ರಾಜ್ಯ

ರಾಜ್ಯದ 30ನೇ‌ ಸಿಎಂ ಆದ್ ಬಸವರಾಜ ಬೊಮ್ಮಾಯಿ ಪ್ರಮಾಣವಚನ ಸ್ವೀಕಾರ

ಬೆಂಗ್ಳೂರು : ಕೋಡೆ ಆತೆ ರಾಜ್ಯದ ಪೊಸ ಮುಖ್ಯಮಂತ್ರಿಯಾದ್ ಆಯ್ಕೆ ಆಯಿನ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನಡ್ ನಡತಿನ ಸರಳ ಲೇಸ್ ಡ್ , 30ನೇ ಮುಖ್ಯಮಂತ್ರಿಯಾದ್ ದೇವೆರ್ನ ಪುದರ್ ಡ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ರಾಜಕೀಯ ಹಿನ್ನಲೆ, ಉತ್ತಮ ನಡೆ, ವಿದ್ಯಾರ್ಹತೆ ಉಪ್ಪುನರ್ , ರಾಜಕೀಯ ಅನುಭವ ಉಪ್ಪುನಂಚಿನ ಬಸವರಾಜ ಬೊಮ್ಮಾಯಿನ್ ಬಿಎಸ್ ಯಡಿಯೂರಪ್ಪ ರ್ದ್ ಬೊಕ್ಕ , ಕರ್ನಾಟಕದ 30ನೇ ಮುಖ್ಯಮಂತ್ರಿಯಾದ್ ಆಯ್ಕೆ ಮಲ್ತೆರ್ . ಇಂಚಿನ ಪೊಸ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನದ ಗಾಜಿನ ಅರಮನೆಡ್ ನಡತಿನ ಸರಳ ಲೇಸ್ ಡ್ , ಪ್ರಮಾಣ ವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ರಾಜ್ಯದ 43 ತಹಶೀಲ್ದಾರ್ಲೆನ್ ವರ್ಗಾವಣೆ ಮಲ್ತಿನ ರಾಜ್ಯ ಸರ್ಕಾರ

ಮಂಡ್ಯ :- ರಾಜ್ಯ ಸರ್ಕಾರರ್ದ್ ಆಡಳಿತ ಯಂತ್ರಗ್ ಚುರುಕು ಮುಟ್ಟಿಸಾವುನ ಸಲುವಾದ್ ಮೇಜರ್ ಸರ್ಜರಿನ್ ಮಲ್ದೆರ್ . ರಾಜ್ಯದ 43 ತಹಶೀಲ್ದಾರ್ಲೆನ್ ದಿಡೀರ್ ವರ್ಗಾವಣೆ ಮಲ್ದೆರ್ , ಆಡಳಿತ ಯಂತ್ರಗ್ ನನಾತ್ ಚುರುಕು ಮಲ್ದೆರ್ .

ಈ ಬಗ್ಗೆ ಗುರುವಾರ ಆದೇಶ ಕೊರಿನ ರಾಜ್ಯ ಸರ್ಕಾರ ಮಂಡ್ಯ ಜಿಲ್ಲೆದ 4 ತಾಲ್ಲೂಕುದ ತಹಶೀಲ್ದಾರ್ಲೆನ್ ದಿಡೀರ್ ಆದ್ ವರ್ಗಾವಣೆ ಮಲ್ದೆರ್.

ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ ಅನುಷ್ಠಾನಡ್ ಎಸ್‍ಸಿಡಿಸಿಸಿ ಬ್ಯಾಂಕ್ ರಾಜ್ಯಗ್ ಸುರುತ ಸ್ಥಾನ

