ಕುಡ್ಲ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಸುಳ್ಯ ಬೊಕ ಕುಡ್ಲಡ್ ಕೀರ್ ಕುಟುದು ಬರೊಂದು ಉಪ್ಪುನ ಬರ್ಸ – ಎಲ್ಲೆ ( ಆಗಸ್ಟ್ 04) ಸುಳ್ಯ ಪೇಂಟೆದ ಶಾಲಾ, ಕಾಲೇಜ್ಗ್ ರಜೆ : ಬೇತೆ ತಾಲೂಕುದ ರಜೆ ನಿರ್ಧಾರ ಕೈತಲ್ದ ಆಡಳಿತಗ್ -ಡಿಸಿ ಸೂಚನೆ

Aug 3, 2022

ಸುಳ್ಯ ಬೊಕ ಕುಡ್ಲಡ್ ಕೀರ್ ಕುಟುಡು ಬರೊಂದು ಉಪ್ಪುನ ಬರ್ಸ – ಎಲ್ಲೆ ( ಆಗಸ್ಟ್ 04) ಸುಳ್ಯ ಪೇಂಟೆದ ಶಾಲಾ, ಕಾಲೇಜ್ಗ್ ರಜೆ : ಬೇತೆ ತಾಲೂಕುದ ರಜೆ ನಿರ್ಧಾರ ಕೈತಲ್ದ ಆಡಳಿತಗ್ -ಡಿಸಿ ಸೂಚನೆ

ಕುಡ್ಲ : ಕುಡ್ಲಡ್ ಬಾರಿ ಬರ್ಸ ಬರೊಂದು ಉಪ್ಪುನೆರ್ದಾವರ ಕೆಲವು ಕಡೆಟ್ ಮಾರ್ಗ ಜರಿದ್ ಮಸ್ತ್ ಕಡೆಟ್ ಭೂಕುಸಿತ ಆತುಂಡು, ಏಪಲಾ ಬರಂದಿನ ಬರ್ಸಗ್ ಇಡೀ ಕುಡ್ಲದ ಜನಕ್ಲೆನ ಜೀವನ ಅಸ್ತವ್ಯಸ್ತ ಆತುಂಡು .

ಈ ನೆಲೆಟ್ಟ್ ಜೋಕ್ಲೆನ ಸುರಕ್ಷತೆನ್ ಗೇನಡ್ ದೀಯೊಂದು ಸುಳ್ಯ ತಾಲೂಕುದ ಮಾತಾ ಅಂಗನವಾಡಿ, ಪ್ರಾಥಮಿಕ ಶಾಲೆ ಬೊಕ್ಕ ಪ್ರೌಢಶಾಲೆಗ್ ಆಗಸ್ಟ್ 04 ಕ್ಕ್ ರಜೆ ಘೋಷಣೆ ಮಲ್ದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕುಡ್ಲರ್ದ್ ಕಳಸಗ್ ಪೋವೊಂದು ಇತ್ತಿನ ಬಸ್ ಪಲ್ಟಿ ಕುಡ್ಲ : ಆಕ್ಸಿಡೆಂಟ್

Aug 3, 2022

ಕುಡ್ಲರ್ದ್ ಕಳಸಗ್ ಪೋವೊಂದು ಇತ್ತಿನ ಬಸ್ ಪಲ್ಟಿ

ಕುಡ್ಲ : ಆಕ್ಸಿಡೆಂಟ್ ತಪ್ಪಾವುನ ನೆಲೆಟ್ಟ್ ಚಾಲಕನ‌ ನಿಯಂತ್ರಣ ಕಳೆಯೊಂದು ಖಾಸಗಿ ಬಸ್ ಬೂರಿನ ಘಟನೆ ಕಾರ್ಲಾ – ಬೆದ್ರ ರಾಷ್ಟ್ರೀಯ ಹೆದ್ದಾರಿಡ್ ಬನ್ನಡ್ಕ ಡ್ ನಡತುಂಡು .

