ದೇಶದ ಸಂಸ್ಕೃತಿ, ಪರಂಪರೆನ್ ಒರಿಪಾಗ : ಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ
ಮುಲ್ಕಿ : ನಮ್ಮ ಸಂಸ್ಕೃತಿ, ಪರಂಪರೆನ್ ರಕ್ಷಣೆ ಮಲ್ಪುಗ. ಜಾತಿ, ಧರ್ಮ, ವೃತ್ತಿದ ಮಿತ್ತ್ ಗೌರವ ಉಪ್ಪಡ್. ಉಂದುವೇ ನಮ್ಮ ಭಾರತೀಯ ಸಂಸ್ಕೃತಿ.ಸ್ವಾಮಿ ವಿವೇಕಾನಂದೆರ್ಲ ಉಂದೆನೇ ಪಂಡ್ ದ್ ಅಂಚೆನೇ ಧರ್ಮದ ರಕ್ಷಣೆ ಮಲ್ತ್ ತೋಜಾದೆರ್ ಪಂಡ್ ದ್ ಮೂಡುಬಿದಿರೆ ಶ್ರೀ ಜೈನ ಮಠತ್ತ ಶ್ರೀ ಭಾರತ ಭೂಷಣ ಸ್ವಸ್ತಿ ಶ್ರೀ ಭಟ್ಟಾರಕ ಚಾರುಕೀರ್ತಿ ಪಂಡಿತಾಚಾರ್ಯವರ್ಯ ಮಹಾಸ್ವಾಮೀಜಿ ಪಂಡೆರ್.
ಬಪ್ಪನಾಡ್ ದೇವಸ್ಥಾನದ ಅನ್ನಪೂರ್ಣ ಹಾಲ್ ಡ್ ಸ್ವಾಮಿ ವಿವೇಕಾನಂದ ಸೇವಾ ಸಂಸ್ಥೆ (ರಿ) ಕಿನ್ನಿಗೋಳಿ ಉಂದೆತ್ತ ಆಶ್ರಯೊಡು ಐತಾರ ನಡತಿನ ಸ್ವಾಮಿ ವಿವೇಕಾನಂದೆರ್ನ ೧೫೮ ನೇ ಪುಟ್ಟುಪರ್ಬದ ಲೇಸ್ ದ ಸಾನ್ನಿಧ್ಯೊಡಿತ್ತ್ ದ್ ಆರ್ ಆಶೀರ್ವಚನ ಕೊರಿಯೆರ್.
ಮುಲ್ಕಿ ಸೀಮೆದ ಅರಸೆರ್ ಶ್ರೀ ದುಗ್ಗಣ್ಣ ಸಾವಂತೆರ್ ಲೇಸ್ ಉದಿಪನ ಮಲ್ತೆರ್.
ಸ್ವಾಮಿ ವಿವೇಕಾನಂದ ಸೇವಾ ಸಂಸ್ಥೆ ದ ಗುರ್ಕಾರ್ಲು ಡಾ.ಜಗನ್ನಾಥ ಶೆಟ್ಟಿ ನಿಡ್ಡೋಡಿ ಚಾವಡಿ ಮನೆ ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.ಆರ್ ಎಸ್ಸೆಸ್ ಕುಡ್ಲ ವಿಭಾಗದ ಪ್ರಚಾರ ಪ್ರಮುಖೆರ್ ಸುನಿಲ್ ಕುಲಕರ್ಣಿ ವಿವೇಕಾನಂದೆರ್ನ ಸಂದೇಶ ತೆರಿಪಾಯೆರ್. ಸವಲತ್ತು ವಂಚಿತೆರ್ನ ಸೇವೆ ಮಲ್ಪುನನೇ ದೇವೆರ್ನ ಪರಮ ಆರಾಧನೆ ಪಂಡ್ ದ್ ವಿವೇಕಾನಂದೆರ್ ತೋಜಪಾದ್ ಕೊರ್ತೆರ್ ಪಂಡೆರ್.ತೋಕೂರು ಎಂಆರ್ ಎಚ್ ಪೂಂಜ ಐಟಿಐ ಕಾಲೇಜಿದ ನಿವೃತ್ತ ಪ್ರಿನ್ಸಿಪಾಲೆರ್ ವೈ.ಎನ್. ಸಾಲ್ಯಾನ್ ಅಭಿನಂದನೆ ನುಡಿ ಪಂಡೆರ್.