ಕುಡ್ಲ, ಜುಲೈ 22: ರೈತೆರ್ನ ಪಾಲ್ ಗ್ ವರದಾನ ಆತಿನ ಕೇಂದ್ರ ಸರಕಾರದ ಬಹು ಮಹಾತ್ವಾಕಾಂಕ್ಷೆದ ಯೋಜನೆಯಾಯಿನ ‘ಹವಾಮಾನ ಆಧಾರಿತ ಬೆಳೆ ವಿಮಾ ಯೋಜನೆ’ನ್ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ (ಎಸ್‍ಸಿಡಿಸಿಸಿ ಬ್ಯಾಂಕ್) ಸಮರ್ಪಕವಾದ್ ಜಾರಿಗ್ ಕಂತ್ ರಾಜ್ಯಡ್ ಸುರುತ ಸ್ಥಾನ ಕಂತಿನವು ಪೆರ್ಮೆದ ವಿಚಾರ ಪಂದ್ ಎಸ್‍ಸಿಡಿಸಿಸಿ ಬ್ಯಾಂಕ್‍ದ ಗುರ್ಕಾರ್ಲಾಯಿನ ಡಾ.ಎಂ.ಎನ್. ರಾಜೇಂದ್ರ ಕುಮಾರ್ ಪಂಡೆರ್ .

ಮೇರ್ ಬ್ಯಾಂಕ್ ಡ್ ಕೆನರಾ ಬ್ಯಾಂಕ್ ಬೊಕ್ಕ ಲೀಡ್ ಡಿಸ್ಟ್ರಿಕ್ಟ್ ಬ್ಯಾಂಕ್ ವತಿರ್ದ್ ನಡತಿನ ಮಾನದಿಗೆ ಸ್ವೀಕಾರ ಮಲ್ತ್ ಪಾತೆರಿಯೆರ್.ಈ ಪೊರ್ತುಡು ಲೀಡ್ ಡಿಸ್ಟ್ರಿಕ್ಟ್ ಮೆನೇಜರ್ ಪ್ರವೀಣ್, ತೋಟಗಾರಿಕಾ ಇಲಾಖೆದ ಉಪನಿರ್ದೇಶಕೆರಾಯಿನ ಹೆಚ್.ಎನ್. ನಾಯಕ್, ನಬಾರ್ಡ್ ಡಿಡಿಎಂ ಶ್ರೀಮತಿ ಸಂಗೀತಾ ಕರ್ತ, ಸಹಕಾರಿ ಸಂಘದ ಉಪನಿಬಂಧಕೆರಾಯಿನ ಪ್ರವೀಣ್ ಬಿ. ನಾಯಕ್, ಬ್ಯಾಂಕಿನ ಉಪಾಧ್ಯಕ್ಶೆರಾಯಿನ ವಿನಯಕುಮಾರ್ ಸೂರಿಂಜೆ, ನಿರ್ದೇಶಕೆರಾಯಿನ ಶಶಿಕುಮಾರ್ ರೈ ಬಾಲ್ಯೊಟ್ಟು, ರಾಜು ಪೂಜಾರಿ, ಎಸ್.ಬಿ. ಜಯರಾಮ್ ರೈ, ಮಹೇಶ್ ಹೆಗ್ಡೆ, ಐಕಳ ಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು, ಟಿ.ಜಿ. ರಾಜಾರಾಮ್ ಭಟ್, ಬ್ಯಾಂಕ್ದ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬಿ.ರವೀಂದ್ರ, ಮಹಾ ಪ್ರಬಂಧಕೆರಾಯಿನ ಗೋಪಿನಾಥ್ ಭಟ್, ಸಹಕಾರ ಸಂಘದ ಸಹಾಯಕ ನಿಬಂಧಕೆರಾಯಿನ ಶ್ರೀ ಸುಧೀರ್ ಕುಮಾರ್ ಬೊಕ್ಕ ಬ್ಯಾಂಕ್ ದ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.

ಜೈ ತುಳುನಾಡ್ (ರಿ.) ಸಂಘಟನೆರ್ದ್ ತುಳು ಭಾಷೆನ್ ರಾಜ್ಯಡ್ ಅಧಿಕೃತ ಮಲ್ಪರೆ ಶಾಸಕ ಶ್ರೀ ರಘುಪತಿ ಭಟ್‌ಗ್ ಬಿನ್ನಾಪು

