2023

Biruver Kudla(R) ; Mulki unit 68th Seva Yojan program ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ 68ನೇ ಸೇವಾ ಯೋಜನೆ ಪಟ್ಟುನ ಲೇಸ್

ಮುಲ್ಕಿ : ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್ ಮೆರೆನ ಮುತಾಲಿಕೆಡ್ ನಡಪುನ 68 ನೇ ಸೇವಾ ಯೋಜನೆದ ಪನವುದ ಸಕಾಯ ಪಟ್ಟುನ ಲೇಸ್ ಇಂಚೊಗು ನಡತ್ಂಡ್.

ಫೆಬ್ರವರಿ ತಿಂಗೊಲ್ದ 68ನೇ ಸೇವಾ ಯೋಜನೆನ್ ಚಿತ್ರಾಪು ಗ್ರಾಮದ ಗಂಗಾಧರ್ ಪೂಜಾರಿ ಮೆರೆನ ಹೃದಯ ಕಾಯಿಲೆ ಚಿಕಿತ್ಸೆಗ್ ಪನವುದ ಸಕಾಯದ ಚೆಕ್ ನ್ ಕೊರಿಯೆರ್. ಈ ಪೊರ್ತುಡು ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್, ಕಾರ್ಯದರ್ಶಿ ಗಿರಿಧರ್ ಅಮೀನ್, ಕೋಶಾಧಿಕಾರಿ ಅಶೋಕ್ ಸುವರ್, ಉಪಾಧ್ಯಕ್ಷೆರಾಯಿನ ಉಮೇಶ್ ಮಾನಂಪಾಡಿ, ಜೊತೆ ಕಾರ್ಯದರ್ಶಿ ಕೇಶವ ಸುವರ್ಣ, ನವೇಶ್ ಮೊಕುಲು ಮಾತ ಇತ್ತೆರ್.

American Edwin Castro wins 16,500 crores in a lottery 16,500 ರೂ. ಕೋಟಿ ಲಾಟರಿ ಗೆಂದಿನ ಅಮೆರಿಕದ ಎಡ್ವಿನ್ ಕ್ಯಾಸ್ಟ್ರೋ..!

ಅಮೆರಿಕದ ಎಡ್ವಿನ್ ಕ್ಯಾಸ್ಟ್ರೋ ಪನ್ಪುನ ಜನ ಪವರ್ ಬಾಲ್ ಜಾಕ್ ಪಾಟ್ ಲಾಟರಿಡ್ 16,500 ರೂ. ಕೋಟಿ ಗೆಂದ್ ದೆರ್.

ಉಂದು ಅಮೆರಿಕದ ಇತಿಹಾಸಡೇ ಮಲ್ಲ ಕಾಸ್ ಆತ್ಂಡ್. ಕರಿನ ನವೆಂಬರ್ ಡ್ 180 ರೂ. ಕೊರ್ದು ಲಾಟರಿ ದೆತೊಂದು ಇತ್ತೆರ್. ಗೆಂದಿನ ಬೊಕ್ಕ ಪ್ರತಿಕ್ರಿಯೆ ಕೊರ್ನ ಎಡ್ವಿನ್, ಈತೊಂಜಿ ಕಾಸ್ ಗೆಂದಿನೆಕ್ಕ್ ಶಾಕ್ ಆತ್ಂಡ್ ಪಂದ್ ಪಂಡೆರ್. ನಿಯಮದ ಪ್ರಕಾರ ಆರೆಗ್ 8 ಸಾರ ಕೋಟಿ ಮಾತ್ರ ತಿಕಿಯೆರೆ ಉಂಡು. ಒರಿನ ಕಾಸ್ ಹಂತ ಹಂತವಾದ್ ತಿಕ್ಕುಂಡು.

American Edwin Castro wins 16,500 crores in a lottery

American Edwin Castro has won 16,500 crores in Powerball Jackpot lottery.This is said to be the largest amount in American history.He had bought this lottery ticket last November and said he was shocked and ecstatic when he got the news.

