ಕುಡ್ಲ

ಕುಡ್ಲದಕ್ಲೆಗ್ ಎನ್‌ಐಟಿಕೆ ಟೋಲ್‌ರ್ದ್ ಮುಕ್ತಿ ಕೊರ್ಲೆ : ಸಚಿವ ಗಡ್ಕರಿಗ್ ಕೈಮುಗಿದ್ ಕೇಂಡಿನ ಸಂಸದ ನಳಿನ್

Feb 28, 2022

ಕುಡ್ಲ : ‘ಕುಡ್ಲದ ಎನ್‌ಐಟಿಕೆ ಕೈತಲ್ ಉಪ್ಪುನ ಸುರತ್ಕಲ್ ಟೋಲ್ ಗೇಟ್ ನ್ ಹೆಜಮಾಡಿಗ್ ವಿಲೀನ ಮಲ್ಪುನಃ ನೆಲೆಟ್ಟ್ ಪೊರ್oಬಾಟ ಆವೊಂದೇ ಉಂಡು . ಆ ಟೋಲ್‌ರ್ದ್ ಕುಡ್ಲದಕ್ಲೆಗ್ ಮುಕ್ತಿ ಕೊರ್ಲೆ ಪಂದ್ ಕೇಂದ್ರ ಹೆದ್ದಾರಿ ಸಚಿವ ನಿತಿನ್ ಗಡ್ಕರಿಗ್ ದ.ಕ ಸಂಸದ ನಳಿನ್ ಕುಮಾರ್ ಕಟೀಲು ಕೈ ಮುಗಿದ್ ಬಿನ್ನಾಪು ಮಲ್ದೆರ್ .

ಕುಡ್ಲದ ಕೊರ್ಡೆಲ್ ಹಾಲ್‌ಡ್ ನಡತಿನ 15 ರಾ.ಹೆದ್ದಾರಿ ಯೋಜನೆದ ಶಂಕುಸ್ಥಾಪನೆ ಬೊಕ್ಕ ಶಿಲನ್ಯಾಸ ಲೇಸ್ ಡ್ ಪಾತೆರಿನ ಆರ್ , ನಿಧಾನವಾದ್ ನಡತೊಂದು ಉಪ್ಪುನ ರಾ.ಹೆ ಕಾಮಗಾರಿಗ್ ಕುದುರೆಗತಿದ ವೇಗ ಕೊರಿನಾರ್ ನಿತಿನ್ ಗಡ್ಕರಿ.ಆ ನೆಲೆಟ್ಟ್ ಮೂಜಿ ಬೇಡಿಕೆ ದೀಯೊಂದು ಉಲ್ಲೆ ಐಟ್ ಸುರುತವು ನಂತೂರ್ ಪ್ರೈ ಓವರ್, ಬಿ.ಸಿ.ರೋಡ್-ಪೊಳಲಿ, ಕಟೀಲು ಮುಖೇನ ಮೂಲ್ಕಿಗ್ ಬೈಪಾಸ್ ಮಾರ್ಗ ಮೆಲ್ಕಾರ್‌ ರ್ದ್ -ತಲಪಾಡಿ ಮುಖೇನ ಕಾಸರಗೋಡ್ ಗ್ ಬೈಪಾಸ್ ಮಾರ್ಗ ಗ್ ಅನುಮತಿ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.

ಕುಡ್ಲ : ಹಿಜಾಬ್ ಲಡಾಯಿ – ಭಾರತ್ ಕಾಲೇಜ್ಗ್ ಇನಿಲಾ ರಜೆ

Feb 28, 2022

ಹಿಜಾಬ್ ಲಡಾಯಿದ ನೆಲೆಟ್ಟ್ ಕುಡ್ಲದ ಉಳ್ಳಾಲ ಭಾರತ್ ಪದವಿ ‌ಪೂರ್ವ ಕಾಲೇಜ್ ಡ್ ವಿವಾದ ಸೃಷ್ಟಿ ಆಯಿನೆರ್ದಾವರ ಕಾಲೇಜ್ ಗ್ ಶುಕ್ರವಾರರ್ದ್ ಘೋಷಣೆ ಮಲ್ದಿನ ರಜೆನ್ ನನಲಾ ದುಂಬು ಕೊಂತೆರ್.

