ಆಟಿದ ಲೇಸ್

ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “

Aug 4, 2022

ಕುಡ್ಲ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ “ಆಟಿದ ಲೇಸ್ “

ಕುಡ್ಲ : ಕುಡ್ಲದ ಜಿಲ್ಲಾ ನ್ಯಾಯಾಲಯದ ಚಾವಡಿಡ್ ಕುಡ್ಲ ವಕೀಲರ ಸಂಘದ ವತಿರ್ದ್ ಆಟಿದ ಲೇಸ್‌ ನಡತುಂಡು.ಹೈಕೋರ್ಟ್‌ ನ್ಯಾಯಮೂರ್ತಿ ಪಿ.ಕೃಷ್ಣ ಭಟ್‌ ಲೇಸ್ ಉದೀಪನ ಮಲ್ತ್ , ‘ಆಟಿದ ಲೇಸ್ ಡ್ ತುಳುನಾಡ್ದ ಸಂಸ್ಕೃತಿದ ಅನಾವರಣ ಆತುಂಡು .ಇಲ್ಲಗ್ ಬತ್ತಿನ ಅನುಭವ ಆಂಡ್ ಪಂದ್ ಪಂಡೆರ್ ‘.

ವಿಶ್ರಾಂತ ಕುಲಪತಿ ಪ್ರೊ.ಬಿ.ಎ.ವಿವೇಕ್‌ ರೈ ಪಾತೆರ್ದ್ , ನಮ್ಮ ನೆಲದ ಸಂಸ್ಕೃತಿದ ಲೇಸ್ ನ್ ನ್ಯಾಯಾಲಯದ ಚಾವಡಿಡೇ ಅಟ್ಟನೆ ಮಲ್ತಿನವು ಬಾರಿ ಅರ್ಥಪೂರ್ಣವಾತುಂಡು ಪಂದ್ ಪಂಡೆರ್..

ವಕೀಲರ ಸಂಘದ ಗುರ್ಕಾರ್ಲಾಯಿನ ಪೃಥ್ವಿರಾಜ್ ರೈ ಎದುಕೊಂಡೆರ್ . ಪ್ರಧಾನ ಕಾರ್ಯದರ್ಶಿ ಶ್ರೀಧರ ಎಣ್ಮಕಜೆ ಸೊಲ್ಮೆ ಸಂದೈತ ಮಲ್ತೆರ್ . ಖಜಾಂಜಿ ಶಶಿರಾಜ್ ಕಾವೂರು ಲೇಸ್ ನಡಪಾದ್ ಕೊರಿಯೆರ್ . ವಕೀಲೆರ್ ಸೇರ್ದ್ ತುಳುನಾಡ್ ದ ಆಟಿದ 50ರ್ದ್ ಜಾಸ್ತಿ ಬಗೆತ ತೆನಸ್ ತಯಾರ್ ಮಲ್ತ್ ಮಾತೆರೆಗ್ಲಾ ಬಲಸಿಯೆರ್.

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ : ಮಧುರಗಾನ ಲೇಸ್

Jun 22, 2022

ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ : ಮಧುರಗಾನ ಲೇಸ್

ಮಣಿಪಾಲ : ರೇಡಿಯೊ ಮಣಿಪಾಲ 90.4 MHz ಸಮುದಾಯ ಬಾನುಲಿ ಅರ್ಪಣೆ ಮಲ್ಪುನ ಮಧುರಗಾನ ಲೇಸ್ ಸಂಗೀತ ಶಿಕ್ಷಕಿ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ಈ ಲೇಸ್ ಡ್, ಪದ ಪನಿಯೆರೆ ಉಲ್ಲೆರ್.

