ಉಡುಪಿ

ಗಣರಾಜ್ಯ ದಿನ ಡಾ. ಬಿ. ಆರ್ ಅಂಬೇಡ್ಕರ್ ನ್ ನೆನೆಪುಗ – ವಿಜಯ್ ಕೊಡವೂರು

ಗಣರಾಜ್ಯ ದಿನದ ನಿಮಿತ್ತ ದೇಶ ಕಂಡ ಧೀಮಂತ ನಾಯಕ ಡಾ.ಬಿ.ಆರ್ ಅಂಬೇಡ್ಕರ್ ನ್ ನೆಂಪು ಮಲ್ಪುಗ ಅಂಚನೇ ಆರ್ ನಡತಿನ ತಾದಿ ಡೇ ನಡಪುಗ.ಅರೆಗಾಯಿನ ಬೇನೆ, ಅನ್ಯಾಯ ಬೇತೆ ಏರೆಗ್ಲಾ ಆಯೆರೆ ಬಲ್ಲಿ. ಆರ್ಜೀವನಪೂರ್ತಿ ಹೋರಾಟ ಮಲ್ದೆರ್ ,ಅಂಚನೇ ಜಾತಿ ಭೇದ ದೂರ ಮಲ್ತ್ ದ ಸಾಮರಸ್ಯಡ್ ಬದುಕೊಡು ಪನ್ಪಿನ ಸಂದೇಶ ನ್ ಕೊರ್ತೆರ್. ಉಂದೆನ್ ನಮ ಜೀವನ ಪೂರ್ತಿ ನೆಂಪು ಮಲ್ತೊಂದು ಸಾಗೊಡು.ಅಂಬೇಡ್ಕರ್ ಕೇವಲ ಒಂಜಿ ಜಾತಿಗ್ ಸೇರಿನ ವ್ಯಕ್ತಿಯತ್ತ್ ಪ್ರಪಂಚಗ್ ಮಾದರಿಯಾಯಿನ ಧೀಮಂತ ನಾಯಕೆ.

ಗಣರಾಜ್ಯೋತ್ಸವದ ಈ ಶುಭದಿನಟ್ ಪರಿಶಿಷ್ಟ ಜಾತಿ ಡ್ ಉಪ್ಪುನ ಕಡುಬಡವೆರೆಗ್ ಇಲ್ಲ್ ಕಟ್ಟುನ ಕಾರ್ಯಕ್ರಮಗ್ ಚಾಲನೆ ಕೊರ್ಪಿನ ಲೇಸ್ ದ ಭೂಮಿ ಪೂಜೆದ ಕಜ್ಜ ಡ್ ವಿಜಯ್ ಕೊಡವೂರು ಪಂಡೆರ್ .

ನನ 13 ಬೇತೆ ಬೇತೆ ಅನುದಾನಡ್ ನನಾತ್ ಇಲ್ಲ್ ಕಟ್ಟುನ ಕಾರ್ಯ ಕೊಡವೂರುಡು ನಡತೊಂದು ಉಂಡು. ಕೊಡವೂರುದ ಸಂಘ ಸಂಸ್ಥೆದ ಶ್ರಮದಾನ ಬೊಕ್ಕ ಸಹಕಾರಡ್ ಈ ಕಾರ್ಯ ನಡಪರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿ ಗುರ್ಕಾರಲಾಯಿನ ಪ್ರಭಾತ್ ಕೊಡವೂರು, ಉದ್ಯಮಿ ಜೀವನ್ ಪಾಳೆಕಟ್ಟೆ, ಅಶೋಕ್ ಶೆಟ್ಟಿಗಾರ್, ಚಂದ್ರಕಾಂತ್ ಶೆಟ್ಟಿಗಾರ್,ಉಮೇಶ್,ಮನೋಜ್ ಬೈಲಕೆರೆ, ವಿನಯ್ ಲಕ್ಷೀ ನಗರ ಪಾಲ್ ಪಡೆದಿತ್ತೆರ್.

ಕೊಡವೂರುಡು ಇನಿ ಮಹಾರಥೋತ್ಸವ

ಜನವರಿ 30 : ಮಹತೋಭಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನ ಡ್ ಇನಿ ಮಹಾ ರಥೋತ್ಸವ ನಡಪರೆ ಉಂಡು.

