2023

Dr Vikram Amate, DK district commissioner of police to visit places in the district bordering other states in view of the forthcoming Vidhana Sabha elections ವೋಟುದ ನಿಲೆಟ್ಟ್ ದ.ಕ. ಜಿಲ್ಲೆದ ಗಡು ಜಾಗೆಲೆಗ್ ಪೊಲೀಸ್ ಅಧೀಕ್ಷಕೆರ್ ಡಾ. ವಿಕ್ರಮ್ ಅಮಟೆ ಭೇಟಿ

ವಿಧಾನಸಭೆ ವೋಟ್ ದ ಹಿನ್ನೆಲೆಡ್ ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸ್ ಘಟಕದ ವ್ಯಾಪ್ತಿಡ್ ಪೊಲೀಸ್ ಅಧೀಕ್ಷಕೆರ್ ಡಾ. ವಿಕ್ರಮ್ ಅಮಟೆ ಐಪಿಎಸ್, ಮೇರ್ ಕೈತಲ್ ದ ಪೊಲೀಸ್ ಅಧಿಕಾರಿಲೆನೊಟ್ಟಿಗೆ ಅಂತರ ರಾಜ್ಯ ಗಡಿಟ್ ಇಪ್ಪುನ ಮುರೂರು, ಮಂಡೆಕೋಲು, ಕೊಲ್ಚಾರ್, ನಾರ್ಕೋಡ್, ಕನ್ಯಾಣ, ಸಾರಡ್ಕ, ಆನೇಕಲ್ ದ ಅಂತರ ರಾಜ್ಯ ಚೆಕ್ ಪೋಸ್ಟ್ ಲೆಗ್ ಬೊಕ್ಕ ಕಲ್ಲುಗುಂಡಿ ಅಂತರ ಜಿಲ್ಲೆ ಚೆಕ್ ಪೋಸ್ಟ್ ಗ್ ಭೇಟಿ ಕೊರ್ದು, ಪರಿಶೀಲನೆ ಮಲ್ತ್ ದ್ ಪೊಲೀಸ್ ಅಧಿಕಾರಿ, ಸಿಬ್ಬಂದಿಲೆಗ್ ವೋಟ್ ದ ಪೊರ್ತುಡು ಮಲ್ಪುಡಾಯಿನ ಬೇಲೆದ ಬಗೆಟ್ ಮಾರ್ಗದರ್ಶನ ಕೊರಿಯೆರ್.

ವೋಟುದ ಸೂಕ್ಷ್ಮ ಪ್ರದೇಶ ಆಯಿನ ಗುತ್ತಿಗಾರ್ ಬೊಕ್ಕ ಜಾಲ್ಸೂರುಗ್ ಭೇಟಿ ಕೊರ್ದು ಸಾರ್ವಜನಿಕೆರೆನ ಸಭೆ ನಡಪಾದ್,ಜನಕ್ಲೆಡ ವಿಶ್ವಾಸ ಪುಟ್ಟಾವುನ ಬೇಲೆ ಮಲ್ತೆರ್. ಗುತ್ತಿಗಾರುಡ್ ರೌಡಿ ಶೀಟರ್ ಗ್ ಎಚ್ಚರಿಕೆ ಕೊರ್ದು, ಸುಳ್ಯ ಬೊಕ್ಕ ವಿಟ್ಲ ಪೊಲೀಸ್ ಠಾಣೆದ ವ್ಯಾಪ್ತಿದ ಸೂಕ್ಷ್ಮ ಮತಗಟ್ಟೆಗ್ ಭೇಟಿ ಕೊರಿಯೆರ್.

ಬೊಕ್ಕ ಕೇರಳ ರಾಜ್ಯದ ಗಡಿಟ್ ಇಪ್ಪುನ ಆಡೂರ್ ಪೊಲೀಸ್ ಠಾಣೆದ ಚೆಕ್ ಪೋಸ್ಟ್ ಗ್ ಭೇಟಿ ಕೊರ್ದು, ಕೇರಳ ರಾಜ್ಯದ ಆಡೂರು ಪೊಲೀಸ್ ಠಾಣೆದ ಅಧಿಕಾರಿಲೆನೊಟ್ಟಿಗೆ ಸಭೆ ನಡಪಾದ್ ಚೆಕ್ ಪೋಸ್ಟ್ ಲೆಡ್ ಪರಿಣಾಮಕಾರಿ ಆದ್ ಬೇಲೆ ಮಲ್ತ್ ದ್ ಸಹಕಾರ ಕೊರೊಡು ಪಂದ್ ಪಂಡೆರ್.

