ಕುಡ್ಲ

ಕುಡ್ಲದ ಸಾಯಿ ಪ್ಯಾಲೇಸ್ ಹೋಟೆಲ್ ಗ್ ಪೊಲೀಸ್ ದಾಳಿ: ನಾಲ್ ಯುವಜೋಡಿಲು ವಶಕ್

ಕುಡ್ಲ, ಜೂನ್ 27: ಕುಡ್ಲದ ಪ್ರತಿಷ್ಟಿತ ಹೊಟೇಲ್ ದ ಮಿತ್ತ್ ಬಂದರು ಪೊಲೀಸೇರ್ ದಾಳಿ ಮಲ್ತ್ ಭಿನ್ನಕೋಮುದ ನಾಲ್ ಯುವ ಜೋಡಿಲೆನ್ ವಶಕ್ ದೆತೊನ್ದೆರ್ .

ಕುಡ್ಲದ ಸಾಯಿ ಪ್ಯಾಲೇಸ್ ಹೊಟೇಲ್ ಡ್ ಯುವ ಜೋಡಿಲು ಇಪ್ಪುನ ಬಗ್ಗೆ ಸಾಮಾಜಿಕ ಜಾಲತಾಣಡ್ ಸುದ್ದಿ ಇತ್ತುಂಡು . ಈ ಬಗ್ಗೆ ಹಿಂದೂ ಜಾಗರಣ ವೇದಿಕೆ ಕಾರ್ಯಂತೆರ್ ಮಾಹಿತಿ ಕಲೆ‌ಪಾರ್ದ್ ಬಂದರು ಪೊಲೀಸೆರೆಗ್ ಮಾಹಿತಿ ಕೊರ್ದಿತ್ತೆರ್ .

ಅಕ್ಲೆನ ದೂರುದ  ಪ್ರಕಾರ  ಪೊಲೀಸೆರ್ ಇನಿ ಲಾಡ್ಜ್ ದ ಮಿತ್ತ್ ದಾಳಿ ಮಲ್ತ್ ನಾಲ್ ಜನ ಮುಸ್ಲಿಂ ಜವಣ್ಯೆರ್ ಅಂಚನೇ ನಾಲ್ ಜನ ಹಿಂದೂ ಪೊಣ್ಣುಲೆನ್ ವಶಕ್ ದೆತೊನ್ದೆರ್ ಪಂದ್ ತೆರಿದ್ ಬೈದುಂಡು. ಪೊಲೀಸೇರ್ ತನಿಖೆ ನಡಪಾವೊಂದು ಉಲ್ಲೆರ್ .

ಕಲಾಭಿ (ರಿ.) ವತಿರ್ದ್ ಕಲಾಭಿ ಥಿಯೇಟರ್ ಹಬ್ ಮುತಾಲಿಕೆಡ್ ರಂಗ ಕಾರ್ಯಗಾರ

ಕುಡ್ಲ, ಜೂನ್ 27:ಮಾತಾ ಕಲಾವಿದೆರ್ ಅಕ್ಲೆನ ಕಲಾಸಕ್ತಿಡ್ ರಂಗ ಅಧ್ಯಯನ ಮಲ್ತ್ ಅಕ್ಲೆನ ಊರುಗು ಪಿರ ಬೈದಿನ ಈ ಪೊರ್ತುಡು ಕೋವಿಡ್ ಪನ್ಪಿ ಸಾಂಕ್ರಾಮಿಕ ಸೀಕ್ ರ್ದ್ ಅಕುಲು ಕಲ್ತಿನ ಕಲಾ ವಿಚಾರನ್ ತೋಜಾಯೆರೆ ಒವ್ವೆ ಮತ್ತರ್ಮೆ ತಿಕ್ಕoದಿನಿರ್ದಾವರ ,ಅವ್ವೆತೋ ಕಲಾವಿದೆರ್ ಇಲ್ಲಡೆ ಉಪ್ಪುನೆರ್ದಾವರ, ತಾನ್ ಕಲ್ತಿನ ವಿದ್ಯೆನ್ ನಾಲ್ ಜನಕ್ ಕಲ್ಪಾವುನ ನೆಲೆಟ್ಟ್ ಕಲಾಭಿ (ರಿ.) ವತಿರ್ದ್ ಕಲಾಭಿ ಥಿಯೇಟರ್ ಹಬ್ ಮುತಾಲಿಕೆಡ್ ” ದ ಕ್ರಿಯೇಟಿವ್ ಥಿಯೇಟರ್ ಅನ್ಲಾಕ್ ” ಪನ್ಪಿನ ಉಚಿತ ಕಾರ್ಯಗಾರ ತಾರೀಖ್ 1/7/2021 ರ್ದ್ ಐನ್ ದಿನತ ಕಾಲ ಬೈಯ್ಯ 5 ಗಂಟೆರ್ದ್ 7 ಗಂಟೆ ಮುಟ ನಡಪರೇ ಉಂಡು.

