ಜೋಕ್ಲೆಗ್ ಮೊಬೈಲ್ ಫೋನ್ ಬೋಡು ಪಂದ್ ಚೊರೆ ಮಲ್ತೊಂದು ಇಲ್ಲದಕ್ಲೆನ್ ಬೊಡಿ ದೆಪ್ಪುನ ಇತ್ತೆದ ಜೋಕ್ಲೆಗ್ ಈ ಬಾಲೆದ ಕಥೆ ನಿಜವಾದ್ ಲಾ ಪೆರ್ಮೆ ಕನಪಿನ ಇಚಾರ. ಈ ಬಾಲೆದ ಸಾಧನೆನ್ ಕಂಬಳದ ಇತಿಹಾಸದ ಚಿತ್ರಣನ್ ಬದಲ್ ಮಲ್ಪರೆ ಕಾರಣ ಆಪುಂಡು ಪಂಡ ನಂಬುನ ಇಚಾರನೇ ಸರಿ.
ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆಡ್ ಕಂಬಳ ರೈತಾಪಿ ವರ್ಗದಕುಲು ಭತ್ತದ ಕೊಯಿಲ್ ದ ಬೊಕ್ಕ ಕುಸಿಗೋಸ್ಕರ ಮಲ್ತೊಂದು ಇತ್ತಿನ ಗೊಬ್ಬು ಅವೊಂಜಿ ಸಂಸ್ಕೃತಿ , ತುಳುವೆರ್ನ ಉಸುಲು ಪಂಡ ತಪ್ಪಾವಂದ . ಕಂಬಳದ ಇಸೇಸತೇ ದಾದ ಪಂಡ ಕಂಬಳ ಪುರುಷ ಪ್ರಧಾನ ಆದ್ ಎರುತ ಓಟ ಆತುಂಡು.ಇಂಚೋಗು ನಡತಿನ ಮಿಯ್ಯಾರು ಕಂಬಳ ದ ಪೊಣ್ಣು ಒರ್ತಿ ಕಂಬಳ ಎರುತ ಗುರ್ಕಾರ್ಮೆನ್ ವಯಿಸೊಂದು ಕಂಬಳ ಕರೆಕ್ ಜೈದಲ್ .ನೆಕ್ಕ್ ಸಾಕ್ಷೀ ಆಯಿನವು ಉಂದುವೇ ಮಿಯ್ಯಾರು ಕಂಬಳ.. ಕಂಬಳದ ಇತಿಹಾಸ ಡ್ ಪೊಸ ಶಖೆಗೆ ಕಾರಣ ಆತುಂಡು.
ಈ ಬಾಲೆದ ಪುದರ್ ಚೈತ್ರ ಪರಮೇಶ್ವರ್ ಭಟ್ ಆಜನೆ ತರಗತಿಡ್ ಕಲ್ತೊಂದು ಉಪ್ಪುನ ಬಾಲೆ .ಪರಮೇಶ್ವರ್ ಭಟ್ ದಂಪತಿಲೆಗ್ ರಡ್ಡ್ ಜೋಕುಲು ಮಲ್ಲಾಲ್ ಚೈತ್ರ ,ಎಲ್ಯ ಮಗೆ ಶ್ರೀ ರಾಂಭಟ್ ರಡ್ಡ್ ಜೋಕುಲುಲಾ ಕಂಬಳ ಪ್ರಿಯೆರ್.ಈ ಪೊಣ್ಣಗ್ ಕಂಬಳ ದ ಎರು ಪಂಡ ಬಾರಿ ಪ್ರೀತಿ . ಎಲ್ಯ ಪ್ರಯೋಡೆ ಕಂಬಳದ ಎರುಕುಲೆನ್ ಮೀಪಾವೊಂದು , ಕುಡು ಬೈಪಾವೊಂದು ಇಲ್ಲದಕ್ಲೆಗ್ ದಿನತ ಬೇಲೆಡ್ ಸಾಕಾಯ ಕೊರೊಂದು ಎರುತೊಟ್ಟುಗು ಗೊಬ್ಬೊನ್ದು ಬುಲೆಯಿನ ಬಾಲೆ.
ಪರಮೇಶ್ವರ್ ಭಟ್ ಕರಿನ 25 ವರ್ಷರ್ದ್ ಎರು ಸಾಂಕೊಂದು ಬೈದೆರ್.ಪರಮೇಶ್ವರ್ ಭಟ್ ಮೆರ್ನ ಇಲ್ಲಡ್ ಕಂಬಳದ 110 ಮೀಟರ್ ಉದ್ದದ ಕರೆ ಉಂಡು ಪ್ರತಿವಾರಡ್ ಕಂಬಳ ಎರು ಬಲ್ಪಾವೊಂದು ಅಭ್ಯಾಸ ಮಲ್ತೊಂದು ಉಲ್ಲಲ್ . ತಾನ್ ಅಶ್ವತ್ಥಾಪುರ ಶ್ರಿನಿವಾಸ ಗೌಡ ನಂತೆ ಲಕ ಕಂಬಳ ಕಲಟ್ಟ್ ರೈಸೋಡು ಪಂದ್ ಆಸೆ ದೀತಲ್.