PM Narandra Modi to inaugurate Aadhi Mahotsav in New Delhi ಇನಿ ಡೆಲ್ಲಿಡ್ ಆದಿ ಉಚ್ಚಯದ ಉದಿಪನ ಮಲ್ಪೆರೆ ಉಲ್ಲೆರ್ ಪ್ರಧಾನಿ ಮೋದಿ

ಇನಿ ಡೆಲ್ಲಿದ ಮೇಜರ್ ಧ್ಯಾನ್ ಚಂದ್ ರಾಷ್ಟ್ರೀಯ ಕ್ರೀಡಾಂಗಣಡ್ ಪ್ರಧಾನಿ ಮೋದಿ ಆದಿ ಉಚ್ಚಯನ್ ಉದಿಪನ ಮಲ್ಪೆರೆ ಉಲ್ಲೆರ್.

ಈ ಲೇಸ್ ದ ಬುಡಕಟ್ಟು ಸಂಸ್ಕೃತಿ, ಕರಕುಶಲ, ಅಟಿಲ್ ದ ಪದ್ಧತಿ, ವಾಣಿಜ್ಯ ಬೊಕ್ಕ ಸಾಂಪ್ರದಾಯಿಕ ಕಲೆನ್ ಪ್ರದರ್ಶನ ಮಲ್ಪೆರೆ ಆಪುಂಡು. ಫೆ.16 ರ್ದ್ 27 ಮುಟ್ಟ ಆಯೋಜನೆ ಮಲ್ತಿನ ಈ ಲೇಸ್ ಡ್ 200 ಮಳಿಗೆಲೆನ ಮುಖೇನ ಬುಡಕಟ್ಟು ಪರಂಪರೆ ಬುಡುಗಡೆ ಆಪುಂಡು. ಸುಮಾರ್ 1 ಸಾರ ಬುಡಕಟ್ಟು ಕುಶಲಕರ್ಮಿಲು ಪಾಲ್ ಪಡೆಯೆರೆ ಉಲ್ಲೆರ್.

PM Narandra Modi to inaugurate Aadhi Mahotsav in New Delhi

The PM will inaugurate the Aadi Mahotsav in Major Gyanchand National Grounds in New Delhi today.
It is a celebration of Tribal crafts, culture,cuisine and commerce.The fair will continue till 27th February.

39 refugees die in an accident in Panama ಅಮೆರಿಕದ ಪನಾಮಡ್ ಬಸ್ ಆಕ್ಸಿಡೆಂಟ್ ಆದ್ ತೀರ್ ಪೋಯೆರ್ 39 ಜನ

ಡ್ರೈವರ್ ನ ಕೈ ತತ್ತ್ ದ್ ಬಸ್ ಗುಡ್ಡೆರ್ದ್ ತಿರ್ತ್ ಬೂರ್ದು 39 ಜನ ತೀರ್ ಪೋಯಿನ ಘಟನೆ ಅಮೆರಿಕದ ಪನಾಮಡ್ ನಡತ್ಂಡ್.

20 ಜನಕ್ ಮಸ್ತ್ ಪೆಟ್ಟಾದ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಕೊಲಂಬಿಯಾರ್ದ್ ಕಲ್ವ ತಾದಿಡೆ ಪನಾಮಗ್ ಬತ್ತಿನ ಜನನ್ ಶಿಬಿರಗ್ ಲೆತೊಂದು ಪೋನಗ ಈ ಆಕ್ಸಿಡೆಂಟ್ ಆತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

39 refugees die in an accident in Panama

Refugees from Columbia who had smuggled into Panama were being taken to a camp when the bus they were travelling in, met with an accident. 20 persons were seriously injured and are being treated.

Aero india – 80,000 crores worth deal signed ಏರೋ ಇಂಡಿಯಾಡ್ 80,000 ಕೋಟಿ ರೂ.ದ ಒಪ್ಪಂದ

ಏರೋ ಇಂಡಿಯಾಗ್ ಈ ಸರ್ತಿ ಮಲ್ಲ ಯಶಸ್ಸ್ ತಿಕ್ ದ್ಂಡ್.

ಲಡಾಯಿದ ಇಮಾನಲೆನ ಪ್ರದರ್ಶನದ ಪೊರ್ತುಡು ಬೇತೆ ಬೇತೆ ಕಂಪೆನಿದ ನಡುಟ್ಟು 266 ಸಹಭಾಗಿತ್ವ, 201 ಒಪ್ಪಂದ ಬೊಕ್ಕ 53 ಘೋಷಣೆ ಸೇರಿನಂಚನೆ ಸುಮಾರ್ 80000 ಕೋಟಿ ರೂ. ದ ಒಪ್ಪಂದ ಆತ್ಂಡ್. ಕರಿನ ಸರ್ತಿ ಉಂದು 55000 ಕೋಟಿ ರೂ. ಆತ್ಂಡ್. 2900 ಕೋಟಿಗ್ ಎಚ್ಚ 32 ಒಪ್ಪಂದಲೆಗ್ ಕರ್ನಾಟಕದ ಸಾರ್ವಜನಿಕ ವಲಯದ ಉದ್ದಿಮೆಲು ಸೈನ್ ಮಲ್ದ್ಂಡ್.

