ಕೋವಿಡ್ ಜಾಗೃತಿ

ಸೆಲ್ಫ್ ಡಿಫೆನ್ಸ್ ಬೊಕ್ಕ ಗೃಹರಕ್ಷಕದಳದ ಕೋವಿಡ್ ಮಾರ್ಷಲ್‌ರ್ದ್ ಕೋವಿಡ್ ಜಾಗೃತಿ

ಕುಡ್ಲ , ಎ.20: ಕುಡ್ಲಡ್ ಕೊರೋನ ಸೋಂಕುದ ಪ್ರಮಾಣ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಜನಕುಲು ಎಚ್ಚದ ಸಂಖ್ಯೆಡ್ ಸೇರುನ ಜಾಗೆಡ್ ಐಟ್ಲಾ ಪೇಂಟೆಡ್ ಮಾಸ್ಕ್ ಪಾಡಂದೆ ತಿರ್ಗೊಂದು ಇತ್ತಿನ ಸಾರ್ವಜನಿಕೆರೆಗ್ ಸೆಲ್ಫ್ ಡಿಫೆನ್ಸ್ ಬೊಕ್ಕ ಗೃಹರಕ್ಷಕದಳದ ಕೋವಿಡ್ ಮಾರ್ಷಲ್‌ ಲು ಐತಾರ ಕೆಂಪು ಗುಲಾಬಿ ಪೂ ಬೊಕ್ಕ ಮಾಸ್ಕ್ ಕೊರ್ದು , ಕೋವಿಡ್ ಜಾಗೃತಿ ಮೂಡಾಯೆರ್.

ಗೃಹರಕ್ಷಕದಳದ ಕಮಾಂಡೆಂಟ್ ಡಾ.ಮುರಲಿ ಮೋಹನ್ ಚೂಂತಾರು, ಸಮಾಜ ಸೇವಕ ಪ್ರೊ.ಸುರೇಶ್‌ನಾಥ್, ಉದ್ಯಮಿ ಆಲ್ವಿನ್ ಜೋಯೆಲ್ ನೊರೊನ್ಹಾ, ಸಿವಿಲ್ ಡಿಫೆನ್ಸ್‌ದ ಅಜಯ ಕುಮಾರ್ ಬೇತೆ ಮಾರ್ಷಲ್‌ನ ಒಟ್ಟು ಸೇರ್ದ್ ಮಾಸ್ಕ್ ಪಾಡ್ಯರೆ ಪ್ರೇರೇಪಣೆ ಮಲ್ತೆರ್.