ಘಟನೆಡ್ ಬಸ್ ಚಾಲಕನ ಸೊಂಟಗ್ ಗಾಯ ಆತುಂಡು , ಬೇತೆ ಪ್ರಯಾಣಿಕೆರೆಗ್ ಎಲ್ಯ ಎಲ್ಯ ಗಾಯ ಆತುಂಡು ಪಂದ್ ತೆರಿದ್ ಬೈದುಂಡು.

ಕುಡ್ಲರ್ದ್ ಕಳಸಗ್ ಪೋಪಿನ ಕೆಕೆಬಿ ಬಸ್ ಟ್ ಜೋಕುಲು ಸೇರಿನoಚ 30ರ್ದ್ ಜಾಸ್ತಿ ಜನ ಪ್ರಯಾಣಿಕೆರ್ ಇತ್ತೆರ್ . ಬಸ್ ಕಾಂಡೆ 6 ಗಂಟೆಗ್ ಕುಡ್ಲರ್ದ್ ಪಿದಾಡ್ದಿತ್ತುಂಡು. ಮೂಡುಬಿದಿರೆ ಬೆಳುವಾಯಿ ಕೈತಲ್ ಬನ್ನಡ್ಕಡ್ ರಿಕ್ಷಾ ಅಡ್ಡ ಬತ್ತಿನೆರ್ದಾವರ ಡಿಕ್ಕಿ ಆಕುನೇನ್ ತಪ್ಪಾಯೆರೆ ಚಾಲಕ ಬಸ್ ನ್ ಬರಿಕ್ ಕೊನೊಯೆರೆ ತೂನಗ ಈ ಅಪಘಾತ ಆತುಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲರ್ದ್ ಪಿದಾಡಿನ ಮಾಜಿ ಸಿಎಂ ಕುಮಾರಸ್ವಾಮಿನ ಕಾಪುನ ಗಾಡಿ ಆಕ್ಸಿಡೆಂಟ್ ; ಮೂಜಿ ಜನಕ್ ಗಂಭೀರ ಗಾಯ

Aug 2, 2022

ಕುಡ್ಲರ್ದ್ ಪಿದಾಡಿನ ಮಾಜಿ ಸಿಎಂ ಕುಮಾರಸ್ವಾಮಿನ ಕಾಪುನ ಗಾಡಿ ಆಕ್ಸಿಡೆಂಟ್ ; ಮೂಜಿ ಜನಕ್ ಗಂಭೀರ ಗಾಯ

ಕುಣಿಗಲ್: ಮಾಜಿ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಮೆರೆನ್ ಕಾಪುನ ಗಾಡಿ ಮಾರ್ಗದ ಡಿವೈಡರ್ ಗ್ ಢಿಕ್ಕಿ ಆದ್ ಐನ್ ಜನ ಪೊಲೀಸ್ ದಕ್ಲೆಗ್ ಗಾಯ ಆಯಿನ ಘಟನೆ ಕುಣಿಗಲ್ ತಾಲೂಕುದ ಎಡಿಯೂರು ಹೋಬಳಿ ರಾಷ್ಟ್ರೀಯ ಹೆದ್ದಾರಿ 75 ತಿಪ್ಪೂರು ಗೇಟ್ ಡ್ ನಡತುಂಡು .

ಸಿಬ್ಬಂದಿಲಾಯಿನ ಮಹೇಶ್, ಮಂಜುನಾಥ್ ಮೆರೆಗ್ ಮಸ್ತ್ ಗಾಯ ಆತುಂಡು. ಜಗದೀಶ್, ಆನಂದ್, ಹರೀಶ್ ಮೆಕ್ಲೆಗ್ ಒಂತೆ ಗಾಯ ಆತುಂಡು .

