ಅದಾನಿ ಗ್ರೂಪ್ ಕೇಸ್ ದ ವಿಚಾರಣೆನ್ ಸುಪ್ರೀಂ ಕೋರ್ಟ್ ಫೆ.17 ಕ್ ನಡಪಾಯೆರೆ ಉಂಡು.
ಕಾಂಗ್ರೆಸ್ ನಾಯಕೆ ಜಯ ಠಾಕೂರ್ ಸಂದಾಯಿನ ಸಾರ್ವಜನಿಕ ಹಿತಾಸಕ್ತಿ ಅರ್ಜಿನ್ ವಿಚಾರಣೆ ಮಲ್ಪೆರೆ ಸುಪ್ರೀಂ ಕೋರ್ಟ್ ತೀರ್ಮಾನ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.
Feb 17th: Hearing in Supreme Court of the Adani case
The hearing of the Adani group case will take place on Feb 17th.
It is a public intrest litigation filed by Congress leader Jaya Takhore.
ಬ್ಯಾಂಕ್ ಆಫ್ ಇಂಡಿಯಾಡ್ ಪ್ರೊಬೇಷನರಿ ಅಧಿಕಾರಿಯಾದ್ (ಕ್ರೆಡಿಟ್ ಆಫೀಸರ್, ಐಟಿ ಅಧಿಕಾರಿ) 500 ಬೇಲೆ ಖಾಲಿ ಉಂಡು.
ಈ ಬೇಲೆಗ್ ಪದವಿ, ಇಂಜಿನಿಯರಿಂಗ್ ಪದವಿ ಆಯಿನಕುಲು ಅರ್ಜಿ ಪಾಡೊಲಿ. ಮೊಕುಲು 20 ರ್ದ್ 29 ವರ್ಷೊದ ಉಲಯಿ ಇಪ್ಪೊಡು. ಅರ್ಜಿ ಪಾಡಿಯೆರೆ ಫೆಬ್ರವರಿ 25 ಅಕೇರಿದ ತಾರೀಕ್. ಎಚ್ಚದ ಪೊಲಬುಗಾದ್ ವೆಬ್ ಸೈಟ್: bankofindia.co.in ಗ್ ಭೇಟಿ ಕೊರೊಲಿ.
500 vacancies in Bank of India
There is call for Vacancies for the post of Probationary officers in Bank of India.
For more details log in to bankofindia.co.in.
2021-22 ನೇ ವರ್ಷಡ್ ಭಾರತದ ಒವು ಮಾತ ಕಂಪೆನಿಲು ಎಚ್ಚ ಲಾಭ ಪಡೆತ್ಂಡ್ ಪನ್ಪುನ ಪಟ್ಟಿನ್ ಕೇಂದ್ರ ಸರ್ಕಾರ ಪ್ರಕಟ ಮಲ್ದ್ಂಡ್.
ಒಎನ್ ಜಿಸಿ 403,05.74 ಕೋಟಿ ರೂ, ರಿಲಯನ್ಸ್ 39,084 ಕೋಟಿ ರೂ, ಟಿಸಿಎಸ್ 38,187 ಕೋಟಿ ರೂ, ಟಾಟಾ ಸ್ಟೀಲ್ 33,011 ಕೋಟಿ ರೂ, ಇಂಡಿಯನ್ ಆಯಿಲ್ 24,184 ಕೋಟಿ ರೂ, ಇನ್ಫೋಸಿಸ್ 21,235 ಕೋಟಿ ರೂ, ವೇದಾಂತ 16,702 ಕೋಟಿ ರೂ. ಬೊಕ್ಕ ಎನ್ ಟಿಪಿಪಿಸಿ 16,111 ಕೋಟಿ ರೂ. ಲಾಭ ಮಲ್ದ್ಂಡ್.
Here is a list of companies that recorded good profits for the financial year 2021-22
ONGC 403,05.74 crore rupees, Reliance 39,084 crore rupees, TCS 38,187 crores, Tata steel 33,011 crores, Indian oil 24,184 crores, Infosys 21,235 crores, Vedanta 16,702 crores.
