ಕಾರ್ಲ ಉಚ್ಚಯಗ್ ಕಾಸ್ದ ಬರ್ಸ : ತುಳು ಕಲ್ಪಾರ್ಥಿಲೆನ ಸೇವೆಗ್ ಇಜ್ಜಿ ಬಿಲೆ : 2 ವರ್ಷೋರ್ದು ಗೌರವ ಧನ ಕೊರ್ಜಿಂಡಲಾ ತುಟಿ ಬಿಚ್ಚoದಿನ ಸಂಸ್ಕೃತಿ ಸಚಿವೆರ್
ಕುಡ್ಲ : ನಮ್ಮ ರಾಜಕಾರಣಿಲು ಸರ್ಕಾರದ ಕಾಸ್ ನ್ ಎಂಚ ಗಲಸೊಂದು ಉಲ್ಲೆರ್ ಪನ್ಪಿನೆಕ್ಕ್ ಸ್ಪಷ್ಟ ಉದಾರ್ಮೆ ನಮಡ ಉಂಡು , ನಂಕ್ ತೆರಿನಲಕ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ವಿ. ಸುನೀಲ್ ಕುಮಾರ್ ಮೆರ್ನ ತವರು ಕ್ಷೇತ್ರಡ್ ಕಾರ್ಲಾ ಉಚ್ಚಯ ನಡತೊಂದು ಉಂಡು. ನೆತ್ತ ಭಾಗವಾದ್ ಕಾರ್ಲಾದ ಪೌರ ಕಾರ್ಮಿಕೆರೆಗ್ ಹೆಲಿಕಾಪ್ಟರ್ ಡ್ ತಿರುಗಾಟ ಮಲ್ದೆರ್ . ನನೊಂಜಿ ಕಡೆಟ್ ನಮ್ಮ ತುಲುನಾಡ್ ದ ಅಪ್ಪೆ ಬಾಸೆ ಆಯಿನ ತುಳು ಭಾಸೆನ್ ಕಲ್ಪಾವುನ ಪಾಪದ ಕಲ್ಪಾರ್ಥಿಲೆಗ್ 2 ವರ್ಷರ್ದ್ ಸಂಬಳ ಕೊರಂದೆ ಬೆನ್ಪಾವೊಂದು ಉಲ್ಲೆರ್.
ಕಾರ್ಲಾದ ಪೌರ ಕಾರ್ಮಿಕಕೆರೆನ್ ಹೆಲಿಕಾಪ್ಟರ್ ಸುತ್ತಾಯಿನ ಬಗ್ಗೆ ಏರ್ಲ ಪಾತೆರುಜೆರ್ . ಆಂಡ ಬಂಜಿಗ್ ದಾಲ ದಾoತಿನಾಯೆಗ್ ಜುಟ್ಟುಗು ಮಲ್ಲಿಗೆ ಪೂ ಬೋಡ ಪನ್ಪಿ ಪಾತೆರದಲಕ ಪೌರ ಕಾರ್ಮಿಕೆರೆಗ್ ಅವ್ವೆತೋ ಸೌಲಭ್ಯಗದ ಕೊರತೆ ತೊಜೊಂದು ಉಂಡು . ಅಕ್ಲೆಗ್ ಶೂ ಇಜ್ಜಿ , ಕೈಕ್ ಕುಂಟು ಇಜ್ಜಿ . ಆರೋಗ್ಯ ಸಮಸ್ಯೆ ಬತ್ತ್oಡ ಸರಿಯಾಯಿನ ಹೆಲ್ತ್ ಇನ್ಸೂರೆನ್ಸ್ ಇಜ್ಜಿ . ಈ ಮಾತೆತ್ತ ನಡುಟು , ಒರಿ ಒರಿಯಗ್ ತಲಾ 2 ಸಾರ ರೂ. ಖರ್ಚು ಮಲ್ತ್ ಹೆಲಿಕಾಪ್ಟರ್ ಡ್ ತಿರ್ಗಾವುನ ಅಗತ್ಯ ಉಂಡಾ ಪನ್ಪಿ ಪ್ರಶ್ನೆ ಬುದ್ದಿ ಇತ್ತಿನಕುಲು ಕೇನುವೆರ್ . ಈ ನಡುಟು ತುಳು ಭಾಸೆ ಕಲ್ಪಾವುನ ಸುಮಾರರ್ 43 ಜನ ಕಲ್ಪಾರ್ಥಿಲೆಗ್ 30 ತಿಂಗೊಲುರ್ದು ಗೌರವ ಧನ ಕೊರ್ತುಜೆರ್ .
