ದೇವಸ್ಥಾನ

ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ಲೋಕ ಕಲ್ಯಾಣಾರ್ಥವಾದ್ ಶತರುದ್ರ ಸೇವೆ

ವಿಟ್ಲ: ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ತಾರೀಖ್ 29.8.2021ನೇ ಐತಾರ ದಾನಿ ಸಾನಿಧ್ಯವೃದ್ಧಿಗಾದ್ ಅಂಚನೇ ಲೋಕ ಕಲ್ಯಾಣಾರ್ಥವಾದ್ ಶತರುದ್ರ ಸೇವೆ ನಡಪರೆ ಉಂಡು .

ಆ ಪ್ರಯುಕ್ತ ಸೀಯಾಳ, ಬಿಲ್ವಪತ್ರೆ, ಪೂ-ಅರ್ಪಿಸಾದ್ ಶ್ರೀ ದೇವೆರ್ನ ಅನುಗ್ರಹಕ್ ಪಾತ್ರರಾವೊಡು ಪಂದ್ ದೇವಾಲಯದ ಆಡಳಿತ ಸಮಿತಿ ಪ್ರಕಟಣೆಡ್ ತೆರಿಪಾದುಂಡು .

ಇನಿ ಕೋಡಿಕೆರೆಟ್ ಶ್ರೀ ರಾಧಾ ಗೋವಿಂದ ದೇವಸ್ಥಾನಗ್ ಭೂಮಿಪೂಜೆ

ಕುಡ್ಲ : ಶ್ರೀ ರಾಧಾ ಗೋವಿಂದ ಮಂದಿರ ಕದ್ರಿ ನಂತೂರು ಮೆಕ್ಲೆನ ಬಾರಿ ನಿರೀಕ್ಷೆ ಮಲ್ತಿನ ಇಸ್ಕಾನ್ ಶ್ರೀ ರಾಧಾ ಗೋವಿಂದ ದೇವಸ್ಥಾನ ಪೇಂಟೆದ ಕುಳಾಯಿ ಕೋಡಿಕೆರೆ(ಮೂಡುಬೆಟ್ಟು) ಡು ಸುಮಾರ್ ೧೫ ಕೋಟಿ ಪಣವುದ ಸಾಕರಡ್ ಕಟ್ಟರೆ ಉಲ್ಲೆರ್ , ಆ.೨೭ಕ್ಕ್ ಭೂಮಿಪೂಜೆ ನಡಪರೆ ಉಂಡು .

ಸುದ್ದಿಗೋಷ್ಠಿಡ್ ಈ ಬಗ್ಗೆ ಮಾಹಿತಿ ಕೊರಿನ ನಂತೂರೂ ಶ್ರೀ ರಾಧಾ ಗೋವಿಂದ ಮಂದಿರದ ಗುರ್ಕಾರ್ಲಾಯಿನ ನಾಮನಿಷ್ಠ ದಾಸ್, ಮೇರ್ ಭೂಮಿ ಪೂಜೆದ ಬಗೆಟ್ ಪಾತೆರಿಯೆರ್.ಸಂಸದ ನಳಿನ್ ಕುಮಾರ್ ಕಟೀಲ್, ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಶಾಸಕರಾದ ಡಾ.ಭರತ್ ಶೆಟ್ಟಿ, ಡಿ.ವೇದವ್ಯಾಸ ಕಾಮತ್, ಸಂಜೀವ ಮಠಂದೂರು ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಪಂಡೆರ್.

ಕೇರಳಡ್ ಕೊರೋನ ಕಾಟ : ಕುಡ್ಲಡ್ ದೇವಸ್ಥಾನಗ್ ಪ್ರವೇಶ ಇಜ್ಜಿ

ಕುಡ್ಲ : ಕೊರೋನಾ ಪ್ರಕರಣ ಜಾಸ್ತಿ ಆಯಿನಿ ನೆಲೆಟ್ಟ್ ಕುಡ್ಲಡ್ ಜಿಲ್ಲಾಡಳಿತ ಆಗಸ್ಟ್ 15 ತಾರೀಖ್ ಮುಟ ಜಿಲ್ಲೆದ ಪ್ರಸಿದ್ಧ ದೇವಸ್ಥಾನಗ್ ಪೊಸ ನಿರ್ಬಂಧಲೆನ್ ಜಾರಿ ಮಲ್ದುಂಡು . ಶ್ರೀಕ್ಷೇತ್ರ ಧರ್ಮಸ್ಥಳ, ಕುಕ್ಕೆ ಸುಬ್ರಹ್ಮಣ್ಯ, ಕಟೀಲು ದುರ್ಗಾ ಪರಮೇಶ್ವರಿ ದೇವಸ್ಥಾನ ಸೋಮವಾರರ್ದ್ ಶುಕ್ರವಾರ ಮುಟ ಕಾಂಡೆ 7 ಗಂಟೆರ್ದ್ ಬೈಯ್ಯಗ್ 7 ಗಂಟೆ ಮುಟ ಮಾತ್ರ ಭಕ್ತೆರೆಗ್ ಪ್ರವೇಶ ಉಂಡು . ಆಂಡ ತೀರ್ಥ, ಪ್ರಸಾದ ಬೊಕ್ಕ ಅನ್ನಸಂತರ್ಪಣ ಇಜ್ಜಿ . ಶನಿವಾರ ಬೊಕ್ಕ ಐತಾರ ದೇವಸ್ಥಾನಗ್ ಪ್ರವೇಶ ಇಜ್ಜಿ.

ಅತ್ತೂರು ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದ ವ್ಯವಸ್ಥಾಪನಾ ಗುರ್ಕಾರ್ಲಾದ್ ಮನ್ಮಥ ಜೆ ಶೆಟ್ಟಿ ಆಯ್ಕೆ

ಕಾರ್ಕಳ, ಆಗಸ್ಟ್ 3: ಅತ್ತೂರು ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗೌರವಾಧ್ಯಕ್ಷರಾದ್ ಒಡಿಪು ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ, ಪೊಸ ಗುರ್ಕಾರ್ಲಾದ್ ಉದ್ಯಮಿ, ಅತ್ತೂರು ಮೊಯಿಲೊಟ್ಟು ನಿವಾಸಿ ಮನ್ಮಥ ಜೆ. ಶೆಟ್ಟಿ ಆಯ್ಕೆ ಆತೆರ್ . ಕಾರ್ಯಂತೆರಾದ್ ಆನಂದರಾಯ ನಾಯಕ್, ಸದಸ್ಯೆರಾದ್ ದೇವಸ್ಥಾನದ ಪ್ರಧಾನ ಅರ್ಚಕ ಎ. ಶ್ರೀನಿವಾಸ ಆಚಾರ್ಯ, ಮಹಾಬಲ ಸುವರ್ಣ, ಶ್ರೀಧರ ಸುವರ್ಣ ಎನ್., ಹರೀಶ್ ನಾಯ್ಕ, ಪ್ರತಿಮಾ ಹೆಗ್ಡೆ, ಚಂದ್ರಿಕಾ ದಿವಾಕರ ಕುಲಾಲ್ ಆಯ್ಕೆ ಆತೆರ್ .