ಬೆಂಗ್ಲೂರ್ ಡು ಅಮೆರಿಕಾದ ವೀಸಾ ಕಚೇರಿ ಮಲ್ಪುನ ಅಗತ್ಯ ಉಂಡು ಪಂದ್ ಸಿಎಂ ಬೊಮ್ಮಾಯಿ ಪಂಡೆರ್.
ಭಾರತಡ್ ಇಪ್ಪುನ ಅಮೆರಿಕದ ರಾಯಭಾರಿ ಎಲಿಜಬೆತ್ ಜೋನ್ಸ್ ಬೊಕ್ಕ ಚೆನ್ನೈ ಡ್ ಇಪ್ಪುನ ಕಾನ್ಸುಲ್ ಜನರಲ್ ಜೂಡಿತ್ ರೇವಿನ್ ಮೆರೆಗ್ ಸಿಎಂ ಬೊಮ್ಮಾಯಿ ಭೇಟಿ ಆಯಿನ ಪೊರ್ತುಡು ಈ ಬಿನ್ನಾಪುನ್ ಮಲ್ದೆರ್. ವೀಸಾ ಕಚೇರಿ ಚೆನ್ನೈ ಡ್ ಉಂಡು. ಬೆಂಗ್ಲೂರ್ ರ್ದ್ ಅಮೆರಿಕಗ್ ಪೋಪಿನಕ್ಲೆಗ್ ತೊಂದರೆ ಆಪುಂಡು ಪಂದ್ ಪಂಡೆರ್.
An American Visa Office is necessary at Bangalore – CM Basavaraj Bommai
The CM Basavaraj Bommai held a meeting with American Ambassador Elizabeth Jones and consul general from Chennai Judith Reven and expressed his request to have a visa centre in Bangalore.
ಹಳೆಯಂಗಡಿ: ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಲ್ಯಡ್ ಶಿವರಾತ್ರಿ ಉಚ್ಚಯ ಬೊಕ್ಕ ವರ್ಷಾದಿದ ಜಾತ್ರೆ ಫೆ.17-26 ಮುಟ್ಟ ನಡಪರೆ ಉಂಡು.
ಫೆ.18 ಸನಿಯಾರ ಬೊಲ್ಪುಗು ಕೊಡಿ ಏರಿಯೆರೆ, ಬಯ್ಯಗ್ ಪೂತ್ತ ಪೂಜೆ ನಡಪರೆ ಉಂಡು. ಫೆ.24 ಸುಕ್ರಾರ ಬೊಲ್ಪುಗು ಮಹಾಪೂಜೆ, ಬಲಿ ಪಿದಾಡಿಯೆರೆ, ಪಗೆಲ್ ತೇರ್ ಒಯಿಪೆರೆ ಉಂಡು. ಬೊಕ್ಕ ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ಫೆ.25 ಸನಿಯಾರ ಬೊಲ್ಪುಗು ತುಲಾಭಾರ, ಬಲಿ ಪಿದಾಡ್ ದ್ ಓಕುಳಿ, ಕಟ್ಟೆಪೂಜೆ, ತೇರ್ ಒಯಿಪೆರೆ ಉಂಡು. ಬೊಕ್ಕ ಕೊಡಿ ಜಾವೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್, ಅರ್ಚಕ ವೃಂದ, ಸಿಬ್ಬಂದಿ ವರ್ಗ ಬೊಕ್ಕ ಚೌಕ ಗ್ರಾಮದ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಕಾಂತಾರ ಪಿಕ್ಚರ್ ದ ನಟೆ, ನಿರ್ದೇಶಕೆರ್ ರಿಷಬ್ ಶೆಟ್ರ್ ಈ ವರ್ಷದ ದಾದಾ ಸಾಹೇಬ್ ಫಾಲ್ಕೆ ಚಲನಚಿತ್ರೋತ್ಸವ ಪ್ರಶಸ್ತಿಗ್ ಆಯ್ಕೆ ಆತೆರ್.
ಫೆ.20 ಕ್ ಬೊಂಬೈದ ತಾಜ್ ಲ್ಯಾಂಡ್ಸ್ ಎಂಡ್ ಹೋಟೆಲ್ ಡ್ ಪ್ರಶಸ್ತಿ ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ಪ್ರಶಸ್ತಿ ಸಮಿತಿದ ಸಿಇಒ ಅಭಿಷೇಕ್ ಮಿಶ್ರಾ ತೆರಿಪಾದೆರ್.