ಈ ಲೇಸ್ ಜೂನ್ ತಿಂಗೊಲ್ದ 22
ತಾರೀಖ್ ಗ್ ಬುಧಾರದಾನಿ ಬಯ್ಯಗ್ 5.30ಕ್ ಪ್ರಸಾರ ಆಯೆರೆ ಉಂಡು .
ಜೂನ್ 23ಕ್ಕ್ ಮಧ್ಯಾಹ್ನ 1.30 ಗಂಟೆಗ್ ಕುಡ ಪ್ರಸಾರ ಆಯೆರೆ ಉಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಪಡುಬಿದ್ರಿ ಬಿಲ್ಲವ ಸಂಘ, ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಸ್ವಸಹಾಯ ಗುಂಪುದ ಒಟ್ಟು ಸೇರಿಗೆಡ್ ಆಟಿದ ಲೇಸ್

Jul 31, 2021

ಪಡುಬಿದ್ರಿ, ಜುಲೈ 31: ಪಡುಬಿದ್ರಿ ಬಿಲ್ಲವ ಸಂಘಡ್ ಪಡುಬಿದ್ರಿ ಬಿಲ್ಲವ ಸಮಾಜ ಸೇವಾ ಸಂಘ, ಶ್ರೀ ನಾರಾಯಣಗುರು ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಮಹಿಳಾ ಸ್ವ ಸಹಾಯ ಗುಂಪುದ ಒಟ್ಟು ಸೇರಿಗೆಡ್ ಆಟಿದ ಲೇಸ್ ನಡತುಂಡು.

ಆಟಿದ ವನಸ್ : ಸಂಘದ ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಸ್ವಸಹಾಯ ಸಂಘದ ಸದಸ್ಯೆರೆರ್ದ್ ತಯಾರ್ ಮಲ್ತಿನ ಆಟಿ ವಿಶೇಷತೆದ ಸುಮಾರ್ 20ರ್ದ್ ಜಾಸ್ತಿ ಬಗೆತ ತೆನಸ್ ಬಲಸಿಯೆರ್ . ಇಂದುವೆ ಪೊರ್ತುಡು ಪೊಂಜೊವ್ಲೆಗಾದ್ ಗೊಬ್ಬು ಬೊಕ್ಕ ಸರಸ್ವತಿ ಕಲಾ ಕೂಟರ್ದ್ ನೃತ್ಯ ವೈವಿಧ್ಯ ನಡತುಂಡು .

ಲೇಸ್ ಡ್ ಪಡುಬಿದ್ರಿ ಬಿಲ್ಲವ ಸಂಘದ ಗುರ್ಕಾರ್ಲಾಯಿನ ವೈ. ಸುಧೀರ್ ಕುಮಾರ್, ಕಾರ್ಯದರ್ಶಿ ಲಕ್ಷ್ಮಣ್ ಪೂಜಾರಿ, ಶ್ರೀ ನಾರಾಯಣಗುರು ಮಹಿಳಾ ಮಂಡಳಿಯ ಗುರ್ಕಾರ್ಲಾಯಿನ ಸುಚರಿತ ಎಲ್. ಅಮೀನ್, ಕಾರ್ಯದರ್ಶಿ ರೋಹಿಣಿ ಆನಂದ, ಮಹಿಳಾ ಮಂಡಳಿದ ನಿಕಟಪೂರ್ವ ಗುರ್ಕಾರ್ಲಾಯಿನ ಚಿತ್ರಾಕ್ಷಿ ಕೆ. ಕೋಟ್ಯಾನ್, ನಾರಾಯಣಗುರು ಸೇವಾದಳದ ದಳಪತಿ ಯೋಗೀಶ್ ಪೂಜಾರಿ, ಸಂಘದ ಕಾರ್ಯಕಾರಿ ಸಮಿತಿದ ಪದಾಧಿಕಾರಿಲು , ಸದಸ್ಯೆರ್ , ಮಹಿಳಾ ಮಂಡಳಿದ ಸದಸ್ಯೆರ್ ಪಾಲ್ ಪಡೆದಿತ್ತೆರ್.