2023

Person swallows tablet along with the aluminium foil – gets admitted to a hospital as it blocks his intestine ಅಲ್ಯೂಮಿನಿಯಂ ಫಾಯಿಲ್ ದೆಪ್ಪಂದೆ ದಿಂಗಿನ ಮಾತ್ರೆ ಕರ್ಲ್ ಡ್ ತಿಕೊಂದು ಆಸ್ಪತ್ರೆಗ್ ದಾಖಲ್

ಡೆಲ್ಲಿ: 61 ವರ್ಷದ ಒಂಜಿ ಜನ ಆಕಸ್ಮಿಕವಾದ್ ಅಲ್ಯೂಮಿನಿಯಂ ಬ್ಲಿಸ್ಟರ್ ಫಾಯಿಲ್ ದೆಪ್ಪಂದೆ ಮಾತ್ರೆ ದಿಂಗ್ ದ್ ಆಸ್ಪತ್ರೆಗ್ ದಾಖಲ್ ಆಯಿನ ಘಟನೆ ನಡತ್ಂಡ್.

ಮೇರ್ ದಿಂಗಿನ ಮಾತ್ರೆ ಕರ್ಲ್ ಡ್ ತಿಕೊಂದು, ಮೆರೆನ ಸ್ಥಿತಿ ಸೀರಿಯಸ್ ಆದಿತ್ತ್ಂಡ್. ಕೂಡ್ಲೆ ಡೆಲ್ಲಿದ ಸರ್ ಗಂಗಾರಾಮ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಮುಲ್ಪ ಡಾಕ್ಟರ್ ನಕುಲು ಶಸ್ತ್ರಚಿಕಿತ್ಸೆ ಮಲ್ತ್ ದ್ ಮೆರೆನ್ ಬಚಾವು ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

Person swallows tablet along with the aluminium foil – gets admitted to a hospital as it blocks his intestine

Delhi : A 61 year old man accidentally swallows a tablet along with the foil and is admitted to the hospital as it blocks his intestine.Noting the severity of his condition doctors at Sir Gangaram hospital operated on him and he is now out of danger.

March 5 th – 11th: New Brahmaratha to be offered at Shri Mrityunjaya Rudhra Somanatheswara temple, Bola ಮಾ.5-11: ಬೋಳ ಶ್ರೀ ಮೃತ್ಯುಂಜಯ ರುದ್ರ ಸೋಮನಾಥೇಶ್ವರ ದೇವಲ್ಯಡ್ ಪೊಸ ಬ್ರಹ್ಮತೇರ್ ಸಂಪ್ರೋಕ್ಷಣೆ

ಕಾರ್ಲ: ಬೋಳ ಶ್ರೀ ಮೃತ್ಯುಂಜಯ ರುದ್ರ ಸೋಮನಾಥೇಶ್ವರ ದೇವಲ್ಯಡ್ ಪೊಸ ಬ್ರಹ್ಮತೇರ್ (ಬ್ರಹ್ಮರಥ) ಸಂಪ್ರೋಕ್ಷಣೆ, ಬ್ರಹ್ಮತೇರ್ ಉಚ್ಚಯ ಬೊಕ್ಕ ಬೋಳದ ಆಯನ ಮಾ.5-11 ಮುಟ್ಟ ನಡಪರೆ ಉಂಡು.

ಬೆಳ್ಮಣ್ಣು ದೊಡ್ಡಮನೆ ಗುರುರಾಜ ತಂತ್ರಿ ಬೊಕ್ಕ ಸರ್ವೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚನೆ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬ್ರಹ್ಮರಥ ನಿರ್ಮಾಣ ಸಮಿತಿದ ಅಧ್ಯಕ್ಷೆರ್ ಬಿ. ರಾಘರಾಮ್ ಕೆ ಶೆಟ್ಟಿ, ಗೌರವಾಧ್ಯಕ್ಷೆರ್ ಸಚಿವೆರ್ ವಿ ಸುನಿಲ್ ಕುಮಾರ್, ಪರ್ತಿಮಾರಗುತ್ತು ಬಿ. ಸುಬ್ಬಯ್ಯ ವಿ. ಶೆಟ್ಟಿ, ಮರಿಮಾರಗುತ್ತು ಬಿ. ರಾಮಚಂದ್ರ ಹೆಗ್ಡೆ, ಕುಕ್ಕೆರಪರಾರಿ ನಾರಾಯಣ ಶೆಟ್ಟಿ, ಅನುವಂಶಿಕ ಆಡಳಿತ ಮೊಕ್ತೇಸರೆರ್ ವಿನಯ ಪಿ. ಶೆಟ್ಟಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

” Hasiru Bettada Odhaya” devotional song series released ಕಲಾವಿದೆ ಸೂರಿ ಮಾರ್ನಾಡ್ ಸಾಹಿತ್ಯದ ‘ಹಸಿರು ಬೆಟ್ಟದ ಒಡೆಯ’ ಭಕ್ತಿ ಸುಗಿಪು ಬುಡುಗಡೆ

ಬೊಂಬೈ: ವರ್ಲಿದ ಮಧುಸೂದನ್ ಮಿಲ್ ಕಾಂಪೌಂಡ್ ಡ್ ಉಪ್ಪುನ ಅಪ್ಪಾಜಿ ಬೀಡು ಫೌಂಡೇಶನ್‌ (ರಿ.) ಬೊಕ್ಕ ಐ ಲೇಸಾ ದಿ ವಾಯ್ಸ್‌ ಆಫ್‌ ಓಷನ್‌ (ರಿ.) ಸಂಸ್ಥೆದ ಒಟ್ಟುಸೇರಿಗೆಡ್ ಕಲಾವಿದೆರ್ ಸೂರಿ ಮಾರ್ನಾಡ್‌ ಸಾಹಿತ್ಯದ ಹಸಿರು ಬೆಟ್ಟದ ಒಡೆಯ ಭಕ್ತಿ ಸುಗಿಪುನ್ ಬುಡುಗಡೆ ಲೇಸ್ ನಡತ್ಂಡ್.

