ರಾಜ್ಯ

ನವೆಂಬರ್ದ ಉಲಯಿ ರಾಜ್ಯೋದ ಮಾತಾ ಜನಕ್ಲೆಗ್ ಕೋವಿಡ್ ಲಸಿಕೆ : ಸಿಎಂ ಮಹತ್ವದ ಘೋಷಣೆ

Aug 30, 2021

ಕರ್ನಾಟಕ : ನವೆಂಬರ್ ತಿಂಗೊಲ್ ದ ಉಲಯಿ ರಾಜ್ಯದ ಮಾತೆರೆಗ್ಲಾ ಕೋವಿಡ್ ಸುರುತ ಡೋಸ್ ಕೊರೊಡು ಪಂದ್ ಸಿಎಂ ಬಸವರಾಜ್ ಬೊಮ್ಮಾಯಿ ಘೋಷಣೆ ಮಲ್ದೆರ್ .

ಹಾವೇರಿಡ್ ಪಾತೆರಿನ ಸಿಎಂ ಬೊಮ್ಮಾಯಿ, ಕೊರೊನಾ ಮೂಜನೇ ಅಲೆ ಪೋಡಿಗೆದ ನೆಲೆಟ್ಟ್ ಮಸ್ತ್ ಜಾಗ್ರತೆ ಮಲ್ಪುನ ಅಗತ್ಯ ಉಂಡು ಪಂದ್ ಪಂಡೆರ್.

ರಾಜ್ಯೋಡು ಬಾರಿ ಬರ್ಸ : 8 ರಾಜ್ಯೋಡು ಆರೆಂಜ್ ಅಲರ್ಟ್

Aug 29, 2021

ಬೆಂಗ್ಳೂರು,ಆ.29- ರಾಜ್ಯೋಡು ಇನಿ ಬೊಕ್ಕ ಎಲ್ಲೆ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು 8 ಜಿಲ್ಲೆಡ್ ಆರೆಂಜ್ ಅಲರ್ಟ್ ಘೋಷಣೆ ಮಲ್ದೆರ್ . ಬಂಗಾಳ ಉಪಸಾಗರದ ಒಡಿಶಾ ಬೊಕ್ಕ ಆಂಧ್ರಪ್ರದೇಶದ ಕರಾವಳಿಡ್ ವಾಯುಭಾರ ಕುಸಿತ ಆಯಿನ ನೆಲೆಟ್ಟ್ ಕರ್ನಾಟಕ ರಾಜ್ಯಡ್ ಇನಿರ್ದ್ ಭಾರೀ ಬರ್ಸ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದುಂಡು .

ಎನ್‍ಎಸ್‍ಯುಐದ ರಾಜ್ಯ ಪ್ರಧಾನ ಕಾರ್ಯಂತೆರಾದ್ ಅನ್ವಿತ್ ಕಟೀಲ್

Aug 20, 2021

ಕುಡ್ಲ : ಎನ್‍ಎಸ್‍ಯುಐದ ರಾಜ್ಯ ಪ್ರಧಾನ ಕಾರ್ಯಂತೆರಾದ್ ಅಂಚನೇ ವಿಟಿಯು ದ ಉಸ್ತುವಾರಿಯಾದ್ ಅನ್ವಿತ್ ಕಟೀಲ್ ಮೆರೆನ್ ನೇಮಕ ಮಲ್ತ್ ಎನ್‍ಎಸ್‍ಯುಐದ ರಾಷ್ಟ್ರೀಯ ಕಾರ್ಯಂತೆರಾಯಿನ ಎರಿಕ್ ಸ್ಟೆಪನ್ ಆದೇಶ ಮಲ್ದೆರ್ .

ಅನ್ವಿತ್ ಮೇರ್ ತಾ.ಪಂ. ಮಾಜಿ ಸದಸ್ಯೆರಾಯಿನ ತಿಮ್ಮಪ್ಪ ಕೋಟ್ಯಾನ್ರೆನ ಮಗೆ.