Rishab Shetty selected for Dada Saheb Phalke Award
Director and Actor of the super hit movie “Kantara” will be presented with this year’s Dada Saheb Palke Film festival award on February 20thsaid Abishek Mishra CEO of the Awards Sàmithi.
ಮುಲ್ಕಿ : ಎಳತ್ತೂರುದ ಬಾಕ್ಯಾರಕೋಡಿ ದೇರಬೆನ್ನಿ ಶ್ರೀ ಕಾಂತಾಬಾರೆ ಬೂದಾಬಾರೆ ಗರಡಿಡ್ ಮಂಚ ಪ್ರತಿಷ್ಠೆ ಬ್ರಹ್ಮಕಲಶಾಭಿಷೇಕ ಬೊಕ್ಕ ಬಂಡಿದ ನೇಮ ಉಚ್ಚಯ ಫೆ.22-25 ಮುಟ್ಟ ನಡಪರೆ ಉಂಡು.
ಫೆ.22 ಬುಧಾರ ಬಯ್ಯಗ್ ಸಾಮೂಹಿಕ ಪ್ರಾರ್ತನೆ, ತೋರಣ ಮೂರ್ತ, ಉಗ್ರಾಣ ಮೂರ್ತ, ವಾಸ್ತು ಹೋಮ, ವಾಸ್ತು ಪೂಜೆ, ವಾಸ್ತು ಬಲಿ ನಡಪರೆ ಉಂಡು. ಫೆ.23 ಬೊಲ್ಪುಗು ಶ್ರೀ ಕಾಂತಾಬಾರೆ ಬೂದಾಬಾರೆ ಮಂಚಪ್ರತಿಷ್ಠೆ, ಗುಡ್ಡೆ ಜುಮಾದಿ, ಜಾರಂದಾಯ ಬಂಟ ಪರಿವಾರ ದೈವೊಲೆನ ಸಾನಿಧ್ಯ ಕಲಶಾಭಿಷೇಕ ನಡಪರೆ ಉಂಡು. ಬೊಕ್ಕ ರಾತ್ರೆ ಶಾರದಾ ಆರ್ಟ್ಸ್ ಕೂಟದ ಐಸಿರಿ ಕಲಾವಿದೆರ್ ಮಂಜೇಶ್ವರ ಮೊಕ್ಲೆರ್ದ್ ಮಲ್ಲ ಸಂಗತಿಯೇ ಅತ್ತ್ ತುಳು ನಾಟಕ ನಡಪರೆ ಉಂಡು. ಫೆ.24 ಕ್ಕ್ ಕಾಂತಾಬಾರೆ ಬೂದಾಬಾರೆ ಮೂರ್ತಿ ಪ್ರತಿಷ್ಠೆ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ ಆದ್ ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಗುಡ್ಡೆ ಜುಮಾದಿ, ಜಾರಂದಾಯ ಬಂಟ ದೈವೊಲೆನ ದರ್ಶನ ದರ್ಶನ ಸೇವೆ ಆದ್ ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಕಾಂತಾಬಾರೆ ಬೂದಾಬಾರೆ ಅಗೇಲ್ ಸೇವೆ ಬೊಕ್ಕ ಗುಡ್ಡೆ ಜುಮಾದಿ, ಜಾರಂದಾಯ ಬಂಟ ದೈವೊಲೆನ ತುಡರ ಬಲಿ ತಂಬಿಲ ಸೇವೆ ನಡಪರೆ ಉಂಡು. ಫೆ.25 ಕ್ಕ್ ಬಯ್ಯಗ್ ಮೈಸಂದಾಯ ದೈವೊದ ನೇಮ, ರಾತ್ರೆ ಗುಡ್ಡೆ ಜುಮಾದಿ, ಜಾರಂದಾಯ ಬಂಟ ದೈವೊಲೆನ ಗಗ್ಗರ ಸೇವೆ, ಪಂಜುರ್ಲಿ ದೈವೊದ ಎಣ್ಣೆ ಬೂಲ್ಯ, ಗುಡ್ಡೆ ಜುಮಾದಿ ಜಾರಂದಾಯ ಬಂಟ ದೈವೊದ ಬಂಡಿ ಉಚ್ಚಯ, ಪಂಜುರ್ಲಿ ದೈವೊದ ನೇಮ, ಮಾಯಾಂದಲ್ ದೈವೊದ ನರ್ತನ ಸೇವೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಮನೋಜ್ ಪೂಜಾರಿ ದೇರಬೆನ್ನಿ ಗರಡಿ, ದೇರಬೆನ್ನಿ ಗರಡಿದ ಅಧ್ಯಕ್ಷೆರ್, ಸದಸ್ಯೆರ್ ಬೊಕ್ಕ ಕಾರ್ಯನಿರ್ವಹಣ ಸಮಿತಿದಕುಲು ಲೆಪ್ಪೋಲೆಡ್ ತೆರಿಪಾದೆರ್.