ಕಾಂಡೆ 11ಕ್ಕ್ ರಥಾರೋಹಣ, ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ಬೈಯ್ಯ 7 ಗಂಟೆರ್ದ್ ನಡಪುನ ಧಾರ್ಮಿಕ ಸಭೆಟ್ ಕ್ಷೇತ್ರಡ್ ಸೇವೆ ಮಲ್ತೊಂದು ಉಪ್ಪುನ ಪ್ರಮುಖೆರೆಗ್ ಶಂಕರನಾರಾಯಣ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು . ರಾತ್ರಿ 8 ಗಂಟೆಗ್ ಮಹಾ ರಥೋತ್ಸವ, ಪಿಲಾರುಶ್ರೀಧರ ಉಡುಪ ಮೆರೆರ್ದ್ ನರ್ತನ ಸೇವೆ, ತೊಟ್ಟಿಲೋತ್ಸವ, ಭೂತಬಲಿ ಸೇವೆ ನಡಪರೆ ಉಂಡು.

ಜ. 31ರ ತಾರೀಖ್ ಗ್ ಕಾಂಡೆ ಕವಾಟೋದ್ಘಾಟನೆ, ತುಲಾಭಾರ, ಮಧ್ಯಾಹ್ನ ಕಟ್ಟೆಪೂಜೆ, ಕೆರೆಮಠದ ಸರೋವರಟ್ ತೆಪ್ಪೋತ್ಸವ, ಅವಭ್ರಥ, ಫೆ. 1 ತಾರೀಖ್ ಗ್ ಕಾಂಡೆ ಗಣಪತಿ ಯಾಗ, ವರಮಹಾಲಕ್ಷ್ಮೀ ಪೂಜೆ, ಮಹಾಮಂತ್ರಾಕ್ಷತೆ, ಫೆ. 2 ತಾರೀಖ್ ಗ್ ಆಶ್ಲೇಷ ಬಲಿ, ಬೈಯ್ಯ 7 ಗಂಟೆರ್ದ್ ಗೋಳಿಕಟ್ಟೆ ನಾಗಬನಟ್ ಹಾಲಿಟ್ಟು ಸೇವೆ, ದೇಗುಲಡ್ ಡಕ್ಕೆ ಬಲಿ ನಡಪರೆ ಉಂಡು ಪಂದ್ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಪ್ರಕಾಶ್ ಜಿ. ಕೊಡವೂರು ಬೊಕ್ಕ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಗುರ್ಕಾರ್ಲು ಸಾಧು ಸಾಲ್ಯಾನ್ ತೆರಿಪಾದೆರ್.

ಬಲೆ ತುಳು ಲಿಪಿಟ್ ಪುದರ್ ಬರೆಲೆ.ಇನಾಮು ಗೆಂದುಲೆ

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಆಶ್ರಯೊಡ್‌,ಜೈ ತುಳುನಾಡ್ ಸಂಘಟನೆ(ರಿ), ಹಳೆವಿದ್ಯಾರ್ಥಿ ಸಂಘ ಬೊಕ್ಕ ಯುವಕ‌ ಸಂಘ (ರಿ.) ಕೊಡವೂರು ಮೊಕ್ಲೆನ ಒತ್ತು ಸೇರಿಗೆಡ್ “ಬಲೆ ತುಳು ಲಿಪಿಟ್ ಪುದರ್ ಬರೆಲೆ ಇನಾಮು ಗೆಂದುಲೆ” ಕಜ್ಜೊ ಕೊಡವೂರು ಶಂಕರನಾರಾಯಣ ದೇವಸ್ಥಾನದ ಅಂಗಣೊಡ್ ನಡಪರೆಗುಂಡ್.

ತುಳು ಲಿಪಿ ಕಲ್ತುದ್ ಅಪ್ಪೆ ಬಾಸೆನ್ ಒರಿಪಾವೊಡ್ ಪನ್ಪಿನ ಧ್ಯೇಯೋದ್ಧೇಶ ದೀಯೊಂದ್ ಈ ಕಜ್ಜೊನ್‌ ಮಲ್ತೊಂದುಂಡ್.ಈ ಕಜ್ಜೊಡ್ ತುಳುನಾಡುದ ಬಂದುಲ್ ಪಾಲ್ ಪಡೆದ್ ತುಳು ಲಿಪಿಟ್ ಪುದರ್ ಬರೆಯೆರೆಗ್ ಕಲ್ತುದ್ ತುಳು ಬಾಸೆಗ್ ಮಾನಾದಿಗೆ ಸಂದಾವೊಡ್ ಪಂಡುದ್ ಜೈ ತುಳುನಾಡ್ ಸಂಘಟನೆ ಕೊಡವೂರುದ ಸಂಘಟಕೆರ್ ತುಳುವೆರೆಡ ಬಿನ್ನಪ ಮಲ್ತೊಂದೆರ್.