ಮಾಜಿ ಮುಖ್ಯಮಂತ್ರಿ ಎ.ಚ್.ಡಿ. ಕುಮಾರಸ್ವಾಮಿ ಮೆರ್ ಇಂಚೋಗು ಸೈತಿನ ಬೆಳ್ಳಾರೆದ ಪ್ರವೀಣ್ ನೆಟ್ಟಾರು, ಮಸೂದ್ ಬೊಕ್ಕ ಸುರತ್ಕಲ್‌ದ ಪಾಝಿಲ್ ಮೆಕ್ಲೆನ ಇಲ್ಲಗ್ ಭೇಟಿ ಕೊರ್ದು ಬೆಂಗ್ಳೂರುಗು ಹೆಲಿಕಾಪ್ಟರ್‍ ಮುಖೇನ ಪೋದು ಇತ್ತೆರ್ . ಈ ಪೊರ್ತುಡು ಆರ್ನ ಬೆಂಗಾವಲು ಪೊಲೀಸೆರ್ ತಮ್ಮ ಬೇಲೆ ಮಲ್ತ್ ಮಾರ್ಗಡ್ ಪೋನಗ ಈ ಘಟನೆ ನಡತುಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಗ್ ಬತ್ತಿನ ಪ್ರಮೋದ್ ಮುತಾಲಿಕ್ ನ್ ವಶಕ್ ಪಡೆಯಿನ ಪೋಲಿಸೆರ್

Jul 29, 2022

ಕುಡ್ಲಗ್ ಬತ್ತಿನ ಪ್ರಮೋದ್ ಮುತಾಲಿಕ್ ನ್ ವಶಕ್ ಪಡೆಯಿನ ಪೋಲಿಸೆರ್

ಕುಡ್ಲ : ಕರ್ಫ್ಯೂದ ನಡುಟುಲಾ ಕುಡ್ಲಗ್ ಬತ್ತಿನ ರಾಮ ಸೇನೆದ ಹಿಂದೂ ಮುಖಂಡ ಪ್ರಮೋದ್ ಮುತಾಲಿಕ್ ಮೆರೆನ್ ಹೆಜಮಾಡಿ ಚೆಕ್ ಪೋಸ್ಟ್ ಡ್ ಒಡಿಪು ಬೊಕ್ಕ ಕುಡ್ಲ ಪೋಲಿಸೆರ್ ಒಟ್ಟು ಸೇರ್ದ್ ಅರೆಸ್ಟ್ ಮಲ್ದೆರ್ , ಮೆರೆನ್ ವಶಕ್ ಪಡೆತೆರ್ ಪಂದ್ ಕುಡ್ಲ ನಗರ ಕಮೀಷನರ್ ಎನ್. ಶಶಿಕುಮಾರ್ ಮಾಧ್ಯಮದಕ್ಲೆಗ್ ಮಾಹಿತಿ ಕೊರಿಯೆರ್ .ಕುಡ್ಲ ಜಿಲ್ಲಾ ಪೊಲೀಸ್ ಘಟಕ ವ್ಯಾಪ್ತಿದ ಬಂಟ್ವಾಳ, ಬೆಳ್ತಂಗಡಿ, ಪುತ್ತೂರು, ಕಡಬ ಬೊಕ್ಕ ಸುಳ್ಯ ಪೆಂಟೆಗ್ ಶ್ರೀರಾಮ ಸೇನಾ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ಪ್ರವೇಶಗ್ ನಿಷೇಧ ಪಾರ್ದ್ , ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಆದೇಶ ಕೊರ್ದು ಇತ್ತೆರ್ .

ಮುತಾಲೀಕ್ ಮೇರ್ ದುಂಬು ಪೋಯಿನoಚಿನ ಜಾಗೆಡ್ ಪ್ರಚೋದನಕಾರಿ ಭಾಷಣ ಮಲ್ತ್ ಹಿಂದೂ ಸಮುದಾಯದ ಜನಕ್ಲೆನ ಕೋಮು ಭಾವನೆ ಹಾಳ್ ಮಲ್ತೊಂದು ಬೈದೆರ್ ಅಂಚನೆ ಕೋಮು ಸೌಹಾರ್ದ ಹಾಳ್ ಮಲ್ತಿನ ಅವ್ವೆತೋ ಪ್ರಕರಣ ಉಂಡು.