ಈ ನೆಲೆಟ್ಟ್ ಇನಿಲಾ ಪಿಯು ತರಗತಿ ಅತಿಜಿ . ಕರಿನ ಗುರುವಾರೋರ್ದು ಭಾರತ್ ಪ. ಪೂ. ಕಾಲೇಜ್ ಡ ಹಿಜಾಬ್ ಪಾಡ್ದಿನ ಜೋಕ್ಲೆನ್ ತರಗತಿಗ್ ಬರಿಯೆರೆ ಬುಡನ್ದಿನ ನೆಲೆಟ್ಟ್ ಆಡಳಿತ ಸಮಿತಿ ನಿರ್ಬಂಧ ಕೊರ್ತೆರ್ . ಶುಕ್ರವಾರಲಾ ಹಿಜಾಬ್ ಪಾಡ್ದ್ ತರಗತಿಗೆ ಬರ್ಪಿನ ಜೋಕ್ಲೆಗ್ ಉಲಯಿ ಬರಿಯೆರೆ ಬುಡದಿoನಿಕ್ಕ್ ಆಕ್ರೋಶ ಆಯಿನ ಜೋಕುಲು ಪ್ರತಿಭಟನೆ ಮಲ್ದೆರ್ . ಈ ನೆಲೆಟ್ಟ್ ಶಾಲೆಗ್ ರಡ್ಡ್ ದಿನ ರಜೆ ಕೊರ್ದು ಇತ್ತೆರ್ . ಈ ಬಗ್ಗೆ ಶಾಸಕ ಯು. ಟಿ. ಖಾದರ್ ಮುತಾಲಿಕೆಡ್ ಸಭೆ ನಡತ್oಡಲ ಸಮಸ್ಯೆ ಪರಿಹಾರ ತೊಜೀದ್ ಬೈದುಂಡು . ಬುಧಧಾರೊರ್ದು ಸರಕಾರದ ನಿಯಮ ಪಾಲನೆದೋಟ್ಟುಗು ತರಗತಿ ಸುರು ಆಯೆರೆ ಉಂಡು.

ಕುಡ್ಲ : ಮಾ.3ಕ್ಕ್ ಉದ್ಯೋಗ ಮೇಳ

Feb 28, 2022

ಕುಡ್ಲ : ರಾಜ್ಯ ಕೌಶಲ್ಯ ಅಭಿವೃದ್ಧಿ ನಿಗಮೊರ್ದು ಬೃಹತ್ ಉದ್ಯೋಗ ಮೇಳ ನಡಪಾಯೆರೆ ಜಿಲ್ಲಾಡಳಿತ ತೀರ್ಮಾನ ಮಲ್ದುಂಡು ಪಂದ್ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಸುನೀಲ್ ಕುಮಾರ್ ಪಂತೆರ್ .

ಪೆಂಟೆಡ್ ಸುದ್ದಿಗೋಷ್ಠಿ ಮಲ್ತ್ ಪಾತೆರಿನ ಸಚಿವೆರ್ ಕುಡ್ಲದ ಎಜೆ ಇಂಜಿನಿಯರಿಂಗ್ ಕಾಲೇಜ್ ಡ್ ಮಾರ್ಚ್ 3ಕ್ಕ್ ಕಾಂಡೆ 9 ಗಂಟೆರ್ದ್ ಬೈಯ್ಯಗ್ 5 ಗಂಟೆ ಮುಟ ಉದ್ಯೋಗ ಮೇಳ ನಡಪರೇ ಉಂಡು , ನೂದೇರ್ದ್ ಜಾಸ್ತಿ ಕಂಪನಿ ಈ ಉದ್ಯೋಗ ಮೇಳಡ್ ಪಾಲ್ ಪಡೆಯರೇ ಉಂಡು . ಪದವೀಧರೆರ್ , ಇಂಜಿನಿಯರಿಂಗ್, ಡಿಪ್ಲೋಮಾ ಪದವೀಧರೆರ್ ಈ ಉದ್ಯೋಗ ಮೇಳಡ್ ಪಾಲ್ ಪಡೆಯೊಡು ಪಂದ್ ಬಿನ್ನಾಪು ಮಲ್ದೆರ್ .

