ಕುಡ್ಲ

ಕುಡ್ಲ ಯುವ ವಕೀಲೆರೆಗ್ ಲಸಿಕೆ ಕಾರ್ಯಕ್ರಮ

ಕುಡ್ಲ, ಜೂನ್ 2: : ವಕೀಲೆರ್ನ ಸಂಘದ ವತಿರ್ದ್ ಪೇಂಟೆದ ಯುವ ವಕೀಲೆರೆಗ್ ಕೋವಿಡ್ ಮುಂಚೂಣಿ ಯೋಧೇರ್ ಪನ್ಪಿನ ನೆಲೆಟ್ಟ್ ಲಸಿಕೆ ಕೊರ್ಪಿನ ಲೇಸ್ ನ್ಯಾಯಾಲಯ ಆವರಣಡ್ ನಡತುಂಡು.

ಜಿಲ್ಲಾ ಪ್ರಧಾನ ಬೊಕ್ಕ ಸತ್ರ ನ್ಯಾಯಾಧೀಶ ಮುರಳೀಧರ ಪೈ ಮೆರ್ನ ಮುತಾಲಿಕೆಡ್ ಆರೋಗ್ಯ ಇಲಾಖೆದ ಅಧಿಕಾರಿಲು ಸುಮಾರ್ 200 ಯುವ ವಕೀಲೆರೆಗ್ ಲಸಿಕೆ ಕೊರಿಯೆರೆ .

ಕುಡ್ಲ ವಕೀಲೆರ್ನ ಸಂಘದ ಗುರ್ಕಾರ್ಲಾಯಿನ ಎನ್. ನರಸಿಂಹ ಹೆಗ್ಡೆ, ಪ್ರಧಾನ ಕಾರ್ಯದರ್ಶಿ ಎಚ್.ವಿ. ರಾಘವೇಂದ್ರ, ಉಪಾಧ್ಯಕ್ಷೇರಾಯಿನ ಜಿನೇಂದ್ರ ಕುಮಾರ್, ಜೊತೆ ಕಾರ್ಯದರ್ಶಿ ಪ್ರಮೀಳಾ, ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಪ್ರಮೋದ್ ಕೆರ್ವಾಶೆ, ರವಿರಾಜ ಶೆಟ್ಟಿ, ಪ್ರೇಮ್ ಅಂಚನ್, ಶುಕರಾಜ ಕೊಟ್ಟಾರಿ, ವಿನಯ ಕುಮಾರ್, ಚಂದ್ರಹಾಸ ಕೊಟ್ಟಾರಿ ಪಾಲ್ ಪಡೆದ್ ಲಸಿಕೆ ಅಭಿಯಾನಡ್ ಆರೋಗ್ಯ ಇಲಾಖೆ ಸಿಬ್ಬಂದಿಗ್ ಉಪಯುಕ್ತ ಮಾಹಿತಿ ಕೊರಿಯೆರ್.

ಕುಡ್ಲ ನಗರ ಪೊಲೀಸ್ ವತಿರ್ದ್ ಇನಿ “ಗಾನಸುಧೆ” ಕಾರ್ಯಕ್ರಮ

ಕುಡ್ಲ, ಜೂನ್ 1: ಕುಡ್ಲ ನಗರ ಪೊಲೀಸ್ ವತಿರ್ದ್ ಇನಿ ಕೋವಿಡ್ ವಾರಿಯರ್ಸ್ಲೆಗ್ ಪ್ರೋತ್ಸಾಹ ಮಲ್ಪುನ ನೆಲೆಟ್ಟ್ ‘ಗಾನಸುಧೆ’ ಸಂಗೀತ ಕಾರ್ಯಕ್ರಮ ಅಟ್ಟನೆ ಮಲ್ದೆರ್ .