ಜನ ಸಾಮಾನ್ಯಯೆರೆಗ್ ಕಣ್ಣ ನೀರ್ ಬರ್ಪಾಯಿನ ” ಅಪ್ಪೆ ಎನ್ನ ಅಪ್ಪೆ “

ಮುದ್ರಾಡಿದ ಮಣ್ಣ್ ಡ್ ನಿರಂತರವಾದ್ ರಂಗ ತಪಸ್ಸು ನಡತೊಂದು ಉಂಡು ಪನ್ಪಿನೆಕ್ಕ್ ವಿಶಾಲವಾಯಿನ ಸುಸಜ್ಜಿತ ಬಯಲು ರಂಗಸ್ಥಳ ಬೊಕ್ಕ ಮಾನವೀಯ ಮೌಲ್ಯದ ನಾಟಕನ್ ಸಮಾಜಗ್ ಕೊರೊಂದು ಉಪ್ಪುನವೇ ಸಾಕ್ಷಿ . ಅಪ್ಪೆ ಎನ್ನ ಅಪ್ಪೆ ತುಳು ನಾಟಕ ಇತ್ತೆದ ಸಮಾಜಗ್ ದಾರಿದೀಪ, ಕೊರೋನಾರ್ದ್ ಬೊಕ್ಕ ಜೀವನ ದರ್ಶನನ್ ನಾಟಕ ಕಟ್ಟ್ ದ್ ಕೊರ್ತುಂಡು . ಸಾಮಾನ್ಯ ಪ್ರೇಕ್ಷಕೆರ್ನ ಮನಸ್ ಸೆಳೆಯುನ ಶಕ್ತಿ ಈ ನಾಟಕಗ್ ಉಂಡು ಪಂದ್ ಪೆರಿಯ ರಂಗ ನಿರ್ದೇಶಕ ಡಾ.ಭರತ್‌ ಕುಮಾರ್‌ ಪೊಲಿಪು ಪಂಡೆರ್.

ಮೇರ್ ಮುದ್ರಾಡಿ ನಾಟ್ಕದೂರು ಆರೂರು ಕೃಷ್ಣಮೂರ್ತಿ ರಾವ್‌ ಬಯಲು ರಂಗಸ್ಥಳಡ್ ಬುಧವಾರ ಬೈಯ್ಯ ಮುದ್ರಾಡಿ ನಮತುಳುವೆರ್‌ ಕಲಾ ಸಂಘಟನೆ ಪೊಸ ನಾಟಕ ” ಅಪ್ಪೆ ಎನ್ನ ಅಪ್ಪೆ ” ತುಳು ನಾಟಕದ ಲೋಕಾರ್ಪಣೆ ಬೊಕ್ಕ ಸುರುತ್ತ ಪ್ರದರ್ಶನನ್ ಉದಿಪನ ಮಲ್ತೆರ್. ಆನಿ ಕಾಲೋಡು ಕಾಸ್ ಇಜ್ಜಿ ಸಂಬಂಧ ಇತ್ತುಂಡು . ಇನಿ ಕಾಸುಂಡು ಸಂಬಂಧ ಇಜ್ಜಿ ಪನ್ಪಿನೆನ್ ಅಪ್ಪೆ ಎನ್ನ ಅಪ್ಪೆ ಸಾಭೀತು ಮಲ್ದುಂಡು , ಅತ್ಯುತ್ತಮ ರಚನೆ, ನಿರ್ದೇಶಕ, ಪರಿಕಲ್ಪನೆ ಬೊಕ್ಕ ನಟನೆದ ಮುಖೇನ ಮಾನವೀಯ ಕಲ್ಪನೆ ಜೀವನ ಮೌಲ್ಯ ಬೊಕ್ಕ ಪ್ರೀತಿನ್ ಅದ್ಬುತ ನಾಟಕ ತೋಜಾವುಂಡು . ಇನಿ  ಯುವ ಸಮುದಾಯಗ್ಲಾ ಒಂಜಿ ಮಾರ್ಗಸೂಚಿ, ಸಾರ ಸಾರ ಪ್ರದರ್ಶನ ಆದ್ ಸಮಾಜ ಬದಲಾವಡ್ ಪಂದ್ ಭರತ್‌ ಕುಮಾರ್‌ ಪೊಲಿಪು ಪಂಡೆರ್.