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನನ ‘ಆಧಾರ್ ಕಾರ್ಡ್’ ತೋಜಾದ್ಲಾ ‘ಕೆಎಸ್ಆರ್ಟಿಸಿ ಬಸ್ ಟ್ ಪೋವೊಲಿ ಶೇ.25ದಾತ್ ಕಮ್ಮಿ

Feb 28, 2022

ಬೆಂಗ್ಳೂರು: ಇತ್ತೇ ಮುಟ ಪೆರಿಯಾ ನಾಗರೀಕೆರೆಗ್ ಕೆ ಎಸ್ ಆರ್ ಟಿ ಸಿ ಬಸ್ ಡ್ ಪ್ರಯಾಣ ಮಲ್ಪುನಗ ರಿಯಾಯಿತಿ ಪಡೆಯೆರೆ ಪೆರಿಯ ನಾಗರಿಕೆರ್ನ ಗುರುತಿನ ಚೀಟಿ ತೋಜಾವೊಡಿತ್ತ್o ಡ್ . ಆಂಡ ಇತ್ತೇ ಪ್ರಾಯದಕುಲು ಆಧಾರ್ ಕಾರ್ಡ್ ತೋಜಾದ್ಲಾ ಪ್ರಪ್ರಯಾಣ ಮಲ್ತುಂಡ ಶೇ.25 ದಾತ್ ರಿಯಾಯಿತಿನ್ ಪಡೆಯೋಲಿ .

ಈ ಬಗ್ಗೆ ಕೆ ಎಸ್ ಆರ್ ಟಿ ಸಿ ಮಾಹಿತಿ ಕೊರ್ತುಂಡು , ಒವ್ವೆ ಅಧಿಕೃತ ಗುರ್ತುದ ಚೀಟಿ ತೋಜಾದ್ ಪೆರಿಯಾ ನಾಗರೀಕೆರ್ ಶೇ.25ರಷ್ಟು ರಿಯಾಯಿತಿ ದರಟ್ ಸಂಸ್ಥೆದ ಬಬಸ್ ಡ್ ಪೋವೊಲಿ ಪಂದ್ ಪಂತೆರ್.

ಕುಡ್ಲಡ್ ಫೆ. 27ರ್ದ್ ಪಲ್ಸ್ ಪೋಲಿಯೋ ಲಸಿಕಾ ಅಭಿಯಾನ

Feb 26, 2022

ಕುಡ್ಲ : ಕುಡ್ಲಡ್ ಫೆ. 27ಕ್ಕ್ ಕಾಂಡೆ 8 ಗಂಟೆರ್ದ್ ಬೈಯ್ಯಗ್ 5 ಗಂಟೆ ಮುಟ ರಾಷ್ಟ್ರೀಯ ಪಲ್ಸ್ ಪೋಲಿಯೋ ಲೆಸ್ ನಡಪೆರೆ ಉಂಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ಕಿಶೋರ್ ಕುಮಾರ್ ಮಾಹಿತಿ ಪಂತೆರ್ .

