ಮೊಂಟೆಪದವು

ಮೊಂಟೆಪದವುಗು ಬಸ್ ಸಂಚಾರ ಸುರು : ನೆರೆಕರೆದಕ್ಲೆಗ್ ಬಾರಿ ಖುಷಿ

Aug 27, 2021

ಕುಡ್ಲ : ಕರಿನ 10 ವರ್ಷರ್ದ್ ಸತತ ಹೋರಾಟದ ಫಲವಾದ್ ಕುಡ್ಲ -ಮೊಂಟೆಪದವು ರೂಟ್ ನಡುಟು ಸರಕಾರಿ ಬಸ್ ಸಂಚಾರ ಸುರು ಮಲ್ತಿನ ನೆಲೆಟ್ಟ್ ಮೊಂಟೆಪದವು ನಾಗರಿಕೆರ್ ವಿಜಯೋತ್ಸವ ಆಚರಣೆ ಮಲ್ತ್ ಖುಷಿ ಪಡೆಯೆರ್.

ಕುಡ್ಲರ್ದ್ ನಾಟೆಕಲ್-ಮೊಂಟೆಪದವು ಮಾರ್ಗವಾದ್ ಮುಡಿಪುಗು ಸರಕಾರಿ ಬಸ್ ಕೊರೊಡು ಪಂದ್ ಸುಮಾರ್ 10 ವರ್ಷರ್ದ್ ಅಲ್ಪದ ಜನಕುಲು ಒತ್ತಾಯ ಮಲ್ದೆರ್, ಮುಲ್ಪದ ಸಂಘ ಸಂಸ್ಥೆಲು ಅವ್ವೆತೋ ಸಲ ಹೋರಾಟಲಾ ಮಲ್ದೆರ್, ಐತ ಪ್ರತಿಫಲವಾದ್ ಇತ್ತೆ ಬಸ್ ಸಂಚಾರ ಸುರು ಆತಿನವು ಜನಕ್ಲೆಗ್ ಬಾರಿ ಖುಷಿ ಕೊರ್ತುಂಡು .

ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುಡು ಸಮಾಜಮುಖಿ ಕಾರ್ಯ

Jun 5, 2021

ಮೊಂಟೆಪದವು, ಜೂ. 5. ಲಾಕ್ ಡೌನ್ ರ್ದ್ ಬೇಲೆ ದಾಂತೆ ಜನಜೀವನ ಅಸ್ತವ್ಯಸ್ತ ಆತುಂಡು . ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುದ ಆಯ್ದ ಅರ್ಹ ಕುಟುಂಬಲೆನ್ ಗುರ್ತಿಸಾದ್ ತರಕಾರಿ ಬೊಕ್ಕ ದವಸಧಾನ್ಯ ಪಟ್ಟುನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

ಈ ಪೊರ್ತುಡು ಸಮಿತಿದ ಗುರ್ಕಾರ್ಲಾಯಿನ ನೌಷಾದ್ ಗುದುರು ಸಂಘಟನೆದ ಪದಾಧಿಕಾರಿಲಾಯಿನ ರಝಾಕ್ ಮೊಂಟೆಪದವು, ತೌಸೀಫ್ ಗುದುರು, ರಹೀಮ್ ಮೊಂಟೆಪದವು, ಅಬ್ಬಾಸ್ ಐಎಂ, ಹನೀಫ್ ಕೂಯಾ, ಕರೀಮ್ ಗುದುರು ಬೊಕ್ಕ ಸಂಘಟನೆದ ಗಲ್ಪ್ ಸಮಿತಿದ ಕನ್ವೀನರ್ ರಿಮಿಯಾಝ್ ಸಾಮಣಿಗೆ ಬೊಕ್ಕ ಸ್ಥಳೀಯೆರಾಯಿನ ರಶೀದ್ ಮಲಾರ್ ಬೊಕ್ಕ ರಫೀಕ್ ವನದಡಿ ಪಾಲ್ ಪಡೆದಿತ್ತೆರ್ .