ಉಡುಪಿ

ಭಾರತಡ್ ಕಡಿಮೆ ಆಯಿನ ಕೊರೋನ ರಡ್ಡನೇ ಅಲೆ

ನವದೆಹಲಿ ಜೂ.09: ಭಾರತದಡ್ ಕೊರೋನಾ 2ನೇ ಅಲೆ ಇಳಿಕೆದ ತಾದಿ ದುಂಬು ವರಿದುಂಡು , ಅಂಗಾರೆ ಕಾಂಡೆ 8 ಗಂಟೆಗ್ ಮುಕ್ತಾಯಾವಾಯಿನ 24 ಗಂಟೆದ ಪೊರ್ತುಡು 86,498 ಪೊಸ ಪ್ರಕರಣ ಪತ್ತೆಯಾತುಂಡು , ಇಂದು ಕರಿನ 62 ದಿನರ್ದ್ ಕನಿಷ್ಠ ಪ್ರಮಾಣ ಆದುಂಡು .

ಅಂಗಾರೆದ ಅಂಕಿ ಸಂಖ್ಯೆದೊಟ್ಟುಗು ದೇಶಡ್ ಒಟ್ಟು ಸೋಂಕಿತೆರ್ನ ಸಂಖ್ಯೆ 2,89,96,473ಕ್ಕ್ ಮುಟ್ಟುದುಂಡು , ಸೈತಿನಕ್ಲೆನ ಸಂಖ್ಯೆ 3,51,309ಕ್ಕ್ ಏರ್ದುಂಡು ಪಂದ್ ಐಸಿಎಂಆರ್ ಮಾಹಿತಿ ಕೊರ್ತೆರ್ .

ಸಿಇಟಿ ಮಾರ್ಕ್ ಆಧಾರಡೇ ವೃತ್ತಿಪರ ಪ್ರವೇಶಗ್ ನಿರ್ಧಾರ

ಬೆಂಗ್ಳೂರು, ಜೂನ್ 8: ವೃತ್ತಿಪರ ಕೋರ್ಸ್ದ ಪ್ರವೇಶಗ್ ದ್ವಿತೀಯ ಪಿಯುಸಿ ಅಂಕೊಲೆನ್ ಈ ವರ್ಷ ಪರಿಗಣನೆಗ್ ದೆಪ್ಪರೆ ಬಲ್ಲಿ ನಿರ್ಧಾರ ಮಲ್ದೆರ್ .ಈ ಸಂಬಂಧ ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿನ ಉಪಮುಖ್ಯಮಂತ್ರಿ ಡಾ.ಸಿ.ಎನ್.ಅಶ್ವತ್ಥನಾರಾಯಣ ಮೇರ್ , ಈ ವರ್ಷಗ್ ಅನ್ವಯ ಆಪಿಲಕ ಕೇವಲ ಸಿಇಟಿ ರ್ಯಾಂಕ್ ಆಧಾರಡ್ ವೃತ್ತಿಪರ ಕೋರ್ಸ್ ದ ಪ್ರವೇಶ ನಡಪರೇ ಉಂಡು . ಪಿಯುಸಿ ಅಂಕ ಪರಿಗಣನೆಗ್ ದೆಪ್ಪುಜೆರ್ . ಅಂಚನೇ ಈ ಸಂಬಂಧ ಮಾತಾ ಸ್ಪರ್ಧಾತ್ಮಕ ಪರೀಕ್ಷೆ ನಡಪಾವುನ ಮಂಡಳಿಗ್ಲಾ ಲೆಪ್ಪೋಲೆ ಬರೆಪ ಪಂದ್ ಪಂಡೆರ್ .

ತೋಕೂರು ಶಾಲೆದ ತೋಟೊಡು ಶ್ರಮದಾನ

ಹಳೆಯಂಗಡಿ: ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್( ರಿ) ತೋಕೂರು ಆಶ್ರಯೊಡು ತೋಕೂರುದ ಹಿಂದೂಸ್ಥಾನಿ ಶಾಲೆದ ತೋಟೊಡು ಐತಾರದಾನಿ ಶ್ರಮದಾನದ ಒರುಟ್ಟು ಸ್ವಚ್ಛತೆದ ಕೆಲಸ ನಡತ್ಂಡ್.

ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ಅಂಚೆನೆ ಬೊಂಬೈ ತಿಲಕ್ ನಗರದ ಪೆಸ್ತಮ್ ಸಾಗರ್ ಕರ್ನಾಟಕ ಸಂಘ ಉಂದೆತ್ತ ಅಧ್ಯಕ್ಷೆರ್ ಆದುಪ್ಪುನ ರಾಮಣ್ಣ ದೇವಾಡಿಗ ಮೇರ್ ಶಾಲೆದ ಎದುರು ನಡ್ತಿನ ಪೂತ್ತ ದೈಕುಲೆನ ಕಟ್ಟೆ ಬುಡ್ಪಾದ್ ಗೊಬ್ಬರ ಪಾಡ್ದ್ ಶ್ರಮದಾನೊಗು ಚಾಲನೆ ಕೊರಿಯೆರ್.