ಇತ್ತೆ ಮೇರ್ ಕುಡ್ಲಗ್ ಬತ್ತೆರ್ಡ ಪ್ರಚೋದನಕಾರಿ ಹೇಳಿಕೆ ಕೊರ್ದು ನನಾತ್ ಮತ್ತಷ್ಟು ಪ್ರಕ್ಷುಬ್ಧ ವಾತಾವರಣ ಸೃಷ್ಟಿಯಾಪಿನ ಸಾಧ್ಯತೆ ಉಪ್ಪುನೆರ್ದಾವರ ಅರೆಗ್ ದಂಡ ಪ್ರಕ್ರಿಯೆ ಸಂಹಿತೆ 1973ರ ಕಲಂ 144ರ ಅನ್ವಯ ಆದೇಶ ಕೊರೊಡು ಪಂದ್ ಪೊಲೀಸ್ ಅಧೀಕ್ಷಕೆರ್ ಮಲ್ತಿನ ಬಿನ್ನಾಪುದ ನೆಲೆಟ್ಟ್ ಈ ಆದೇಶ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಪಂಡೆರ್ .

ಕುಡ್ಲ : ಬಯ್ಯ 6 ಗಂಟೆದುಲಯಿ ಅಂಗಡಿ ಬಂದ್ ಮಲ್ಪರೆ ಆದೇಶ ಕೊರಿನ ಡಿಸಿ

Jul 29, 2022

ಕುಡ್ಲ : ಬಯ್ಯ 6 ಗಂಟೆದುಲಯಿ ಅಂಗಡಿ ಬಂದ್ ಮಲ್ಪರೆ ಆದೇಶ ಕೊರಿನ ಡಿಸಿ

ಕುಡ್ಲ : ಕುಡ್ಲಡ್ ಇನಿ ಬಯ್ಯ 6 ಗಂಟೆರ್ದ್ ಸೋಮವಾರ ಕಾಂಡೆ 6 ಗಂಟೆ ಮುಟ ಅಂಗಡಿ-ಮುಂಗಟ್ಟು ಬಂದ್‌ ಮಲ್ಪರೆ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್ .ಈ ಆದೇಶ ಆ. 1 ರ ತಾರಿಕ್ ಕಾಂಡೆ 6 ಗಂಟೆ ಮುಟ ಜಾರಿಡ್ ಉಪ್ಪುಂಡು , ಈ ಪೊರ್ತುಡು ಪೆಟೆಡ್ಕ್ ಮಾತಾ ನಗರ ಬೊಕ್ಕ ಗ್ರಾಮ ಪಂಚಾಯತ್‌ ವ್ಯಾಪ್ತಿದ ಅಂಗಡಿ-ಮುಂಗಟ್ಟು ಮುಚ್ಚೆರೆ ಸೂಚನೆ ಕೊರ್ತೆರ್ .

ಜನಕ್ಲೆಗ್ ಪೋಯೇರೆಲಾ ನಿರ್ಬಂಧ ಪಾಡ್ದೆರ್ . ಆಂಡ , ತುರ್ತು ಸೇವೆ, ಆಸ್ಪತ್ರೆ ಬೊಕ್ಕ ಮೆಡಿಕಲ್ ಶಾಪ್ ಗ್ ವಿನಾಯಿತಿ ಕೊರ್ತೆರ್ ಈ ಶೀಘ್ರ ಅಧಿಕೃತ ಆದೇಶ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಪಂಡೆರ್.