ಪೆರಿಯ ರಂಗ ನಿರ್ದೇಶಕ ಉಡುಪಿದ ನಾಗೇಶ್‌ ಕುಮಾರ್‌ ಉದ್ಯಾವರ ಪಾತೆರ್ದ್ ಕೊರೋನೋತ್ತರ ರಂಗ ಚಟುವಟಿಕೆ ಪೊಸ ನಾಟಕ ಜೀವನ ದರ್ಶನ ಕೊರ್ತುಂಡು , ರಂಗ ಭೂಮಿ ಬೊಕ್ಕ ರಂಗ ಸಂಬಂಧ ಗ್ ಮಲ್ಲ ಶಕ್ತಿ ಉಪ್ಪುನೆರ್ದಾವರ ನಮ ಮುದ್ರಾಡಿಗ್ ನಿರಂತರವಾದ್ ಬರಿಯರೆ ಆವೊಂದು ಉಂಡು ಪಂದ್ ಅದ್ಬುತ ಕಲಾವಿದರಾಯಿನ ವಾಣಿ ಸುಕುಮಾರ್‌ ಬೊಕ್ಕ ಸುಗಂಧಿ ಉಮೇಶ್‌ ಕಲ್ಮಾಡಿ ಮೆರೆರ್ದ್ ಅಪ್ಪೆ ಎನ್ನ ಅಪ್ಪೆ ಜನಮನಡ್ ನೆಲೆಯಾವಡ್ ಪಂದ್ ಆಶಿಸಾಯೆರ್ .
ಹೆಬ್ರಿ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್‌ ಗುರ್ಕಾರ್ಲಾಯಿನ ಪಿ.ವಿ.ಆನಂದ ಸಾಲಿಗ್ರಾಮ ಪಾತೆರ್ದ್ ಪೊಸ ಬದುಕುದ ಕಲ್ಪನೆನ್ ನಾಟಕ ಕಟ್ಟೊಂದು ಸೋಲು ಬದುಕುದ ಅಂತ್ಯ ಅತ್ತ್ ಪನ್ಪಿನ ನಿದರ್ಶನಗ್  ಪೊಸ ನಾಟಕನೇ ಸಾಕ್ಷಿ ಪಂಡೆರ್ .ಉದ್ಯಮಿಯಾದ್ ಕಲಾಪ್ರೋತ್ಸಾಹಕ ಹೆಬ್ರಿ ಯೋಗೀಶ್‌ ಭಟ್‌ ಪಾತೆರ್ದ್ ನಮ ತುಳುವೆರ್‌ ಕಲಾ ಸಂಘಟನೆದ  ನಿರಂತರ ಪರಿಶ್ರಮಗ್ ಇಂಚಿನ ನಾಟಕದ ಮುಖೇನ ಫಲ ತಿಕ್ಕುಂಡು . ಸಾಮಾನ್ಯ ಪ್ರೇಕ್ಷಕಗ್ ಲಾ ಕಣ್ಣ ನೀರ್ ಬರ್ಪಾವುನ ಅಪ್ಪೆ ಎನ್ನ ಅಪ್ಪೆ ನಾಟಕ ವಾಸ್ತಾವಿಕವಾದ್ ಚಿಂತನೆಗ್ ಕೈತಲ್ ಆತುಂಡು.

