚರಣೆಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಮಾನದಿಗೆ ದೆತೊಂದು ಪಾತೆರಿಯೆರ್.

ನಿವೃತ್ತ ಪೊಲೀಸೆರೆಗ್ ಆರೋಗ್ಯ ಭಾಗ್ಯ ಯೋಜನೆ ಕೆಲವು ನಿಗದಿತ ಆಸ್ಪತ್ರೆಡ್ ಮಾತ್ರ ಚಿಕಿತ್ಸೆ ತಿಕ್ಕೊಂದು ಉಂಡು , ಆಂಡ ಮಾತಾ ಆಸ್ಪತ್ರೆಡ್ ಲಾ ಚಿಕಿತ್ಸೆ ಬೋಡು ಪಂಡ ಅವು ಸಾಧ್ಯ ಇಜ್ಜಿ ಈ ನೆಲೆಟ್ಟ್ ಪೊಲೀಸ್ ವರಿಷ್ಠಾಧಿಕಾರಿಲು ಗಮನ ಕೊರೊಡು ಪಂದ್ ಚಂದ್ರಶೇಖರ್ ಬಿನ್ನಾಪು ಮಲ್ತೆರ್.