ಕುಡ್ಲ

ಕುಡ್ಲದ ಕೆಪಿಟಿ ಕಾಲೇಜ್ ಡ್ ಶ್ರಮದಾನ ಮಲ್ಪುನ ಮುಖೇನ ವಿಶಿಷ್ಟ ರೀತಿಡ್ ಗಣರಾಜ್ಯೋತ್ಸವ ಆಚರಣೆ

ಕುಡ್ಲ : ಭಾರತದ ಸಂವಿಧಾನ ಬೇತೆ ದೇಶದ ಸಂವಿಧಾನದ ಅಧ್ಯಯನದ ಬೊಕ್ಕ ತಯಾರಾಯಿನ ಕಾರಣರ್ದ್ ಪರಮಶ್ರೇಷ್ಠವಾದ್ ಗುರ್ತಿಸಾದುಂಡು .

ಕುಡ್ಲದ ಕೆಪಿಟಿ ಕಾಲೇಜ್ ಡ್ ನಡತಿನ 72ನೇ ಗಣರಾಜ್ಯೋತ್ಸವ ಆಚರಣೆ ನ್ ಈ ಸಲ ಕೋವಿಡ್ ಕಾರಣರ್ದಾವಾರ ಬಾರಿ ಸರಳ ರೀತಿಡ್ ಆಚರಣೆ ಮಲ್ತೆರ್. ಗಣರಾಜ್ಯೋತ್ಸವ ಕಾರ್ಯಕ್ರಮಡ್ ಕಾಲೇಜ್ ದ ಪ್ರಾಂಶುಪಾಲರಾಯಿನ ಬಾಬು ದೇವಾಡಿಗ ಧ್ವಜಾರೋಹಣ ಮಲ್ತ್ ದ್ ಸಂದೇಶ ಕೊರಿಯೆರ್.

ಅಂಚನೇ ಸಂಸ್ಥೆದ ರಾಷ್ಟ್ರೀಯ ಸೇವಾ ಯೋಜನೆದ ಸ್ವಯಂ ಸೇವಕಿ ಕುಮಾರಿ ವಂಶವಾಹಿನಿ ಮೇರ್ ಕಮಾಂಡ್ ಕೊರಿಯೆರ್ . ಅಂಚನೇ ಈ ಲೇಸ್ ಡ್ ಸಂಸ್ಥೆದ ರಾಷ್ಟ್ರೀಯ ಸೇವಾ ಯೋಜನೆದ ಕಾರ್ಯಕ್ರಮ ಅಧಿಕಾರಿ ಶ್ರೀ ಸಂತೋಷ್ ಕುಮಾರ್ ಪಿ ಬೊಕ್ಕ ಸಹಕಾರ್ಯಕ್ರಮ ಅಧಿಕಾರಿ ಶ್ರೀ ಸೂರಜ್ ಪಿ ಹೆಚ್ ಪಾಲ್ ಪಡೆದಿತ್ತೆರ್.ಎನ್ಎಸ್ಎಸ್ ಘಟಕದ ನಾಯಕೆರಾಯಿನ ಅಶ್ವಿತ್ ಶೆಟ್ಟಿ ಬೊಕ್ಕ ಕುಮಾರಿ ನವ್ಯಶ್ರೀ ಲೇಸ್ ನ್ ಅಟ್ಟನೆ ಮಲ್ತೆರ್. ಕಾಲೇಜ್ ದ ಶಿಕ್ಷಕ ವೃಂದ ಅಂಚನೇ ಸಹಶಿಕ್ಷಕ ವರ್ಗದಕುಲು ಪಾಲ್ ಪಡೆದಿತ್ತೆರ್. ಅಂಚನೇ ರಾಷ್ಟ್ರೀಯ ಸೇವಾ ಘಟಕದ ಸ್ವಯಂ ಸೇವಕೆರ್ ಅಂಚನೇ ವಿದ್ಯಾರ್ಥಿಲು ಪಾಲ್ ಪಡೆದಿತ್ತೆರ್.

ಕಾಲೇಜ್ ದ ಪರಿಸರನ್ ನಿರ್ಮಲ ಮಲ್ಪುನ ಮುಖೇನ ಬಾರಿ ವಿಶಿಷ್ಟ ರೀತಿಡ್ ಲೇಸ್ ನ್ ನಡಪಾದ್ ಕೊರಿಯೆರ್. ಸಂಸ್ಥೆಯ ರಾಷ್ಟ್ರೀಯ ಸೇವಾ ಯೋಜನೆಯ ಸ್ವಯಂ ಸೇವಕಿ
ಕುಮಾರಿ ಸಹನಾ ಮೇರ್ ಲೇಸ್ ದ ನಿರೂಪಣೆ ಮಲ್ತೆರ್.