ಮಲ್ಲ ಬಿನ್ನೆರಾದ್ ಟೀಂ ಐಲೇಸಾದ ಕಬಿ, ಸಾಹಿತಿ ಶಾಂತಾರಾಮ ಶೆಟ್ಟಿ ಮೇರ್ ಪಾತೆರ್ದ್, ಕೊರೊನಾದ ಪೊರ್ತುಡು ಕಬಿತೆ ಒಂಜೆನ್ ಬರೆದಿತ್ತೆ, ಅವೆನ್ ಆತ್ಮೀಯೆರಾಯಿನ ಕೆಲವೆರ್ ಓದುದು ಅಯಿಕೊಂಜಿ ಗಟ್ಟಿತನದ ಶಕ್ತಿ ಕೊರಿಯೆರ್. ಅತ್ತಂದೆ ಕಡಲಾಯೆರೆ ದೇಶದ ದೋಸ್ತಿಲು ಅಯಿಕ್ ಸಹಕಾರ ಮಲ್ತೆರ್. ಆ ಶಕ್ತಿಯೇ ಐ ಲೇಸಾ ಕೂಟವಾದ್ ಬುಲೆಂಡ್. ಸೂರಿ ಮಾರ್ನಾಡ್ ಒರಿ ಅದ್ಭುತ ಕಲಾವಿದೆರ್, ಅಯ್ಯಪ್ಪ ಸ್ವಾಮಿ ಭಕ್ತೆರಾಯಿನ ಆರ್ ಭಕ್ತಿದ ಅನುಭವನ್ ಸಾಹಿತ್ಯಡ್ ತೂಪಾಯೆರ್. ಭಕ್ತಿ ಸುಗಿಪುನ್ ಜನಸಾಮಾನ್ಯರೆಗ್ ಎತ್ತುನವು ಬೇಲೆ ನಮ್ಮ ಮಾತೆರ್ನಾಲ ಆತ್ಂಡ್, ಅವು ಅರೆನ್ ನಮ ಕೊರ್ಪುನ ಕೊಡುಗೆ ಪಂದ್ ಪಂಡೆರ್.

ಅಂಧೇರಿ ಅಯ್ಯಪ್ಪ ಭಕ್ತ ವೃಂದದ ಸಂಸ್ಥಾಪಕೆರ್ ಚಂದ್ರಹಾಸ್ ಗುರುಸ್ವಾಮಿ ಇನ್ನಂಜೆ ಆಶೀರ್ವಚನದ ಪಾತೆರನ್ ಪಾತೆರ್ದ್, ಕಲಿಯುಗಡ್ ತೋಜುನ ದೇವೆರ್ ಪಂಡ ಅವು ಅಯ್ಯಪ್ಪ ಸ್ವಾಮಿ. ಆರೆನ್ ಭಕ್ತಿಡ್ ಸ್ಮರಣೆ ಮಲ್ತ್ಂಡ ನಮಕ್ ಆಶೀರ್ವಾದ ಮಲ್ಪುವೆರ್. ಇನಿ ಬುಡುಗಡೆ ಆಯಿನ ಈ ಭಕ್ತಿ ಸುಗಿಪುನ್ ಕೇನುನ ಮುಖೇನ ನನಾತ್ ಜನ ಆಧ್ಯಾತ್ಮಿಕದ ತಾದಿಡ್ ನಡಪಾಡ್ ಪಂದ್ ಪಂಡೆರ್.

ಭಕ್ತಿ ಸುಗಿಪುನ್ ಬುಡುಗಡೆ ಮಲ್ತಿನ ಅಪ್ಪಾಜಿ ಬೀಡುದ ಸಂಸ್ಥಾಪಕೆರ್ ರಮೇಶ್ ಗುರುಸ್ವಾಮಿ ಆಶೀರ್ವಚನ ಕೊರ್ದು, ಟೀಂ ಐಲೇಸಾದ ಕೂಟದಕ್ಲೆಗ್ ಈ ಭಕ್ತಿ ಸುಗಿಪುನ್ ವಿದೇಶಡ್ ಬುಡುಗಡೆ ಮಲ್ಪುನಾತ್ ಸಾಮರ್ಥ್ಯ ಇತ್ತ್ಂಡ್. ಆಂಡ ಅಪ್ಪಾಜಿ ಬೀಡುದ ಪುಣ್ಯ ಭೂಮಿಡ್ ಬುಡುಗಡೆ ಆವೊಡು ಪನ್ಪುನ ಅಕ್ಲೆನ ಮಾತೆರ್ನಾಲ ಭಕ್ತಿಗ್ ಕಲಿಯುಗ ವರದೆ ಅಯ್ಯಪ್ಪೆ ಏಪಲ ಮಾತೆರೆಗ್ಲ ಅನುಗ್ರಹ ಮಲ್ಪುವೆ, ಈ ಭಕ್ತಿ ಸುಗಿಪುಡ್ ಅಯ್ಯಪ್ಪ ಚಿಂತನೆ ಉಂಡು. ಸೂರಿ ಮಾರ್ನಾಡ್‌ ಸಹೋದರೆರ್ ಮಾತ ಕ್ಷೇತ್ರಡ್ಲಾ ಪರಿನಿತೆರ್. ನಮ್ಮ ಕ್ಷೇತ್ರದ ಮಿತ್ತ್ ದೀನ ಭಕ್ತಿಗ್ ಈ ಲೇಸ್ ಕೊಡುಗೆ ಆತ್ಂಡ್. ಈ ಭಕ್ತಿ ಸುಗಿಪು ಲೋಕ ಪ್ರಸಿದ್ಧಿ ಆವಡ್, ಅಯ್ಯಪ್ಪ ಸ್ವಾಮಿನ ಸ್ಮರಣೆಡ್ ದಿವ್ಯ ಶಕ್ತಿ ಉಂಡು ಪಂದ್ ಪಂಡೆರ್.

ಗೌರವ ಬಿನ್ನೆರಾದ್ ಗೋಪಾಲ್‌ ಪಟ್ಟೆ ಬೊಕ್ಕ ಯುಕೆದ ವಿವೇಕಾನಂದ ಮಂಡೆಕರ ಮೊಕ್ಲೆನ ಉಪಸ್ಥಿತಿದೊಟ್ಟಿಗೆ ಬೊಂಬೈದ ಶ್ರೇಷ್ಠ ಗುರುಸ್ವಾಮಿಲಾಯಿನ ರಮೇಶ್‌ ಗುರುಸ್ವಾಮಿ, ಶಾಂಭವಿ ಗುರುಸ್ವಾಮಿ, ರಾಜಮಣಿ ಸ್ವಾಮಿ, ಚಂದ್ರಹಾಸ ಸ್ವಾಮಿ ಬೊಕ್ಕ ರೇರೋಡಿದ ಶ್ರೀ ಅಯ್ಯಪ್ಪ ಭಕ್ತ ವೃಂದದ ಸಂಸ್ಥಾಪಕೆರ್ ಸತೀಶ್‌ ಗುರು ಸ್ವಾಮಿ, ಅಪ್ಪಾಜೀ ಬೀಡುದ ಟ್ರಸ್ಟಿ, ಮಹಿಳಾ ವಿಭಾಗ ಕಾರ್ಯಾಧ್ಯಕ್ಷೆರ್ ಕವಿತಾ ಶೆಟ್ಟಿ ಮೊಕುಲು ಮಾತ ಸೇರ್ದ್ ತುಡರ್ ಅರ್ಲಾದ್, ಭಕ್ತಿ ಸುಗಿಪು ಬುಡುಗಡೆ ಮಲ್ತ್ ದ್, ಆಶಿರ್ವಾದ ಮಲ್ತೆರ್.