ತುಲು ಭಾಷೆಗ್ ರಾಜ್ಯಡ್ ಅಧಿಕೃತ ಮಾನದಿಗೆ ಕೊರೊಡು ಪಂದ್ ಶೋಭಾ ಕರಂದ್ಲಾಜೆಗ್ ಬಿನ್ನಾಪು ಮಲ್ತಿನ ಜೈ ತುಲುನಾಡ್ (ರಿ) ಸಂಘಟನೆ ಒಡಿಪು ಎಗ್ಗೆ

Aug 19, 2021

ಒಡಿಪು : ಅಂಬಲಪಾಡಿ ಕಾರ್ತಿಕ್ ಹೋಟೆಲ್‌ಡ್ ನಡತಿನ ಪತ್ರಿಕಾಗೋಷ್ಠಿಡ್ ಜೈ ತುಲುನಾಡ್ (ರಿ) ಸಂಘಟನೆದ ಪರವಾದ್ ಸದಸ್ಯೆರಾಯಿನ ಅಕ್ಷತಾ ಕುಲಾಲ್ ಮೆರೆರ್ದ್ ಕೇಂದ್ರ ಕೃಷಿ ಸಚಿವೆಯಾಯಿನ ಶೋಭಾ ಕರಂದ್ಲಾಜೆ ಮೆರೆಗ್ ತುಲು ಭಾಷೆಗೆ ಕರ್ನಾಟಕ ರಾಜ್ಯಡ್ ಅಧಿಕೃತ ಮಾನದಿಗೆ ಕೊರೊಡು ಅಂಚನೇ ಈ ವಿಷಯನ್ ಆರ್ಟಿಕಲ್ 347 ಪ್ರಕಾರ ಸನ್ಮಾನ್ಯ ರಾಷ್ಟ್ರಪತಿಲೆನ ಗಮನಗ್ ಕನವೊಡು ಪಂದ್ ಬಿನ್ನಾಪು ಮಲ್ತೆರ್ .

ಈ ಪೊರ್ತುಡು ಸಂಘಟನೆದಕ್ಲೆಗ್ ಶೋಭಾ ಕರಂದ್ಲಾಜೆ ಸಕಾರಾತ್ಮಕ ಪ್ರತಿಕ್ರಿಯೆ ಕೊರಿಯೆರ್ .ಅಂಚನೇ ರಘುಪತಿ ಭಟ್ ತುಲು ಭಾಷೆ ರಾಜ್ಯದ ಅಧಿಕೃತ ಭಾಷೆಯಾವೊಡು ಪಂದ್ ಪಂಡೆರ್. ಈ ಪೊರ್ತುಡು ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯಂತೆರ್ ಆಯಿನ ಶ್ರೀ ಯಶ್‌ಪಾಲ್ ಎ ಸುವರ್ಣ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರಾಯಿನ ತಾರಾ ಉಮೇಶ್ ಆಚಾರ್ಯ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ಕುಡ್ಲ ನೆತ್ತ ಸದಸ್ಯೆರಾಯಿನ ಕೇಸರಿ ಯುವರಾಜ್, ಜೈ ತುಲುನಾಡ್ (ರಿ) ಸಂಘಟನೆದ ತುಲು ಲಿಪಿ ಮೇಲ್ವಿಚಾರಕೆರಾಯಿನ ಶರತ್ ಕೊಡವೂರು ಬೊಕ್ಕ ನಗರ ಬಿ.ಜೆ.ಪಿ ಉಪಾಧ್ಯಕ್ಷೆ ಸರೋಜ ಶೆಣೈ, ಜಿಲ್ಲಾ ಬಿ.ಜೆ.ಪಿ. ಮಹಿಳಾ ಮೋರ್ಚಾ ಗುರ್ಕಾರ್ಲಾಯಿನ ವೀಣಿ ಎಸ್ ಶೆಟ್ಟಿ, ಜೈ ತುಲುನಾಡ್ (ರಿ) ಸಂಘಟನೆದ ಸದಸ್ಯೆರಾಯಿನ ಸಂತೋಷ್ ಎಸ್ ಎನ್ , ತುಲು ಲಿಪಿ ಶಿಕ್ಷಕಿಯೆರಾಯಿನ ಸ್ವಾತಿ ಸುವರ್ಣ, ಶಿಲ್ಪಾ ಕೇಶವ್, ಸುಶೀಲಾ ಜಯಕರ್‌ರವರು ಪಾಲ್ ಪಡೆದಿತ್ತೆರ್.

