ಕೋವಿಡ್

ಆಂಬುಲೆನ್ಸ್ ಆದ್ ಬದಲಾಯಿನ ನಿರುಪಯುಕ್ತ ಗಾಡಿ

ಕುಡ್ಲ ಜೂನ್ 11 : ಕೊಂಕಣಿ ಅಕಾಡೆಮಿಡ್ ಇತ್ತಿನ ನಿರುಪಯೋಗಿ ಗಾಡಿನ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಬೊಕ್ಕ ಸೇವಾಂಜಲಿ ಚಾರಿಟಬಲ್ ಟ್ರಸ್ಟ್ ವತಿರ್ದ್ ಆಂಬುಲೆನ್ಸ್ ಆದ್ ಪರಿವರ್ತನೆ ಮಲ್ತೆರ್ .

ಸೇವಾಂಜಲಿ ಚಾರಿಟಬಲ್ ಟ್ರಸ್ಟ್ ಈ ಗಾಡಿನ್ ತಮ್ಮ ಸ್ವಂತ ಖರ್ಚ್ ಡ್ ದುರಸ್ತಿ ಮಲ್ದೆರ್ , ಕೋವಿಡ್ ಪೊರ್ತುಡು ರೋಗಿಲೆಗ್ ಬೊಕ್ಕ ರೋಗಿಲು ಸೈತುಂಡ ಉಚಿತವಾದ್ ಸೇವೆ ಕೊರಿಯರೆ ಉಪಯೋಗ ಮಲ್ಪುವೆರ್ .

ಈ ಪೊರ್ತುಡು ಸೇವಾoಜಲಿ ಟ್ರಸ್ಟ್ ದ ಕಾಮತ್, ನರೇಶ್ ಶೆಣೈ, ನರೇಶ್ ಪ್ರಭು, ಚೇತನ್ ಕಾಮತ್, ಕೊಂಕಣಿ ಅಕಾಡೆಮಿ ಪರವಾಗಿ ಸದಸ್ಯೆರಾಯಿನ ಅರುಣ್ ಜಿ ಶೇಟ್, ಗೋಪಾಲಕೃಷ್ಣ ಭಟ್, ಕೆನ್ಯೂಟ ಜೀವನ್ ಪಿಂಟೋ, ನವೀನ್ ನಾಯಕ್ ಬೊಕ್ಕ ರಿಜಿಸ್ಟ್ರಾರ್ ಮನೋಹರ್ ಕಾಮತ್ ಪಾಲ್ ಪಡೆದ್ ಇತ್ತೆರ್.

ಬೆಂಗ್ಳೂರು ಮುಟ್ಟಿನ 29ನೇ ಆಕ್ಸಿಜನ್ ಎಕ್ಸ್ ಪ್ರೆಸ್

ಬೆಂಗ್ಳೂರು,ಜೂ.09:29ನೇ ಆಕ್ಸಿಜನ್ ಎಕ್ಸ್ ಪ್ರೆಸ್ ವಿಶೇಷ ರೈಲು ಇನಿ ಬೆಂಗ್ಳೂರುಗು ಬೈದುಂಡು . 126.7 ಮೆಟ್ರಿಕ್ ಟನ್ ವೈದ್ಯಕೀಯ ಲಿಕ್ವಿಡ್ ಆಕ್ಸಿಜನ್ ಇಪ್ಪುನ ಈ ಎಕ್ಸ್ ಪ್ರೆಸ್ ರೈಲು ಬೆಂಗ್ಳೂರುಗು ವೈಟ್ ಫೀಲ್ಡ್ ಕಂಟೈನರ್ ಡಿಪೋ ಮುಟ್ಟಿನೆನ್ ಟ್ವೀಟ್ ಮಲ್ದೆರ್ .