ಅಪ್ಪೆ ಬೊಕ್ಕ ಅಪ್ಪೆ ಮಣ್ಣ್ ದ ಪ್ರೀತಿಯೇ – ಅಪ್ಪೆ ಎನ್ನ ಅಪ್ಪೆ : ಗುರುರಾಜ್‌ ಮಾರ್ಪಳ್ಳಿ
ನಾಟಕದ ರಚನೆಕಾರೆರಾಯಿನ ನಿರ್ದೇಶಕೆರಾಯಿನ ಗುರುರಾಜ್‌ ಮಾರ್ಪಳ್ಳಿ ಪಾತೆರ್ದ್ ಅಪ್ಪೆ ತನ್ನ ಜೋಕ್ಲೆಗಾದ್ ಮೈಮರೆತ್ ತನ್ನ ಕರ್ತವ್ಯನ್ ದಯನೀಯ ಸ್ಥಿತಿ ಟ್ ಲಾ ಮಲ್ಪುವಲ್ . ಅಪ್ಪೆನ ಮಲ್ಲ ಗುಣ , ಜೋಕ್ಲೆನ ಸೇವೆ, ಅಪ್ಪೆ ಬೊಕ್ಕ ಅಪ್ಪೆ ಮಣ್ಣ್ ದ ಪ್ರೀತಿನ್ ಎನ್ನ ಈ ಪೊಸ ನಾಟಕ ” ಅಪ್ಪೆ ಎನ್ನ ಅಪ್ಪೆ “ತೋಜಾವುಂಡು. ಅದ್ಬುತವಾಯಿನ ಪ್ರದರ್ಶನ ಕೊರ್ಪಿನ ಶಕ್ತಿ ಇಪ್ಪುನ ರಂಗ ನಟ ನಿರ್ದೇಶಕ ಸುಕುಮಾರ್‌ ಮೋಹನ್‌ ನೇತ್ರತ್ವದ ಮುದ್ರಾಡಿ ನಮತುಳುವೆರ್‌ ಕಲಾ ಸಂಘಟನೆಗ್ ಉಪ್ಪುನೆರ್ದಾವರ ಅಪ್ಪೆ ಬಾಲೆದ ಪ್ರೀತಿ ನನಾತ್ ಎತ್ತರಗ್ ಏರುಂಡು ಪಂಡೆರ್.
ಮುದ್ರಾಡಿ ಆದಿಶಕ್ತಿ ಬೊಕ್ಕ ನಂದಿಕೇಶ್ವರ ದೇವಸ್ಥಾನದ ಧರ್ಮದರ್ಶಿ ಧರ್ಮಯೋಗಿ ಮೋಹನ್‌, ಮುದ್ರಾಡಿ ನಮತುಳುವೆರ್‌ ಕಲಾ ಸಂಘಟನೆದ ಗುರ್ಕಾರ್ಲು ಸುಕುಮಾರ್‌ ಮೋಹನ್‌, ಕಮಲಾ ಮೋಹನ್‌, ಸುಗಂಧಿ ಉಮೇಶ್‌ ಕಲ್ಮಾಡಿ, ವಾಣಿ ಸುಕುಮಾರ್‌ , ಉಮೇಶ್ ಕಲ್ಮಾಡಿ ಪಾಲ್ ಪಡೆದಿತ್ತೆರ್. ನಾಟಕಗ್ ಗೀತಂ ಗಿರೀಶ್‌ ಸಂಗೀತ ಧ್ವನಿ ಕೊರ್ತೆರ್ . ಬೆಳಕು ಪ್ರಥ್ವಿನ್ ಬೊಕ್ಕ ಸೌಂಡ್ಸ್‌ ಶರಣ್‌ ಕೊರ್ತೆರ್ .

ಹೆಬ್ರಿ ಲಯನ್ಸ್ ಕ್ಲಬ್ ಗುರ್ಕಾರ್ಲಾಯಿನ ಡಾ. ಭಾರ್ಗವಿ ಆರ್ ಐತಾಳ್, ಹೆಬ್ರಿ ಜೇಸಿಐ ಗುರ್ಕಾರ್ಲಾಯಿನ ಸುನೀತಾ ಅರುಣ್ ಕುಮಾರ್ ಹೆಗ್ಡೆ,ಹೆಬ್ರಿ ತುಳಸಿ ಗ್ರೂಪ್ ನ ಸುಜಾತ ಹರೀಶ್ , ಉಡುಪಿಯ ಡಾ.ಕಾತ್ಯಯಿನಿ ಕುಂಜಿಬೆಟ್ಟು, ರಂಗ ನಿರ್ದೇಶಕ ಚಂದ್ರನಾಥ್ ಬಜಗೋಳಿ, ಉಡುಪಿಯ ಉರಗ ತಜ್ಞ ಗುರುರಾಜ್ ಸನೀಲ್ ಸಹಿತ ನನಾತ್ ಜನ ಅಪ್ಪೆ ಮಗಲ್ ನ ಪ್ರೀತಿಗ್ ಸಾಕ್ಷಿಯಾಯೆರ್.