Aero india – 80,000 crores worth deal signed

Aero India 2023 has been a roaring success.Deals have been signed, partnership declared and many new projects have been announced.Sources say deals worth 80,000 crore have been signed while it was 55,000 crore at the previous show.
32 deals are in the Karnataka public sector.

Dr Vijetha S Shetty to represent in Women’s delegation of the 67th session of United Nations on Women’s day at New York ವಿಶ್ವಸಂಸ್ಥೆದ 67ನೇ ಅಧಿವೇಶನ್ ಗ್ ಡಾ.ವಿಜೇತಾ ಎಸ್. ಶೆಟ್ಟಿ ಆಯ್ಕೆ

ಬೊಂಬೈ: ನ್ಯೂಯಾರ್ಕ್‌ದ ವಿಶ್ವಸಂಸ್ಥೆ ಪ್ರಧಾನ ಕಚೇರಿಡ್ ಮಾರ್ಚ್ 6-17 ಮುಟ್ಟ ನಡಪರೆ ಇಪ್ಪುನ ಅಂತರಾಷ್ಟೀಯ ಮಹಿಳಾ ದಿನಾಚರಣೆದಾನಿ ಭಾರತ ದೇಶದ ಶಿಕ್ಷಣ ಪದ್ದತಿ ಬಗೆಟ್ “ಕಮಿಷನ್ ಆನ್ ದಿ ಸ್ಟೇಟಸ್ ಆಫ್ ವಿಮೆನ್” (ಮಹಿಳಾ ಅಂತಸ್ತು ಆಯೋಗ) (CSW67) ದ 67ನೇ ಅಧಿವೇಶನಗ್ ಇಂಡಿಯನ್ ಡೆವಲಪ್‌ಮೆಂಟ್ ಫೌಂಡೇಶನ್ ದ ಪ್ರತಿನಿಧಿಯಾದ್ ಡಾ. ವಿಜೇತಾ ಎಸ್. ಶೆಟ್ಟಿ ಆಯ್ಕೆ ಆತೆರ್.