ಇತ್ತೇ ಮುಟ ರಾಜಧಾನಿ ಬೆಂಗ್ಳೂರುಗು 29 ರೈಲುದ ಮುಖೇನ 3,340.69 ಟನ್ ದ್ರವ ವೈದ್ಯಕೀಯ ಆಮ್ಲಜನಕ ಕನದೆರ್ . ಈ ಮುಖೇನ ಕೋವಿಡ್-19 ರೋಗಿಲೆಗ್ ಅತ್ಯವಶ್ಯಕವಾಯಿನ ಪ್ರಾಣವಾಯು ಸಮಸ್ಯೆ ಆವಂದಿಲಕ ಕ್ರಮ ದೆತೊನ್ದೆರ್ .

ಕೋವಿಡ್ ಸಂತ್ರಸ್ತೆರೆಗ್ ಮಾನವೀಯತೆ ಸ್ಪಂದನೆ

ಬಂಟ್ವಾಳ:ಜೂನ್ 8: ‘ಮುಲ್ಪದ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಡ್ ಕೋವಿಡ್ ಸಂತ್ರಸ್ತರೆಗ್ ತಲಾ ₹ 1ಸಾವಿರ ಮೌಲ್ಯದ ದಿನಸಿ ಸಾಮಗ್ರಿ ಕಿಟ್ ಕೊರ್ಪಿನ ಮುಖೇನ ಮಾನವೀಯ ಸ್ಪಂದನೆದೊಟ್ಟುಗು ಅಸಹಾಯಕೆರೆಗ್ ಸಾಧ್ಯಆಯಿನಾತ್ ಪಣಾವುದ ಸಾಕಾರ ಕೊರಿಯೆರೆ ‘ಇಂದಿರಾ ಕ್ಷೇಮ ನಿಧಿ’ ಸುರು ಮಲ್ದೆರ್ ಪಂದ್ ‘ ಮಾಜಿ ಸಚಿವ ಬಿ.ರಮಾನಾಥ ರೈ ಪಂಡೆರ್ .

ಬಿ.ಸಿ.ರೋಡು ರಂಗೋಲಿ ಸಭಾಂಗಣಡ್ ಸೋಮವಾರ ಅಟ್ಟನೆ ಮಲ್ತಿನ ‘ಇಂದಿರಾ ಕ್ಷೇಮ ನಿಧಿ’ ಯೋಜನೆನ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಜಿಲ್ಲಾ ಪಂಚಾಯಿತಿ ಸದಸ್ಯೆರಾಯಿನ ಚಂದ್ರಪ್ರಕಾಶ್ ಶೆಟ್ಟಿ, ಬಿ.ಪದ್ಮಶೇಖರ್ ಜೈನ್, ಎಂ.ಎಸ್.ಮಹಮ್ಮದ್, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷ ಅಬ್ಬಾಸ್ ಅಲಿ, ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಮಲ್ಲಿಕಾ ವಿ.ಶೆಟ್ಟಿ, ಪುರಸಭಾಧ್ಯಕ್ಷ ಮಹಮ್ಮದ್ ಶರೀಫ್, ಉಪಾಧ್ಯಕ್ಷೆ ಜೆಸಿಂತ ಡಿಸೋಜ, ಪ್ರಮುಖೆರಾಯಿನ ಸುದರ್ಶನ್ ಜೈನ್, ಕೆ.ಪದ್ಮನಾಭ ರೈ, ಜಯಂತಿ ವಿ.ಪೂಜಾರಿ, ಆಲ್ಬರ್ಟ್‌ ಮಿನೇಜಸ್, ಜನಾರ್ದನ ಚೆಂಡ್ತಿಮಾರ್, ಇಬ್ರಾಹಿಂ ನವಾಝ್ ಬಡಕಬೈಲು, ಸುರೇಶ್ ಜೋರ ಪಾಲ್ ಪಡೆದಿತ್ತೆರ್ .

ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಬೇಬಿ ಕುಂದರ್ ಎದುಕೊಂಡೆರ್ , ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುದೀಪ್ ಕುಮಾರ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್ .