ರಾಷ್ಟ್ರೀಯ ಪಲ್ಸ್ ಪೋಲಿಯೋ ಅಭಿಯಾನದ ಪರವಾದ್ ಫೆ.27ಕ್ಕ್ ಪೇಂಟೆದ ಲೇಡಿಗೋಶನ್ ಆಸ್ಪತ್ರೆಡ್ ಕಾಂಡೆ 8 ಗಂಟೆಗ್ ಅಭಿಯಾನಗ್ ಚಾಲನೆ ತಿಕ್ಕರೆ ಉಂಡು ಪಂದ್ ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ಕಿಶೋರ್ ಕುಮಾರ್ ಪಂತೆರ್ . ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿನ ಆರ್ , ಐನ್ ವರ್ಷದ ಉಲಯಿದ ಪ್ರತಿಯೊಂಜಿ ಬಾಲೆಗ್ ಲಾ ಈ ದುಂಬುಡು ಏತೇ ಸಲ ಪೋಲಿಯೋ ಲಸಿಕೆ ಪಾರ್ದ್ ಇತ್ತುಂಡಲ ಪೋಲಿಯೋ ಹನಿ ಪಾಡೋಡು ಪಂದ್ ಬಿನ್ನಾಪು ಮಲ್ದೆರ್.

ಕುಡ್ಲ : ‘ಕುಡ್ಲದ ಜನಕುಲು ಉಕ್ರೇನ್ ಡ್ ಇತ್ತ್oಡ ಮಾಹಿತಿ ಕೊರ್ಲೆ ’ – ಡಿ.ಸಿ

Feb 25, 2022

ಕುಡ್ಲ : ರಷ್ಯಾ-ಉಕ್ರೇನ್ ಲಡಾಯಿ ಸಮರದಂಚಿ ಪೋವೊಂದು ಉಂಡು , ಈ ನಡುಟು ಉಕ್ರೇನ್ ಡ್ ಕುಡ್ಲದ ಜನಕುಲು ಉಲ್ಲೆರ್ ಅತ್ತ್oಡ ಅಲ್ಪ ತಿಕ್ಕ್ ದ್ ಬೂರ್ದು ಇತ್ತ್oಡ ಅಕ್ಲೆನ ಬಗ್ಗೆ ಮಾಹಿತಿ ಕೊರೊಡು ಪಂದ್ ದಕ್ಷಿಣ ಕನ್ನಡ ಜಿಲ್ಲಾಡಳಿತ ಬಿನ್ನಾಪು ಮಲ್ದುಂಡು .

ಈ ಬಗ್ಗೆ ಏರ್ಲ ನಮ್ಮಕುಲು ಅಲ್ಪ ಬಂಗಡ್ ಇತ್ತ್oಡ ಮಾಹಿತಿ ಕೊರ್ಲೆ ,ಅಲ್ಪ ಉಪ್ಪುನಕುಲು ಅಂಚನೆ ಅಕ್ಲೆನ ಕುಟುಂಬದಕುಲು ಸೀದಾ ಜಿಲ್ಲಾಡಳಿತಗ್ ಲೆಪ್ಪು ಕೊರೋಲಿ ಪಂದ್ ಜಿಲ್ಲಾಧಿಕಾರಿ ಡಾ.ರಾಜೇಂದ್ರ‌ ಕೆ.ವಿ ಪಂಡೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಗ್ ‘ಸಾಧನ‌ಚಕ್ರವರ್ತಿ’ ಪ್ರಶಸ್ತಿ

Feb 24, 2022

ಕುಡ್ಲ : ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕುಂಬಳ ಸಮಿತಿ, ಐಕಳ ಬೊಕ್ಕ ಮುಂಬಯಿ ವತಿರ್ದ್ ಫೆ. 26ಕ್ಕ್ ನಡಪುನ ಐಕಳ ಕಂಬುಲ ಉಚ್ಚಯೋಡು ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾಮಂಡಳದ ಗುರ್ಕಾರ್ಲಾಯಿನ ಡಾ| ಎಂ.ಎನ್‌. ರಾಜೇಂದ್ರ ಕುಮಾರ್‌ ಮೆರೆಗ್ “ಸಾಧನ ಚಕ್ರವರ್ತಿ’ ಪ್ರಶಸ್ತಿ ಕೊರಿಯೆರೆ ಉಲ್ಲಾ ಪಂದ್ ಕಂಬುಲ ಉಚ್ಚಯ ಸಮಿತಿದ ಗುರ್ಕಾರ್ಲಾಯಿನ ಐಕಳಬಾವ ದೇವಿಪ್ರಸಾದ್‌ ಶೆಟ್ಟಿ ಬೆಳಪು ಪಂತೆರ್ .