ಈ ಲೇಸ್ ಡ್ ಪಾಲ್ ಪಡೆಯಿನ ಸ್ವಾಮೀಜಿ ನಕ್ಲೆಗ್ ಗುರುಕಾಣಿಕೆ ಕೊರ್ದು ಸೂರಿ ಮಾರ್ನಾಡು ದಂಪತಿಲು ಗೌರವಿಸಾಯೆರ್. ಭಕ್ತಿ ಸುಗಿಪು ಪದ ಪಂಡಿನಕ್ಲೆಗ್ ತಾಂತ್ರಿಕ ವರ್ಗದಕ್ಲೆಗ್ ಪಲಕ ಕೊರ್ದು ಮಾನಾದಿಗೆ ಮಲ್ತೆರ್. ಶಕುಂತಲಾ ಶೆಟ್ಟಿ ಮೇರ್ ಹಸಿರು ಬೆಟ್ಟದ ಸಾಹಿತ್ಯ, ಸಂಗೀತ, ಪದ ಪಂಡಿನಕ್ಲೆನ ಬಗ್ಗೆ ತೆರಿಪಾಯೆರ್.

ಭಕ್ತಿ ಸುಗಿಪುದ ಸಾಹಿತ್ಯ ಬರೆಯಿನ ಸೂರಿ ಬೊಕ್ಕ ಆರೆನ ಪರಿವಾರಗ್ ತಮ್ಮನ ಮಲ್ತೆರ್. ಬೊಕ್ಕ ಈ ಲೇಸ್ ಗ್ ಅನು ಕೊರ್ನ ಅಪ್ಪಾಜಿ ಬೀಡು ಫೌಂಡೇಶನ್ ದ ಸ್ಥಾಪಕೆರ್, ಅಧ್ಯಕ್ಷೆರ್ ಸುರೇಶ್‌ ಶೆಟ್ಟಿ ಕೇದಗೆ ಮೆರೆನ್ ಮಾನಾದಿಗೆ ಮಲ್ತೆರ್.

ಭಕ್ತಿ ಸುಗಿಪು ಬುಡುಗಡೆ ಆಯಿ ಬೊಕ್ಕ ರಮೇಶ್‌ ಗುರುಸ್ವಾಮಿನ ಅಮರ್ ಜೋಕುಲು ರಾಣಿ ಬೊಕ್ಕ ರಾಗಿಣಿ ಪದ ಪಂಡಿನ ಅಪ್ಪಾಜಿ ಬೀಡುದ ಪದನ್ ಉಂದುವೇ ಪೊರ್ತುಡು ಬಿಡುಗಡೆ ಮಲ್ತೆರ್. ಅಪ್ಪಾಜಿ ಬೀಡುದ ಅಧ್ಯಕ್ಷೆರ್ ಸಂತೋಷ್‌ ಶೆಟ್ಟಿ ಲೇಸ್ ದ ಯಶಸ್ಸಗ್ ಸಹಕಾರ ಮಲ್ತಿನ ಭಕ್ತೆರೆಗ್ ಮಾತೆರೆಗ್ಲಾ ನನದ ದಿನಟ್ಲಾ ಕ್ಷೇತ್ರಡ್ ನಡಪುನ ಸೇವಾ ಕಾರ್ಯಲೆಡ್ ಪಾಲ್ ಪಡೆಯೆರೆ ಬಿನ್ನಾಪು ಮಲ್ತ್ ದ್ ಸೊಲ್ಮೆ ಸಂದಾಯೆರ್. ರಘುನಾಥ್‌ ಶೆಟ್ಟಿ ಕಾಂದಿವಲಿ ಮೇರ್ ಲೇಸ್ ದ ಸುಧಾರಿಕೆ ಮಲ್ತೆರ್. ಅಪ್ಪಾಜೀ ಬೀಡುದ ಮಹಿಳಾ ವಿಭಾಗದಕುಲು ಪ್ರಾರ್ತನೆ ಮಲ್ತ್ ದ್ ಲೇಸ್ ದ ಉದಿಪನ ಮಲ್ತೆರ್.

ಈ ಪೊರ್ತುಡು ಅಪ್ಪಾಜಿ ಬೀಡುದ ಮಾತ ಕಾರ್ಯಕರ್ತೆರ್, ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಕರ್ನಾಟಕ ಸಂಘದ ಭರತ್‌ಕುಮಾರ್‌ ಪೊಲಿಪು, ಓಂದಾಸ್‌ ಕಣ್ಣಂಗಾರ್‌, ಕವಿ ವಿಶ್ವನಾಥ್‌ ಪೇತ್ರಿ, ರಂಗನಟೆ ಮೋಹನ್‌ ಮಾರ್ನಾಡ್‌, ಅಹಲ್ಯ ಬಲ್ಲಾಳ್‌, ಮನೋಹರ ನಂದಳಿಕೆ, ಅವಿನಾಶ್‌ ಕಾಮತ್‌, ರಮೇಶ್‌ ಶಿವಪುರ್‌, ನಮನ ಫ್ರೆಂಡ್ಸ್‌ದ ಪ್ರಭಾಕರ್‌ ದಿವಾಕರ್‌, ಬಂಟರ ಸಂಘ ಸಿಟಿ ರೀಜನ್‌ದ ಅಧ್ಯಕ್ಷೆರ್ ಶಿವರಾಮ್‌ ಶೆಟ್ಟಿ, ಆಶೋಕ್‌ ಪಕ್ಕಳ, ವಿಶ್ವನಾಥ್‌ ಶೆಟ್ಟಿ, ಸುಚಿತ್ರಾ ಶೆಟ್ಟಿ, ಐಲೇಸಾದ ಪದಗಾರೆರ್ ಡಾ .ಪಲ್ಲವಿ, ರಾಶಿ, ರಮೇಶ್‌ ನಾರಾಯಣ, ವಿಜಯರಾಘವನ್‌, ಸುವಿದ್‌ ಸೂರಿ ಮಾರ್ನಾಡ್‌ ಇತ್ತೆರ್. ಅಪ್ಪಾಜೀ ಬೀಡುದ ಸದಸ್ಯೆರ್ ಸಹಕಾರ ಕೊರಿಯೆರ್. ಅಪ್ಪಾಜೀ ಬೀಡುದ ಅಧ್ಯಕ್ಷೆರ್ ಸದಸ್ಯೆರೆನ್ ಐಲೇಸಾದ ಪರವಾದ್ ಮಾನಾದಿಗೆ ಮಲ್ತೆರ್. ಬೊಕ್ಕ ಶಿವರಾತ್ರಿದ ಲೆಕ್ಕೊಡು ಭಜನೆ ಬೊಲ್ಪು ಮುಟ್ಟ ನಡತ್ಂಡ್.