– ಸುಕುಮಾರ್‌ ಮುನಿಯಾಲ್.

ಕಡೆಂಗೋಡ್ಲು ಕಾವ್ಯ ಪ್ರಶಸ್ತಿಗ್ ಅಕ್ಷತಾ ಕೃಷ್ಣಮೂರ್ತಿ ಆಯ್ಕೆ

ಉಡುಪಿ, ಜ.26: ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನಾ ಕೇಂದ್ರ, ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜ್ಯುಕೇಷನ್ (ಮಾಹೆ) ಮೆಕ್ಲೆನ ಒಟ್ಟು ಸೇರಿಗೆಡ್ ಕೊರ್ಪಿನ 2020ನೇ ಸಾಲ್ ದ ಕಡೆಂಗೋಡ್ಲು ಕಾವ್ಯ ಪ್ರಶಸ್ತಿನ್ ಕವಯಿತ್ರಿ ಉತ್ತರ ಕನ್ನಡ ಜಿಲ್ಲೆದ ಅಂಕೋಲಾ ತಾಲೂಕುದ ಬೇಲೇಕೇರಿಯ ಶಿಕ್ಷಕಿ ಅಕ್ಷತಾ ಕೃಷ್ಣಮೂರ್ತಿ ಮೆರೆಗ್ ಕೋಡೆ ಮಾನದಿಗೆ ಮಲ್ತೆರ್ .

ಎಂಜಿಎಂ ಕಾಲೇಜಿಜ್ ದ ನೂತನ ರವೀಂದ್ರ ಮಂಟಪ ಡ್ ಈ ಲೇಸ್ ನಡತುಂಡು.

ಶ್ರೀಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜ್ ದ ವಾರ್ಷಿಕ ಸಂಚಿಕೆ “ಸಂಧ್ಯಾ ರಶ್ಮಿ” ಬುಡುಗಡೆ

ಉಡುಪಿ, ಜ.23: ಉಡುಪಿ ಶ್ರೀಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜ್ ದ ವಾರ್ಷಿಕ ಸಂಚಿಕೆ ಸಂಧ್ಯಾ ರಶ್ಮಿನ್ ಅದಮಾರು ಮಠ ಶಿಕ್ಷಣ ಸಂಸ್ಥೆದ ಗುರ್ಕಾರ್ ಲಾಯಿನ ಶ್ರೀ ವಿಶ್ವಪ್ರಿಯ ತೀರ್ಥ ಸ್ವಾಮೀಜಿ ಬುಡುಗಡೆ ಮಲ್ತೆರ್.

ಕಾರ್ಕಳ ಶ್ರೀಭುವನೇಂದ್ರ ಕಾಲೇಜ್ ದ ಸಹಾಯಕ ಪ್ರಾಧ್ಯಾಪಕ ಡಾ. ಅರುಣ ಕುಮಾರ್ ಎಸ್.ಆರ್. ಆಶಯ ಭಾಷಣ ಮಲ್ತೆರ್ , ಶಿಕ್ಷಣ ಸಂಸ್ಥೆಲು ಕಾಲಿ ನಿಗದಿತ ಪಠ್ಯನ್ ಕಲ್ಪಯರೇ ಮಾತ್ರ ಅತ್ತ್ . ಜೋಕ್ಲೆನ ಸರ್ವಾಂಗೀಣ ಪ್ರಗತಿಗ್ , ವ್ಯಕ್ತಿತ್ವ ರೂಪಣೆಗ್ ಪೂರಕವಾದ್ , ಜೀವನನ್ ದುಂಬು ಕೊನ್ಪಿನ ಜಬದಾರಿ ಆದುಂಡು .

ಈ ಲೇಸ್ ನ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ಸುಕನ್ಯಾ ಮೇರಿ ಜೆ. ವಯಿಸ್ದಿತ್ತೆರ್ . ಕಾಲೇಜ್ ಆಡಳಿತ ಮಂಡಳಿದ ಕಾರ್ಯ ದರ್ಶಿ ಪ್ರದೀಪ್ ಕುಮಾರ್ ಪಾಲ್ ಪಡೆದಿತ್ತೆರ್.