ಬೆಟ್ಟು ಕಾಲುಸಂಕ

ಮಠದ ಬೆಟ್ಟು ಕಾಲುಸಂಕ ಕುಸಿತ ಜಾಗೆಡ್ ಶಾಸಕೆರ್ನ ಭೇಟಿ

ಒಡಿಪು , ಜೂ.24: ನಗರಸಭಾ ವ್ಯಾಪ್ತಿದ ಬನ್ನಂಜೆ ಮಠದಬೆಟ್ಟು ಕಡಿಯಾಳಿ ಸಂಪರ್ಕ ಮಲ್ಪುನ ಕಾಲುಸಂಕ ಕೆಲ ದಿನರ್ದ್ ಬರೊಂದು ಇತ್ತಿನ ಬರ್ಸರ್ದ್ ಬೂರಿನ ಜಾಗೆಗ್ ಶಾಸಕ ಕೆ.ರಘುಪತಿ ಭಟ್ ಅಧಿಕಾರಿನೊಟ್ಟುಗು ಭೇಟಿ ಕೊರ್ದು ಪರಿಶೀಲನೆ ಮಲ್ತೆರ್ .

ಜನಕ್ಲೆನ ಓಡಾಟಗ್ ಅತ್ಯವಶ್ಯಕವಾಯಿನ ಕಾಲುಸಂಕ ಉಪ್ಪುನೆರ್ದಾವರ ಬೇಗನೆ ತಾತ್ಕಾಲಿಕ ವ್ಯವಸ್ಥೆನ್ ಮಲ್ತ್ ಜನಕ್ಲೆನ ಓಡಾಟಗ್ ಅನುಕೂಲ ಮಲ್ತ್ ಕೊರೊಡು ಪಂದ್ ಪಂಡೆರ್.

ಈ ಪೊರ್ತುಡು ಕೈತಲ್ ದ ನಗರಸಭಾ ಸದಸ್ಯೆರಾಯಿನ ಸವಿತಾ ಹರೀಶ್ ರಾಮ್, ಗೀತಾ ಶೇಟ್, ಮಾಜಿ ನಗರಸಭಾ ಸದಸ್ಯ ಹರೀಶ್‌ರಾಮ್ ಬೊಕ್ಕ ನಗರಸಭೆತ ಅಭಿಯಂತರ ದುರ್ಗಾಪ್ರಸಾದ್ ಬೊಕ್ಕ ಕೈತಲ್ ದಕುಲು ಪಾಲ್ ಪಡೆದ್ ಇತ್ತೆರ್ .