ರಾಜ್ಯ ಮಟ್ಟದ ಭಾಷಣ ಪಂಥ : ಫಲಿತಾಂಶ ಪ್ರಕಟ

Aug 19, 2021

ಕುಡ್ಲ : ಈ ಸಲದ ಸ್ವಾತಂತ್ರ್ಯೋತ್ಸವ 75ನೇ ವರ್ಷಾಚರಣೆದ ನೆಲೆಟ್ಟ್ ಭಾರತೀಯೆರೆಗ್ಲಾ ಪರ್ಬದ ವಾತಾವರಣ. ಸ್ವಾತಂತ್ರ್ಯೋತ್ಸವದ ಪರವಾದ್ ಛಾತ್ರಾ ಯುವ ಸಂಘರ್ಷ ಸಮಿತಿ ಕರ್ನಾಟಕ ವತಿರ್ದ್ ಜೋಕ್ಲೆಗಾದ್ ರಾಜ್ಯಮಟ್ಟದ ಭಾಷಣ ಪಂಥನ್ ಅಟ್ಟನೆ ಮಲ್ತ್ ಇತ್ತೆರ್ . ರಾಜ್ಯದ ಬೇತೆ ಬೇತೆ ಮೂಲೆರ್ದ್ ಜೋಕುಲು ಈ ಪಂಥಡ್ ಪಾಲ್ ಪಡೆದಿತ್ತೆರ್ ಪಂಥದ ಯಶಸ್ಸಿಗ್ ಕಾರಣ ಆಂಡ್ .

ಈ ಭಾಷಣ ಪಂಥಡ್ ಉಲ್ಲಾಸ್ ಧರ್ಮಸ್ಥಳ ಮೇರ್ ಸುರುತ ಇನಾಮು , ರಕ್ಷಾ ಕೋಟ್ಯಾನ್ ರಡ್ಡನೇ ಇನಾಮು ಬೊಕ್ಕ ಸಮ್ಯಕ್ತ್ ಜೈನ್ ಕಡಬ ಮೇರ್ ಮೂಜನೆ ಇನಾಮು ಪಡೆತೆರ್.

ರಾಜ್ಯದ ರಡ್ಡ್ ಪೊಲೀಸ್ ಅಧಿಕಾರಿಲೆಗ್ ರಾಷ್ಟಪತಿ ಪದಕ

Aug 18, 2021

ನವದೆಹಲಿ : ಸ್ವಾತಂತ್ರ್ಯ ದಿನಾಚರಣೆದಾನಿ ಎಡ್ಡೆ ಸೇವೆ ಮಲ್ದಿನ ಪೊಲೀಸ್ ಅಧಿಕಾರಿಲೆಗ್ ಕೊರ್ಪಿನoಚಿನ ರಾಷ್ಟ್ರಪತಿ ಪದಕ ಬೊಕ್ಕ ಪೊಲೀಸ್ ಪದಕದ ಪಟ್ಟಿನ್ ಬುಡುಗಡೆ ಮಲ್ದೆರ್ . ಈ ಸಲ 1,380 ಪೊಲೀಸ್ ಅಧಿಕಾರಿಲೆಗ್ ಪ್ರಶಸ್ತಿ ಕೊರ್ತೆರ್ . ನೆಟ್ಟ್ ಕರ್ನಾಟಕದ ರಡ್ಡ್ ಪೊಲೀಸ್ ಅಧಿಕಾರಿಲೆಗ್ ರಾಷ್ಟ್ರಪತಿ ಪದಕ ಬೈದುಂಡು , 19 ಪೊಲೀಸ್ನಕ್ಲೆಗ್ ಪೊಲೀಸ್ ಸೇವಾ ಪದಕ ಪ್ರಶಸ್ತಿ ಬೈದುಂಡು .