ನರಮಾನಿನಲೆಕ್ಕನೇ ಪ್ರಾಣಿದ ನೆತ್ತೆರ್ ಲ ಕೆಂಪು ಇಪ್ಪುಂಡು. ಆಂಡ ಹಾರ್ಸ್ ಶೂ ಪನ್ಪಿನ ಪುದರ್ ದ ದೆಂಜಿದ ನೆತ್ತೆರ್ ದ ಬಣ್ಣ ಮಾತ್ರ ನೀಲಿ!!.
ಈ ದೆಂಜಿದ 1 ಲೀಟರ್ ನೆತ್ತೆರ್ ಗ್ ಸುಮಾರ್ 11 ಲಕ್ಷ ರೂ. ಉಂಡು. 1970 ರ್ದ್ ವಿಜ್ಞಾನಿಲು ಮರ್ದ್ ತಯಾರ್ ಮಲ್ಪೆರೆ ಈ ದೆಂಜಿದ ನೆತ್ತೆರ್ ನ್ ಗಲಸೊಂದು ಉಲ್ಲೆರ್. ಈ ದೆಂಜಿದ ನೆತ್ತೆರ್ ಡ್ ಬೊಲ್ದು ನೆತ್ತೆರ್ ದ ಕಣ ಎಚ್ಚ ಉಂಡು. ಈ ಜೀವಿ ಅಂದಾಜಿ 45 ಕೋಟಿ ವರ್ಷೊರ್ದಿಂಚ ಭೂಮಿದ ಮಿತ್ತ್ ಉಂಡು. ಉಂದು ಪುಣ್ಣಮೆದಾನಿ ಮಾತ್ರ ನೀರ್ ರ್ದ್ ಪಿದಾಯಿ ಬರಿಕ್ ಬರ್ಪುಂಡು.
ಕಾಪು: ಪಾಂಗಾಳಡ್ ಡಿ.5 ಕ್ಕ್ ಶರತ್ ಶೆಟ್ರೆನ್ (39) ಕೆರ್ತಿನ ಕೇಸ್ ದ 4 ಜನ ಆರೋಪಿಲೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಕುಳಾಯಿದ ದಿವೇಶ್ ಶೆಟ್ಟಿ (20), ಲಿಖಿತ್ ಕುಲಾಲ್ (21), ಕುಡ್ಲದ ಆಕಾಶ್ ಕರ್ಕೇರ (24) ಬೊಕ್ಕ ಪ್ರಸನ್ನ ಶೆಟ್ಟಿ (40) ಈ ಕೇಸ್ ಡ್ ಅರೆಸ್ಟ್ ಆಯಿನಕುಲು ಪಂದ್ ತೆರಿದ್ ಬೈದ್ಂಡ್. ಬೊಕ್ಕ ಒಡಿಪು ಎಸ್ಪಿ ಕಚೇರಿಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್ ಅಕ್ಷಯ್ ಹಾಕೇ ಮಚ್ಚೀಂದ್ರ ಮೇರ್ ಕೇಸ್ ದ ಬಗೆಟ್ ಪೊಲಬು ಕೊರಿಯೆರ್. ದಿವೇಶ್ ಬೊಕ್ಕ ಲಿಖಿತ್ ನ್ ಇನಿ ಒಡಿಪುದ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು. ಆಕಾಶ್ ಬೊಕ್ಕ ಪ್ರಸನ್ನ ಶೆಟ್ಟಿನ್ ಎಲ್ಲೆ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು ಪಂದ್ ಪಂಡೆರ್.
