ಕ್ಷೇತ್ರ

ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ ನಾಗಾಲಯಗ್ ರಜತದ್ವಾರ ಸಮರ್ಪಣೆ

ಒಡಿಪು : ಒಡಿಪು ದೊಡ್ಡಣಗುಡ್ಡೆದ ಶ್ರೀಚಕ್ರಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರದ ನಾಗಾಲಯಡ್ ನಾಗರ ಪಂಚಮಿನ್ ಬಾರಿ ಗೌಜಿಡ್ ಸಂಭ್ರಮದಿಂದ ಆಚರಣೆ ಮಲ್ತೆರ್. ಧಾರ್ಮಿಕ ಕಾರ್ಯಕ್ರಮವಾದ್ ಪವಮಾನ ಪಾರಾಯಣ ಸೂಕ್ತ ಸಹಿತವಾದ್ ತನು ತಂಬಿಲ ಸೇವೆ ಪಂಚಾಮೃತ ಅಭಿಷೇಕ ಪ್ರಸನ್ನ ಪೂಜೆ ಮಹಾ ಅನ್ನಸಂತರ್ಪಣೆ ನಡತುಂಡು .

ನಾಗರಪಂಚಮಿದ ಪರ್ವಕಾಲಡ್ ಕ್ಷೇತ್ರರ್ದ್ ಆಯಿನಂಚೀನ ಅನಿವಾಸಿ ಭಾರತೀಯ ಉದ್ಯಮಿಯಾಯಿನ ಶ್ರೀ ಜಗನ್ನಾಥ ಶೆಟ್ಟಿ ಬೊಕ್ಕ ಜೋಕ್ಲೆನ ಬಾಬು ಕ್ಷೇತ್ರದ ನಾಗಾಲಯದ ಮುಖದ್ವಾರಗ್ ಕೊಡುಗೆಯಾದ್ ಕೊರಿನ ರಜತ ಕವಚನ್ ಕ್ಷೇತ್ರದ ಧರ್ಮದರ್ಶಿ ಶ್ರೀ ರಮಾನಂದ ಗುರೂಜಿಲೆನ ಮುತಾಲಿಕೆಡ್ ಸಮಸ್ತ ಭಕ್ತೆರ್ನ ಮುತಾಲೀಕೇಡ್ ಕ್ಷೇತ್ರದ ಅರ್ಚಕ ಗಜಾನನ ಭಟ್ಟರ ಪೌರೋಹಿತ್ಯಡ್ ಕೊರಿಯೆರ್

ಸಹಕಾರಿ ಕ್ಷೇತ್ರೊಡು ಮುಲ್ಕಿ ರಂಗನಾಥ ಶೆಟ್ರೆನ ಸಾಧನೆ ಮೆಚ್ಚೊಡಾಯಿನ: ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ

ಮುಲ್ಕಿ: ಗ್ರಾಮೀಣ ಪ್ರದೇಶದ ಸಹಕಾರಿ ಕ್ಷೇತ್ರೊಡು ಜನಸೇವೆ ಮಲ್ಪುನ ಸಹಕಾರಿ ರಂಗನಾಥ ಶೆಟ್ರೆನ ಸಾಧನೆ ಮೆಚ್ಚೊಡಾಯಿನ ಪಂಡ್ ದ್ ಬೆಂಗಳೂರುದ ಅಂತಾರಾಷ್ಟ್ರೀಯ ವಾಸ್ತುತಜ್ಞೆರ್, ವೈಜ್ಞಾನಿಕ ಜ್ಯೋತಿಷಿ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ ಪಂಡೆರ್.
ಆರ್ ಮುಲ್ಕಿ ದ ಶ್ರೀ ಚಂದ್ರಶೇಖರ ಸ್ವಾಮೀಜಿ ಆಶ್ರಮೊಡು ಸೋಮಾರ ಕಾಂಡೆ ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಪ್ರಕೋಷ್ಠದ ಸಂಚಾಲಕೆರಾದ್ ಆಯ್ಕೆ ಆಯಿನ ಮುಲ್ಕಿ ವಿಜಯ ಸೊಸೈಟಿದ ಅಧ್ಯಕ್ಷೆರ್ ರಂಗನಾಥ ಶೆಟ್ರೆನ್ ಮಾನಾದಿಗೆ ಮಲ್ತ್ ದ್ ಪಾತೆರಿಯೆರ್.