ಚಿತ್ರ, ವರದಿ: ದಿನೇಶ್ ಕುಲಾಲ್

” Hasiru Bettada Odhaya” devotional song series released

Mumbai: Appaji Beedu foundation Worli;” Ilaysa the voice of the Ocean”, organization together released a devotional songs series “Hasiru Bettada Odhaya” the lyrics of which has been composed by Suri Marnad.

March 8 th: 31 st annual program of Ballamgudeleu Gelayara Balaga ಮಾ.8: ಬಲ್ಲಂಗುಡೇಲು ಗೆಳೆಯರ ಬಳಗ ಮುತಾಲಿಕೆಡ್ 31ನೇ ವರ್ಷದ ಉಚ್ಚಯ

ಮಂಜೇಶ್ವರ: ಬಲ್ಲಂಗುಡೇಲು ಗೆಳೆಯರ ಬಳಗದ ಮುತಾಲಿಕೆಡ್ 31 ನೇ ವರ್ಷದ ಉಚ್ಚಯ ಮಾ.8 ಕ್ ನಡಪರೆ ಉಂಡು.

ಬಲ್ಲಂಗುಡೇಲು ಶ್ರೀ ಪಾಡಂಗರೆ ಭಗವತಿ ಕ್ಷೇತ್ರದ ವರ್ಷಾಧಿದ ಕಳಿಯಾಟ ಉಚ್ಚಯದ ಪೊರ್ತುಡು ಗೆಳೆಯರ ಬಳಗದ ವಾರ್ಷಿಕ ಉಚ್ಚಯನ್ ಆಚರಣೆ ಮಲ್ತೊಂದು ಬರೊಂದು ಇತ್ತ್ಂಡ, ಈ ವರ್ಷ ಕ್ಷೇತ್ರದ ಚಾವಡಿಡ್ ನಡಪರೆ ಉಂಡು. ನೆತ್ತ ಅಂಗವಾದ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ ಮುಲ್ಕಿ ಮೊಕ್ಲೆರ್ದ್ ” ಕಾರ್ಣಿಕದ ಪಂಚ ದೈವೊಲು” ಪನ್ಪುನ ತುಳು ಆಟ ನಡಪರೆ ಉಂಡು.

*ಗೆಳೆಯರ ಬಳಗದ ಎಲ್ಯ ಪೊಲಬು:* 1992 ನೇ ಇಸವಿಡ್ ಸೆಪ್ಟೆಂಬರ್ ತಿಂಗೊಲ್ಡ್ ಸ್ಥಾಪನೆ ಆಯಿನ ಗೆಳೆಯರ ಬಳಗ ಇನಿಕ್ಕಾನಗ 60 ಜನ ಸದಸ್ಯೆರೆನ ಸೇರಿಗೆಡ್ 31ನೇ ವರ್ಷದ ವಾರ್ಷಿಕ ಉಚ್ಚಯನ್ ಆಚರಣೆ ಮಲ್ತೊಂದುಂಡು.

ಮಾಜಿ ಗುರಿಕಾರೆ ರವೀಂದ್ರ ಶೆಟ್ಟಿ ಕರಿಬೈಲ್ ಮೆರೆನ ಕಾಲಡ್ ಪೆರಿಯ ಸದಸ್ಯೆರೆನ ಶ್ರಮೊಟ್ಟು, ಮೇ 6, 2000 ಇಸವಿಡ್ ಸಂಘಗ್ ಒಂಜಿ ಸ್ವಂತ ಕಟ್ವಾಣ ಬೋಡು ಪನ್ಪಿನ ಉದ್ದೇಶಡ್, ಕುಞಹಿತ್ತುಲು ದಿ.ಕಂಡಪ್ಪ ಬೆಳ್ಚಾಪಡೆರ್ನ ಜಾಗೆದ ಸಕಾಯಡ್, ಊರು, ಪರವೂರುದಕ್ಲೆನ ಸಾಕಾರಡ್ ಕಟ್ವಾಣ ಕಟ್ಟ್ ದ್ ಉದಿಪನ ಆಂಡ್. ಪ್ರತಿ ವರ್ಷ ಬಲ್ಲಂಗುಡೇಲ್ ದ ಅಪ್ಪೆ ಶ್ರಿ ಪಾಡಂಗರೆ ಭಗವತಿ ಕ್ಷೇತ್ರದ ಕಳಿಯಾಟದ ಪೊರ್ತುಡು “ವಾರ್ಷಿಕ ಉಚ್ಚಯ” ಬೊಕ್ಕ ಶ್ರಿಕೃಷ್ಣ ಪುಟ್ಟಿನ ಪರ್ಬದ ದಿನ ಶ್ರೀ ಕೃಷ್ಣ ಜನ್ಮಾಷ್ಟಮಿದ ಲೆಕ್ಕೊಡು “ಮೊಸರು ಕುಡಿಕೆ” ಉಚ್ಚಯ ಬೊಕ್ಕ “ಸ್ವಾತಂತ್ರ ದಿನಾಚರಣೆನ್” ಮಲ್ತೊಂದುಲ್ಲೆರ್.

2002 ನೇ ಇಸವಿಡ್ ಸಂಘದ 10ನೇ ವರ್ಷದ ಪರ್ಬ ಬೊಕ್ಕ 2017 ನೇ ಇಸವಿಡ್ 25 ನೇ ವರ್ಷದ ಪರ್ಬ ಗೌಜಿಡ್ ನಡತ್ಂಡ್. ಮಾಜಿ ಗುರಿಕಾರೆ ಹರಿಜೀವನ್ ದಾಸ್ ಮೂಡಂಬೈಲ್ ಮೆರೆನ ಕಾಲಡ್ 26ನೇ ವರ್ಷದ ಪರ್ಬಗ್ ಶ್ರೀ ಕ್ಷೇತ್ರದ ಕಳಿಯಾಟದ ಪೊರ್ತುಡು ಕಟೀಲ್ ಮೇಳ ಕಲಾವಿದೆರೆರ್ದ್ “ಶ್ರೀ ದೇವಿ ಮಹಾತ್ಮೆ” ಪನ್ಪಿನ ಪುಣ್ಯ ಕತೆನ್ ಗೊಬ್ಬವುನಂಚಿನ ಭಾಗ್ಯಲ ಬಳಗದ ಪಾಲ್ ಗ್ ಒದಗ್ ದ್ ಬತ್ತ್ಂಡ್.

