ಕಾಲೇಜ್

ಪದವಿ ಪರೀಕ್ಷೆಡ್ ಒಡಿಪು ಎಂಜಿಎಂ ಕಾಲೇಜ್ ದ ಒಟ್ಟು ನಾಲ್ ಜೋಕ್ಲೆಗ್ ರ್ಯಾಂಕ್

ಮಂಗಳೂರು ವಿವಿ 2019-20ನೇ ಸಾಲ್ ಡ್ ನಡತಿನ ವಿವಿಧ ಪದವಿ ಪರೀಕ್ಷೆಡ್ ಉಡುಪಿ ಎಂಜಿಎಂ ಕಾಲೇಜ್ ದ ಜೋಕುಲು ಒಟ್ಟು ನಾಲ್ಕು ರ್ಯಾಂಕ್‌ಲೆನ್ ಪಡೆತೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲೆರ್ನ ಪ್ರಕಟಣೆಡ್ ತೆರಿಪಾದೆರ್.

ಬಿ.ಸಿ.ಎ. ಪದವಿ ಪರೀಕ್ಷೆಡ್ ಕಾಲೇಜ್ ದ ವೆಷ್ಣವಿ ಕೆದ್ಲಾಯ ಎಚ್. ಮೇರ್ 95.24 ಶೇ. ಅಂಕದೊಟ್ಟುಗು ಏಳನೇ ರ್ಯಾಂಕ್‌ನ್ನು ಪಡೆತೆರ್ , ಹುದಾ ಫಾತಿಮಾ ಅಹ್ಮದ್ ಮೇರ್ 94.86ಶೇ. ಅಂಕ ದೊಟ್ಟುಗು ಓರ್ಂಬನೆ ರ್ಯಾಂಕ್ ಪಡೆತೆರ್.

ಕಮಲೇಶ್ ಶೆಣೈ ಬಿ. ಮೇರ್ ಬಿಎಸ್ಸಿ (ಎಂಪಿಸಿ) ಅಂತಿಮ ಪರೀಕ್ಷೆಡ್ ಒಟ್ಟು 95.58ಶೇ. ಅಂಕದೊಟ್ಟುಗು ಯೆನ್ಮನೆ ರ್ಯಾಂಕ್ ಪಡೆತೆರ್ , ಶೇಖ್ ಅಬ್ದುಲ್ ಝಾಹಿದ್ ಮೇರ್ ಅಂತಿಮ ಬಿಕಾಂಡ್ ಶೇ.93.20 ಅಂಕದೊಟ್ಟುಗು ಓರ್ಂಬನೇ ರ್ಯಾಂಕ್ ಪಡೆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಒಡಿಪುದ ಸಿಲಾಸ್ ಮಹೇಶ್ ಕಾಲೇಜ್ಡ್ ಒಂಜಿ ದಿನತ ಗಣಿತ ಕಾರ್ಯಗಾರ

ಒಡಿಪು , ಮಾ.8: ಉಡುಪಿ ಜಿಲ್ಲಾ ಪದವಿ ಪೂರ್ವ ಕಾಲೇಜ್ ದ ಗಣಿತ ಪ್ರಾಧ್ಯಾಪಕರ ವೇದಿಕೆದ ವತಿರ್ದ್ ಗಣಿತ ಶಿಕ್ಷಕೆರೆಗಾದ್ ಒಂಜಿ ದಿನತ ಕಾರ್ಯಾಗಾರ ಮಾ.8 ತಾರೀಖ್ ಗ್ ಒಡಿಪುದ ಸಿಲಾಸ್ ಮಹೇಶ್ ಕಾಲೇಜ್ ಡ್ ನಡಪರೆ ಉಂಡು.

ಆಸಕ್ತೆರ್ ಒಡಿಪು ಪುತ್ತೂರು ಹನುಮಂತನಗರ ರಾಷ್ಟ್ರೀಯ ಹೆದ್ದಾರಿ 66 ತ್ತ ಕೈತಲ್ ಉಪ್ಪುನ ಸಿಲಾಸ್ ಮಹೇಶ್ ಕಾಲೇಜ್ ಡ್ ಕಾಂಡೆ 9:15 ರ್ದ್ ಪುದರ್ ಕೊರೋಲಿ ಪಂದ್ ವೇದಿಕೆದ ಪ್ರಕಟಣೆ ತೆರಿಪಾದುಂಡು.

ಶ್ರೀಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜ್ ದ ವಾರ್ಷಿಕ ಸಂಚಿಕೆ “ಸಂಧ್ಯಾ ರಶ್ಮಿ” ಬುಡುಗಡೆ

ಉಡುಪಿ, ಜ.23: ಉಡುಪಿ ಶ್ರೀಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜ್ ದ ವಾರ್ಷಿಕ ಸಂಚಿಕೆ ಸಂಧ್ಯಾ ರಶ್ಮಿನ್ ಅದಮಾರು ಮಠ ಶಿಕ್ಷಣ ಸಂಸ್ಥೆದ ಗುರ್ಕಾರ್ ಲಾಯಿನ ಶ್ರೀ ವಿಶ್ವಪ್ರಿಯ ತೀರ್ಥ ಸ್ವಾಮೀಜಿ ಬುಡುಗಡೆ ಮಲ್ತೆರ್.

ಕಾರ್ಕಳ ಶ್ರೀಭುವನೇಂದ್ರ ಕಾಲೇಜ್ ದ ಸಹಾಯಕ ಪ್ರಾಧ್ಯಾಪಕ ಡಾ. ಅರುಣ ಕುಮಾರ್ ಎಸ್.ಆರ್. ಆಶಯ ಭಾಷಣ ಮಲ್ತೆರ್ , ಶಿಕ್ಷಣ ಸಂಸ್ಥೆಲು ಕಾಲಿ ನಿಗದಿತ ಪಠ್ಯನ್ ಕಲ್ಪಯರೇ ಮಾತ್ರ ಅತ್ತ್ . ಜೋಕ್ಲೆನ ಸರ್ವಾಂಗೀಣ ಪ್ರಗತಿಗ್ , ವ್ಯಕ್ತಿತ್ವ ರೂಪಣೆಗ್ ಪೂರಕವಾದ್ , ಜೀವನನ್ ದುಂಬು ಕೊನ್ಪಿನ ಜಬದಾರಿ ಆದುಂಡು .

ಈ ಲೇಸ್ ನ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ಸುಕನ್ಯಾ ಮೇರಿ ಜೆ. ವಯಿಸ್ದಿತ್ತೆರ್ . ಕಾಲೇಜ್ ಆಡಳಿತ ಮಂಡಳಿದ ಕಾರ್ಯ ದರ್ಶಿ ಪ್ರದೀಪ್ ಕುಮಾರ್ ಪಾಲ್ ಪಡೆದಿತ್ತೆರ್.