ಎಸ್‌ಸಿಡಿಸಿಸಿ ಬ್ಯಾಂಕ್‌ ಗುರ್ಕಾರ್ಲಾದ್ 28 ವರ್ಷರ್ದ್ ಸಹಕಾರ ಕ್ಷೇತ್ರೊಡು ಸಾರ್ಥಕ ಸೇವೆ ಮಲ್ತೊಂದು ಉಪ್ಪುನ ಡಾ| ರಾಜೇಂದ್ರ ಕುಮಾರ್‌ ಬ್ಯಾಂಕ್ನ್ “ಜನಸ್ನೇಹಿ’ ಬ್ಯಾಂಕಕ್ ಆದ್ ರೂಪಿಸಾಯಿನ ಪುಗಾರ್ತೆ ಪಡೆತೆರ್ . ಗ್ರಾಮೀಣ ಪ್ರದೇಶೊಡು ಬ್ಯಾಂಕಿಂಗ್‌ ಸೇವೆದ ಪರಿಕಲ್ಪನೆನ್ ಅನುಷ್ಠಾನ ಮಲ್ತ್ ಸಹಕಾರಿ ರಂಗಗ್ ಪೊಸ ಆಯಾಮ ಕಂತ್ ಕೊರಿನಾರ್.

ಶ್ರೀ ಮಂತ್ರದೇವತಾ ಕ್ಷೇತ್ರ ಸಾನಿದ್ಯ : ವರ್ಷಾದಿದ ಉಚ್ಚಯ

Feb 23, 2022

ಬಂಟ್ವಾಳ : ಶ್ರೀ ಮಂತ್ರದೇವತಾ ಕ್ಷೇತ್ರ ಸಾನಿದ್ಯ ಕಟ್ಟೆಮಾರು ಡ್ ತಾರೀಖ್ 27/2/2022 ನೇ ಐತಾರ ದಾನಿ ರಾತ್ರಿ 11 ಗಂಟೆರ್ದ್ ದೊಂದಿ ಬೊಲ್ಪುಡು ಶ್ರೀ ಮಂತ್ರ ದೇವತೆ ದೈವದ ವರ್ಷದ ಕೋಲಉಚ್ಚಯ ಬೊಕ್ಕ ತಾರೀಖ್ 28/2/2022 ನೇ ಸೋಮಾರ ದಾನಿ ರಾತ್ರಿ 8 ಗಂಟೆರ್ದ್ ಸ್ವಾಮಿ ಕೊರಗಜ್ಜ ಬೊಕ್ಕ ಶ್ರೀ ಗುಳಿಗ ದೈವದ ಕೋಲಾ ನಡಪರೇ ಉಂಡು ಪಂದ್ ಪ್ರಕಟಣೆಡ್ ಪಂತೆರ್.