ಎಚ್ಚದ ಮಾಹಿತಿಗಾದ್ ಈ ಸಂಖ್ಯೆಗ್ ಲೆಪ್ಪು ಕೊರ್ಲೆ :9900772221

ಕಾರ್ಯಗಾರ ನಡಪುನ ಜಾಗೆ : ಕಲಾಭಿ (ರಿ.), ಉಜ್ವಲ್ ಉದಿತ್, ರಕ್ತೇಶ್ವರಿ ದೇವಸ್ಥಾನದ ಕೈತಲ್, ಮಾಲೆಮಾರ್, ಕುಡ್ಲ 

ರೋಟರಿ ಕುಡ್ಲ ಸೆಂಟ್ರಲ್ ಸಂಸ್ಥೆದ ಸ್ಥಾಪಕ ದಿನಾಚರಣೆ: ಸಾಧಕೆರೆಗ್ ಮಾನದಿಗೆ

ಕುಡ್ಲ : ರೋಟರಿ ಕುಡ್ಲ ಸೆಂಟ್ರಲ್ ಸಂಸ್ಥೆದ ೩೪ನೇ ವಾರ್ಷಿಕ ಸ್ಥಾಪನಾ ದಿನಾಚರಣೆ ಕುಡ್ಲದ ಎ-೧ ಲಾಂಗ್ಗಿಸ್ ಸಂಸ್ಥೆದ ಸಭಾಂಗಣಡ್ ದೃಶ್ಯ ಶ್ರಾವ್ಯ ಮಾಧ್ಯಮದ ಮುಖೇನ ಪ್ರಕಾಶ್ ಚಂದ್ರ ಮೆರ್ನ ಗುರ್ಕಾರ್ಮೆಡ್ ನಡತುಂಡು. ಪೇಂಟೆದ ಖ್ಯಾತ ಹೃದ್ರೋಗ ತಜ್ಞ ಡಾ.ಪದ್ಮನಾಭ ಕಾಮತ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರ್.

ಈ ಪೊರ್ತುಡು ರೋಟರಿ ಸಂಸ್ಥೆದ ವತಿರ್ದ್ ಡಾ.ಪದ್ಮನಾಭ್ ಕಾಮತ್ ನೇತೃತ್ವ ಹೃದಯ ತಜ್ಞರು ಇಲ್ಲ ಬಾಕಿಲ್ ಗ್ ’ ಅಭಿಯಾನಗ್ ಅಂಚನೇ ಆರ್ನ ಗ್ರಾಮೀಣ ಪ್ರದೇಶದ ಜನಕ್ಲೆನ ಅಂಗನವಾಡಿ ಯೋಜನೆನ್ ಪ್ರೋತ್ಸಾಹ ಮಲ್ಪರೆ , ಜನಕ್ಲೆನ ಹೃದ್ರೋಗ ತಪಾಸಣೆದ ಪರವಾದ್ ೧ ಲಕ್ಷ ರೂಪಾಯಿ ಮೌಲ್ಯದ ಮೂಜಿ ಹೃದ್ರೋಗ ತಪಾಸಣೆ ಯಂತ್ರನ್ ಸಂಸ್ಥೆದ ಸಮಾಜ ಸೇವಾ ಯೋಜನೆದ ಅಂಗವಾದ್ ಕೊಡುಗೆಯಾದ್ ಕೊರಿಯೆರ್.