ಈ ಬಗ್ಗೆ ಕೇಂದ್ರ ಗೃಹ ಇಲಾಖೆರ್ದ್ ಪಟ್ಟಿನ್ ರಿಲೀಸ್ ಮಲ್ದುಂಡು , ಕರ್ನಾಟಕದ ರಡ್ಡ್ ಪೊಲೀಸ್ ಅಧಿಕಾರಿಲೆಗ್ ಈ ಸಲದ ರಾಷ್ಟ್ರಪತಿ ಪದಕ ಬೈದುಂಡು .

ರಾಜ್ಯೋಡು ಲಾಕ್ಡೌನ್ ಪಾಡುನ ಪಾತೆರನೇ ಇಜ್ಜಿ : ಸಚಿವ ಸುಧಾಕರ್

Aug 10, 2021

ಬೆಂಗ್ಳೂರು: ಹಾಲಿ ಪರಿಸ್ಥಿತಿಡ್ ರಾಜ್ಯೋಡು ಲಾಕ್ ಡೌನ್ ಪಾಡುನ ಪ್ರಶ್ನೆನೇ ಇಜ್ಜಿ.ಪರಿಸ್ಥಿತಿ ಇತ್ತೆಲ ನಿಯಂತ್ರಣಡ್ ಉಂಡು ಸರ್ಕಾರ ನನಾತ್ ಕ್ರಮ ದೆತೊನೊಡು ಪಂದ್ ಸಚಿವ ಸುಧಾಕರ್ ಪಂಡೆರ್.

.ಕೇರಳ ಬೊಕ್ಕ ಮಹಾರಾಷ್ಟ್ರಡ್ ಕೋವಿಡ್ ಸೋಂಕಿತೆರ್ ಜಾಸ್ತಿ ಆವೊಂದು ಉಂಡು . ಇಂದುವೆ ಕಾರಣಗ್ ಗಡಿ ಜಿಲ್ಲೆಡ್ ನಿರ್ಬಂಧ ಪಾಡ್ದೆರ್ . ಆತೆ ಅತ್ತoದೆ ರಾಜ್ಯದ ಕೆಲವು ಜಿಲ್ಲೆಡ್ ಜಿಲ್ಲಾಡಳಿಕ ನೈಟ್ ಕರ್ಫ್ಯೂ ದಂಚಿನ ನಿರ್ಬಂಧನ್ ಪಾಡೊಂದು ಉಂಡು.

ಪ್ರಸ್ತುತ ರಾಜ್ಯಡ್ ಲಾಕ್‌ಡೌನ್ ಪಾಡುನ ಪ್ರಶ್ನೆನೇ ಇಜ್ಜಿ ಪಂದ್ ಪಂಡೆರ್ .