ಬಿನ್ನೆರಾದ್ ಬಪ್ಪನಾಡ್ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್
ಮನೋಹರ ಶೆಟ್ಟಿ, ಬಿಜೆಪಿ ಮೂಲ್ಕಿ ಮಂಡಲದ ಗುರ್ಕಾರ್ಲು ಸುನಿಲ್ ಆಳ್ವ, ಸುವರ್ಣ ಆರ್ಟ್ಸ್ ದ
ಚಂದ್ರಶೇಖರ ಸುವರ್ಣ, ಧರ್ಮದರ್ಶಿ ಹರಿಕೃಷ್ಣ ಪುನರೂರು ಬತ್ತಿತ್ತೆರ್.ಉಂದುವೇ ಪೊರ್ತುಡು ಮದೆಟ್ಟ್ ಇತ್ತಿನ ೨೩ ಜನ ಸಾಧಕೆರೆಗ್ ಅಂಚೆನೆ ಏಳಿಂಜೆ ನವಚೇತನ ಯುವಕ ಯುವತಿ ಮಂಡಲೊಗು ಕಾಯಕ ರತ್ನ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್. ಮಾನಾದಿಗೆ ದೆತೊನಿನಕಲ್ನ ಪರವಾದ್ ಭಾರತೀಯ ಸೇನಾ ಪಡೆತ್ತ ನಾಯಕ್ ಭಾಸ್ಕರ್ ರೈ ಪಾತೆರಿಯೆರ್.ಸೇವಾ ಸಂಸ್ಥೆದ ಟ್ರಸ್ಟಿ ನಕುಲು ಬೊಕ್ಕ ಸಂಚಾಲಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.ಶಂಕರ ಕೆಮ್ಮಡೆ ತಂಡದ ಕಲಾವಿದೆರೆರ್ದ್ ದೋಲು ವಾದನ ನಡತ್ಂಡ್.
ಬಲೆ ತೆಲಿಪಾಲೆ ಪುಗರ್ತೆದ ಶರಣ್ ಕೈಕಂಬ ಕೂಟದಕಲೆರ್ದ್ ಮಿಮಿಕ್ರಿ ಕಾರ್ಯಕ್ರಮ ನಡತ್ಂಡ್. ಪ್ರಕಾಶ್ ಕಿನ್ನಿಗೋಳಿ ಕೊರಗಜ್ಜನ ಪದ ಪಂಡೆರ್.ಚಂದ್ರಕಾಂತ್ ಪಡುಬಿದ್ರಿ ಆಣ್ ಬೊಕ್ಕ ಪೊಣ್ಣ ಸ್ವರೊಟ್ಟು ಪದ ಪಂಡೆರ್.
ಪ್ರಕಾಶ್ ಕಿನ್ನಿಗೋಳಿ ದೇವೆರೆನ ಪ್ರಾರ್ಥನೆ ಮಲ್ತೆರ್. ಡಾ. ಜಗನ್ನಾಥ ಶೆಟ್ಟಿ ನಿಡ್ಡೋಡಿಮನೆ ಬಿನ್ನೆರೆ ನ್ ಎದ್ಕೊಂಡೆರ್. ಶರತ್ ಶೆಟ್ಟಿ ಕಿನ್ನಿಗೋಳಿ ಲೇಸ್ ನಡಪಾದ್ ಕೊರಿಯೆರ್. ಶ್ರೀಶ ಐಕಳ ಸೊಲ್ಮೆ ಸಂದಾಯೆರ್.