Dr Vikram Amthe, DK district commissioner of police to visit places in the district bordering other states in view of the forthcoming Vidhana Sabha elections

He will hold talks with police officers of these areas and visit state border check posts and brief them of the rules to be followed at the time of election. He will address the public in sensitive areas to install confidence in the people of these areas.

” Kudla Kabaddi -2023″ Tournament inaugurated at NMPA ground Panambur ಪಣಂಬೂರುದ ಎನ್ಎಂಪಿಎ ಮೈದಾನಡ್ ನಡತ್ಂಡ್ “ಕುಡ್ಲ ಕಬಡ್ಡಿ-2023” ದ ಉದಿಪನ ಲೇಸ್

ಸುರತ್ಕಲ್: ವರುಣ್ ಶೇಣವ ಮೆರೆನ ಮುತಾಲಿಕೆಡ್, ಸೇವಾಶಿಖರ್ ಫೌಂಡೇಶನ್ ಕುಡ್ಲ, ದಕ್ಷಿಣ ಕನ್ನಡ ಜಿಲ್ಲಾ ಅಮೆಚೂರ್ ಕಬಡ್ಡಿ ಅಸೋಸಿಯೇಷನ್ ಬೊಕ್ಕ ಕುಡ್ಲ ತಾಲೂಕ್ ಕಬಡ್ಡಿ ಅಸೋಸಿಯೇಷನ್ ನೆತ್ತ ಒಟ್ಟುಸೇರಿಗೆಡ್ “ಕುಡ್ಲ ಕಬಡ್ಡಿ-2023” ನೆತ್ತ ಉದಿಪನ ಲೇಸ್ ಐತಾರ ಬೊಲ್ಪುಗು ಪಣಂಬೂರುದ ಎನ್ಎಂಪಿಎ ಮೈದಾನಡ್ ನಡತ್ಂಡ್.

ಬಂಟರ ಯಾನೆ ನಾಡವರ ಮಾತ್ರ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ಮಾಲಾಡಿ ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, “ಸಮಾಜಕ್ಕೆ ಸೇವೆ ಸಂದಾಯೆರೆ ವಾ ಜಾತಿ ಧರ್ಮಲ ಬೊಡ್ಚಿ. ಸೇವೆಗಾದ್ ನಿರ್ಮಾಣ ಆಯಿನ ಸೇವಾ ಶಿಖರ್ ಸಂಘಟನೆ ಸಾಮಾಜಿಕ ಕಳಕಳಿದ ಮುಖೇನ ಸೇವೆದ ಶಿಖರನ್ ಎತ್ತಡ್” ಪಂದ್ ಎಡ್ಡೆಪ್ಪು ಬಯಕಿಯೆರ್.

ಕುಡ್ಲ ಉತ್ತರ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಡಾ. ಭರತ್ ಶೆಟ್ಟಿ ವೈ. ಪಾತೆರ್ದ್, “ಕಬಡ್ಡಿದಂಚಿನ ದೇಶೀಯ ಕ್ರೀಡೆ ಇನಿ ಅಳಿವುನಂಚಿ ಉಂಡು. ಆಂಡ ಜವನೆರ್ ಇಂಚಿನ ಕ್ರೀಡೆಲೆನಂಚಿ ಅಕರ್ಷಣೆ ಆವೊಂದು ಇಪ್ಪುನೇ ಎಡ್ಡೆ ಬುಲೆವಣಿಗೆ. ಕಬಡ್ಡಿ ಟೂರ್ನಮೆಂಟ್ ಆಯೋಜನೆ ಮಲ್ತಿನ ಸಂಘಟನೆ ನನಾತ್ ಇಂಚಿನ ಲೇಸ್ ನ್ ಮಲ್ಪುನ ಮುಖೇನ ಸಮಾಜಗ್ ಮಾದರಿ ಅವಡ್” ಪಂದ್ ಎಡ್ಡೆಪ್ಪು ಬಯಕಿಯೆರ್.

