ಜೈ ತುಲುನಾಡ್ (ರಿ.) ವತಿರ್ದ್ ಮಾಡ ತೀಯ ಸಮಾಜಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಮುಗಿತಲದ ಲೇಸ್
ಜೈ ತುಲುನಾಡ್(ರಿ)ಸಂಘಟನೆ ,ಕಾಸ್ರೋಡು ಎಗ್ಗೆ ಬೊಕ ಕರ್ನಾಟಕ ತುಲು ಸಾಹಿತ್ಯ ಅಕಾಡೆಮಿದ ಒತ್ತು ಸೆರಿಗೆಡ್ ,ಮಂಜೇಶ್ವರ ದ ಉಧ್ಯಾವರ ಮಾಡದ ಕೈತಲ್ ತೀಯ ಸಮಾಜ ಭವನಡ್ ನಡತಿನ ‘ಬಲೇ ತುಲು ಲಿಪಿ ಕಲ್ಪುಗ’ ಕಜ್ಜ ಕೊಟ್ಯದ ಮುಗಿತಲದ ಲೇಸ್ ,ಉಧ್ಯಾವರ ಅರಸು ಮಂಜಿಷ್ಣಾರ್ ದೈವೊಲೆನ ಪಾತ್ರಿಲೆನ ಆಶೀರ್ವಾದದ ಬಲೊಟು ತೇದಿ.12–03–2022 ತಾನಿ ಮಾಡ ತೀಯಾ ಸಮಾಜಭವನಡ್ ನಡತ್ಂಡ್ .
ಲೇಸ್ ದ ಗುರ್ಕರ್ಮೆನ್ ಜೈ ತುಲುನಾಡ್ ಸಂಘಟನೆ ಕಾಸ್ರೋಡು ಎಗ್ಗೆದ ಗುರಿಕಾರೆರ್ ಹರಿಕಾಂತ್ ಕಾಸ್ರೋಡು ವಯಿಸೊಂದು,ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆ ಹರೀಶ್ ಶೆಟ್ಟಿ ಮಾಡ ಪಾಲ್ ಪಡೆಯೆರ್ .ಲೇಸ್ ದ ಸುರೂಕು ಮಾಡ ಪರಿಸರೊಡು ಸಮಾಜ ಸೇವೆ ಮಂತ್ದ್ ದೇವೆರೆ ಪಾದ ಸಂದಿನ ಚೈತ್ರೇಶ್ ಬೊಕ ದಿ |ಬಾಬು ಮಾಸ್ಟರ್ ಮುಕ್ಲೆಗ್ ಒಂಜಿ ನಿಮಿಷದ ಮೌನ ಸುಗಿಪು ಸಂದಾಂಡ್ .
ತುಲು ಲಿಪಿ ಪರೀಕ್ಷೆ ಬರೆದ್ ಪಾಸ್ ಆಯಿನಕ್ಲೆಗ್ ಆಜೋಲೆ ಪಟ್ಟ್ಂಡ್ ,ಕಲ್ಪಾಧಿನಕ್ಲೆಗ್ ಮಾನಾದಿಗೆ ಮಂತೆರ್. ಲೇಸ್ ನ್ ತುಲು ಲಿಪಿ ಕಲ್ಪಾಧಿ ಕಾರ್ತಿಕ್ ಪೆರ್ಲ ಎದ್ಕೊಂದು,ಕುಶಲಾಕ್ಷಿ ಕಣ್ವತೀರ್ಥ ಸೊಲ್ಮೆ ಸಂದಾಯೆರ್,ಕಲ್ಪಾಧಿ ವಿನೋದ ಪ್ರಸಾದ್ ರೈ ಲೇಸ್ ಸುಧಾರಿಕೆ ಮಂತೆರ್.
ಕಲ್ಪಾದಿಲು : ಜಗದೀಶ ಗೌಡ ಕಲ್ಕಳ, ಪೂರ್ಣಿಮ ಬಂಟ್ವಾಳ, ಜನಾರ್ಧನ ಪೆರ್ನೆ.
ಲೇಸ್ದ ಗುರ್ಕಾರ್ಮೆಡ್ ಇತ್ತಿನ ಅಕ್ಷಯ ಯುವಕ ಮಂಡಲದ ಗುರ್ಕಾರ್ಲು ಶ್ರೀ ವೆಂಕಟರಮಣ ಗೌಡ ತುಳು ಲಿಪಿ ಪರೀಕ್ಷೆ ಬರೆದ್ ಉತ್ತೀರ್ಣ ಆಯಿನಗ್ಲೆಗ್ ಆಜ-ಓಲೆ (ಪ್ರಮಾಣಪತ್ರೊ) ಪಟ್ಯೆರ್, ಅಂಚೆನೆ ತುಳು ಲಿಪಿ ಪರೀಕ್ಷೆ ಬರೆದ್ ಮಾತೆರ್ಲ ಉತ್ತೀರ್ಣ ಆದ್, 100 ಶೇಕಡಾ ಫಲಿತಾಂಶ ಬತ್ತ್ನ ನಮಕ್ ಪೆರ್ಮೆ ಪಂದ್ ಪಂಡೆರ್. ಲೇಸ್ಡ್ ತುಳು ಲಿಪಿ ಕಲ್ಪಾದಿಲಾಯಿನ (ಶಿಕ್ಷಕ) ಜಗದೀಶ ಗೌಡ ಕಲ್ಕಳ ಮೆರೆಗ್ ಆಯೋಜಕರೆನ ಪರವಾದ್ ಮಾನಾದಿಗೆ ಮಲ್ತೆರ್. ಮಿತ್ತರ್ಮೆಡ್ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ದಿ ಶ್ರೀಮತಿ ಉಷಾ ಯೋಗೀಶ್, ಅಕ್ಷತಾ ಮಹಿಳಾ ಮಂಡಲೊದ ಗುರ್ಕಾರ್ದಿ ನಳಿನಿ ಶಶಿಕಾಂತ್ ಕಜೆ, ತುಳು ಲಿಪಿ ಕಲ್ಪಾದಿ ನಿಶ್ಚಿತ್ ರಾಮಕುಂಜ ಇತ್ತೆರ್. ಈ ಸಂದರ್ಭೊಡ್ ಜೈ ತುಲುನಾಡ್ (ರಿ.) ಸಂಘಟನೆರ್ದ್ ನನ ದುಂಬುದ ಲೇಸ್ದ ಲೆಪ್ಪೋಲೆಡ್ ಬೊಕ್ಕ ಲೇಸ್ಡ್ ಆಯಿನಾತ್ ತುಳು ಬಾಸೆ, ತುಳು ಲಿಪಿನ್ ಗಲಸೊಡ್ ಪಂದ್ ಅಕ್ಷಯ ಯುವಕ ಮಂಡಲ ಬೊಕ್ಕ ಅಕ್ಷತಾ ಮಹಿಳಾ ಮಂಡಲದಕ್ಲೆಡ ಅರಿಕೆ ಮಲ್ತೆರ್.