ಬಳಗದ ಮಾಜಿ ಗುರಿಕಾರೆ ಉದಯ ಕುಮಾರ್ ಶೆಟ್ಟಿ ಕರಿಬೈಲ್ ಮೆರೆನ ಗುರ್ಕಾರ್ಮೆದ ಪೊರ್ತುಡು ಕರಿದ್ ಪೋಯಿನ ಸಂಘದ ಸದಸ್ಯೆ ದಿ. ಜಯನಂದ ಕುಂಞ ಹಿತ್ತಿಲು ಮೆರೆನ ನೆಂಪುಗು ಜ.19, 2020 ನೇ ಇಸವಿಡ್ ಕೆ.ಎಸ್ ಹೆಗ್ಡೆ ಮೆಡಿಕಲ್ ಕಾಲೇಜ್ ದೇರಳಕಟ್ಟೆ ಮೊಕ್ಲೆನ ಒಟ್ಟು ಸೆರಿಗೆಡ್ ಮೂಡಂಬೈಲ್ ಶಾಲೆಡ್ “ಮೆಗಾ ಮೆಡಿಕಲ್ ಕ್ಯಾಂಪ್” ಮಲ್ತ್ ದ್ 100 ಜನಕ್ ಹೆಲ್ತ್ ಕಾರ್ಡ್ (1ವರ್ಷ ಅವಧಿ), 50 ಜನಕ್ ಧರ್ಮಗ್ ಕನ್ನಡಕ ಬೊಕ್ಕ 5 ಜನಕ್ ಧರ್ಮಗ್ ಕಣ್ಣ್ ದ ಚಿಕಿತ್ಸೆನ್ ಬಳಗ ಮಲ್ತ್ ದ್ ಊರುದಕ್ಲೆನ ಪುಗರ್ತೆಗ್ ಪಾತ್ರರಾತ್ಂಡ್.

2020 ಮಾರ್ಚ್ ಡ್ ಕೊರೊನಾದ ಪೊರ್ತುಡು ಸಮಾಜಗ್ ದಾದಂಡಲ ಸಕಾಯ ಮನ್ಪೊಡು ಪನ್ಪಿನ ಧ್ಯೇಯ ಡ್ ಕೆಲವು ಕುಟುಂಬಗ್ “ವನಸ್ ತೆನಸ್ ದ ಕಿಟ್ಟ್” ನ್ ಕೊರ್ದು ಜನಕುಲೆನ ಪ್ರೀತಿಗ್ ಪಾತ್ರರಾತೆರ್.

ಇತ್ತೆದ ಗುರಿಕಾರೆ ಆಯಿನ ಮಾದವ ಉಳಿಯ ಮೆರೆನ ಮುತಾಲಿಕೆಡ್ ಮೂಡಂಬೈಲ್ ಸರಕಾರಿ ಪ್ರೌಢ ಶಾಲೆಡ್ ಇಂಚಿಪ್ಪ ನಡತಿನ ಮಂಜೇಶ್ವರ ಗೋವಿಂದ ಪೈ ಕಾಲೇಜ್ ಜೊಕುಲೆನ N.S.S ಶಿಬಿರದ ಪೊರ್ತುಡು ಜೊಕುಲೆಗ್ ಒಂಜಿ ಪೊರ್ತುದ “ವನಸ್ ದ ವ್ಯವಸ್ಥೆ” ಲ (100 ಜನತ) ಮಲ್ದೆರ್. 75ನೇ ವರ್ಷದ ಸ್ವಾತಂತ್ರ್ಯ ಉಚ್ಚಯದ ಪೊರ್ತುಡು ಮೂಡಂಬೈಲ್ ಶಾಲೆದ ಜೋಕುಲೆಗ್ “ಚೀಪೆ ತಿಂಡಿ” (ಪಾಯಿಸ)ದ ವ್ಯವಸ್ಥೆನ್ ಮಲ್ದೆರ್. ಅತ್ತಂದೆ ಊರುಡು ಶ್ರಮದಾನ ಬೊಕ್ಕ ಸಂಘದ ಜವನೆರ್ ಅಕುಲು ಬೆನ್ಪಿನ ಊರುಡು (ರಕ್ತದಾನ) ನೆತ್ತೆರ್ ಕೊರ್ದು ಪುಗರ್ತೆ ಪಡೆತೆರ್.

*ಬಳಗದ 2022-23 ನೇ ವರ್ಷದ ಪದುಕೆರೆನ ಪೊಲಬು:* ಮಾದವ ಉಳಿಯ (ಗುರಿಕಾರೆರ್), ಪ್ರದೀಪ್ ಶೆಟ್ಟಿ ಬಲ್ಲಂಗುಡೇಲ್ (ಕಾರ್ಯಂತೆರ್), ಆನಂದ ಮಜಿಬೈಲ್ (ಕೋಶಾಧಿಕಾರಿ), ಜತೆ ಗುರಿಕಾರೆನಕುಲು ಪ್ರವೀಣ್ ಶೆಟ್ಟಿ ಕರಿಬೈಲು, ರಾಜೇಶ್ ಬಲ್ಲಂಗುಡೇಲ್, ಜತೆ ಕಾರ್ಯಂತೆರ್ ಮಿಥುನ್ ಉಳಿಯ, ಶೇಖರ ಕಂಗುಮೆ, ಜಯಕುಮಾರ್ ಕರಿಬೈಲ್, ರಾಮ್ ಪ್ರಕಾಶ್ ಆಳ್ವ ಪಟ್ಟತಮೊಗರು (ಲೆಕ್ಕ ತೂಪಿನಾರ್) ಇತ್ತೆರ್.