ಕುಡ್ಲ, ಜುಲೈ 21: 2000 ವರ್ಷದ ಇತಿಹಾಸ ಉಪ್ಪುನ ತುಳುಭಾಷೆನ್ ಕರ್ನಾಟಕ ರಾಜ್ಯಡ್ ಸಂವಿಧಾನದ ವಿಧಿ 347ರ ಪ್ರಕಾರ ಅಧಿಕೃತ ಮಲ್ಪೊಡು ಅಂಚನೇ ಈ ಬಗ್ಗೆ ಅಧಿವೇಶನಡ್ ಸೊರ ಲಕ್ಕವೊಡು ಪಂದ್ ಒಡಿಪು ವಿಧಾನಸಭಾ ಕ್ಷೇತ್ರದ ಶಾಸಕೆರಾಯಿನ ಶ್ರೀ ರಘುಪತಿ ಭಟ್‌ ಮೆರೆಗ್ ಜೈ ತುಳುನಾಡ್ (ರಿ.) ಸಂಘಟನೆ ಒಡಿಪು ಪ್ರೆಸ್ ಕ್ಲಬ್‌ಡ್ ಅರಿಕೆ ಮಲ್ತೆರ್ .

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಡಾ. ಆಕಾಶ್ ರಾಜ್ ಜೈನ್, ಶ್ರೀಮತಿ ತಾರ ಉಮೇಶ್ ಆಚಾರ್ಯ, ಜೈ ತುಲುನಾಡ್ (ರಿ.) ಸಂಘಟನೆದ ಅಧ್ಯಕ್ಷೆರಾಯಿನ ಶ್ರೀ ಸುದರ್ಶನ್ ಸುರತ್ಕಲ್, ಪ್ರಧಾನ ಕಾರ್ಯದರ್ಶಿಯಾಯಿನ ಶ್ರೀ ಸದಾಶಿವ ಮುದ್ರಾಡಿ, ಟೈಮ್ಸ್ ಆಫ್ ಕುಡ್ಲದ ಶ್ರೀಮತಿ ಯಶೋಧ ಕೇಶವ್ ಪಾಲ್ ಪಡೆದಿತ್ತೆರ್.

ಜುಲೈ. 22 ಮುಟ ರಾಜ್ಯಡ್ ಬಾರಿ ಬರ್ಸ : ಹವಾಮಾನ ಇಲಾಖೆ

ಬೆಂಗ್ಳೂರು,: ಇತ್ತೇ ರಾಜ್ಯೋಡು , ಕರಾವಳಿ ಬಾಗ , ದಕ್ಷಿಣ ಒಳನಾಡು , ಮಲೆನಾಡ್ ಡ್ ವರುನಾರ್ಭಟ ಜೋರಾತುಂಡು . ಧಾರಾಕಾರ ಬರ್ಸರ್ದಾವರ ಜನಜೀವನ ಅಸ್ತವ್ಯಸ್ತ ಆತುಂಡು.ಉತ್ತರಕನ್ನಡ , ಕೊಡಗು , ಕರಾವಳಿ ಜಿಲ್ಲೆಡ್ ಬುಡoದೆ ಬರ್ಸ ಬರೊಂದು ಉಂಡು .. ಇತ್ತೇ ಜುಲೈ. 22 ತಾರೀಖ್ ಮುಟ ಕರ್ನಾಟಕದ ಕೆಲವು ಕಡೆ ಬಾರಿ ಬರ್ಸ ಬರ್ರೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು .

ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ ಆನ್ಲೈನ್ ಡ್ ಪರೀಕ್ಷಾ ಶುಲ್ಕ ಕಟ್ಟರೆ ಅವಕಾಶ

ಬೆಂಗ್ಳೂರು,ಜುಲೈ 17: ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯಡ್ 2001-02 ರಿಂದ 2014-15 ಬೊಕ್ಕ 2018-19 ರ್ದ್ 2020-21ನೇ(ಜುಲೈಆವೃತ್ತಿ) ಶೈಕ್ಷಣಿಕ ಸಾಲ್ ಡ್ ಪ್ರವೇಶಾತಿ ಪಡೆಯಿನ ಸ್ನಾತಕ ಬೊಕ್ಕ ಸ್ನಾತಕೋತ್ತರ ಜೋಕುಲು ವಾರ್ಷಿಕ ಬೊಕ್ಕ ಸೆಮಿಸ್ಟರ್ ಪರೀಕ್ಷೆಗ್ ಆನ್‍ಲೈನ್ ಮುಖೇನ ಪರೀಕ್ಷಾ ಶುಲ್ಕ ಪಾವತಿಸಾಯೆರೆ ಅಧಿಸೂಚನೆ ಕೊರ್ತೆರ್ .