ರಾಜ್ಯೋಡು ಮಲ್ಲ ಮಟ್ಟ್ ಡ್ ನೆತ್ತೆರ್ದಾನ ಶಿಬಿರ

Aug 8, 2021

ಕುಡ್ಲ ಆಗಸ್ಟ್ 8 : ಬ್ಲಡ್‌ ಹೆಲ್ಪ್ ಲೈನ್ ಕರ್ನಾಟಕ ಸಂಸ್ಥೆದ 5ನೇ ವಾರ್ಷಿಕೋತ್ಸವ ದ ಪರವಾದ್ ಆ. 8 ತಾರೀಖ್ ಗ್ ಕಾಂಡೆ 9 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ರಾಜ್ಯೋಡು 20 ರಕ್ತನಿಧಿತ ಒಟ್ಟು ಸೇರಿಗೆಡ್ ಬೃಹತ್ ಸಾರ್ವಜನಿಕ ನೆತ್ತೆರ್ ದಾನ ಶಿಬಿರ -2021 ಅಟ್ಟನೆ ಮಲ್ದೆರ್ .

ಕೋವಿಡ್-19 ಸಂದಿಗ್ಧ ಪರಿಸ್ಥಿತಿ ಬೊಕ್ಕ ರೋಗ ನಿರ್ಮೂಲನೆ ಮಲ್ಪರೆ ರಾಷ್ಟ್ರೀಯ ಸುರಕ್ಷತೆಗ್ ನಡತೊಂದು ಉಪ್ಪುನ ಲಸಿಕಾ ಅಭಿಯಾನರ್ದ್ ರಕ್ತ ನಿಧಿಟ್ ರೋಗಿಲೆಗ್ ನೆತ್ತೆರ್ದ ಅಭಾವ ಬೈದುಂಡು .

ನೆತ್ತೆರ್ ದಾನ ನಡಪುನ ಜಾಗೆ ಇಂಚ ಉಂಡು : ಬೆಂಗಳೂರುದ ಹೆಣ್ಣೂರು, ಜೆ.ಪಿ.ನಗರದ ಲಯನ್ಸ್ ರಕ್ತನಿಧಿ, ಮೈಸೂರಿನ ಲಯನ್ಸ್ ಜೀವಾಧಾರ ರಕ್ತನಿಧಿ, ಮಡಿಕೇರಿ ಜಿಲ್ಲಾಸ್ಪತ್ರೆ ರಕ್ತ ನಿಧಿ, ಹಾಸನ ರಕ್ತನಿಧಿ, ಪುತ್ತೂರಿನ ರೋಟರಿ ಕ್ಯಾಂಪ್ಕೋ ಬ್ಲಡ್ ಬ್ಯಾಂಕ್, ಮೂಡುಬಿದಿರೆ ಆಳ್ವಾಸ್ ಆಸ್ಪತ್ರೆ ರಕ್ತ ನಿಧಿ, ಮಣಿಪಾಲ ಕೆಎಂಸಿ ಆಸ್ಪತ್ರೆ ರಕ್ತನಿಧಿ, ಯೆನೆಪೊಯ ದೇರಳಕಟ್ಟೆ, ಕೆ.ಎಸ್.ಹೆಗ್ಡೆ ದೇರಳಕಟ್ಟೆ, ಕಣಚೂರು, ಇಂಡಿಯಾನಾ, ಎ.ಜೆ.ಆಸ್ಪತ್ರೆ, ವೆನ್ಲಾಕ್ ರಕ್ತ ನಿಧಿ, ಕೆಎಂಸಿ ಅಂಬೇಡ್ಕರ್ ವೃತ್ತ, ಫಾದರ್ ಮುಲ್ಲರ್, ತೇಜಸ್ವಿನಿ, ಶ್ರೀನಿವಾಸ್ ಆಸ್ಪತ್ರೆ ಮುಕ್ಕ, ಬಿಜಾಪುರದ ಡಾ.ಗೌಡರ್ಸ್ ರಕ್ತ ನಿಧಿ, ಕಾಸರಗೋಡು ಬ್ಲಡ್ ಬ್ಯಾಂಕ್‌ಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ರಾಜ್ಯೋಡು 1805 ಜನಕ್ ಕೋವಿಡ್ ಪಾಸಿಟಿವ್

Aug 7, 2021

ಬೆಂಗ್ಳೂರು, : ರಾಜ್ಯೋಡು ಶುಕ್ರವಾರ 1,805 ಪೊಸ ಕೊರೋನ ಪ್ರಕರಣ ದೃಢ ಆತುಂಡು . 36 ಜನ ಸೋಂಕುಗು ಬಲಿಯಾತೆರ್ , 1,854 ಜನ ಹುಷಾರ್ ಆತೆರ್ .

