ಕರ್ನಾಟಕ

ಜುಲೈ 1ರ್ದ್ 2021-22 ನೇ ಸಾಲ್ ದ ಶೈಕ್ಷಣಿಕ ವರ್ಷ ಸುರು

ಬೆಂಗ್ಳೂರು , ಜೂ.5: ರಾಜ್ಯದ ಮಾತಾ ಸರಕಾರಿ, ಅನುದಾನಿತ ಬೊಕ್ಕ ಅನುದಾನರಹಿತ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲೆದ 2021-22ನೇ ಸಾಲ್ ದ ಶೈಕ್ಷಣಿಕ ವರ್ಷ ಜು.1ರ್ದ್ ಸುರು ಆಯೆರೆ ಉಂಡು ಪಂದ್ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯುಕ್ತರು ತೆರಿಪಾದೆರ್ .

ಈ ಬಗ್ಗೆ ಸುತ್ತೋಲೆ ಕೊರಿನ ಆರ್, ರಾಜ್ಯದ ಮಾತಾ ಸರಕಾರಿ, ಅನುದಾನಿತ ಬೊಕ್ಕ ಅನುದಾನರಹಿತ ಪ್ರಾಥಮಿಕ ಬೊಕ್ಕ ಪ್ರೌಢ ಶಾಲೆಡ್ 2021-22ನೇ ಶೈಕ್ಷಣಿಕ ಸಾಲ್ ಡ್ ಏಕರೂಪದ ಶೈಕ್ಷಣಿಕ ಚಟುವಟಿಕೆಲೆನ್ ಜಾರಿ ಮಲ್ಪರೆ ಅನುವಾಪಿಲಕ , ಶೈಕ್ಷಣಿಕ ಅವಧಿಲು , ರಜಾ ದಿನ ಬೊಕ್ಕ ವಾರ್ಷಿಕ ಕಾರ್ಯಸೂಚಿನ್ ನಿಗದಿ ಮಲ್ತ್ ಅನುಷ್ಠಾನ ಮಲ್ಪರೆ ಪಂಡೆರ್.

ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುಡು ಸಮಾಜಮುಖಿ ಕಾರ್ಯ

ಮೊಂಟೆಪದವು, ಜೂ. 5. ಲಾಕ್ ಡೌನ್ ರ್ದ್ ಬೇಲೆ ದಾಂತೆ ಜನಜೀವನ ಅಸ್ತವ್ಯಸ್ತ ಆತುಂಡು . ತವಸ್ಸುಲ್ ಸಂಘಟನೆ ವತಿರ್ದ್ ಮೊಂಟೆಪದವುದ ಆಯ್ದ ಅರ್ಹ ಕುಟುಂಬಲೆನ್ ಗುರ್ತಿಸಾದ್ ತರಕಾರಿ ಬೊಕ್ಕ ದವಸಧಾನ್ಯ ಪಟ್ಟುನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

ಈ ಪೊರ್ತುಡು ಸಮಿತಿದ ಗುರ್ಕಾರ್ಲಾಯಿನ ನೌಷಾದ್ ಗುದುರು ಸಂಘಟನೆದ ಪದಾಧಿಕಾರಿಲಾಯಿನ ರಝಾಕ್ ಮೊಂಟೆಪದವು, ತೌಸೀಫ್ ಗುದುರು, ರಹೀಮ್ ಮೊಂಟೆಪದವು, ಅಬ್ಬಾಸ್ ಐಎಂ, ಹನೀಫ್ ಕೂಯಾ, ಕರೀಮ್ ಗುದುರು ಬೊಕ್ಕ ಸಂಘಟನೆದ ಗಲ್ಪ್ ಸಮಿತಿದ ಕನ್ವೀನರ್ ರಿಮಿಯಾಝ್ ಸಾಮಣಿಗೆ ಬೊಕ್ಕ ಸ್ಥಳೀಯೆರಾಯಿನ ರಶೀದ್ ಮಲಾರ್ ಬೊಕ್ಕ ರಫೀಕ್ ವನದಡಿ ಪಾಲ್ ಪಡೆದಿತ್ತೆರ್ .

ಸೋನು ಸೂದ್ ಚಾರಿಟಿ ವತಿರ್ದ್ ಕುಡ್ಲಡ್ ” ಕ್ಷಿಪ್ರ ಆಮ್ಲಜನಕ ಕೇಂದ್ರ ” ಸುರು

ಕುಡ್ಲ, ಜೂನ್ 4: ಬಾಲಿವುಡ್ ನಟ ಸೋನು ಸೂದ್ ಚಾರಿಟಿ ವತಿರ್ದ್ ರಾಪಿಡ್ ಆಕ್ಸಿಜನ್ ಕೇಂದ್ರ ಸೆಂಟ್ರಲ್ ರೈಲ್ವೆ ನಿಲ್ದಾಣಡ್ ಸುರು ಆತುಂಡು .

ಆಕ್ಸಿಜನ್ ಅಗತ್ಯ ಉಪ್ಪುನಕ್ಲೆಗ್ ಸೋನು ಸೂದ್ ಚಾರಿಟಿ ಫೌಂಡೇಶನ್ ರ್ದ್ ಉಚಿತವಾದ್ ಆಕ್ಸಿಜನ್ ಸಿಲಿಂಡರ್ ಲೆನ್ ಕೊರೊಂದು ಉಲ್ಲೆರ್ ಕರ್ನಾಟಕ ರೈಲ್ವೇ ಪೊಲೀಸ್ ಕೂಡ ಒಟ್ಟು ಸೇರ್ದುಂಡು .ಇಂದುವೆ ಮಾದರಿದ ಕ್ಷಿಪ್ರ ಆಮ್ಲಜನಕ ಕೇಂದ್ರ ಹಾಸನ, ಹುಬ್ಬಳ್ಳಿ, ದಾವಣಗೆರೆ, ಬಳ್ಳಾರಿಡ್ ಲಾ ಬೇಲೆ ಮಲ್ತೊಂದು ಉಂಡು.

ತುರ್ತು ಆಕ್ಸಿಜನ್ ಆಗತ್ಯ ಉಪ್ಪುನಕುಲು ಹೆಲ್ಪ್ ಲೈನ್ ( 7069999961) ಮುಖೇನ ಲೆಪ್ಪು ಕೊರೋಲಿ ಪಂದ್ ಸೋನು ಸೂದ್ ಚಾರಿಟಿ ಫೌಂಡೇಶನ್ ತೆರಿಪಾದುಂಡು .