ಬಿಎ, ಬಿಕಾಂ, ಬಿಎಡ್, ಬಿಎಡ್ (ವಿಶೇಷ ಶಿಕ್ಷಣ), ಎಂಎ, ಎಂಕಾಂ, ಎಂಬಿಎ, ಎಲ್‍ಎಲ್‍ಎಂ, ಎಂಬಿಎ(ಲಾ), ಎಂಟಿಎಂ, ಎಂಎಡ್, ಎಂಲಿಬ್‍ಐಎಸ್ಸಿ, ಎಲ್ಲಾ ಎಂಸ್ಸಿ, ಮತ್ತು ಎಲ್ಲಾ ಪಿಜಿ ಡಿಪ್ಲೋಮಾ, ಡಿಪ್ಲೋಮಾ ಬೊಕ್ಕ ಸರ್ಟಿಫಿಕೇಟ್ ಕೋರ್ಸ್ದ ಜೋಕ್ಲೆಗ್ ಆನ್‍ಲೈನ್ ಮುಖೇನ ಪರೀಕ್ಷಾ ಶುಲ್ಕ ಕಟ್ಟರೆ ಅವಕಾಶ ಕೊರ್ತೆರ್ .

ಜೋಕುಲು ವಿಶ್ವವಿದ್ಯಾನಿಲಯದ ಅಧಿಕೃತ ವೆಬ್‍ಸೈಟ್ www.ksoumysuru.ac.in ಡ್ ಅತ್ತುಂಡ http://ksouportal . com/views/ExamHome.aspx ನ ಮುಖೇನ ಪರೀಕ್ಷಾ ಶುಲ್ಕನ್ ಕಡ್ಡಾಯವಾದ್ ಅಂತರ್‍ಜಾಲದ (Online) ಮುಖೇನ ಪಾವತಿ ಮಲ್ಪೊಲಿ.

ರಾಜ್ಯ ಸಭೆ ಸದನ ನಾಯಕೆರಾದ್ ಪಿಯೂಷ್ ಗೋಯಲ್ 

ನವೆದಹಲಿ, ಜುಲೈ 15: ಪ್ರಸ್ತುತ ರಾಜ್ಯಸಭೆದ ಉಪ ಮಹಡಿ ನಾಯಕೆರಾಯಿನ ಕೇಂದ್ರ ಸಚಿವ ಪಿಯೂಷ್ ಗೋಯಲ್  ಭಾರತೀಯ ಜನತಾ ಪಕ್ಷದ ರಾಜ್ಯಸಭೆದ ಸದನದ ನಾಯಕೆರ್ ಆಯೆರ್ . ಸಧ್ಯ ಕರ್ನಾಟಕದ ರಾಜ್ಯಪಾಲೆರಾಯಿನ ಪೆರಿಯ ನಾಯಕ ಥಾವರ್ ಚಂದ್ ಗೆಹ್ಲೋಟ್ ಮೆರ್ನ ರಾಜೀನಾಮೆದ ಬೊಕ್ಕ ತೆರವಾಯಿನ ಸ್ಥಾನನ್ ಗೋಯಲ್ ದೆತೊನೆರೆ ಉಲ್ಲೆರ್ .

ಪೆರಿಯ ಸಂಸದೀಯ ನಾಯಕೆರಾಯಿನ ಗೋಯಲ್ ಮೇರ್ ತ್ರಿವಳಿ ತಲಾಖ್ ಬೊಕ್ಕ ಅನುಚ್ಛೇದ 370 ದಂಚಿನ ನಿರ್ಣಾಯಕ ಮಸೂದೆನ್ ಅಂಗೀಕರಿಸಾವುನ ಪೊರ್ತುಡು ಪರಿಣಾಮಕಾರಿ ಸನ್ನಿವೇಶಡ್ ಫ್ಲೋರ್ ಮ್ಯಾನೇಜರ್ ಆತೆರ್ .