ವಿವರ

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನಡ್ ಬ್ರಹ್ಮಕಲಶದ ಗೌಜಿ : ಇನಿತ ಲೇಸ್ ದ ವಿವರ

Apr 5, 2022

ಮುಲ್ಕಿ: ಉಚ್ಚಿಲದ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಜೀರ್ಣೋದ್ಧಾರ ಆದ್ ಪೊಸ ದೇಖಿಡ್ ತೋಜಿದ್ ಲಕ್ಷಾಂತರ ಭಕ್ತೆರೆನ್ ಆಕರ್ಷಣೆ ಮಲ್ತೊಂದುಂಡು. ಈ ಸಾನ್ನಿಧ್ಯಡ್ ೨೦೨೨ನೇ ಏಪ್ರಿಲ್ ೧ ಸುಕ್ರಾರೊರ್ದು ಏಪ್ರಿಲ್ ೧೫ ಸುಕ್ರಾರ ಮುಟ್ಟ ಶ್ರೀ ಮಹಾಲಕ್ಷ್ಮಿ ದೇವಿ, ಪರಿವಾರ ದೇವೆರ್‍ನ ಪುನರ್‌ಪ್ರತಿಷ್ಠೆ, ರಥೋತ್ಸವ, ಚತುಃಪವಿತ್ರ ನಾಗಮಂಡಲೋತ್ಸವದ ಲೇಸ್ ಶ್ರೀ ಕ್ಷೇತ್ರದ ತಂತ್ರಿಲು ವಿದ್ವಾನ್ ಕುಕ್ಕಿಕಟ್ಟೆ ರಾಘವೇಂದ್ರ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಏ.೫ ಅಂಗಾರೆ ಪೂರ್ಣ ನವಗ್ರಹ ಯಾಗ, ಸುಗಮಸಂಗೀತ, ಮದ್ದೆನ ಅನ್ನಸಂತರ್ಪಣೆ, ಬಯ್ಯಡ್ ಧಾರ್ಮಿಕ ಸಭೆಟ್ಟ್ ಪೇಜಾವರ ಮಠತ್ತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮಿಲೆರ್ದ್ ಆಶೀರ್ವಚನ ಮಲ್ಪುವೆರ್. ಕು.ಅನ್ವಿತಾ ಕೋಟ್ಯಾನ್ ಮೆರೆರ್ದ್ ಭರತನಾಟ್ಯ, ಕಾಪು ನಾಲ್ಕು ಪಟ್ಣ ಮೊಗವೀರ ಮಹಿಳಾ ಮಂಡಳಿದಕ್ಲೆರ್ದ್ ನೃತ್ಯ ವೈಭವ, ಕುಡ್ಲದ ಜೈ ಮಾತಾ ಕಲಾ ತಂಡರ್ದ್ “ಒಂತೆ ಕಾಪುಲೆ’ ನಾಟಕ ಪ್ರದರ್ಶನ ನಡಪರೆ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಖಾಸಗಿ ಆಸ್ಪತ್ರೆಡ್ ಮರ್ದ್ ದ ವಿವರ ಫಲಕ ಕಡ್ಡಾಯ : ಒಡಿಪು ಜಿಲ್ಲಾಧಿಕಾರಿ

Jul 28, 2021

ಒಡಿಪು, ಜುಲೈ 28: ಜಿಲ್ಲೆಡ್ ಕೆ.ಪಿ.ಎಂ.ಇ ಕಾಯ್ದೆಯಡಿ ನೊಂದಾಯಿತವಾಯಿನ ಮಾತಾ ಆಸ್ಪತ್ರೆ, ಕ್ಲಿನಿಕ್‌ಡ್ ಅಕ್ಲೆಡ ಉಪ್ಪುನ ವಿವಿಧ ಚಿಕಿತ್ಸೆಲು , ಮರ್ದ್ ದ ದರ, ಚಿಕಿತ್ಸಾ ವಿಧಾನ (ಅಲೋಪತಿ, ಆಯುರ್ವೇದ ಇತ್ಯಾದಿ), ವೈದ್ಯರ ವಿವರನ್ ಕಡ್ಡಾಯವಾದ್ ಅಳವಡಿಸಾವೊಡು ಪಂದ್ ಅಂಚನೇ ಮರ್ದ್ ಗಾದ್ ಬರ್ಪಿನ ರೋಗಿಲೆಗ್ ಬೊಕ್ಕ ಅಕ್ಲೆನ ಸಂಬಂಧಿಕೆರೆಗ್ ಸ್ಪಷ್ಟವಾದ್ ಗೋಚರ ಆವೊಡು .

ಈ ಬಗ್ಗೆ ಪರಿಶೀಲನೆ ನಡಪಾವುಲಕ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಅಧಿಕಾರಿಲೆಗ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ಸೂಚನೆ ಕೊರ್ತೆರ್.

ಒಡಿಪು: ಶನಿವಾರದ ಲಸಿಕೆದ ವಿವರ

Jun 19, 2021

ಒಡಿಪು ಜೂನ್ 19: ಪೇಂಟೆಡ್ ಜೂ.19ರ ಶನಿವಾರ ಕೋವ್ಯಾಕ್ಸಿನ್ ಸುರುತ್ತ ಡೋಸ್ ಲಸಿಕೆ ಒಲ್ಪಲಾ ಲಭ್ಯ ಇಜ್ಜಿ . ಪೇಂಟೆದ ಸರಕಾರಿ ತಾಯಿ ಬೊಕ್ಕ ಜೋಕ್ಲೆನ ಆಸ್ಪತ್ರೆ (ಬಿಆರ್ ಶೆಟ್ಟಿ)ಡ್ ಜೂ.25ತ್ತ ಉಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ದೆತೊoದು 28 ದಿನ ಆಯಿನಕ್ಲೆಗ್ ಮಾತ್ರ 2ನೇ ಡೋಸ್ ಕೋವಿಶೀಲ್ಡ್ ಲಸಿಕೆ (100 ಡೋಸ್) ಕಾಂಡೆ 9:30ರ್ದ್ ಬೈಯ್ಯ 4:30 ಮುಟ ಉಂಡು .