ಅವಿಭಾಜಿತ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆದ ಬೇತೆ ಬೇತೆ ಕಂಬಳಡ್ .
ಚೈತ್ರ ತಂದೆ ಪರಮೇಶ್ವರ ಭಟ್ ನ ಒಟ್ಟುಗು ಪಾಲ್ ಪಡೆಯೊಂದು ಇತ್ತ್oಡಲಾ ಚೈತ್ರಗ್ ಪಾಲ್ ಪಡೆಯರೆ ಅವಕಾಶ ತಿಕ್ಕದ್ ಇತ್ತ್ಜಿ. ಆಂಡ ಮಿಯ್ಯಾರು ಕಂಬಳದ ಪೊಸ ಮುನ್ನುಡಿ ಬರೆದ್ ಅವಕಾಶಗ್ ಕಾರಣ ಆಂಡ್. ಆಲೆ ಸ್ವತಃ ಬೊಳ್ಳಂಬಳ್ಳಿದ ಕಂಬಳ ಎರುಕ್ಲೆನ್ ಕರೆಗೆ ಜಪ್ಪಾವುನ ಮುತಾಲಿಕೆ ವಯಿಸೊಂಡಲ್.
ಕಂಬಳದ ಪೊರ್ತುಡು ಕಂಬಳ ಎರುತ ತಯಾರಿಡ್ ಐಕ್ ಐತ ಮಲ್ಪುನೆಕ್ಕ್ ಆಲೆ ದುಂಬು ಪೋಪಲ್. ಕಂಬಳ ಎರು ಪ್ರೀತಿ ಅಲೆಗ್ ಎಲ್ಯರ್ದೆ ಬೈದುಂಡು ಇಲ್ಲದ ಕಂಬಳ ಕರೆಟ್ ಆಲೆ ಎರುಕ್ಲೆನ್ ಬಲಿಪಾವಲ್. ಅಲೆಗ್ ಪ್ರೋತ್ಸಾಹ ತಿಕ್ಕ್oಡ
ಜ್ಯೂನಿಯರ್ ವಿಭಾಗಡ್ ಅಲೆಗ್ ಪಾಲ್ ಪಡೆಯುಲಕ ಮಲ್ಪೊಡು ಪನ್ಪಿನ ಆಸೆ ನ್
ಪರಮೇಶ್ವರ್ ಭಟ್ ಬೊಳ್ಳಂಪಳ್ಳಿ ಕುಂದಾಪುರ ಪಂತೆರ್.
ಚೈತ್ರ ಪರಮೇಶ್ವರ್ ಭಟ್ ನ ಕಂಬಳ ಇತಿಹಾಸಡೇ ಮುತಾಲಿಕೆ ವಯಿಸೊಂದಿನ ಸುರು ಆಯಿನೆರ್ದಾವರ ಪೊಂಜೊವ್ಲೆಗ್ ಪ್ರಾತಿನಿಧ್ಯ ಕೊರ್ರೆ ಉಂದೊಂಜಿ ಎಡ್ಡೆ ಅವಕಾಶ ಕೊರ್ಲಕ ಆತುಂಡು. ಮಾತಾ ಕ್ರೀಡೆ ಡ್ ಲಾ ಪೊಣ್ಣು ಜೋಕುಲು ಪಾಲ್ ಪಡೆಪಿನವು ಪೆರ್ಮೆದ ಇಚಾರ . ಕಂಬಳ ಜಾಗತಿಕ ಮಟ್ಟಡ್ ಪ್ರೋತ್ಸಾಹ ತಿಕ್ಕೊಂದು ಉಂಡು ನೆಕ್ಕ್ ತಕ್ಕ ಕಂಬಳಡ್ ಪೊಂಜೊವ್ಲೆಗ್ ಪ್ರಾಶಸ್ತ್ಯ ಕೊರ್ರೆ ಕಂಬಳ ಅಕಾಡೆಮಿದ ಮುಖೇನ ಸೂಕ್ತ ತರಬೇತಿ ಕೊರ್ರೆ ನಮ ತಯಾರ್ ಉಲ್ಲ ಪಂದ್ ಕಂಬಳ ಅಕಾಡೆಮಿದ ಸಂಚಾಲಕೆರಾಯಿನ
ಗುಣಪಾಲ ಕಡಂಬ ತೆರಿಪಾದೆರ್.
ಕಂಬಳ ಕ್ಷೇತ್ರಡ್ ಅವ್ವೆತೋ ಸಮಯರ್ದ್ ತನ್ನ ಚಾತುರ್ಪುನು ತೋಜಾಯಿನ ಕುಟ್ಟಿ ಪನ್ಪಿನ ಎರು ಐತಾರಾ ದೇವೆರೆ ಪಾದ ಸೇರ್ದುಂಡು.ಕೆಸರ್ ದ ಕರೆಟ್ಟ್ ಕ್ಷಣ ಮಾತ್ರಡ್ ಗುರಿ ಮುಟ್ಟೋನ್ದು ಇತ್ತಿನ ಕುಟ್ಟಿ ಅಲ್ಪ ಕಾಲದ ಅಸೌಖ್ಯರ್ದ್ ತೀರ್ಪೋತೆ.