ಕುಡ್ಲದ ಇಮಾನ ನಿಲ್ದಾಣೊಡು ಪಚ್ಚೆ ಪಜಿರ್ ದೈಸಿರ

Jul 28, 2022

ಬಜಪೆ: ಕುಡ್ಲ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣವ ಜುಲೈ 28 ತಾರಿಕ್ ಗ್ ವಿಶ್ವ ಪ್ರಕೃತಿ ಸಂರಕ್ಷಣಾ ದಿನ ಆಚರಣೆ ಮಲ್ಪರೆ ತಯಾರಿ ಮಲ್ದುಂಡು ವಿಮಾನ ನಿಲ್ದಾಣದ ಉಲಯಿ ಬೊಕ್ಕ ಪಿದಾಯಿಡ್ ದೈ ಪಚ್ಚೆ ಪಜಿರ್ ದೈಸಿರ ಉಂಡು.

ವಿಮಾನ ನಿಲ್ದಾಣದ ಉಲಯಿ ಸುಮಾರು 1,215 ಚದರ ಮೀಟರ್‌ಡ್ 111 ತಾಳೆ ದೈ , 464 ಮರ ಸೇರಿನಂಚ 515 ಉಲಯಿ ನಡ್ಪಿನ ದೈ ಉಂಡು .

ನಿಲ್ದಾಣದ ವ್ಯಾಪ್ತಿದ 1.38 ಹೆಕ್ಟೇರ್‌ ಜಾಗೆಡ್ 85 ತರದ ದೈ ಉಂಡು. ಪೂತ ದೈ , ಫಲ ವಸ್ತುದ ದೈ ಪಜ್ಜೆ ಪೊಲಬುನು ನನಾತ್ ಎಚ್ಚ ಮಲ್ದುಂಡು.
ವಿಮಾನ ನಿಲ್ದಾಣಡ್ ಉತ್ಪತ್ತಿಯಾಪಿನ ನೀರ್ ಒಟ್ಟು ಮಲ್ತ್ , ಅಲ್ಪದ ದೈ ಕ್ ಪಾಡುನ ವ್ಯವಸ್ಥೆ ಮಲ್ದೆರ್ . ಸಾವಯವ ಗೊಬ್ಬರನ್ ಗಲಸ್ ದ್ ಮಲ್ತೊಂದು ಉಲ್ಲೆರ್.

Religious & Cultural News ಮಾತ ಧರ್ಮದ ಸುದ್ದಿ ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ

Jul 28, 2022

ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ

ಕುಡ್ಲ , ಜು.28: ಯುವ ಶಕ್ತಿಗ್ ಸೊರ ಲಕ್ಕವುನ ನೆಲೆಟ್ಟ್ ರಾಜ್ಯ ಯುವ ಕಾಂಗ್ರೆಸ್ ಅಟ್ಟನೆ ಮಲ್ದಿನ ‘ಯೂತ್ ಜೋಡೊ ಬೂತ್ ಜೋಡೊ’ ಲೇಸ್ ಗ್ ಸೋಮಾರ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮುಹಮ್ಮದ್ ನಲಪಾಡ್ ಚಾಲನೆ ಕೊರಿಯೆರ್ .
ಲೇಸ್ ಡ್ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ, ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಮೆರಿಲ್ ರೇಗೊ, ರಾಜ್ಯ ಯುವ ಕಾಂಗ್ರೆಸ್ ಕಾರ್ಯದರ್ಶಿಲಾಯಿನ ಆಶಿತ್ ಪಿರೇರಾ, ಸರ್ಫರಾಝ್ ನವಾಝ್, ನಾಸೀರ್ ಸಾಮಾಣಿಗೆ, ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಒತ್ತು ಗುರ್ಕಾರ್ಲಾಯಿನ ಗಿರೀಶ್ ಆಳ್ವ, ಅಭಿಷೇಕ್ ಬೆಳ್ಳಿಪ್ಪಾಡಿ ಪಾಲ್ ಪಡೆದಿತ್ತೆರ್ . ಯುವ ಕಾಂಗ್ರೆಸ್ ಮುಖಂಡ ಶಿವಪ್ರಸಾದ್ ಪಾಣಾಜೆ ಪ್ರಾಸ್ತಾವಿಕ ನುಡಿ ಪಂಡೆರ್ .

