ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಯುವವಾಹಿನಿ (ರಿ.) ಕಡಬ ಘಟಕದ ಬೊಕ್ಕ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿ ಬಿಲ್ಲವ ಸಂಘ, ಕಡಬ, ಮರ್ಧಾಳ, ಅಲಂಕಾರು ವಲಯದ ಸಂಯುಕ್ತ ಆಶ್ರಯಡ್ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮೀಜಿ ಮೆರೆನ 168 ನೇ ಪುಟ್ಟು ದಿನತ ಲೆಕ್ಕೊಡು ಗುರುಪೂಜೆ, ಧಾರ್ಮಿಕ ಸಭೆ, ಭಜನೆ ಬೊಕ್ಕ ಸಾಧಕೆರೆಗ್ ತಮ್ಮನ ಲೇಸ್ ಜ.22 ಐತಾರ ಕಡಬ ಶ್ರೀ ದುರ್ಗಾಂಬಿಕಾ ದೇವಲ್ಯದ ಸಭಾಂಗಣಡ್ ನಡಪರೆ ಉಂಡು.
ಬೊಲ್ಪುಗು 8 ಗಂಟೆಗ್ ಪ್ರಾರ್ತನೆ ಬೊಕ್ಕ ಗುರು ಪೂಜೆ ಸುರು ಆಪುಂಡು. ಬೊಕ್ಕ ಭಜನೆ, ಮಹಾಪೂಜೆ ಆದ್ ಧಾರ್ಮಿಕ ಸಭೆ ನಡಪರೆ ಉಂಡು. ಈ ಲೇಸ್ ಡ್ ಕಣಿಯೂರು ಶ್ರೀ ಚಾಮುಂಡೇಶ್ವರೀ ದೇವಿ ಕ್ಷೇತ್ರದ ಶ್ರೀ ಮಹಾಬಲೇಶ್ವರ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಗುರ್ಕಾರ್ಮೆನ್ ಯುವವಾಹಿನಿ ಕಡಬ ಘಟಕದ ಕೃಷ್ಣಪ್ಪ ಅಮೈ ಒಯಿಸೊನ್ವೆರ್. ಕುಡ್ಲ ಯುವವಾಹಿನಿ ಕೇಂದ್ರ ಸಮಿತಿದ ಅಧ್ಯಕ್ಷೆರ್ ರಾಜೇಶ್ ಬಿ. ಉದಿಪನ ಮಲ್ಪುವೆರ್. ಯುವ ಬರವುಗಾರೆ, ರಂಗಭೂಮಿ ಕಲಾವಿದೆರ್ ರಾಜೇಶ್ ಎಸ್ ಬಲ್ಯ ಗುರು ಸಂದೇಶ ಕೊರಿಯೆರೆ ಉಲ್ಲೆರ್. ಪುತ್ತೂರ್ ಬ್ರಹ್ಮಶ್ರೀ ನಾರಾಯಣ ಗುರು ಸ್ವಾಮಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಸತೀಶ್ ಕುಮಾರ್ ಕೆಡೆಂಜಿ ತಮ್ಮನ ಮಲ್ಪುವೆರ್. ಗೌರವ ಉಪಸ್ಥಿತಿಡ್ ನಿರ್ದೇಶಕೆರ್ ಹರೀಶ್ ಪೂಜಾರಿ ಬಾಕಿಲ, ತುಳುನಾಡ್ ದ ದೈವಾರಾಧಕೆರ್ ಪಂಡಿತ್ ಕೇಶವ ಜ್ಯೋತಿಷೆರ್ ಉಲ್ಲೆರ್. ಅಣ್ಣು ಪೂಜಾರಿ ಮಯಿಲ್ಲ (ಧಾರ್ಮಿಕ ಕ್ಷೇತ್ರ), ವಸಂತ ಪೂಜಾರಿ ಬದಿಬಾಗಿಲು (ಸಾಮಾಜಿಕ), ಶ್ರೀಧರ ಕೆ ಕಂಪ (ಕೃಷಿ), ಅಶೋಕ್ ಕೊಲ್ಯ-ಗೋಕುಲನಗರ (ಆರೋಗ್ಯ), ಸುಪ್ರಿತಾ ಚರಣ್ ಪಾಲಪ್ಪೆ (ಶೈಕ್ಷಣಿಕ, ಸಾಹಿತ್ಯ), ಹರಿಚಂದ್ರ ಇಚಿಲಂಪಾಡಿ (ಮಾಜಿ ಸೈನಿಕೆರ್), ಅರ್ಚನಾ ಸಂಪ್ಯಾಡಿ (ಬಾಲ ಪ್ರತಿಭೆ) ಗ್ ತಮ್ಮನ ನಡಪರೆ ಉಂಡು ಪಂದ್ ಬಿಲ್ಲವ ಸಂಘ ಕಡಬ, ಮರ್ಧಾಳ, ಅಲಂಕಾರು ವಲಯದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್, ಯುವವಾಹಿನಿ (ರಿ.) ಕಡಬ ಘಟಕದ ಅಧ್ಯಕ್ಷೆರ್, ನಿರ್ದೇಶಕೆರ್, ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
