ಶ್ರೀಕೃಷ್ಣ ಪ್ರಸಾದ

ಶ್ರೀ ಕೃಷ್ಣ ಮಠಟ್ ಯಾತ್ರಾರ್ಥಿಲೆಗ್ ಶ್ರೀಕೃಷ್ಣ ಪ್ರಸಾದ ರೂಪಡ್ ಭೋಜನ ವ್ಯವಸ್ಥೆ ಸುರು

ಶ್ರೀ ಕೃಷ್ಣ ಮಠಟ್ ಕರೋನ ಲಕ್ಡೌನ್ ಆಯಿನೆರ್ದ್ ಬೊಕ್ಕ ಯಾತ್ರಾರ್ಥಿಲೆಗ್ ಶ್ರೀಕೃಷ್ಣ ಪ್ರಸಾದ ರೂಪಡ್ ನಡತೊಂದು ಇತ್ತಿನ ಭೋಜನದ ವ್ಯವಸ್ಥೆನ್ ಉಂತಾದ್ ಇತ್ತೆರ್. ಇನಿ ಭೋಜನಶಾಲೆಡ್ ಪರ್ಯಾಯ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದೆರ್ ಅನ್ನಪ್ರಸಾದನ್ ಬಲಸುನ ಮುಖೇನ ಯಾತ್ರಾರ್ಥಿಲೆನ ಭೋಜನಗ್ ಚಾಲನೆ ಕೊರಿಯೆರ್.

ಇನಿರ್ದ್ ಭೋಜನ ಶಾಲೆಡ್ ಭೋಜನದ ವ್ಯವಸ್ಥೆ ಉಪ್ಪುಂಡು.ಈ ಪೊರ್ತುಡು ಪರ್ಯಾಯ ಮಠದ ವ್ಯವಸ್ಥಾಪಕರಾಯಿನ ಗೋವಿಂದರಾಜ್, ಪರ್ಯಾಯ ಮಠದ ರೋಹಿತ್ ತಂತ್ರಿ, ಶ್ರೀಕೃಷ್ಣ ಸೇವಾಸಮಿತಿದ ಗಣೇಶ್ ಹೆಬ್ಬಾರ್ ಮೊಕುಲು ಪಾಲ್ ಪಡೆದಿತ್ತೆರ್.