ರಾಜ್ಯೋಡು ಇತ್ತೆ ಒಟ್ಟು ಸೋಂಕಿತೆರ್ನ ಸಂಖ್ಯೆ 29,15,317ಕ್ಕ್ ಮುಟ್ಟು ದುಂದು . ಇತ್ತೆ ಮುಟ ಒಟ್ಟು ಸೈತಿಕ್ಲೆನ ಸಂಖ್ಯೆ 36,741ಕ್ ಮುಟ್ಟುದುಂಡು .ಒಟ್ಟು ಸಕ್ರಿಯ ಕೊರೋನ ಪ್ರಕರಣ ಸಂಖ್ಯೆ 24,328ಕ್ ಏರಿಕೆಯಾತುಂಡು.

ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ, ರಾಜ್ಯೋಡು ನೈಟ್ ಕರ್ಪ್ಯೂ ಜಾರಿ

Aug 6, 2021

ಕುಡ್ಲ : ಕೊರೊನಾ 3ನೇ ಅಲೆ ಭೀತಿ ನೆಲೆಟ್ಟ್ ಮುನ್ನೆಚ್ಚರಿಕೆ ಕರ್ನಾಟಕ ಸರ್ಕಾರ ಬೇತೆ ಬೇತೆ ಮುನ್ನೆಚ್ಚರಿಕೆ ಕ್ರಮಕ್ಲೆನ್ ದೆತೊನ್ದುಂದು. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಈ ಬಗ್ಗೆ ಇನಿ ಮಧ್ಯಾಹ್ನ ಆದೇಶ ಕೊರ್ತೆರ್ .

ಇತ್ತೆ ರಾತ್ರಿ ಕರ್ಫ್ಯೂ ಬೊಕ್ಕ ವೀಕೆಂಡ್ ಕರ್ಫ್ಯೂ ಗೈಡ್‌ಲೈನ್ಸ್‌ ಪ್ರಕಟ ಆತುಂಡು . ಆಗಸ್ಟ್ 16 ಮುಟ ಪೊಸ ಮಾರ್ಗಸೂಚಿ ಅನ್ವಯ ಆಯರೇ ಉಂಡು . ರಾತ್ರಿ 9 ಗಂಟೆರ್ದ್ ಕಾಂಡೆ 5 ಮುಟ ನೈಟ್ ಕರ್ಫ್ಯೂ ಉಂಡು . ಮಹಾರಾಷ್ಟ್ರ, ಕೇರಳ ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಫ್ಯೂ ಉಂಡು . ರಾಜ್ಯೋಡು ಇನಿ ನೈಟ್ ಕರ್ಫ್ಯೂ ಜಾರಿ ಆತುಂಡು .

ರಾಜ್ಯ ಸರ್ಕಾರದ ವೀಕೆಂಡ್ ಕರ್ಫ್ಯೂ ಗೈಡ್‌ಲೈನ್ಸ್‌ :