ಇಂಚಿಪ್ಪ ಕರ್ತವ್ಯದ ಪೊರ್ತುಡು ವೀರ ಮರಣ ಪಡೆಯಿನ ಶಕ್ತಿನಗರದ ಯೋಧೆ ಮುರಳೀಧರ ರೈ ಮೆರೆನ ಕುಟುಂಬಗ್ ಬಂಟರ ಯಾನೆ ನಾಡವರ ಮಾತೃಸಂಘದ ವತಿರ್ದ್ 50 ಸಾರ ರೂ., ಬಂಟರ ಯಾನೆ ನಾಡವರ ಕುಡ್ಲ ಸಮಿತಿದ ವತಿರ್ದ್ 50 ಸಾರ ರೂ. ಬೊಕ್ಕ ಸೇವಾ ಶಿಖರ್ ಸಂಘಟನೆದ ವತಿರ್ದ್ 10 ಸಾರ ರೂ. ಪಣವುದ ಸಕಾಯದ ಚೆಕ್ ನ್ ವರುಣ್ ಶೇಣವ ಮೆರೆನ ಮುಖೇನ ಕೊರಿಯೆರ್.

ಈ ಪೊರ್ತುಡು ಪಣಂಬೂರು ನಂದನೇಶ್ವರ ದೇವಲ್ಯದ ಅನಂತ ಐತಾಳ್, ಮಾಜಿ ಸಚಿವೆರ್ ನಾಗರಾಜ್ ಶೆಟ್ಟಿ, ಗುರುಚಂದ್ರ ಹೆಗಡೆ, ಕುಡ್ಲ ಕಂಬುಲ ಸಮಿತಿದ ಅಧ್ಯಕ್ಷೆರ್ ಕ್ಯಾಪ್ಟನ್ ಬೃಜೇಶ್ ಚೌಟ, ಕುಡ್ಲ ಕಂಬುಲ ಸಮಿತಿ ಪ್ರಧಾನ ಕಾರ್ಯದರ್ಶಿ ಸುಜಿತ್ ಪ್ರತಾಪ್, ಕುಡ್ಲ ಕಂಬುಲ ಸಮಿತಿದ ಉಪಾಧ್ಯಕ್ಷೆರ್ ಸಚಿನ್ ಶೆಟ್ಟಿ ಸಾಂತ್ಯ, ಆಶಾ ಜ್ಯೋತಿ ರೈ, ರವೀಂದ್ರ ನಾಥ್ ಶೆಟ್ಟಿ, ಪುರುಷೋತ್ತಮ್, ಕೆ.ಎಂ. ಶೆಟ್ಟಿ, ರಾಮ್ ಮೋಹನ್ ರೈ, ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ನಿಟ್ಟೆಗುತ್ತು ರವಿರಾಜ್ ಶೆಟ್ಟಿ, ಲೀಲಾಕ್ಷ ಕರ್ಕೇರ, ಜಯರಾಮ್ ಶಾಂತ, ಲೋಕೇಶ್ ಭಂಡಾರಿ, ಕಿಶೋರ್ ಕುಮಾರ್ ಪುತ್ತೂರ್, ಸೇವಾ ಶಿಖರ್ ಮೆನೇಜಿಂಗ್ ಟ್ರಸ್ಟಿ ವರುಣ್ ಶೇಣವ ಇತ್ತೆರ್.

” Kudla Kabaddi -2023″ Tournament inaugurated at NMPA ground Panambur

Suratkal: Sevashikar foundation Mangalore under the leadership of Varun Shenava and DK amatuer Kabadi association and Mangalore taluk Kabaddi association came together to organise” Kudla Kabaddi
2023 ” on Sunday, at NMPA ground Panambur.

The tournament was inaugurated by Ajit Kumar Malady president of Buntha Yani Nadavara Matru Sangha.
Speaking on the occasion he said social service calls for no difference in caste or religion. Sevashikar foundation is doing exceptional service in this regard . Dr Bharat Shetty MLA also attended and conveyed his good wishes at the program.
The family of Muralidhar Rai from the armed forces who lost his life on duty , was given a cheque of 50,000 from the Bunts Yani Nadavara Matru Sangha, 50,000 from the Bunts Mangalore committee and 10,000 from Sevashikar foundation.

Invitation for Puttur Shri Mahalingeshwara temple jatra celebration released ಪುತ್ತೂರ್ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರೆದ ಲೆಪ್ಪೋಲೆ ಬುಡುಗಡೆ

ಪುತ್ತೂರ್: ಎ.10ಕ್ಕ್ ಸುರು ಆವರೆ ಇಪ್ಪುನ ಪುತ್ತೂರ್ ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಜಾತ್ರೆದ ಲೆಪ್ಪೋಲೆ ಮಾ.11ಕ್ಕ್ (ಇನಿ) ಬುಡುಗಡೆ ಆಂಡ್.