ಹಿಜಾಬ್ ಲಡಾಯಿ ಉದ್ವಿಗ್ನತೆನ್ ಉಂತಾವುನ ನೆಲೆಟ್ಟ್ ಕುಡ್ಲಡ್ ಪೊಲೀಸೆರೆರ್ದ್ ರೂಟ್ ಮಾರ್ಚ್

Feb 21, 2022

ಕುಡ್ಲ :ಇನಿ ಸೋಮಾರ ಆಯಿನೆರ್ದಾವರ ಬಾರಿ ಅಮಸರದ ಪೊರ್ತು ಆಯಿನೆರ್ದಾವರ ಕುಡ್ಲ ಪೇಂಟೆಡ್ ಇನಿ ಪುಲ್ಯ ಕಾಂಡೆನೇ ಕುಡ್ಲದ ಮಾರ್ಗೊಲು ಬ್ಲಾಕ್ ಆದ್ ಇತ್ತ್oಡ್. ದಾಯೆ ಪಂದ್ ಕೇಂಡ ಕುಂದಾಪುರ, ಒಡಿಪು ಸೇರಿನಂಚ ಕುಡ್ಲದ ಕೆಲವು ಕಡೆಟ್ ಸೇರಿನoಚ ರಾಜ್ಯೋಡು ಹಿಜಾಬ್ ಲಡಾಯಿ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಮುಂಜಾಗ್ರತಾ ಕ್ರಮತ ಭಾಗವಾದ್ ಡಿಸಿಪಿ, ಎಸಿಪಿ ಬೊಕ್ಕ ಮಸ್ತ್ ಪೊಲೀಸ್ ಸಿಬ್ಬಂದಿ ರೂಟ್ ಮಾರ್ಚ್ ಮಲ್ತೆರ್ .

ರೂಟ್ ಮಾರ್ಚ್ ಲಾಲ್‌ಬಾಗ್‌ರ್ದ್ ಸುರು ಆದ್ ಎಂಜಿ ಮಾರ್ಗ , ಪಿವಿಎಸ್ ಜಂಕ್ಷನ್, ಕೊಡಿಯಾಲ್‌ಬೈಲ್, ಕೆಎಸ್ ರಾವ್ ರಸ್ತೆ, ಹಂಪನಕಟ್ಟೆ ಜಂಕ್ಷನ್, ಲೈಟ್‌ಹೌಸ್ ಹಿಲ್ ರೋಡ್, ಜ್ಯೋತಿ ಸರ್ಕಲ್, ಬಲ್ಮಟ್ಟಾ ರಸ್ತೆ, ಹಂಪನಕಟ್ಟೆ ಬೊಕ್ಕ ಕ್ಲಾಕ್ ಟವರ್ ಆದ್ ಪೋಯೆರ್ . ಇಡೀ ಕರ್ನಾಟಕ ರಾಜ್ಯನೇ ಹಿಜಾಬ್ ದ ಇಚಾರಡ್ ಹೆಡ್ ಲೈನ್ ಸುದ್ದಿಡ್ ಉಂಡು ,. ಜನಕ್ಲೆಗ್ ವಿಶ್ವಾಸ ಪುಟ್ಟಾಯೆರೆ ಅಂಚನೆ ಕುಡ್ಲಡ್ ಶಾಂತಿ ಕಾಪುನ ನೆಲೆಟ್ಟ್ ಕುಡ್ಲ ಪೊಲೀಸ್ ಕಮಿಷನರೇಟ್ ವತಿರ್ದ್ ರೂಟ್ ಮಾರ್ಚ್ ನಡತ್oಡ್.
.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಪರ್ವತಮಖಿಕ್ ತಿಕ್ಕಿನ ಜೀವ : ಪರ್ವತಮಖಿಡ್ ಜಿಯೋ ಟವರ್

Feb 21, 2022

ಸುಬ್ರಹ್ಮಣ್ಯ : ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯೋರ್ದು ಮೂಜಿ ಕಿಲೋ ಮೀಟರ್ ದೂರೊಡು ಉಪ್ಪುನ ಪಂಡ ಪಂಜ, ಪುತ್ತೂರು ಮಾರ್ಗವಾದ್ ಪೋನಗ ತಿಕ್ಕುನ ಪರ್ವತಮಖಿಡ್ ದೋಣಿಮನೆ ಮೇದಪ್ಪ ಗೌಡೆರ್ನ ಜಾಗೆಡ್ ಪೊಸತಾದ್ ಏರಿನವು ಜಿಯೋ ಟವರ್.