Four persons arrested in connection with the murder of Sharath Shetty
Udupi: Four persons accused in the murder of Sharath Shetty (39) were arrested.The incident had taken place in Pangala on December 5th.
ಶ್ರೀ ಸಿದ್ಧೇಶ್ವರ ಅನ್ನದಾತ ಅಪ್ಪಾಜಿ, ಐಲೇಸಾ ದಿ ವಾಯ್ಸ್ ಆಫ್ ಓಷನ್, ಬೀಡು ಫೌಂಡೇಶನ್, ಬೊಂಬೈ ಬೆಂಗ್ಲೂರ್ ನೆತ್ತ ಒಟ್ಟುಸೇರಿಗೆಡ್ ಶಿವರಾತ್ರಿದ ನಿಲೆಟ್ಟ್ “ಹಸಿರು ಬೆಟ್ಟದ ಒಡೆಯ” ಪನ್ಪಿನ ಅಯ್ಯಪ್ಪ ಸ್ವಾಮಿನ ಭಕ್ತಿ ಗೀತೆ ಫೆ.18 ಸನಿಯಾರ ಬೊಂಬೈದ ಶ್ರೀ ಸಿದ್ಧೇಶ್ವರ ದೇವಲ್ಯದ ಅಪ್ಪಾಜಿ ಬೀಡು ಮಧುಸೂದನ ಮಿಲ್ಸ್ ದ ಚಾವಡಿಡ್ ಬುಡುಗಡೆ ಆವೆರೆ ಉಂಡು.
ಈ ಬುಡುಗಡೆ ಲೇಸ್ ದ ಗುರ್ಕಾರ್ಮೆನ್ ಬೊಂಬೈ ಅಪ್ಪಾಜಿ ಬೀಡುದ ಸಂಸ್ಥಾಪಕೆರ್ ರಮೇಶ್ ಗುರುಸ್ವಾಮಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಬೆಂಗ್ಲೂರ್ ದ ಸಾಹಿತಿ ಶಾಂತಾರಾಮ್ ಶೆಟ್ಟಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಬೆಂಗ್ಲೂರ್ ರಿಲಯನ್ಸ್ ರಿಟೇಲ್ ಪ್ರಬಂಧಕೆರ್ ಗೋಪಾಲ್ ಪಟ್ಟೆ ಉಲ್ಲೆರ್. ಬೊಂಬೈ ಮಾಟುಂಗ ರಾಜಮಣಿ ಗುರುಸ್ವಾಮಿ ಭಕ್ತಿ ಗೀತೆನ್ ಬುಡುಗಡೆ ಮಲ್ಪುವೆರ್. ಬೊಕ್ಕ ಆಶೀರ್ವಚನನ್ ಬೊಂಬೈ ಇನ್ನಂಜೆ ಚಂದ್ರಹಾಸ ಗುರುಸ್ವಾಮಿ ಕೊರಿಯೆರೆ ಉಲ್ಲೆರ್. ಈ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಬೊಂಬೈ ಶ್ರೀ ಅಪ್ಪಾಜಿ ಬೀಡು ಫೌಂಡೇಶನ್ ದ ಆಡಳಿತ ವಿಶ್ವಸ್ಥೆರ್ ಶಾಂಭವಿ ಆರ್ ಗುರುಸ್ವಾಮಿ, ಅಧ್ಯಕ್ಷೆರ್ ಸಂತೋಷ್ ವಿ. ಶೆಟ್ಟಿ, ವಿಶ್ವಸ್ಥೆರ್, ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿ, ಮಹಿಳಾ ವಿಭಾಗ ಬೊಕ್ಕ ಟೀಂ ಐಲೇಸಾ, ಐಲೇಸಾ ದಿ ವಾಯ್ಸ್ ಆಫ್ ಓಷನ್ ದ ಸ್ಥಾಪಕಾಧ್ಯಕ್ಷೆರ್ ರಮೇಶ್ಚಂದ್ರ ಲೆಪ್ಪೋಲೆಡ್ ತೆರಿಪಾದೆರ್.