ಕುಡ್ಲ ಬೊಕ್ಕ ಒಡಿಪುದ 42 ಶಾಲೆಡ್ ತುಳು ಭಾಷೆನ್ ಮೂಜನೆ ಭಾಷೆಯಾದ್ ಕಲ್ಪಾವೊಂದು ಉಲ್ಲೆರ್ ನೆಕ್ಕ್ 43 ತುಳು ಕಲ್ಪಾರ್ತಿಲೆನ್ ನೇಮಕ ಮಲ್ದೆರ್ ಮೆಕ್ಲೆಗ್ ತಿಂಗೊಲ್ಗು ಜುಜುಬಿ 3 ಸಾರ ರೂ. ಗೌರವ ಧನ ಕೊರೊಂದು ಉಲ್ಲೆರ್ . ಆಂಡ ಈ ಕಲ್ಪಾರ್ತಿಲೆಗ್ ಕರಿನ 30 ತಿಂಗೊಲುರ್ದು ಆ ಕಾಸ್ಲಾ ಕೊರೊಂದು ಇಜ್ಜೆರ್.
ತುಳು ಕಲ್ಪಾವುನಕ್ಲೆನೆಟ್ಟ್ ಮಸ್ತ್ ಜನ ಬಾರಿ ಬಡತನದ ಕುಟುಂಬದಕುಲು ಅಂಗವಿಕಲೆರ್ಲಾ ಉಲ್ಲೆರ್ . ಜುಜುಬಿ 3 ಸಾರ ಪಣವುದ ಆಸೆಗ್ ತಮ್ಮ ಅಮೂಲ್ಯ ಪೊರ್ತುನು ತುಳು ಬಾಸೆ ಗಾದ್ ದೀತೆರ್ . ಆಂಡ ಸರಕಾರ ಮೆಕ್ಲೆಗ್ ಗೌರವ ಧನ ಕೊರೊಂದು ಇಜ್ಜಿ . ಉಸ್ತುವಾರಿ ಸಚಿವ ಸುನಿಲ್ ಕುಮಾರ್ ಮೇರ್ ತಂಕ್ ಆ ವಿಷಯ ಗೊತ್ತಿಜ್ಜಂದಿಲಕ ಉಲ್ಲೆರ್.
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಒಡಿಪು ಮೊಕ್ಲೆನ ಒಟ್ಟು ಸೇರಿಗೆಡ್ ಸಾಲಿಕೇರಿ ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ ಸಂಘ (ರಿ.) ಹಾರಾಡಿ-ಸಾಲಿಕೇರಿ ಮೆಕ್ಲೆನೆರ್ದ್ ವೀರ ಅಭಿಮನ್ಯು ಆಟ ನಡತ್oಡ್.ಅವ್ವೆ ಪೊರ್ತುಡು ವಿದ್ಯಾರ್ಥಿವೇತನ, ಪುಸ್ತಕ ವಿತರಣೆ ಬಿನ್ನೆರ್ ಆಯಿನ ಶ್ರೀ ಪ್ರಕಾಶ್ಚಂದ್ರ ಶೆಟ್ಟಿ ಹಾರಾಡಿ, ಶ್ರೀ ಪ್ರಭಾಕರ ಶೆಟ್ಟಿ,ಶ್ರೀ ಬಿ. ಸುಪ್ರಸಾದ್ ಶೆಟ್ಟಿ, ಶ್ರೀ ಎಸ್. ಉಮೇಶ್ ನಾಯಕ್, ಶ್ರೀ ಅಶೋಕ ಪೂಜಾರಿ, ಶ್ರೀಕುಮಾರ್ ಸುವರ್ಣ ಮಲ್ತೆರ್ .