ಮೇರ್ ದೇಶದ 20 ಜನ ಪ್ರತಿನಿಧಿಲೆಡ್ ಕುಡ್ಲದ ಮುಖೇನ ಆಯ್ಕೆ ಆತೆರ್. ಈ ಮಹಿಳಾ ಆಯೋಗದ 67 ನೇ ಅಧಿವೇಶನ ವಿಶ್ವಸಂಸ್ಥೆದ ಆರ್ಥಿಕ ಬೊಕ್ಕ ಸಾಮಾಜಿಕ ಮಂಡಳಿದೊಟ್ಟಿಗೆ (ECOSOC) ಸಮಾಲೋಚನಾ ಸ್ಥಿತಿಡ್ ಇಪ್ಪುನ NGO ಲೆನ ಪ್ರತಿನಿಧಿಯಾದ್ ಮೇರ್ ಅಧಿವೇಶನಡ್ ಪಾಲ್ ಪಡೆಯೆರೆ ಉಲ್ಲೆರ್. ಗೋರೆಗಾಂವ್ ಪಶ್ಚಿಮದ ವಿವೇಕ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಮೇರ್ ಎಲ್ಯ ಪ್ರಾಯಡೇ ಶೈಕ್ಷಣಿಕ ಕ್ಷೇತ್ರಡ್ ಸುಮಾರ್ ಪದವಿ ಪಡೆದ್ ಶಿಕ್ಷಣ ಕ್ಷೇತ್ರಡ್ ಸಂದಾವೊಂದು ಇಪ್ಪುನ ಸೇವೆನ್ ಗುರುತಿಸಾದ್ ಇಂಡಿಯನ್ ಡೆವಲಪ್‌ಮೆಂಟ್ ಫೌಂಡೇಶನ್ ಮೆರೆಗ್ ಈ ಗೌರವ ಕೊರ್ತುಂಡು. ಬೊಂಬೈ ವಿಶ್ವವಿದ್ಯಾಲಯಡ್ ಬಿ.ಕಾಂ., ಎಂ.ಕಾಂ, ಪಿ. ಎಚ್.ಡಿ. ಅತ್ತಂದೆ ಪಿ.ಎಚ್.ಡಿ., ಎಮ್.ಫಿ.ಎಲ್., ಮಾರ್ಗದರ್ಶನನ್ ಸುಮಾರ್ ಕಲ್ಪಾರ್ಥಿಲೆಗ್ ಕೊರ್ತೆರ್. 29 ವರ್ಷೊರ್ದ್ ಎಚ್ಚ ಕಾಲ ಶಿಕ್ಷಕಿಯಾದ್ ಅನುಭವ ಪಡೆಯಿನ ಮೇರ್ 4 ಅಂತರಾಷ್ಟೀಯ ಮಟ್ಟದ ಬೊಕ್ಕ 2 ರಾಷ್ಟ್ರೀಯ ಮಟ್ಟದ ಗ್ರಂಥಲೆನ್ ಬರೆತೆರ್. ಮೇರ್ ಬರೆಯಿನ‌ “ದಿ ಎಕ್ಸಿಸ್ಟೆನ್ಸ್ ಆಫ್ ಬ್ರಾಂಡ್ ಲಾಯಲ್ಟಿ ಅಮಂಗ್ ವಿಮೆನ್ ಕನ್ಸೂಮರ್ಸ್-ಎನ್ ಎಂಪೀರಿಕಲ್ ಸ್ಟಡಿ” ಬೊಕ್ಕ ಬೇತೆ ಬೂಕುಲು ಅಮೆಜಾನ್‌ ಡ್ ತಿಕ್ಕುಂಡು. ಅತ್ತಂದೆ ಮಸ್ತ್ ಸಂಶೋಧನಾ ಯೋಜನೆ ಸಂದಾಯಿನ ಮೇರ್ ಸುಮಾರ್ ಸೆಮಿನಾರ್ ಲೆಡ್ ಪಾಲ್ ಪಡೆತೆರ್. ಬೊಕ್ಕ ಸುಮಾರ್ ಪ್ರಶಸ್ತಿ ಪುರಸ್ಕಾರಲೆನ್ ಪಡೆತೆರ್. ಪೇಜಾವರ ಚಿಕ್ಕ ಪೆರಾರಿ ದಿ. ವಿಶ್ವನಾಥ ಶೆಟ್ಟಿ ಬೊಕ್ಕ ಮೂಳೂರು ಕಂಕಣಗುತ್ತು ಶಾರದಾ ಶೆಟ್ಟಿ ದಂಪತಿಲೆನ ಮಗಲ್ ಆಯಿನ ಮೇರ್ ಬಂಟರ ಸಂಘ ಬೊಂಬೈದ ಮಾಜಿ ಪ್ರಧಾನ ಕಾರ್ಯದರ್ಶಿ ಸಿಎ ಸಂಜೀವ ಶೆಟ್ರೆನ ಬೊಡೆದಿ. ಮೆರೆಗ್ ಒರ್ತಿ ಮಗಲ್ ಸಿಎ ಮಿಖಿತಾ ಎಸ್ ಶೆಟ್ಟಿ ಉಲ್ಲೆರ್.

Dr Vijetha S Shetty to represent in Women’s delegation of the 67th session of United Nations on Women’s day at New York

Mumbai : At the 67 th session of the United Nations to be held from 6-17 th March to commemorate Womens’ day ; to be held at United Nations head office in New York Dr Vijetha S Shetty will represent Indian Development Foundation to constitute Indian Education System’s “Commission on the status of women”.
(CSW67)

She is the principal of Vivek College , Mumbai with more than 29 years experience in the field of education.