ಕೆಲವು ವರ್ಶೊರ್ದು ಮುಲ್ಪದ ಜನಕ್ಲೆಗ್ ಸರಿಯಾಯಿನ ರೀತಿಡ್ ಮೊಬೈಲ್ ಗಲಸೆರೆ ಪಂಡ ಬೇತಕ್ಲೆನೊಟ್ಟಿಗೆ ಸಂಪರ್ಕ ಮಲ್ಪರೆ ಮಸ್ತ್ ಕಷ್ಟ ಆವೊಂದು ಇತ್ತುಂಡು .ಅಂಚಾದ್ ಅವ್ವೆತೋ ಜನ ನೆಕ್ಕ್ ಸರ್ಕಾರದಗ್ ಬೇಡಿಕೆಗ ದೀದ್ ಇತ್ತೆರ್ .

ನಮ್ಮ ಇಲ್ಲರ್ದ್ ಕೆಲವು ಪಜ್ಜೆ ದೀದ್ ಪೋವೊಡು ಇತ್ತುಂಡು . ಆಂಡ ಇತ್ತೇ ಇಲ್ಲಡೆ ಕುಲ್ದು ಸಂಪರ್ಕ ಮಲ್ತ್ ಕೊರಿನೆಕ್ಕ್ ಬಾರಿ ಕುಸಿ ಆತುಂಡು ಪಂದ್ ಜನಕುಲು ಪಂಡೆರ್.

ವರದಿ : ಗೋಪಿ ಚಂದನ್ ಕೆ. ಎಸ್

ಕುಡ್ಲ

ಕುಡ್ಲದಕ್ಲೆಗ್ ಎನ್‌ಐಟಿಕೆ ಟೋಲ್‌ರ್ದ್ ಮುಕ್ತಿ ಕೊರ್ಲೆ : ಸಚಿವ ಗಡ್ಕರಿಗ್ ಕೈಮುಗಿದ್ ಕೇಂಡಿನ ಸಂಸದ ನಳಿನ್

ಕುಡ್ಲ : ಹಿಜಾಬ್ ಲಡಾಯಿ – ಭಾರತ್ ಕಾಲೇಜ್ಗ್ ಇನಿಲಾ ರಜೆ

ಕುಡ್ಲ : ಮಾ.3ಕ್ಕ್ ಉದ್ಯೋಗ ಮೇಳ

ನನ ‘ಆಧಾರ್ ಕಾರ್ಡ್’ ತೋಜಾದ್ಲಾ ‘ಕೆಎಸ್ಆರ್ಟಿಸಿ ಬಸ್ ಟ್ ಪೋವೊಲಿ ಶೇ.25ದಾತ್ ಕಮ್ಮಿ

ಕುಡ್ಲಡ್ ಫೆ. 27ರ್ದ್ ಪಲ್ಸ್ ಪೋಲಿಯೋ ಲಸಿಕಾ ಅಭಿಯಾನ

ಕುಡ್ಲ : ‘ಕುಡ್ಲದ ಜನಕುಲು ಉಕ್ರೇನ್ ಡ್ ಇತ್ತ್oಡ ಮಾಹಿತಿ ಕೊರ್ಲೆ ’ – ಡಿ.ಸಿ

ಕುಡ್ಲ : ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಗ್ ‘ಸಾಧನ‌ಚಕ್ರವರ್ತಿ’ ಪ್ರಶಸ್ತಿ

ಶ್ರೀ ಮಂತ್ರದೇವತಾ ಕ್ಷೇತ್ರ ಸಾನಿದ್ಯ : ವರ್ಷಾದಿದ ಉಚ್ಚಯ

ಹಿಜಾಬ್ ಲಡಾಯಿ ಉದ್ವಿಗ್ನತೆನ್ ಉಂತಾವುನ ನೆಲೆಟ್ಟ್ ಕುಡ್ಲಡ್ ಪೊಲೀಸೆರೆರ್ದ್ ರೂಟ್ ಮಾರ್ಚ್

ಪರ್ವತಮಖಿಕ್ ತಿಕ್ಕಿನ ಜೀವ : ಪರ್ವತಮಖಿಡ್ ಜಿಯೋ ಟವರ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