ಮುಖ್ಯೋಪಾಧ್ಯಾಯರೆಗ್ ಬೀಳ್ಕೊಡುಗೆ ಸಮಾರಂಭ

ಕುಡ್ಲ : ಅಶೋಕ ನಗರ ಅಶೋಕ ವಿದ್ಯಾಲಯ ಆಂಗ್ಲ ಮಾಧ್ಯಮ ಪ್ರೌಢಶಾಲೆದ ಮುಖ್ಯೋಪಾಧ್ಯಾಯೆರಾದ್ ಬೇಲೆ ಮಲ್ತ್ದ್ ನಿವೃತ್ತ ಆಯೆರೆ ಉಪ್ಪುನ ಶಂಕರ ರಾವ್ ಮೆರೆಗ್ ಆಡಳಿತ ಮಂಡಳಿದ ವತಿರ್ದ್ ಬೀಳ್ಕೊಡುಗೆ ಸಮಾರಂಭ ನಡತುಂಡು.

ಪ್ರೌಢಶಾಲಾ ಮುಖ್ಯೋಪಾಧ್ಯಾಯರಾದ್ ನಿಸ್ವಾರ್ಥ ಸೇವಾ ಮಲ್ದಿನೆ ಅತ್ತನ್ದೆ ಮೆರ್ನ ಸರಳ ಸ್ವಭಾವರ್ದ್ ಮಾತೆರ್ನಲ ಮನಸ್ ಗೆಂದ್ ದ್,ಅಶೋಕ ವಿದ್ಯಾಲಯ ಆಂಗ್ಲ ಮಾಧ್ಯಮ ಶಾಲೆದ ಅಭಿವೃದ್ದಿಗಾದ್ ಬೆಂತೆರ್. ತುಡರ್ ಅರ್ಲಾವುನಿ ತಾಂಕಾದ್ ಅತ್ತ್ ಸರ್ವೇರೇಗಾದ್ ಪನ್ಪಿನ ಸೂಕ್ತಿ ಮೆರೆಗ್ ಅನ್ವಯ ಆಪುಂಡು . ಶಾಲೆದ ಸರ್ವತೋಮುಖ ಅಭಿವೃದ್ದಿಗಾದ್ ಬೇಲೆ ಮಲ್ತ್ ದ್ ಇನಿ ನಿವೃತ್ತ ಜೀವನಗ್ ಕಾರ್ ದೀಯೊಂದು ಉಲ್ಲೆರ್. ಮೇರ್ನ ದುಂಬುದ ಜೀವನ ಸುಖಕರವಾದ್ ಉಪ್ಪಡ್ ಪಂದ್ ಆಡಳಿತ ಮಂಡಳಿ ಬೊಕ್ಕ , ಬೋಧಕ ಬೋಧಕೇತರ ವರ್ಗದಕುಲು ಎಡ್ಡೆಪ್ಪು ಬಯಕಿಯೆರ್.
ಮಾತೆರ್ನೊಟ್ಟುಗು ಅನ್ಯೋನ್ಯವಾದ್ ಇತ್ತುದು ಸರಳ ಸ್ವಭಾವ ರ್ದ್ ಶಾಲೆನ್ ಅಭಿವೃದ್ಧಿದ ಪಥದತ್ತ ಕೊಂತೆರ್ .

ಭರತನಾಟ್ಯ ಜೂನಿಯರ್ ಫಲಿತಾಂಶ – ಕುಮಾರಿ ಪೂರ್ವಿ ಶೆಟ್ಟಿ ಸಾಧನೆ

ಕರ್ನಾಟಕ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿ 2019-20ನೇ ಸಾಲಿಡ್ ನಡತಿನ ಭರತನಾಟ್ಯ ಜೂನಿಯರ್ ಗ್ರೇಡ್ ಪರೀಕ್ಷೆಡ್ ಸನಾತನ ನಾಟ್ಯಾಲಯದ ವಿದ್ಯಾರ್ಥಿ ಆಯಿನ ಕುಮಾರಿ ಪೂರ್ವಿ ಶೆಟ್ಟಿ ಶೇ.92, ಅಂಕ ಪಡೆಡ್ ಉತ್ತೀರ್ಣರಾತೆರ್ .

ಸೂರಜ್ ಶೆಟ್ಟಿ ಬೊಕ್ಕ ಕವಿತಾ ಪಕ್ಕಳ ದಂಪತಿಲೆನ ಸುಪುತ್ರಿ ಆಯಿನ ಕುಮಾರಿ ಪೂರ್ವಿ ಶೆಟ್ಟಿ ಪೇಂಟೆದ ಉರ್ವ ಸಂತ ಅಲೋಶಿಯಸ್ ಇಂಗ್ಲಿಷ್ ಮೀಡಿಯಂ ಶಾಲೆ ಡ್ 8ನೇ ತರಗತಿ ವ್ಯಾಸಂಗ ಮಲ್ತೊಂದು ಉಲ್ಲೆರ್.ಮೇರ್ ಸನಾತನ ನಾಟ್ಯಾಲಯದ ಗುರು ಕರ್ನಾಟಕ ಕಲಾಶ್ರೀ ವಿದುಷಿ ಶಾರದಾಮಣಿ ಶೇಖರ್ ಬೊಕ್ಕ ವಿದುಷಿ ಶ್ರೀಲತಾ ನಾಗರಾಜ್ ಮೆಕ್ಲೆನ ಶಿಷ್ಯೆ.