ದೇವಲ್ಯದ ಪ್ರಧಾನ ಅರ್ಚಕೆರ್ ವಿ.ಎಸ್ ಭಟ್ ಮೇರ್ ಜಾತ್ರೆ ಉಚ್ಚಯದ ಯಶಸ್ವಿಗ್ ಪ್ರಾರ್ತನೆ ಸಂದಾಯೆರ್. ಈ ಪೊರ್ತುಡು ಶಾಸಕೆರ್ ಸಂಜೀವ ಮಠಂದೂರು, ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೇಶವಪ್ರಸಾದ್ ಮುಳಿಯ, ಸದಸ್ಯೆರ್ ವೀಣಾ ಬಿ.ಕೆ, ರವೀಂದ್ರನಾಥ ರೈ ಬಳ್ಳಮಜಲು, ರಾಮದಾಸ್ ಗೌಡ, ಬಿ.ಐತ್ತಪ್ಪ ನಾಯ್ಕ್, ಶೇಖರ್ ನಾರಾವಿ, ಕಾರ್ಯನಿರ್ವಹಣಾಧಿಕಾರಿ ನವೀನ್ ಕುಮಾರ್ ಭಂಡಾರಿ ಹೆಚ್, ನಗರಸಭಾ ಸ್ಥಳೀಯ ಸದಸ್ಯೆರ್ ಪಿ.ಜಿ.ಜಗನ್ನಿವಾಸ ರಾವ್, ತಾ.ಪಂ ಸ್ಥಾಯಿ ಸಮಿತಿ ಅಧ್ಯಕ್ಷೆರ್ ಸಾಜ ರಾಧಾಕೃಷ್ಣ ಆಳ್ವ, ಮಾಜಿ ಪುರಸಭಾ ಅಧ್ಯಕ್ಷೆರ್ ಲೋಕೇಶ್ ಹೆಗ್ಡೆ, ರಾಜೇಶ್ ಬನ್ನೂರು, ಪಿ.ಜಿ.ಚಂದ್ರಶೇಖರ್ ರಾವ್, ಸುದರ್ಶನ್ ಬೊಕ್ಕ ನಗರಸಭೆ ಸದಸ್ಯೆರ್ ಇತ್ತೆರ್.

High court order for cancellation of public examinations for class 5 and 8 5, 8 ನೇ ಕ್ಲಾಸ್ ದ ಪಬ್ಲಿಕ್ ಪರೀಕ್ಷೆ ಕ್ಯಾನ್ಸಲ್ ಮಲ್ಪರೆ ಹೈಕೋರ್ಟ್ ಆದೇಶ

ಬೆಂಗ್ಲೂರ್: ರಾಜ್ಯಡ್ ಮಾರ್ಚ್ 13 ಕ್ಕ್ ನಡಪಾವೊಡಾಯಿನ ಪಬ್ಲಿಕ್ ಪರೀಕ್ಷೆನ್ ಕ್ಯಾನ್ಸಲ್ ಮಲ್ಪಿ ಪಂದ್ ಕರ್ನಾಟಕ ಹೈಕೋರ್ಟ್ ಆದೇಶ ಕೊರ್ತುಂಡು.

ಈ ಸರ್ತಿ ಶಾಲಾ ಶಿಕ್ಷಣ ಬೊಕ್ಕ ಸಾಕ್ಷರತಾ ಇಲಾಖೆ ರಾಜ್ಯದ 5ನೇ ಕ್ಲಾಸ್ ಬೊಕ್ಕ 8ನೇ ಕ್ಲಾಸ್ ಕಲ್ಪಾರ್ಥಿಲೆಗ್ ವಾರ್ಷಿಕ ಪರೀಕ್ಷೆನ್ ನಡಪಾಯೆರೆ ನಿರ್ಧಾರ ಮಲ್ತ್ ದ್ ಇತ್ಂಡ್. ಆಂಡ ಇತ್ತೆ ಹೈಕೋರ್ಟ್ ಏಕಸದಸ್ಯ ಪೀಠದ ನ್ಯಾಯಮೂರ್ತಿ ಪ್ರದೀಪ್‌ ಸಿಂಗ್‌ ಹೆರೂರ್‌ ಬೋರ್ಡ್ ಪರೀಕ್ಷೆನ್ ಕ್ಯಾನ್ಸಲ್ ಮಲ್ಪೊಡು ಪಂದ್ ಆದೇಶ ಕೊರ್ತೆರ್‌. ನನದ ಶೈಕ್ಷಣಿಕ ವರ್ಷೊರ್ದ್ ಪರೀಕ್ಷೆ ನಡಪಾವೊಲಿ ಪಂದ್ ಪನ್ತ್ಂಡ್.