February 22nd -24th: Shri Dharma Arasu, Shri Kukkinantaya, Shri Kodamantaya, Shri Brahmabaidarkala Kshetra- Belvai- Annual Jatra ಫೆ.22-24: ಬೆಳುವಾಯಿ ಶ್ರೀ ಧರ್ಮ ಅರಸು, ಶ್ರೀ ಕುಕ್ಕಿನಂತಾಯ, ಶ್ರೀ ಕೊಡಮಂದಾಯ, ಶ್ರೀ ಬ್ರಹ್ಮಬೈದರ್ಕಳ ಕ್ಷೇತ್ರದ ವರ್ಷಾಧಿದ ಜಾತ್ರೆ

ಬೆದ್ರ: ಬೆಳುವಾಯಿ ಗ್ರಾಮ ಸಮಾಜ ಸೇವಾಭಿವೃದ್ಧಿ ಸಮಿತಿದ ಮುತಾಲಿಕೆಡ್ ಬೆಳುವಾಯಿ ಶ್ರೀ ಧರ್ಮ ಅರಸು, ಶ್ರೀ ಕುಕ್ಕಿನಂದಾಯ, ಶ್ರೀ ಕೊಡಮಂದಾಯ, ಶ್ರೀ ಬ್ರಹ್ಮಬೈದರ್ಕಳ ಕ್ಷೇತ್ರದ ವಾರ್ಷಧಿದ ಜಾತ್ರೆ ಫೆ.22-24 ಮುಟ್ಟ ನಡಪರೆ ಉಂಡು.

ಫೆ.22 ಬುಧಾರ ಭಂಡಾರ ಪಿದಾಡ್ ದ್, ಶ್ರೀ ಕ್ಷೇತ್ರಗ್ ಬರ್ಪುಂಡು. ರಾತ್ರೆ ಕೊಡಿ ಏರುಂಡು. ಅನ್ನಸಂತರ್ಪಣೆ ನಡಪರೆ ಉಂಡು. ಬೊಕ್ಕ ಶ್ರೀ ಧರ್ಮರಸು ದೈವೊದ ನೇಮ, ಶ್ರೀ ಕುಕ್ಕಿನಂದಾಯ, ಶ್ರೀ ಕೊಡಮಂದಾಯ ದೈವೊದ ನೇಮ ನಡಪರೆ ಉಂಡು. ಫೆ.23 ಗುರುವಾರ ಶ್ರೀ ಬ್ರಹ್ಮ ಬೈದರ್ಕಳ ತರ್ ಸಲೆ ಪಿದಡುಂಡು. ಬೊಕ್ಕ ಸಾರ್ವಜನಿಕ ಅನ್ನಸಂತರ್ಪಣೆ ಆದ್ ಶ್ರೀ ಬ್ರಹ್ಮಬೈದರ್ಕಳ ನೇಮ ನಡಪರೆ ಉಂಡು. ಫೆ.24 ಸುಕ್ರಾರ ಶ್ರೀ ಮಾಯಂದಾಲೆ ದೇವಿನ ನೇಮ ಆದ್ ಕೊಡಿ ಜಾವರೆ ಉಂಡು. ಬೊಕ್ಕ ದೈವೊಲೆನ ಭಂಡಾರ ಪೋಪುಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಮಾಲಾಡಿಬೀಡು ಅಧ್ಯಕ್ಷೆರ್ ಹರ್ಷವರ್ಮ ಹೆಗ್ಡೆ, ಗೌರವಾಧ್ಯಕ್ಷೆರ್, ಉಪಾಧ್ಯಕ್ಷೆರ್, ಕೋಶಾಧಿಕಾರಿ, ಜೊತೆ ಕಾರ್ಯದರ್ಶಿ, ಪ್ರಧಾನ ಪುರೋಹಿತೆರ್ ಲೆಪ್ಪೋಲೆಡ್ ತೆರಿಪಾದೆರ್.

Indian Intelligence Agency calls for 1675 vacancies ಭಾರತೀಯ ಗುಪ್ತಚರ ಇಲಾಖೆಡ್ 1675 ಬೇಲೆ

ಭಾರತೀಯ ಗುಪ್ತಚರ ಇಲಾಖೆಡ್ (ಇಂಟೆಲಿಜೆನ್ಸ್‌ ಬ್ಯೂರೋ) ಖಾಲಿ ಇಪ್ಪುನ 1675 ಬೇಲೆಗ್ ಅರ್ಜಿ ಪಾಡೊಲಿ.

