ಮಹಾರಥೋತ್ಸವ

ಗೌಜಿಡ್ ನಡತ್ಂಡ್ ನಂದಾರದ ತೇರ್

Mar 4, 2021

ಬಂಟ್ವಾಳ: ಬಂಟ್ವಾಳ ತಾಲೂಕುದ ಪ್ರಸಿದ್ಧ ಪುಣ್ಯಕ್ಷೇತ್ರವಾಯಿನ ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬ ದೇವಸ್ಥಾನದ ವಾರ್ಷಿಕ ಜಾತ್ರಾ ಮಹೋತ್ಸವದ ಪರವಾದ್ ಮಹಾರಥೋತ್ಸವ ಅಂಗಾರೆ ರಾತ್ರೆ ನಡತುಂಡು.

ಫೆ.27 ತಾರೀಖ್ ಗ್ ಧ್ವಜಾರೋಹಣ ಮುಖೇನ ಸುರು ಆಯಿನ ಉತ್ಸವ, 28 ತಾರೀಖ್ ಗ್ ಬಯನ ಬಲಿ ಉತ್ಸವ, ಸೋಮವಾರ ನಡುಬಲಿ ಬೊಕ್ಕ ಪಾಲಕಿ ಉತ್ಸವ ನಡತುಂಡು . ಅಂಗಾರೆ ಮಹಾ ರಥೋತ್ಸವ ನಡತುಂಡು . ಈ ಪ್ರಯುಕ್ತ ಬೈಯ್ಯ 5 ಗಂಟೆಗ್ ಭಜನೆ ಸಂಕೀರ್ತನೆ ಬೊಕ್ಕ ಭಾಗವತ ಪ್ರವಚನ ನಡತುಂಡು . ರಾತ್ರಿ ಶ್ರೀ ದೇವೆರೆ ಮಹಾರಥೋತ್ಸವ ಬಾರಿ ಗೌಜಿಡ್ ನಡತುಂಡು. ಬುಧವಾರ ಶ್ರೀ ನಾಲ್ಕೆತ್ತಾಯ ದೈವದ ನೇಮ ನಡತುಂಡು . ಕ್ಷೇತ್ರದ ಸೇವಾ ಸಮಿತಿ ಗುರ್ಕಾರ್ಲಾಯಿನ ಅರವಿಂದ ಪದ್ಯಾಣ, ಮಾಜಿ ಗುರ್ಕಾರ್ಲಾಯಿನ ಎ.ಸಿ.ಭಂಡಾರಿ, ಸೇವಾ ಸಮಿತಿ ಸದಸ್ಯೆರ್ ಊರ, ಪರವೂರ ಭಕ್ತಾಭಿಮಾನಿಲು ಪಾಲ್ ಪಡೆದಿತ್ತೆರ್ . ಪ್ರಧಾನ ಅರ್ಚಕೆರಾಯಿನ ವೇ.ಮೂ.ಮಹೇಶ ಭಟ್ ಮುತಾಲಿಕೆಡ್ ಪೂಜಾ ವಿಧಿ ವಿಧಾನಲು ನಡತುಂಡು. ಕೋವಿಡ್ ಹಿನ್ನೆಲೆಡ್ ಈ ಸಲ ಬಾರಿ ಸರಳವಾದ್ ಜಾತ್ರೆ ನಡತುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಾರೀ ಗೌಜಿಡ್ ನಡತಿನ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಮಹಾರಥೋತ್ಸವ

Jan 30, 2021

ಮಹಾತೋಬಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಳಡ್ ವಾರ್ಷಿಕ ಮಹಾ ರಥೋತ್ಸವ ವೇದಮೂರ್ತಿ ಪುತ್ತೂರು ಹಯವದನ ತಂತ್ರಿಲೆನ ಮುತಾಲಿಕೇಡ್ ಶನಿವಾರ ಬೆಳಿಗ್ಗೆ ಪಲ್ಲಪೂಜೆ, ಬಲಿ ಕಾಂಡೆ ಧಾರ್ಮಿಕ ಪ್ರಕ್ರಿಯೆಲು ನಡತುಂಡು ಐರ್ದ್ ಬೊಕ್ಕ ರಥ ಶುದ್ದಿ, ಪಿಲಾರು ಶ್ರೀಧರ ಉಡುಪ ರವರ ನರ್ತನ ಸೇವೆದೊಟ್ಟುಗು ರಥರೋಹಣದ ಬೊಕ್ಕ ಮಹಾ ಅನ್ನ ಪ್ರಸಾದ ವಿನಿಯೋಗ ನಡತುಂಡು .

ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲಾಯಿನ ಪ್ರಕಾಶ್ ಜಿ ಕೊಡವೂರು, ಸದಸ್ಯರಾಯಿನ ಜನಾರ್ದನ್ ಕೊಡವೂರು, ಅಡಿಗ ಕೃಷ್ಣಮೂರ್ತಿ ಭಟ್, ರಾಜ ಎ ಶೇರಿಗಾರ್, ಭಾಸ್ಕರ ಬಾಚನಬೈಲು, ಸುಧಾ ಎನ್ ಶೆಟ್ಟಿ, ಬಾಬ ,ಸಾಧು ಸಾಲಿಯಾನ್, ರವಿರಾಜ್ ಹೆಗ್ಡೆ ,ಹೇಮಾವತಿ ಎಸ್ ,ಆನಂದ ಪಿ ಸುವರ್ಣ ಲಕ್ಷ್ಮೀ‌ನಾರಾಯಣ ಭಟ್ ,ಶ್ಯಾಮ ಸುಂದರ ಭಟ್,ಉಮೇಶ್ ರಾವ್,ಸಂಧ್ಯಾ ಪ್ರಕಾಶ್,ಪೂರ್ಣಿಮಾ‌ ಜನಾರ್ದನ್, ವಿಜಯಶ್ರೀ,ಹರಿಣಿ ಕೃಷ್ಣಮೂರ್ತಿ, ಸತೀಶ್ ಕೊಡವೂರ್, ಬಾಲಕೃಷ್ಣ, ಕಾಂತಪ್ಪ ಕರ್ಕೇರ, ಶಿವಪ್ಪ ಟಿ ಕಾಂಚನ್, ಹಿರಿಯಣ್ಣ, ಹರೀಶ್ ಕೋಟ್ಯಾನ್, ರಂಜಿತ್ ಕೊಡವೂರು ಅರುಣ್ ಕುಮಾರ್, ಪ್ರವೀಣ್ ಕೊಡವೂರ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೊಡವೂರುಡು ಇನಿ ಮಹಾರಥೋತ್ಸವ

Jan 30, 2021

ಜನವರಿ 30 : ಮಹತೋಭಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನ ಡ್ ಇನಿ ಮಹಾ ರಥೋತ್ಸವ ನಡಪರೆ ಉಂಡು.

ಕಾಂಡೆ 11ಕ್ಕ್ ರಥಾರೋಹಣ, ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ಬೈಯ್ಯ 7 ಗಂಟೆರ್ದ್ ನಡಪುನ ಧಾರ್ಮಿಕ ಸಭೆಟ್ ಕ್ಷೇತ್ರಡ್ ಸೇವೆ ಮಲ್ತೊಂದು ಉಪ್ಪುನ ಪ್ರಮುಖೆರೆಗ್ ಶಂಕರನಾರಾಯಣ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು . ರಾತ್ರಿ 8 ಗಂಟೆಗ್ ಮಹಾ ರಥೋತ್ಸವ, ಪಿಲಾರುಶ್ರೀಧರ ಉಡುಪ ಮೆರೆರ್ದ್ ನರ್ತನ ಸೇವೆ, ತೊಟ್ಟಿಲೋತ್ಸವ, ಭೂತಬಲಿ ಸೇವೆ ನಡಪರೆ ಉಂಡು.

ಜ. 31ರ ತಾರೀಖ್ ಗ್ ಕಾಂಡೆ ಕವಾಟೋದ್ಘಾಟನೆ, ತುಲಾಭಾರ, ಮಧ್ಯಾಹ್ನ ಕಟ್ಟೆಪೂಜೆ, ಕೆರೆಮಠದ ಸರೋವರಟ್ ತೆಪ್ಪೋತ್ಸವ, ಅವಭ್ರಥ, ಫೆ. 1 ತಾರೀಖ್ ಗ್ ಕಾಂಡೆ ಗಣಪತಿ ಯಾಗ, ವರಮಹಾಲಕ್ಷ್ಮೀ ಪೂಜೆ, ಮಹಾಮಂತ್ರಾಕ್ಷತೆ, ಫೆ. 2 ತಾರೀಖ್ ಗ್ ಆಶ್ಲೇಷ ಬಲಿ, ಬೈಯ್ಯ 7 ಗಂಟೆರ್ದ್ ಗೋಳಿಕಟ್ಟೆ ನಾಗಬನಟ್ ಹಾಲಿಟ್ಟು ಸೇವೆ, ದೇಗುಲಡ್ ಡಕ್ಕೆ ಬಲಿ ನಡಪರೆ ಉಂಡು ಪಂದ್ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಪ್ರಕಾಶ್ ಜಿ. ಕೊಡವೂರು ಬೊಕ್ಕ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಗುರ್ಕಾರ್ಲು ಸಾಧು ಸಾಲ್ಯಾನ್ ತೆರಿಪಾದೆರ್.