ಪಡುಪಣಂಬೂರು ಗ್ರಾಮ ಪಂಚಾಯ್ತಿ ಸದಸ್ಯೆರ್ ಸಂತೋಷ್ ಕುಮಾರ್, ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ರಮೇಶ್ ಅಮೀನ್ , ಮುಂಬೈ, ಗೌರವ ಗುರ್ಕಾರ್ಲು ನಾರಾಯಣ್ ಜಿ.ಕೆ., ಗುರ್ಕಾರ್ಲು ಸಂತೋಷ್ ದೇವಾಡಿಗ, ಒತ್ತು ಗುರ್ಕಾರ್ಲು ದೀಪಕ್ ಸುವರ್ಣ, ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ, ಮಲ್ಲ ಕಾರ್ಯಂತೆರ್ ಜಗದೀಶ್ ಕುಲಾಲ್, ಪಣವುದ ಪಾಲವೆರ್ ಸಂಪತ್ ದೇವಾಡಿಗ, ಪರಿಸರ ರಕ್ಷಣೆ ಕಾರ್ಯಂತೆರ್ ಸುನಿಲ್ ದೇವಾಡಿಗ,ಕ್ರಿಕೆಟ್ ಕೂಟ ದ ನಾಯಕೆ ಗೌತಮ್ ಬೆಲ್ಚಡ, ಸದಸ್ಯೆರ್ ಪದ್ಮನಾಭ ಶೆಟ್ಟಿ, ವಿಜಯ ಕುಮಾರ್, ಧರ್ಮಾನಂದ ಶೆಟ್ಟಿಗಾರ್, ರಮೇಶ್ ಕರ್ಕೇರ, ಸೋಮನಾಥ ಪೂಜಾರಿ, ಕಾರ್ತಿಕ್ ಭಟ್ ಮೊಕುಲು ಮಾತ ಶ್ರಮದಾನೊಡು ಪಾಲ್ ಪಡೆಯೆರ್.
ಗಣೇಶ್ ಅಮೀನ್ ಮೇರ್ ಕೊರ್ತಿನ ಕಿದೆ ಗೊಬ್ಬರೊನು ತಾರೆದ ಬೊಕ್ಕ ಪೂತ್ತ ದೈಕ್ ಲೆನ ಮುದೆಲೆಗ್ ಪಾಡ್ದ್, ಕಜವು, ಪ್ಲಾಸ್ಟಿಕ್ ದೆತ್ತ್ ದ್ ಪರಿಸರ ಸ್ವಚ್ಚತೆಡ್ ಮಾತೆರ್ಲ ಪಾಲ್ ಪಡೆಯೆರ್.

ಕೊರೋನ ಪೊರ್ತುಡು ಎಂಡೋಸಲ್ಫಾನ್ ಸಂತ್ರಸ್ತರೆಗ್ ಸಾಕಾರ

ಒಡಿಪು , ಜೂ.7: ಕರ್ನಾಟಕ ಉಚ್ಚ ನ್ಯಾಯಾಲಯದ ರಿಟ್ ಪಿಟಿಷನ್‌ಡ್ ಕೊರಿನ ನಿರ್ದೇಶನನ್ ಪರಿಣಾಮಕಾರಿಯಾದ್ ಅನುಷ್ಠಾನ ಮಲ್ಪುನ ನೆಲೆಟ್ಟ್ ವೀಡಿಯೋ ಕಾನ್ಸರೆನ್ಸ್ ಮುಖೇನ ಬೇತೆ ಬೇತೆ ಇಲಾಖಾಧಿಕಾರಿಲೇನ ಸಭೆನ್ ಜೂ.5 ತಾರೀಖ್ ಗ್ ಉಡುಪಿ ಜಿಲ್ಲಾ ನ್ಯಾಯಾಲಯಡ್ ಅಟ್ಟನೆ ಮಲ್ತಿತ್ತೆರ್.

ಸಭೆಟ್ ಪ್ರಧಾನ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾಧೀಶ ಜಿಎನ್.ಸುಬ್ರಮಣ್ಯ, ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ, ಡಾ.ಪ್ರಶಾಂತ್ ಭಟ್, ಉಡುಪಿ ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯೆ ಕಾರ್ಯದರ್ಶಿ ಕಾವೇರಿ, ಜಿಲ್ಲಾ ವಿಕಲ ಚೇತನರ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಅಧಿಕಾರಿ ರತ್ನ, ಮಾನವ ಹಕ್ಕುಗಳ ರಕ್ಷಣಾ ಪ್ರತಿಷ್ಠಾನದ ಗುರ್ಕಾರ್ಲಾಯಿನ ರವೀಂದ್ರನಾಥ ಶ್ಯಾನುಬೋಗ್ ಪಾಲ್ ಪಡೆದಿತ್ತೆರ್ .

ಕಡಬಡ್ ಕಮ್ಮಿ ಆಯಿನ ಕೊರೋನ ಸೋಂಕು

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆ ಗ್ರಾಮೀಣ ಭಾಗಡ್ ಪಸರೊಂದು ಉಂಡು , ಕಡಬ ಪೇಂಟೆಡ್ ಇನಿ ಕೊರೋನಾ ಸೋಂಕು ಕಮ್ಮಿ ಆತುಂಡು .

ಆರೋಗ್ಯ ಇಲಾಖೆದ ವರದಿದ ಪ್ರಕಾರ ಕೋಡೆ ಕಡಬ ತಾಲೂಕು ವ್ಯಾಪ್ತಿಡ್ 43 ಜನಕ್ ಮಾತ್ರ ಕೊರೋನಾ ದೃಢ ಆತುಂಡು . ಸಾರ್ವಜನಿಕೆರ್ನ ನಿರ್ಲಕ್ಷ್ಷನೇ ಕೊರೋನಾ ಜಾಸ್ತಿ ಅವೆರೆ ಕಾರಣ ಆತುಂಡು ಪಂದ್ ಪಂಡೆರ್.