ಈ ಬಳಗದ ಸದಸ್ಯೆರಾದ್ ಉದಯಕುಮಾರ್ ಶೆಟ್ಟಿ ಕರಿಬೈಲು, ಕಾರ್ತಿಕ್ ಶೆಟ್ಟಿ ಮಜಿಬೈಲು, ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ (ದುಬೈ), ಸಂಜೀವ ಚುಳ್ಳಿ, ಪ್ರಭಾಕರ ಶೆಟ್ಟಿ ಪನಂಬೆ, ಅರುಣ್ ಮುಗುಳಿ, ಬಶೀರ್ ಮೂಡಂಬೈಲ್, ಅರ್ಪಿತ್ ಪನಂಬೆ (ದುಬೈ), ಅರುಣ್ ಆಳ್ವ ಪಟ್ಟತ್ತಮೊಗರು (ದುಬೈ), ಚಂದ್ರಹಾಸ ಅಜ್ಜಿಹಿತ್ಲು, ಚಂದ್ರಹಾಸ ಶೆಟ್ಟಿ ಕರಿಬೈಲು, ಕೆ.ಜಯರಾಮ ಬಲ್ಲಂಗುಡೇಲು, ಡಾ. ಪ್ರಜ್ವಲ್ ಶೆಟ್ಟಿ ಮಜಿಬೈಲು, ಪಿ. ಮೂಸ ಅಜ್ಜಿಹಿತ್ಲು, ರವಿಂದ್ರ ಶೆಟ್ಟಿ ಕರಿಬೈಲು, ಮೋಹನ ದಾಸ್ ಚಿಗುರುಪಾದೆ, ನವೀನ್ ಶೆಟ್ಟಿ ಮಾಯಿಪ್ಪಾಡಿ, ಕುಞಿಮೋನು ಪಾನಂಗಡಿ (ದುಬೈ), ಹರಿಜೀವನದಾಸ್ ನೀರಹಳ್ಳಿ ಮೂಡಂಬೈಲ್, ಯತೀಶ್ ಕರಿಬೈಲು (ದುಬೈ), ಸುಧಾಕರ ಸಸಿಹಿತ್ಲು (ದುಬೈ), ರಂಜಿತ್ ಕುಞಿಹಿತ್ಲು, ಕಿರಣ್ ಆಳ್ವ ಪಟ್ಟತ್ತಮೊಗರು, ಯೊಗೀಶ್ ಶೆಟ್ಟಿ ಗಾಣದಮೂಲೆ, ಲಕ್ಷ್ಮಣ ಕೆ.ಬಲ್ಲಂಗುಡೇಲು (ದುಬೈ), ಪದ್ಮನಾಭ ಕರಿಬೈಲು (ಬಹರೈನ್), ಮನೋಜ್ ಉಳಿಯ, ಜೀವನ್ ಉಳಿಯ (ದುಬೈ), ನರೇಂದ್ರ ಸಸಿಹಿತ್ಲು (ದುಬೈ), ಸೀತಾರಾಮ ಗಾಣದಮೂಲೆ, ಜಗದೀಶ್ ಅಜ್ಜಿಹಿತ್ಲು (ದುಬೈ), ಪ್ರವೀಣ್ ಶೆಟ್ಟಿ ಬಲ್ಲಂಗುಡೇಲು (ಸೌದಿ ಅರೇಬಿಯ), ಸತೀಶ್ ಶೆಟ್ಟಿ ಕರಿಬೈಲು, ಪ್ರದೀಪ್ ಆಳ್ವ ಕರಿಬೈಲು, ಸುಶಾಂತ್ ಆಳ್ವ ಕರಿಬೈಲು (ಬೆಂಗ್ಲೂರ್), ಶಶಿಧರ ಕರಿಬೈಲು, ಸುಂದರ ಕರಿಬೈಲು, ಪವಿತ್ರ ಕುಮಾರ್ ಶೆಟ್ಟಿ ಕರಿಬೈಲು (ಬೆಂಗ್ಲೂರ್), ಜಯರಾಮ ಶೆಟ್ಟಿ ಕಂಗುಮೆ (ದುಬೈ), ಉಮೇಶ್ ಶೆಟ್ಟಿ ಕಂಗುಮೆ (ದುಬೈ), ಶಿವಪ್ರಸಾದ್ ಶೆಟ್ಟಿ ಪನಂಬೆ, ಕೇಶವ ಹೊಸಗದ್ದೆ, ಯತೀಶ್ ಸೊಯಿಪಕಲ್ಲು (ದುಬೈ), ಸತೀಶ್ ಕಂಗುಮೆ, ದೀಕ್ಷಿತ್ ರೈ ಕುದುರು, ಪ್ರಕಾಶ್ ಕರಿಬೈಲು, ಧನಂಜಯ್ ಕಂಗುಮೆ, ನವೀನ್ ಪನಂಬೆ (ದುಬೈ), ಗಣೇಶ್ ಮಯ್ಯ ಮೂಡಂಬೈಲ್, ಭರತ್ ಅಜ್ಜಿಹಿತ್ಲು, ಪದ್ಮನಾಭ ಕಡಂಬಾರ್ ಉಲ್ಲೆರ್. ‌

ಬಳಗ ಜೂನಿಯರ್ ಸದಸ್ಯೆರಾದ್ ಅಭಿಷೇಕ್ ಬಲ್ಲಂಗುಡೇಲ್, ಆಕಾಶ್ ಮಜಿಬೈಲ್, ದೀಕ್ಷಿತ್ ಮೂಡಂಬೈಲ್, ಗಗನ್ ಕರಿಬೈಲ್, ನಂದನ್ ಕಂಗುಮೆ, ನಿತೇಶ್ ಅಜ್ಜಿಹಿತ್ಲು, ತನೀಷ್ ಶೆಟ್ಟಿ ಕರಿಬೈಲ್ ಉಲ್ಲೆರ್.

” Rain water harvesting” Information program to be aired on Radio Manipal ಬರ್ಸದ ನೀರ್ ನಿಲೆ ಮಲ್ಪುನೆಂಚ : ರೇಡಿಯೋ ಮಣಿಪಾಲ್ ಡ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.25 ಸನಿಯಾರ ಬಯ್ಯಗ್ 6 ಗಂಟೆಗ್ ಬರ್ಸದ ನೀರ್ ಡ್ ಕೊಯ್ಲು ಮಲ್ಪುನೆಟ್ಟ್ ಸಾರ್ವಜನಿಕರ ಪಾತ್ರದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಪಾಂಡೇಶ್ವರ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸತೀಶ್ ವಡ್ಡರ್ಸೆ ಬೊಕ್ಕ ಒಡಿಪು ಬೋರ್ಡ್ ಹೈಸ್ಕೂಲ್ ದ ಶಿಕ್ಷಕಿ ಶಕೀಲಾ ಪಾಲ್ ಪಡೆಯೆರೆ ಉಲ್ಲೆರ್. ಈ ಲೇಸ್ ಫೆ.26 ಮಧ್ಯಾಹ್ನ 2 ಗಂಟೆಗ್ ಕುಡೊರ ಪ್ರಸಾರ ಆಪುಂಡು.

Radio Manipal to air ” Puranamrutha -Pauranika Patra Jeevana Sutra” program ರೇಡಿಯೊ ಮಣಿಪಾಲ್ ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhzಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 84ನೇ ಸಂಚಿಕೆ ಫೆ.25 ಸನಿಯಾರ ಬಯ್ಯಗ್ 4.15ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್.ಫೆ.26 ಮಧ್ಯಾಹ್ನ 12.15ಕ್ ಮರುಪ್ರಸಾರ ಆಪುಂಡು.