High court order for cancellation of public examinations for class 5 and 8

Bangalore: The public examinations for class 5 and 8 that was to begin on the 13 th of March stands cancelled by order of the High court of Karnataka. It has also notified that the examination can be conducted from the next academic year.

March 12 th: Shri Subramanya temple Karpadi- foundation stone laying for renovation work ಮಾ.12: ಕಾರ್ಪಾಡಿ ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಕೆಸರ್ ಕಲ್ಲ್ ಪಾಡಿಯೆರೆ

ಪುತ್ತೂರ್: ಕಾರ್ಣಿಕದ ಕ್ಷೇತ್ರ ಆರ್ಯಾಪು ಗ್ರಾಮದ ಕಾರ್ಪಾಡಿ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಸುತ್ತುಪೌಳಿಗೆ ಮಾ.12 (ಎಲ್ಲೆ) ಬೊಲ್ಪುಗು 10.45ಕ್ಕ್ ಕೆಸರ್ ಕಲ್ಲ್ ಪಾಡಿಯೆರ್ ಉಂಡು.

ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಧಾರ್ಮಿಕ ವಿಧಿವಿಧಾನ ನಡತ್ತ್ ದ್, ದೇವಲ್ಯದ ಪಿದಯಿದ ಸುತ್ತುಪೌಳಿಗ್ ಕೆಸರ್ ಕಲ್ಲ್ ಪಾಡಿಯೆರೆ ಉಂಡು ದೇವಲ್ಯದ ಪ್ರಕಟಣೆಡ್ ತೆರಿಪಾದೆರ್.

Ubar: Vijaya Vikrama Jodukare kambala- procession inaugurated ಉಬಾರ್ ವಿಜಯ ವಿಕ್ರಮ ಜೋಡುಕರೆ ಕಂಬುಲ ಮೆರವಣಿಗೆದ ಉದಿಪನ

ಉಬಾರ್ ದ 37ನೇ ವರ್ಷದ ವಿಜಯ ವಿಕ್ರಮ ಜೋಡುಕರೆ ಕಂಬುಲದ ಮೆರವಣಿಗೆನ್ ಉಬಾರ್ ದ ಶ್ರೀ ಸಹಸ್ರಲಿಂಗೇಶ್ವರ ಮಹಾಕಾಳಿ ಸನ್ನಿಧಿರ್ದ್ ಸುರು ಮಲ್ತೆರ್.

ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕರುಣಾಕರ ಸುವರ್ಣ ಬೊಕ್ಜ ವಿಟ್ಲ-ಉಬಾರ್ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷೆರ್ ಡಾ.ರಾಜಾರಾಮ್‌ ಕೆ.ಬಿ ತಾರಾಯಿ ಹಾಕ್ ದ್ ಮೆರವಣಿಗೆದ ಉದಿಪನ ಮಲ್ತೆರ್. ಬೊಕ್ಕ ಕಂಬುಲಾಭಿಮಾನಿಲು, ಕಂಬುಲ ಸಮಿತಿದ ಪದಾಧಿಕಾರಿಲು, ಕಂಬುಲ ಎರ್ಲುಲು ಮೆರವಣಿಗೆದ ಮುಖೇನ ಕಂಬುಲ ಕರೆತ್ತ ಕೈತಡೇ ಬತ್ತ್ಂಡ್. ನೆತ್ತೊಟ್ಟಿಗೆ ಕೀಲ್ ಕುದುರೆ, ನಾಸಿಕ್‌ ಬ್ಯಾಂಡ್‌, ತಟ್ಟಿರಾಯ, ಕೊಂಬು ವಾದ್ಯ ಇತ್ತ್ಂಡ್. ಈ ಪೊರ್ತುಡು ಮೆರವಣಿಗೆಡ್ ವಿಜಯ ವಿಕ್ರಮ ಜೋಡುಕರೆ ಕಂಬುಲ ಸಮಿತಿದ ಅಧ್ಯಕ್ಷೆರ್ ಅಶೋಕ್‌ ಕುಮಾರ್‌ ರೈ, ಗೌರವಾಧ್ಯಕ್ಷೆರ್ ಉಮೇಶ್‌ ಶೆಣೈ, ಉಪಾಧ್ಯಕ್ಷೆರ್ ರಾಮಚಂದ್ರ ಮಣಿಯಾಣಿ, ನಟೇಶ್‌ ಪೂಜಾರಿ, ವಿದ್ಯಾಧರ ಜೈನ್‌, ಪ್ರಧಾನ ಕಾರ್ಯದರ್ಶಿ ಕೇಶವ ಭಂಡಾರಿ ಕೈಪ, ಕೋಶಾಧಿಕಾರಿ ಸೀತಾರಾಮ ಶೆಟ್ಟಿ ಹೆಗ್ಡೆಹಿತ್ಲು, ಕಾರ್ಯಾಧ್ಯಕ್ಷೆರ್ ಅಶೋಕ್‌ ಕುಮಾರ್‌ ರೈ ಅರ್ಪಿಣಿಗುತ್ತು, ಪದಾಧಿಕಾರಿಲು ಯೋಗೀಶ್‌ ಸಾಮಾನಿ ಸಂಪಿಗೆದಡಿ, ವಿಷ್ಣುಪ್ರಸಾದ್‌ ಬೊಳ್ಳಾವು, ದಿಲೀಪ್‌ ಶೆಟ್ಟಿ ಕರಾಯ, ಶಿವರಾಮ ಶೆಟ್ಟಿ ಗೋಲ್ತಮಜಲು ಇತ್ತೆರ್.

March 24-27: Shri Sarantaya Garodi, Sasihithlu – Kaalavadhi Nema ಮಾ.24-27: ಸಸಿಹಿತ್ಲು ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವೊಲ್ಯಡ್ ಕಾಲಾಧಿದ ನೇಮ

ಸಸಿಹಿತ್ಲು ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವೊಲ್ಯಡ್ ಕಾಲಾಧಿದ ನೇಮ ಮಾ.24-27 ಮುಟ್ಟ ನಡಪರೆ ಉಂಡು.