Classifieds ಜಾಹೀರಾತು ಕ್ಲಾಸಿಪೈಡ್ ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲದ ಲೇಡಿಹಿಲ್ ಡ್ ನಾರಾಯಣ ಗುರು ವೃತ್ತಗ್ ಕೆಸರ್ ಕಲ್ಲ್ ಪಾಡುನ ಲೇಸ್

Jul 24, 2022

ಕುಡ್ಲ : ಪೇಂಟೆದ ಲೇಡಿ ಹಿಲ್ ಶಾಲೆದ ಕೈತಲ್ ಉಪ್ಪುನ ಬ್ರಹ್ಮಶ್ರೀ ನಾರಾಯಣ ಗುರು ವೃತ್ತಗ್ ಐತಾರ ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ವಿ.ಸುನೀಲ್ ಕುಮಾರ್ ಕೆಸರ್ ಕಲ್ಲ್ ಪಾಡಿಯೆರ್ .

ಐರ್ದ್ ಬೊಕ್ಕ ಮಾಧ್ಯಮದಕ್ಲೆನ ಒಟ್ಟುಗು ಪಾತೆರಿನ ಆರ್, ಕುಡ್ಲದ ಪ್ರಮುಖ ಮಾರ್ಗಗ್ ಈ ದುಂಬೇ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪುದರ್ ದೀದ್ ಇತ್ತೆರ್.
ಈಗ ಪ್ರಾಧಿಕಾರದ ಒಟ್ಟು ಸೇರಿಗೆಡ್ 48 ಲಕ್ಷ ರೂ. ಪನವುದ ಸಾಕರಡ್ ಪೊರ್ಲು ನಾರಾಯಣ ಗುರು ವೃತ್ತ ಮಲ್ಪರೆ ಅಧಿಕೃತವಾದ್ ಕೆಸರ್ ಕಲ್ಲ್ ಪಾಡಿಯೆರ್.

ಈ ಪೊರ್ತುಡು ಶಾಸಕೆರಾಯಿನ ವೇದವ್ಯಾಸ ಕಾಮತ್, ಡಾ ಭರತ್ ಶೆಟ್ಟಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ಬೇತೆ ಬೇತೆ ಜನಪ್ರತಿನಿಧಿಕುಲು , ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ ಬರ್ರೆ ಉಂಡು ಚಂಡಮಾರುತ; ಕುಡ್ಲರ್ದ್ ದಾಮನ್ ಮುಟ್ಟ ಎಚ್ಚೆರ್ಗೆ

Jul 15, 2022

ಅರಬ್ಬಿ ಸಮುದ್ರಡ್ ಚಂಡಮಾರುತ ಸೃಷ್ಟಿಯಾದಿತ್ತ್ ದ್, ಅವ್ ಜುಲೈ 20 ಕ್ಕ್ ಕರ್ನಾಟಕದ ಗೋಕರ್ಣ ಅತ್ತಂಡ ಗೋವಾ ಬೊಕ್ಕ ರತ್ನಗಿರಿ ಮುಟ್ಟ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಎಚ್ಚರಿಕೆ ಕೊರ್ತ್ಂಡು.

ಭಾರೀ ಪ್ರಮಾಣಡ್ ಚಂಡಮಾರುತ ಬರ್ರೆ ಇತ್ತ್ ದ್, ಜುಲೈ 20 ರ್ದ್ ಬೊಕ್ಕ ಗೋಕರ್ಣ, ಗೋವಾ, ಬೊಂಬಾಯಿ, ಪೂನಾ ಸೇರಿನಂಚನೆ ತುಳುನಾಡ್ ಡ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು. ದುಂಬುದ 8 ದಿನತ್ತ ಕಾಲ ಗೋವಾ, ಗೋಕರ್ಣ, ಬೊಂಬಾಯಿಗ್ ಯೇರ್ಲ ಪ್ರವಾಸ ಪೋಯರೆ ಬಲ್ಲಿ ಪಂದ್ ಸೂಚನೆ ಕೊರ್ತುಂಡು.