ಇನಿ ಮಧ್ಯಾಹ್ನ ಫೇಸ್ ಬುಕ್ ಲೈವ್ ಡ್ ಕುಡ್ಲ ನಗರ ಪೊಲೀಸ್ ಅಧಿಕಾರಿ ಬೊಕ್ಕ ಸಿಬ್ಬಂದಿಲು ನಡಪಾದ್ ಕೊರ್ಪಿನ ಸಂಗೀತ ಕಾರ್ಯಕ್ರಮ ಪ್ರಸಾರ ಆಯೆರೆ . ಕೇನೆರೆ ಇಚ್ಛೆ ಮಲ್ಪುನಕುಲು Arvind Vivek’s ಫೇಸ್ಬುಕ್ ಪೇಜ್ ಡ್ ತೂಯೆರೆ ಸೂಚನೆ ಕೊರ್ತೆರ್ .

ಇನಿ ಕುಡ್ಲದ ಆರೋಗ್ಯ ಕೇಂದ್ರಡ್ ಲಸಿಕೆ ವಿತರಣೆ ಇಜ್ಜಿ : ಡಾ. ರಾಜೇಶ್

ಕುಡ್ಲ, ಜೂನ್ 1 : ದಕ್ಷಿಣ ಕನ್ನಡ ಜಿಲ್ಲೆದ ಆರೋಗ್ಯ‌ ಕೇಂದ್ರಡ್ ಜೂ.1 ತಾರೀಖ್ ಗ್ ಸಾರ್ವಜನಿಕೆರೆಗ್ ಲಸಿಕೆ ಇಜ್ಜಿ . ಆಂಡ 18ರ್ದ್ 44 ವರ್ಷ ಮುಟ ಆದ್ಯತಾ ಪಟ್ಟಿಡುಪ್ಪುನಕ್ಲೆಗ್ ಲಸಿಕೆ ವಿತರಣೆ ಉಂಡು ಪಂದ್ ದ.ಕ‌ ಜಿಲ್ಲಾ ಲಸಿಕಾ ನಿರ್ವಹಣಾ ಮೇಲ್ವಿಚಾರಕ ಡಾ. ರಾಜೇಶ್ ತೆರಿಪಾದೆರ್ .

ವೆನ್ಲಾಕ್ ಸೇರಿನಂಚ ಒವ್ವೆ ಲಸಿಕಾ ಕೇಂದ್ರಡ್ ಕೋವಿಶೀಲ್ಡ್ ಲಸಿಕೆ ಸಾರ್ವಜನಿಕೆರೆಗ್ ಕೊರ್ಪುಜ . ವಿಕಲಚೇತನೆರ್ ವಕೀಲೆರ್ , ಬ್ಯಾಂಕ್ ಉದ್ಯೋಗಿಲು ಸೇರಿನಂಚ ಬೇತೆ ಆದ್ಯತಾ ವಲಯದಕ್ಲೆಗ್ ಅಕ್ಲೆನ ಬೇಲೆ ದ ಜಾಗೆಡ್ ಲಸಿಕೆ ಕೊರ್ಪಿನ ಕಾರ್ಯ ನಡಪರೇ ಉಂಡು.

ಮುಂಗಾರು ಎದುರಿಸಾಯೆರೆ ತಯಾರ್ ಆಲೆ : ಜಿ. ಜಗದೀಶ್ ಸೂಚನೆ

ಒಡಿಪು, ಜೂನ್ 01: ಊರುಡು ನನ 2-3 ದಿನಟ್ ಬರ್ಪಿನ ಸಂಭವ ಉಂಡು , ಬರ್ಸದ ಪೊರ್ತುಡು ಆಪಿನoಚಿನ ವಿಕೋಪ ಪರಿಸ್ಥಿತಿನ್ ಎದುರಿಸಾಯೆರೆ ಮಾತಾ ಇಲಾಖೆಲು ಅಗತ್ಯ ಮುಂಜಾಗ್ರತಾ ಕ್ರಮತೊಟ್ಟುಗು ಸಮರ್ಪಕವಾದ್ ಮಲ್ಪರೆ ತಯಾರ್ ಆವೊಡು ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ಸೂಚನೆ ಕೊರಿಯೆರ್ .

ಸೋಮವಾರ ಜಿಲ್ಲಾಧಿಕಾರಿ ಕಚೇರಿಡ್ ವಿಡಿಯೊ ಸಂವಾದದ ಮುಖೇನ ನಡತಿನ ಸಭೆಟ್ ಆರ್ ಪಾತೆರಿಯೆರ್.