ಕರಿನ ಕೆಲವು ವರ್ಷೊರ್ದಿಂಚಿ ಬೇತೆ ಬೇತೆ ಸಂಘಟನೆಲೆನ ಮೂಲಕ ಮುಲ್ಕಿ ಪರಿಸರೊಡು ಬಡವರೆನ, ಹಿಂದುಳಿದ ವರ್ಗದಕಲೆನ ಶಕ್ತಿಯಾದ್ ಪುಗರ್ತೆ ಪಡೆಯಿನ ರಂಗನಾಥ ಶೆಟ್ರೆನ ಸೇವೆ ನಿರಂತರ ಆದುಪ್ಪಡ್ ಪಂಡ್ ದ್ ಆರ್ ಶುಭ ಹಾರೈಕೆ ಮಲ್ತೆರ್.
ಈ ಪೊರ್ತುಡು ಆಶ್ರಮದ ನಿರ್ದೇಶಕೆರಾಯಿನ ರಜನಿ ಚಂದ್ರಶೇಖರ್ ಭಟ್, ರೋಶನಿ ಭಟ್, ರಾಹುಲ್ ಸಿ. ಭಟ್, ಸಂಚಾಲಕೆರಾಯಿನ ಪುನೀತ್ ಕೃಷ್ಣ, ವಿಜಯ ರೈತ ಸೊಸೈಟಿ ನಿರ್ದೇಶಕೆರ್ ದೇವಿಪ್ರಸಾದ್ ಕೆಂಪುಗುಡ್ಡೆ, ಭದ್ರತಾ ಸಿಬ್ಬಂದಿ ಮಂಜುನಾಥ ಗೌಡ ಮೊಕುಲು ಮಾತ ಇತ್ತೆರ್.
ರಾಹುಲ್ ಸಿ. ಭಟ್ ಸ್ವಾಗತ ಮಲ್ತೆರ್. ಪುನೀತ್ ಕೃಷ್ಣ ಲೇಸ್ ಸುಧಾರಿಕೆ ಮಲ್ತೆರ್.

ಶ್ರೀ ಆದಿಶಕ್ತಿ ಚಾಮುಂಡೇಶ್ವರಿ ಕ್ಷೇತ್ರಗ್ ಭೇಟಿ ಕೊರಿನ ಶ್ರೀ ಅರುಣಾನಂದ ಸ್ವಾಮಿಜಿ

ಬಂಟ್ವಾಳ, ಜುಲೈ 20: ಶ್ರೀ ಆದಿಶಕ್ತಿ ಚಾಮುಂಡೇಶ್ವರಿ ಕ್ಷೇತ್ರಗ್ರಾಮ್ ಸೇನೆ ಕರ್ನಾಟಕದ ಸಂಸ್ಥಾಪಕ ಗುರ್ಕಾರ್ಲಾಯಿನ ಪ್ರಸಾದ್ ಅತ್ತಾವರ ಬೊಕ್ಕ ಶ್ರೀ ಶ್ರೀ ಶ್ರೀ ಅರುಣಾನಂದ ಸ್ವಾಮಿಜಿಮೊಕುಲು ಅಪ್ಪೆನ ಪುಣ್ಯ ಸನ್ನಿದಾನೊಗು ಭೇಟಿ ಆಯೆರ್.

ಬಂಟ್ವಾಳ ಶ್ರೀ ಆದಿಶಕ್ತಿ ಚಾಮುಂಡೇಶ್ವರೀ ಕ್ಷೇತ್ರಗ್ ಶಿಲಾನ್ಯಾಸ ಲೇಸ್

ಬಂಟ್ವಾಳ, ಜುಲೈ 16: ಬಂಟ್ವಾಳದ ಕಸ್ಟ ಗ್ರಾಮದ ಅಗ್ರಾರ್ ಕೈತಲ್ ದ ದರ್ಬೆ ಶ್ರೀ ಆದಿಶಕ್ತಿ ಚಾಮುಂಡೇಶ್ವರೀ ಕ್ಷೇತ್ರ ಬೊಕ್ಕ ಗೋಶಾಲೆ ಟ್ರಸ್ಟ್ ವತಿರ್ದ್ ಭಕ್ತೆರ್ನ ಸಾಕರಡ್ ಪೊಸತಾದ್ ನಿರ್ಮಾಣ ಆಯೆರೆ ಉಪ್ಪುನ ಶ್ರೀ ಆದಿಶಕ್ತಿ ಚಾಮುಂಡೇಶ್ವರೀ ಕ್ಷೇತ್ರಗ್ ಗುರುವಾರ ಶಿಲಾನ್ಯಾಸ ನಡತುಂಡು .

ಕ್ಷೇತ್ರದ ಆರಾಧ್ಯ ಶಕ್ತಿ ಶ್ರೀ ಆದಿಶಕ್ತಿ ಚಾಮುಂಡೇಶ್ವರೀ ಬೊಕ್ಕ ಪರಿವಾರ ದೇವೆರೆಗ್ ಪೂಜೆ ಮಲ್ತಿ ಬೊಕ್ಕ ವೇದಮೂರ್ತಿ ನಾಳ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಪ್ರಧಾನ ಅರ್ಚಕೇರಾಯಿನ ರಾಘವೇಂದ್ರ ಅಸ್ರಣ್ಣ ಮೆರ್ನ ಪೌರೋಹಿತ್ಯಡ್ ಶಾಸ್ಪೋಕ್ತವಾದ್ ದೇವಸ್ಥಾನ ನಿರ್ಮಾಣಗ್ ಶಿಲಾನ್ಯಾಸ ನಡಪಾಯೆರ್ .

ಈ ಪೊರ್ತುಡು ಶಿಲ್ಪಿ ಹರೀಶ್, ಕ್ಷೇತ್ರದ ಗುರ್ಕಾರ್ಲಾಯಿನ ವಿಶ್ವನಾಥ ಕರ್ಕೇರಾ, ದೀಕ್ಷಿತ್, ದೇವಿ ದರ್ಶನಪಾತ್ರಿ ರಂಜಿತ ಪಾಲ್ ಪಡೆದಿತ್ತೆರ್.