ಚಂಡಮಾರುತ ಜುಲೈ 20 – 26 ಮುಟ್ಟ ಪೂರ್ಣ ಪ್ರಮಾಣನಡ್ ಬರ್ಪಿನ ಸಾಧ್ಯತೆ ಉಂಡು. ಅಂಚಾದ್ ದಾಮನ್‌ ರ್ದ್ ಕುಡ್ಲದ ಮುಟ್ಟ ತುಳುನಾಡ್ ಜನಕುಲು ಎಚ್ಚರಿಕೆಡ್ ಇಪ್ಪೊಡ್ ಪಂದ್ ಹವಾಮಾನ ಇಲಾಖೆ ತೆರಿಪಾದ್oಡ್.

ಕುಡ್ಲದ ಅಶೋಕ ವಿದ್ಯಾಲಯಡ್ ಎನ್ಮನೆ ವಿಶ್ವ ಯೋಗ ದಿನಾಚರಣೆ

Jun 22, 2022

ಕುಡ್ಲದ ಅಶೋಕ ವಿದ್ಯಾಲಯಡ್ 8 ನೇ ವಿಶ್ವ ಯೋಗ ದಿನಾಚರಣೆ

ಕುಡ್ಲ : ಎನ್ಮನೇ ವರ್ಸದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆನ್ ಕುಡ್ಲದ ಅಶೋಕ ವಿದ್ಯಾಲಯಡ್ ಜೂ.21 ಅಂಗಾರೆದಾನಿ ಆಚರಣೆ ಮಲ್ತೆರ್. ದೇವೆರ್ನ ಸುಗಿಪು ದೊಟ್ಟುಗು ಲೇಸ್ ಸುರು ಆಂಡ್. ಶಾಲಾ ಸಹ ಶಿಕ್ಷಕಿ ಸುಮನ ಮೇರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್. ಕೈತಲ್ ದ ಮಾಜಿ ಕಾರ್ಪೊರೇಟರ್ ರಾಧಾಕೃಷ್ಣ ತುಡರ್ ಅರ್ಲಾದ್ ಯೋಗ ದಿನಾಚರಣೆದ ಉದಿಪನ ಮಲ್ತ್ ಯೋಗದ ಬಗ್ಗೆ ಪಾತೆರಿಯೆರ್.

ಯೋಗ ತರಬೇತುದಾರೆರಾಯಿನ ಕುಮಾರಿ ನಯನ ಯೋಗಾಭ್ಯಾಸದ ಬಗ್ಗೆ ಮಾಹಿತಿ ಕೊರಿಯೆರ್. ಶ್ರೀಮತಿ ವಿಜಯಲಕ್ಷ್ಮಿ ಬೊಕ್ಕ ಶ್ರೀಮತಿ ಅಕ್ಷತಾ ಪ್ರಭು ಲೇಸ್ ಡ್ ಯೋಗ ದಿನಾಚರಣೆದ ಬಗ್ಗೆ ಪಾತೆರಿಯೆರ್. ಶಾಲೆದ ಕಲ್ಪಾರ್ಥಿಲುಲ ಯೋಗದ ಬಗೆಟ್ ರಡ್ಡ್ ಪಾತೆರ ಪಂಡೆರ್.

ಯೋಗ ಮಂತ್ರ ಪನ್ಪಿನ ಮುಖೇನ ಯೋಗದ ಪ್ರಾತ್ಯಕ್ಷಿಕೆನ್ ಜೋಕ್ಲೆನೆರ್ದ್ ಮಲ್ಪಾಯೆರ್.
ಮೂಜಿ ಹಂತಡ್ ಯೋಗಾಭ್ಯಾಸನ್ ನಯನ ಮೇರ್ ನಡಪಾದ್ ಕೊರಿಯೆರ್ .
ಶಾಲಾ ಮುಖ್ಯೋಪಾಧ್ಯಾಯಿನಿ ಬೊಕ್ಕ ಸಹ ಶಿಕ್ಷಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.