Radio Manipal to air “Kathe Kelona” series ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 43ನೇ ಸಂಚಿಕೆ ಫೆ.25 ಸನಿಯಾರ ಬಯ್ಯಗ್ 4.30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬರವುಗಾರೆ ಬೊಕ್ಕ ಶಿಕ್ಷಕೆ ನರೇಂದ್ರಕುಮಾರ್ ಕೋಟ ಪಾಲ್ ಪಡೆಯೆರೆ ಉಲ್ಲೆರ್ ಫೆ.26 ಮಧ್ಯಾಹ್ನ 12.30 ಕ್ ಮರುಪ್ರಸಾರ ಆಪುಂಡು.

March 4 th -10th: Shri Brahmadeva, Isthadevatha, Balavandi, Pilichandi Daiva, Punar Pratistapaney , Kalashabisheka and annual Jatra at Perara near Bajpe ಮಾ.4-10: ಪೆರ್ರ ಶ್ರೀ ಬ್ರಹ್ಮದೇವರ್ ಇಷ್ಟದೇವತಾ ಬಲವಾಂಡಿ ಪಿಲಿಚಾಂಡಿ ದೈವೊಲ್ಯಡ್ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ, ವರ್ಷಾಧಿದ ಜಾತ್ರೆ

ಬಜ್ಪೆ: ಪೆರ್ರದ ಶ್ರೀ ಬ್ರಹ್ಮದೇವೆರ್ ಇಷ್ಟದೇವತಾ ಬಲವಾಂಡಿ ಪಿಲಿಚಾಂಡಿ ದೈವೊಲ್ಯಡ್ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ಬೊಕ್ಕ ವರ್ಷಾಧಿದ ಜಾತ್ರೆ ಮಾ.4-10 ಮುಟ್ಟ ನಡಪರೆ ಉಂಡು.

ಕುಡುಪು ಕೃಷ್ಣರಾಜ ತಂತ್ರಿಲೆನ ಮುತಾಲಿಕೆಡ್, ಕದಳಿ ಶ್ರೀ ಯೋಗೇಶ್ವರ ಮಠತ್ತ ಶ್ರೀ ರಾಜಯೋಗಿ ನಿರ್ಮಲನಾಥಜಿ ಮಹಾರಾಜ್ ಮೆರೆನ ಉಪಸ್ಥಿತಿಡ್ ಪೊಸತಾದ್ ನಿರ್ಮಾಣ ಆಯಿನ ಛತ್ರದರಸು ಚಾವಡಿ, ಬಂಟಕಂಬ ರಾಜಾಂಗಣ ಬೊಕ್ಕ ಪಿಲಿಚಾಂಡಿ ದೈವೊಲ್ಯಡ್ ದೈವೊಲೆನ ಪುನರ್ ಪ್ರತಿಷ್ಠಾ ಕಲಶಾಭಿಷೇಕ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ವಿಧಿ ವಿಧಾನಲು ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಕ್ಷೇತ್ರ ಪೆರಾರ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಸಚಿವೆರ್ ಸುನಿಲ್ ಕುಮಾರ್ ವಿ, ಅಧ್ಯಕ್ಷೆರ್ ಶಾಸಕೆರ್ ಡಾ. ಭರತ್ ಶೆಟ್ಟಿ ವೈ, ಆಡಳಿತಾಧಿಕಾರಿ ಸಾಯೀಶ ಚೌಟ ತಲೇಕಳ‌ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Nati Vaidya(Herbal healer) Srinivasa Pundit who has lessened the misery of thousands of people ಸಾರರ್ದ್ ಎಚ್ಚ ಜನತ ಬೇನೆ ಬೆಸರ್ ನ್ ಕಮ್ಮಿ ಮಲ್ತಿನ ನಾಟಿವೈದ್ಯೆರ್ ಶ್ರೀನಿವಾಸ್ ಪಂಡಿತ್

‘ಕೋಟಿ ವಿದ್ಯೆರ್ದ್, ನಾಟಿ ವಿದ್ಯೆ ಮೇಲು’ ಪನ್ಪುನ ಪಾತೆರದಂಚನೆ ಮುಲ್ಪ ಒರಿ ವ್ಯಕ್ತಿ, ಆರೆಗ್ ವಂಶಪಾರಂಪರ್ಯವಾದ್ ಬತ್ತಿನ ನಾಟಿವಿದ್ಯೆದ ಜ್ಞಾನನ್ ಗಲಸ್ ದ್ ಆಸ್ಪತ್ರೆಡೇ ಗುಣ ಮಲ್ಪರೆ ಆವಂದಿನ ಕೆಲವೊಂಜಿ ಸೀಕ್ ಲೆಗ್ ಚಿಕಿತ್ಸೆ ಕೊರ್ದು ಸುಮಾರ್ ಜನಕ್ ಸೀಕ್ ಗುಣ ಮಲ್ತಿನಾರ್ ನಾಟಿವೈದ್ಯೆರ್ ಶ್ರೀನಿವಾಸ ಪಂಡಿತ್.

ಮೇರ್ ಸರಳ ವ್ಯಕ್ತಿಯಾದ್ ತೋಜಿಂಡಲ ಮೆರೆನ ಸೇವೆರ್ದ್ ನೂದೆರ್ದ್ ಎಚ್ಚ ಜನಕ್ ಪ್ರಯೋಜನ ಆತ್ಂಡ್. ದಕ್ಷಿಣ ಕನ್ನಡ ಜಿಲ್ಲೆದ ಕುಕ್ಕೆ ಸುಬ್ರಹ್ಮಣ್ಯ ಕೈತಲ್ ದ ಏನೇಕಲ್ಲು ಪನ್ಪುನ ಊರುಡ್ ಎಲ್ಯ ಬಾಡಿಗೆ ರೂಮ್ ಡ್ ಇತ್ತ್ ದ್ ಅಲ್ಪ ಮೆರೆನ ಕೈತಡೆ ಚಿಕಿತ್ಸೆಗಾದ್ ಬರ್ಪುನ ಜನಕ್ ಮರ್ದ್ ಕೊರೊಂದು ಉಲ್ಲೆರ್. ಇತ್ತೆ ಮೇರ್ ‘ನಾಟಿವೈದ್ಯ ಪಂಡಿತೆರ್” ಪಂದೇ ಪುದರ್ ಪಡೆತೆರ್.