ಈ ಇಲಾಖೆಡ್ ಸೆಕ್ಯುರಿಟಿ ಅಸಿಸ್ಟೆಂಟ್ ಆದ್ 1525 ಬೇಲೆ ಬೊಕ್ಕ ಎಂಟಿಎಸ್ ಆದ್ 150 ಪೋಸ್ಟ್ ಖಾಲಿ ಉಂಡು. ಅರ್ಜಿ ಪಾಡುನಕುಲು 10 ನೇ ಕ್ಲಾಸ್ ಪಾಸ್ ಆದಿಪ್ಪೊಡು. ಅರ್ಜಿ ಪಾಡಿಯೆರೆ ಅಕೇರಿದ ತಾರೀಕ್ ಫೆ. ‌17. ವೆಬ್ ಸೈಟ್: mha.gov.in

Indian Intelligence Agency calls for 1675 vacancies

Indian Intelligence Agency has called for application to 1675 posts that will be filled in . The last date to send in applications is February 17 th.
For more information log on to: mha.gov.in.

Radio Manipal to air program giving information about Waste Management ರೇಡಿಯೊ ಮಣಿಪಾಲ್ ಡ್ ತ್ಯಾಜ್ಯ ನಿರ್ವಹಣೆದ ಸವಾಲ್ ಬಗೆಟ್ಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.15 ಬುಧಾರ ಬಯ್ಯಗ್ 6 ಗಂಟೆಗ್ ತ್ಯಾಜ್ಯ ನಿರ್ವಹಣೆದ ಸವಾಲ್ ಲು ಬಗೆಟ್ ಪ್ರಸಾರ ಆಂಡ್.

ಈ ಲೇಸ್ ಡ್ ಬೊಮ್ಮರಬೆಟ್ಟು ಎಸ್.ಎಲ್.ಆರ್.ಎಂ ಮೇಲ್ವಿಚಾರಕೆರ್ ಶಿಶಿರ್ ಕುಮಾರ್, ತೆಕ್ಕಟ್ಟೆ ಎಸ್.ಎಲ್.ಆರ್.ಎಂ ಮೇಲ್ವಿಚಾರಕೆರ್ ರೇವತಿ, ಬೆಳ್ಳೆ ಎಸ್.ಎಲ್.ಆರ್.ಎಂ ಮೇಲ್ವಿಚಾರಕೆರ್ ಧನಲಕ್ಷ್ಮಿ ಪಾಲ್ ಪಡೆಯೆರ್. ‌ನನ ಫೆ.16 ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Last date today to apply for Vacancies in Indian Posts ಇನಿ ರಾತ್ರೆ ಮುಟ್ಟ ಭಾರತೀಯ ಅಂಚೆಡ್ ಖಾಲಿ ಇಪ್ಪುನ ಬೇಲೆಗ್ ಅರ್ಜಿ ಪಾಡೊಲಿ

ಭಾರತೀಯ ಅಂಚೆಡ್ 40899 ಬೇಲೆ ಖಾಲಿ ಉಂಡು.

ಈ ಬೇಲೆಗ್ 10 ನೇ ಕ್ಲಾಸ್ ಪಾಸ್ ಆಯಿನಕುಲು ಬೊಕ್ಕ 40 ವರ್ಷದುಲಯಿದಕುಲು ಅರ್ಜಿ ಸಂದಾವೊಲಿ. ನೆಟ್ಟ್ ಮಲ್ಟಿ ಟಾಸ್ಕಿಂಗ್ ಸ್ಟಾಫ್, ಬ್ರಾಂಚ್ ಪೋಸ್ಟ್ ಮಾಸ್ಟರ್ (BPS), ಅಸಿಸ್ಟೆಂಟ್ ಬ್ರಾಂಚ್ ಪೋಸ್ಟ್ ಮಾಸ್ಟರ್ (ABPM) ಬೊಕ್ಕ ಡಾಕ್ ಸೇವಕ್ ಬೇಲೆಗ್ ಅರ್ಜಿ ಪಾಡೊಲಿ. ಅರ್ಜಿ ಪಾಡುನಕುಲು ಇನಿ ರಾತ್ರೆ 12 ಗಂಟೆದ ಉಲಯಿ ಪಾಡೊಡು. Indiapostgdsonline.gov.in ವೆಬ್ ಸೈಟ್ ಗ್ ಭೇಟಿ ಕೊರ್ದು ಅರ್ಜಿ ಸಂದಾವೊಲಿ.

Last date today to apply for Vacancies in Indian Posts

Today is the last day to apply for 40,899 vacant posts in Indian Posts.
Log on to Indiapostgdsonline.gov.
in website for details and applying.