ಮಾ.24 ಸುಕ್ರಾರ ಬೊಲ್ಪುಗು ಶ್ರೀ ಕ್ಷೇತ್ರಗ್ ಕಾಂತುಲಕ್ಕಣೆರೆನ ಇಲ್ಲರ್ದ್ ಭಂಡಾರ ಬರ್ಪುಂಡು. ಬಯ್ಯಗ್ ಭಂಡಾರದ ಇಲ್ಲಲ್ ತಂಬಿಲ ಸೇವೆ, ಕಾಂತಾಬಾರೆ ಬೂದಾಬಾರೆರೆಗ್ ಅಗೇಲ್ ಸೇವೆ ಆದ್ ಬೊಕ್ಕ ಭಂಡಾರ ಪೋಪುಂಡು. ಮಾ.25 ಸನಿಯಾರ ಬಯ್ಯಗ್ ದೊಂಪ ಏರುಂಡು. ಬೊಕ್ಕ ಶಿವ ಸಹಸ್ರ ನಾಮಾರ್ಚನೆ, ರಾತ್ರೆ ಖಂಡಿಗೆಬೂಡು ಉಳ್ಳಾಯ ದೈವೊಲ್ಯರ್ದ್ ಸಸಿಹಿತ್ಲು ಗರೊಡಿಗ್ ಭಂಡಾರ ಬರಿಯೆರೆ ಉಂಡು. ಬೊಕ್ಕ ಕೊಡಿ ಏರುಂಡು. ಮಾ.26 ಐತಾರ ಬೊಲ್ಪುಗು ಉಳ್ಳಾಯ, ಇಷ್ಟದೇವತೆ, ಮೂಲ ಮೈಸಂದಾಯ, ಬಬ್ಬರ್ಯ, ಪರಿವಾರ ದೈವೊಲೆನ ನೇಮ ಬೊಕ್ಕ ಕಾಂತಾಬಾರೆ ಬೂದಾಬಾರೆರೆಗ್ ಪಂಚಕಜ್ಜಾಯ ಸೇವೆ ನಡಪರೆ ಉಂಡು. ಮಧ್ಯಾಹ್ನ ಅನ್ನಸಂತರ್ಪಣೆ ಆದ್ ಓಡ್ಯಂತಾಯ ದೈವೊದ ನೇಮ ನಡಪರೆ ಉಂಡು. ರಾತ್ರೆ ಜಾರಂದಾಯ ಬಂಟ, ಜುಮಾದಿ ಬಂಟ, ಕೊಡಮಣಿತ್ತಾಯ, ಖಂಡಿಗೆ ಬೂಡುದ ಕಾಂತೇರಿ ಜುಮಾದಿ, ಪಿಲಿಚಾಮುಂಡಿ ದೈವೊದ ನೇಮ ನಡಪರೆ ಉಂಡು. ಮಾ.27 ಸೋಮಾರ ಕೋಡಿ ಜಾದ್ ಗುರಿಕಾರೆರೆನ ಇಲ್ಲಗ್ ಬೊಕ್ಕ ಖಂಡಿಗೆ ಬೂಡುಗ್ ಭಂಡಾರ ಪೋಪುಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ನಾಗಬ್ರಹ್ಮ ರಕ್ತೇಶ್ವರಿ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ದೈವೊಲ್ಯದ ಅನುವಂಶಿಕ ಮೊಕ್ತೇಸರೆರ್ ಕಾಂತುಲಕ್ಕಣ ಗುರಿಕಾರೆರ್ ಯಾನೆ ಪಠೇಲ್ ಯಾದವ ಜಿ. ಬಂಗೇರ, ಆಡಳಿತ ಸಮಿತಿದ ಅಧ್ಯಕ್ಷೆರ್ ಜಗನ್ನಾಥ ಕೋಟ್ಯಾನ್, ಬೊಂಬೈ ಸಮಿತಿದ ಅಧ್ಯಕ್ಷೆರ್ ಸತೀಶ್ ಎನ್ ಕೋಟ್ಯಾನ್, ಮಹಿಳಾ ಸಭಾ ಸಮಿತಿದ ಅಧ್ಯಕ್ಷೆರ್ ಶಕುಂತಳಾ ಭೋಜ ಬಂಗೇರ, ಗೌರವಾಧ್ಯಕ್ಷೆರ್ ಲೀಲಾ ವಸಂತ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Cancer detection through urine test ಪಡಿಕೆ ಪರೀಕ್ಷೆ ಮಲ್ತ್ ದ್ ಕ್ಯಾನ್ಸರ್ ರೋಗ ಪತ್ತೆ ಮಲ್ಪೊಲಿ!

ಸಾಮಾನ್ಯವಾದ್ ಕ್ಯಾನ್ಸರ್ ಪತ್ತೆ ಮಲ್ಪರೆ ನೆತ್ತೆರ್ ಪರೀಕ್ಷೆ ಬೊಕ್ಕ ರೇಡಿಯಾಲಜಿ ವಿಧಾನಲೆನ್ ಗಲಸುವೆರ್. ಆಂಡ ದಕ್ಷಿಣ ಕೊರಿಯಾದ ವಿಜ್ಞಾನಿಲು ಪಡಿಕೆದ ಮುಖೇನ ಕ್ಯಾನ್ಸರ್ ಪತ್ತೆ ಮಲ್ಪುನ ವಿಧಾನನ್ ನಾಡ್ ಪತ್ ದೆರ್.

ಈ ವಿಧಾನಡ್ 10 ಮಿಲಿ ಪಡಿಕೆದ ಮಿತ್ತ್ ಪ್ರಾಸ್ಟೇಟ್ ಪ್ಯಾಂಕ್ರಿಯಾಟಿಕ್ ಕ್ಯಾನ್ಸರ್ ನ್ ಪತ್ತೆ ಮಲ್ತ್ ದೆರ್. ಈ ಸಾಧನ ಸ್ಟ್ರಿಪ್ ರೂಪಡ್ ಇಪ್ಪುಂಡು. ಕಮ್ಮಿ ಪೊರ್ತುಡು ಬೊಕ್ಕ ಕಮ್ಮಿ ಕರ್ಚಿಡ್ ಪರೀಕ್ಷೆ ಮಲ್ಪೊಲಿ.

Cancer detection through urine test

Cancer is detected through a blood test or radiology. Now researchers in South Korea have found ways to detect cancer through a urine test. This test is time saving and less expensive to determine prostrate and pancreatic cancer.