ಮೂಲತಃ ಕೇರಳ ರಾಜ್ಯದ ಕಾಸ್ರೋಡು ಜಿಲ್ಲೆದ ಕೊಡ್ಲಮೊಗರು ಗ್ರಾಮದ ಮುಗುಳಿ ನಿವಾಸಿ ಪುಗರ್ತೆದ ನಾಟಿವೈದ್ಯೆ, ಪಂಡಿತೆರ್ ದಿ. ಮಾಯನಪ್ಪು ಬೆಳ್ಚಡ, ಬೊಕ್ಕ ಶಾರದಾ ದಂಪತಿಲೆನ ಮಗೆನೇ ಶ್ರೀನಿವಾಸೆರ್.

ಮೇರ್ ಅಜ್ಜೆರ್ ಬೊಕ್ಕ ಅಮ್ಮೆರೆರ್ದ್ ವಂಶಪಾರಂಪರ್ಯವಾದ್ ಬತ್ತಿನ ನಾಟಿವಿದ್ಯೆದ ಪಾಂಡಿತ್ಯರ್ದ್ ಪಕ್ಷಪಾತ (ಪಾರ್ಶ್ವವಾಯು), ಗಂಟ್ ಬೇನೆ, ಮೂಲವ್ಯಾಧಿ, ಸಕ್ಕರೆ ಕಾಯಿಲೆ, ಸರ್ಪಸುತ್ತು, ಕೆಂಪು, ಕಿರಾಣಿ, ಪಡಿಕೆಡ್ ಕಲ್ಲ್, ತರೆಹೊಟ್ಟು, ಚರ್ಮರೋಗ, ಮಂಜೊಲು ಸೀಕ್, ಬೊಕ್ಕ ಪೊಂಜೋವ್ ನಕ್ಲೆಗ್ ತೋಜಿದ್ ಬರ್ಪುನ ಬಿಳಿಸೆರಗು, ತಿಂಗೊಲ್ದ ಪಿದಯಿದ ಸಮಸ್ಯೆ, ಬಂಜೆತನ, ಅತ್ತಂದೆ ವಿಷತ ಚಾಲಿಯೆ ತುಚ್ಚಿನ ಇಂಚಿನ ಮಾತ ಗಂಭೀರ ಸಮಸ್ಯೆಗ್ ಪರಿಣಾಮಕಾರಿ ಆಯಿನ ಮರ್ದ್ ಕೊರೊಂದು ಉಲ್ಲೆರ್.

ಪ್ರಕೃತಿಡ್ ತಿಕ್ಕುನ ಮರ ದೈತ ಬೊಕ್ಕ ಮೂಲಿಗೆದ ಇರೆ, ಬೇರ್, ಕೆತ್ತೆ ಬೊಕ್ಕ ನವಧಾನ್ಯಲೆನ್ ಗಲಸ್ ರ್ದ್ ಅಯಿರ್ದ್ ತಾನೇ ಸ್ವತಃ ವಾದ್ ಎಣ್ಣೆ, ಕಷಾಯ, ಲೇಹ್ಯ ತಯಾರ್ ಮಲ್ತ್ ದ್, ಚಿಕಿತ್ಸೆಗಾದ್ ಬತ್ತಿ‌ನಕ್ಲೆನ ನಾಡಿ ಪರೀಕ್ಷೆ ಮಲ್ತ್ ದ್, ಸೀಕ್ ದ ಸ್ವರೂಪನ್ ತೆರಿವೊಂದು ಚಿಕಿತ್ಸೆ ಕೊರೊಂದು ಉಲ್ಲೆರ್.

ಕರಿನ 9 ವರ್ಷೊರ್ದಿಂಚಿ ಏನೇಕಲ್ಲ್ ಡ್ ಇಪ್ಪುನ ಮೇರ್ ತನ್ನ 14 ನೇ ವರ್ಷಡ್ ನಾಟಿಮರ್ದ್ ಕೊರಿಯೆರೆ ಸುರು ಮಲ್ದೆರ್. ಇಡೇ ಮುಟ್ಟ ಸರಿ ಸುಮಾರ್ 10 ಸಾರರ್ದ್ ಎಚ್ಚ ಜನಕ್ ನಾಟಿವೈದ್ಯೆ ಪದ್ಧತಿಡ್ ಮರ್ದ್ ಕೊರ್ದು ಸೀಕ್ ಗುಣ ಮಲ್ದೆರ್.

ಪಿರಾಕ್ ದ ಕಾಲದ ಈ ನಾಟಿವೈದ್ಯ ಪದ್ಧತಿ ನನದ ಪೀಳಿಗೆಡ್ಲಾ ಒರಿವೊಡು ಪನ್ಪುನ ಉದ್ದೇಶರ್ದ್ ನಾಟಿವಿದ್ಯೆಡ್ ಆಸಕ್ತಿ ಇಪ್ಪುನಕ್ಲೆಗ್ ತನ್ನ ಮುಖೇನ ನಾಟಿವೈದ್ಯೆ ಪದ್ಧತಿನ್ ಕಲ್ಪುನ ಇರಾದೆನ್ ಮಲ್ತೊಂದು ಉಲ್ಲೆರ್. ತನ್ನ ಕೈತಡೇ ಚಿಕಿತ್ಸೆಗಾದ್ ಬರ್ಪುನಕ್ಲೆಗ್ ಒವ್ವೇ ಸಮಯಡ್ಲಾ ಲಭ್ಯ ಇಪ್ಪುನ ಮೇರ್ ಜೋಕುಲೆನ ಆರೋಗ್ಯದ ಬಗೆಟ್ ಪೊಲಬು ಕೊರ್ಪುನ ಸಂಪನ್ಮೂಲ ವ್ಯಕ್ತಿಯಾದ್ ಸುಮಾರ್ ಕಡೆ ಪೊಲಬುಲೆನ್ ಕೊರ್ತೆರ್. ತನ್ನ ಈ ಸಮಾಜಮುಖಿ ಕಾರ್ಯಗ್ ತಮ್ಮನ ಬಯಸಂದಿನ ಸರಳ ವ್ಯಕ್ತಿ ಮೇರ್. ಅತ್ತಂದೆ ತನ್ನ ಈ ಕಾರ್ಯಗ್ ಏನೇಕಲ್ಲು ಪನ್ಪುನ ಈ ಎಲ್ಯ ಊರುದಕ್ಲೆನ ಸಂಪೂರ್ಣ ಸಹಕಾರ, ಸಕಾಯ ಉಂಡು ಪಂದ್ ಪನ್ಪೆರ್.

ಮೆರೆನ ವಿಳಾಸ:
ಶ್ರೀನಿವಾಸ್ ಪಂಡಿತ್, ಶ್ರೀ ಕನಿಲ ನಾಟಿ ವೈದ್ಯೆರ್, ಏನೇಕಲ್ಲು, ಮೊಬೈಲ್: 9148719183

(ಬರವು: ಚಂದ್ರಶೇಖರ ಕೊಡಿಯಾಲ)