ಶುಕ್ರವಾರ ರಾತ್ರಿ 9 ಗಂಟೆರ್ದ್ ವೀಕೆಂಡ್ ಕರ್ಫ್ಯೂ ಸುರು ಆಯರೇ ಉಂಡು.
ಸೋಮವಾರ ಕಾಂಡೆ 5 ಗಂಟೆ ಮುಟ ವೀಕೆಂಡ್ ಕರ್ಫ್ಯೂ ಉಂಡು .
ಅಗತ್ಯವಸ್ತುದ ಖರೀದಿಗ್ ಸಮಯ ನಿಗದಿ ಮಲ್ದೆರ್ . ಆ ಪೊರ್ತುಡು , ಕಾಂಡೆ 5 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಖರೀದಿಗ್ ಅವಕಾಶ ಕೊರ್ತೆರ್ .
ಮಾರ್ಗದ ಬರಿಟ್ ಬೇರ ಮಲ್ಪುನಕ್ಲೆಗ್ ಮಧ್ಯಾಹ್ನ 2 ಗಂಟೆ ಮುಟ ಅವಕಾಶ ಉಂಡು .
ಕಾಂಡೆ 5 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಬಾರ್ ಡ್ ಪಾರ್ಸಲ್ ಗ್ ಮಾತ್ರ ಅವಕಾಶ ಕೊರ್ತೆರ್ .
ದಿನತ 24 ಗಂಟೆಲಾ ಹೋಮ್ ಡೆಲಿವರಿಗ್ ಅವಕಾಶ ಉಂಡು .
ಹೋಟೆಲ್, ರೆಸ್ಟೋರೆಂಟ್‌ಡ್ ಪಾರ್ಸೆಲ್‌ಗ್ ಮಾತ್ರ ಅವಕಾಶ ಕೊರ್ತೆರ್ .
ರೈಲ್ ವಿಮಾನಗ್ ಒವ್ವೆ ನಿರ್ಬಂಧ ಇಜ್ಜಿ .
ವೀಕೆಂಡ್‌ಡ್ ಸರ್ಕಾರಿ, ಖಾಸಗಿ ಬಸ್ ಸಂಚಾರ ಉಂಡು .
ರೈಲು, ವಿಮಾನ ಟಿಕೆಟ್ ತೋಜಾದ್ ಪ್ರಯಾಣಗ್ ಅವಕಾಶ ಕೊರ್ತೆರ್ .
ಮದಿಮೆಡ್ 100 ಜನರ ಪಾಲ್ ಪಡೆಯೋಲಿ.

ರಾಜ್ಯ

ನವೆಂಬರ್ದ ಉಲಯಿ ರಾಜ್ಯೋದ ಮಾತಾ ಜನಕ್ಲೆಗ್ ಕೋವಿಡ್ ಲಸಿಕೆ : ಸಿಎಂ ಮಹತ್ವದ ಘೋಷಣೆ

ರಾಜ್ಯೋಡು ಬಾರಿ ಬರ್ಸ : 8 ರಾಜ್ಯೋಡು ಆರೆಂಜ್ ಅಲರ್ಟ್

ಎನ್‍ಎಸ್‍ಯುಐದ ರಾಜ್ಯ ಪ್ರಧಾನ ಕಾರ್ಯಂತೆರಾದ್ ಅನ್ವಿತ್ ಕಟೀಲ್

ರಾಜ್ಯ ಮಟ್ಟದ ಭಾಷಣ ಪಂಥ : ಫಲಿತಾಂಶ ಪ್ರಕಟ

ರಾಜ್ಯದ ರಡ್ಡ್ ಪೊಲೀಸ್ ಅಧಿಕಾರಿಲೆಗ್ ರಾಷ್ಟಪತಿ ಪದಕ

ರಾಜ್ಯೋಡು ಲಾಕ್ಡೌನ್ ಪಾಡುನ ಪಾತೆರನೇ ಇಜ್ಜಿ : ಸಚಿವ ಸುಧಾಕರ್

ರಾಜ್ಯೋಡು ಮಲ್ಲ ಮಟ್ಟ್ ಡ್ ನೆತ್ತೆರ್ದಾನ ಶಿಬಿರ

ರಾಜ್ಯೋಡು 1805 ಜನಕ್ ಕೋವಿಡ್ ಪಾಸಿಟಿವ್

ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ, ರಾಜ್ಯೋಡು ನೈಟ್ ಕರ್ಪ್ಯೂ ಜಾರಿ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