2023

March 18-19: Shri Wayanad Vishnu Murthy temple, Thiruvale ; Kendaseve and other rituals ಮಾ.18-19: ತಿರುವಾಲೆ ಶ್ರೀ ವಯನಾಡ್ ವಿಷ್ಣುಮೂರ್ತಿ ದೈವೊಲ್ಯಡ್ ಒತ್ತೆಕೋಲ, ಕೆಂಡಸೇವೆ

ಉಳ್ಳಾಲ: ಇರಾ ಗ್ರಾಮದ ತಿರುವಾಲೆ ಶ್ರೀ ವಯನಾಡ್ ವಿಷ್ಣುಮೂರ್ತಿ ದೈವೊಲ್ಯಡ್ ಒತ್ತೆಕೋಲ ಬೊಕ್ಕ ಕೆಂಡಸೇವೆ ಮಾ.18 ಬೊಕ್ಕ 19 ಕ್ಕ್ ನಡಪರೆ ಉಂಡು.

ಕುದ್ರೋಳಿದ ಬಿರ್ಮಣ ಅತಾರ್ ಬೊಕ್ಕ ಕರಿಂಬಲ್ಪು ತರವಾಡ್ ದ ಸತೀಶ್ ಬೈಚೇರ್ ಪಟ್ಟತ್ತೂರು ಮೊಕ್ಲೆನ ಮಾರ್ಗದರ್ಶನಡ್, ಆಚಾರಪಟ್ಟಿನಕ್ಲೆನ ಬೊಕ್ಕ ಗುರಿಕಾರೆರೆನ ಸಲಹೆದೊಟ್ಟಿಗೆ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಆಡಳಿತ ಸಮಿತಿದ ಅಧ್ಯಕ್ಷೆರ್ ಯಶವಂತ ಡಿ.ದೇರಾಜೆ ಗುತ್ತು, ಉಚ್ಚಯ ಸಮಿತಿದ ಅಧ್ಯಕ್ಷೆರ್ ವೈ. ಬಿ ಸುಂದರ್ ಇರಾ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Tokur Brahmakalasha celebration – Dugganna Sawantaru calls for volunteers to make it a success ತೋಕೂರು ಬ್ರಹ್ಮಕಲಶ ಉಚ್ಚಯೊನು ಸ್ವಯಂಸೇವಕೆರ್ ಯಶಸ್ವಿ ಮಲ್ಪುಲೆ : ದುಗ್ಗಣ್ಣ ಸಾವಂತರು

ಹಳೆಯಂಗಡಿ : ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ದೇವಸ್ಥಾನದ ಬ್ರಹ್ಮಕಲಶ ಉಚ್ಚಯದ ನಿಲೆಟ್ಟ್ ಗ್ರಾಮಸ್ಥೆರ್ನ ಬೊಕ್ಕ ಸ್ವಯಂಸೇವಕೆರ್ನ ಮಹಾಸಭೆ ದೇವಸ್ಥಾನದ ಸದಾ ಭವನದ ಚಾವಡಿ ಡ್ ಮಾ.12 ಐತಾರ ಬಯ್ಯಡ್ ನಡತ್ಂಡ್. ಮುಲ್ಕಿ ಸೀಮೆದ ಅರಸೆರ್ ದುಗ್ಗಣ್ಣ ಸಾವಂತೆರ್ ಗುರ್ಕಾರ್ಮೆ ಒಯಿಸ್ ದ್ ಪಾತೆರ್ದ್, ಪ್ರತಿ ಸಮಿತಿದ ಸ್ವಯಂಸೇವಕೆರ್ ಸಕ್ರಿಯವಾದ್ ಪಾಲ್ ದೆತೊಂದು ದೇವಸ್ಥಾನದ ಬ್ರಹ್ಮಕಲಶ ಉಚ್ಚಯೊನು ಯಶಸ್ವಿ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.

ನಿವೃತ್ತ ಉಪನ್ಯಾಸಕೆರ್ ಸೋಂದಾ ಭಾಸ್ಕರ ಭಟ್ ಪಾತೆರ್ದ್, ಶೃದ್ಧೆ ಬೊಕ್ಕ ಭಕ್ತಿ ಇತ್ತ್ಂಡ ಬ್ರಹ್ಮಕಲಶ ಉಚ್ಚಯ ಯಶಸ್ವಿ ಆಪಿನೆಟ್ಟ್ ಸಂಶಯ ಇಜ್ಜಿ ಪಂಡೆರ್.

ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ಪಾತೆರ್ದ್, ಕರಿನ ಕೆಲವು ತಿಂಗೊಲುರ್ದಿಂಚಿ ಬೇತೆ ಬೇತೆ ಸಂಘ ಸಂಸ್ಥೆಲೆನ ಕಾರ್ಯಕರ್ತೆರ್ನ ಸಕಾಯೊಡು ಕರ ಸೇವೆ ಮುಕೇನ ದೇವಸ್ಥಾನದ ಜೀರ್ಣೋದ್ಧಾರದ ಬೇಲೆ ಭಾರಿ ಎಡ್ಡೆಡ್ ಆವೊಂದುಂಡು. ಮೇ 10- 23 ಮುಟ್ಟ ನಡಪುನ ಈ ಉಚ್ಚಯೊನು ಮಾತೆರ್ಲ ಯಶಸ್ವಿ ಮಲ್ಪೊಡು ಪಂಡೆರ್.

ದೇವಸ್ಥಾನದ
ಅರ್ಚಕೆರ್ ಮಧುಸೂಧನ ಆಚಾರ್ಯ,ಜೀರ್ಣೋದ್ದಾರ ಸಮಿತಿದ ಅಧ್ಯಕ್ಷೆರ್ ಡಾ. ಹರಿಕೃಷ್ಣ ಪುನರೂರು, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ, ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ಹೆಗ್ಡೆ, ಪ್ರಧಾನ ಕಾರ್ಯದರ್ಶಿ ರಾಮಣ್ಣ ದೇವಾಡಿಗ ಮೊಕುಲು ಮಾತ ಸಭೆಟ್ಟ್ ಪಾಲ್ ಪಡೆದಿತ್ತೆರ್.

Vijaya Sankalpa Padayatra – Change in routes for traffic ಇನಿ ಬಿಜೆಪಿದ ವಿಜಯ ಸಂಕಲ್ಪ ಪಾದಯಾತ್ರೆ : ಮಾರ್ಗದ ಬದಲಾವಣೆ

ಬಿಜೆಪಿದ ವಿಜಯ ಸಂಕಲ್ಪ ಪಾದಯಾತ್ರೆ (ಮಾ.13) ಇನಿ ಕುತ್ತಾರ್ ದ ರಾಜರಾಜೇಶ್ವರಿ ದೇವಲ್ಯರ್ದ್ ಬೊಲ್ಪುಗು 10:30 ಕ್ಕ್ ಪಿದಾಡ್ ದ್ ತೊಕ್ಕೊಟ್ಟು ಮುಟ್ಟ, ಬೊಕ್ಕ ಮುಲ್ಕಿ, ಬೆದ್ರ ವಿಧಾನ ಸಭೆ ವ್ಯಾಪ್ತಿಡ್ ನಡಪರೆ ಉಂಡು.

ತೊಕ್ಕೊಟ್ಟುದ ಯಾತ್ರೆಡ್ ಸುಮಾರ್ 2 ಸಾರ ಜನ ಸೇರುನ ನಿರೀಕ್ಷೆ ಉಂಡು. ಒಟ್ಟು 2 ಕಿ.ಮೀ. ದೂರ ಉಪ್ಪುನ ಈ ಮಾರ್ಗ ಚೆಂಬುಗುಡ್ಡೆರ್ದ್ ತೊಕ್ಕೊಟ್ಟು ಮುಟ್ಟ ಸುಮಾರ್ 200 ಮೀಟರ್ ಸಿಂಗಲ್ ಮಾರ್ಗಡ್ ನ್ ಬುಡ್ದು ಒರಿನ ರಡ್ಡ್ ಸೈಡ್ (ದ್ವಿಮುಖ) ಮಾರ್ಗ ಉಂಡು.

ಅಂಚನೆ ಮುಲ್ಕಿ, ಬೆದ್ರ ವಿಧಾನಸಭಾ ವ್ಯಾಪ್ತಿದ ಯಾತ್ರೆ ಇನಿ ಮಧ್ಯಾಹ್ನ 2:30 ಕ್ಕ್ NH 66 ದ ಪಾವಂಜೆ ದೇವಲ್ಯರ್ದ್ ಬೈಕ್ Rally ಸುರು ಆದ್ ಹಳೆಯಂಗಡಿ, ಪಕ್ಷಿಕೆರೆ ಮಾರ್ಗವಾದ್ ಕಿನ್ನಿಗೋಳಿ ರಾಜಾಂಗಣಗ್ ಬರ್ಪುಂಡು. ಬೈಕ್ Rally ಡ್ ಸುಮಾರ್ 250 ರ್ದ್ 300 ಬೈಕ್ ಬೊಕ್ಕ ಬೇತೆ ಗಾಡಿಲು ಪಾಲ್ ಪಡೆಪುಂಡು ಪಂದ್ ತೆರಿದ್ ಬೈದ್ಂಡ್. ಬೊಕ್ಕ ಮಧ್ಯಾಹ್ನ 3 ಗಂಟೆಗ್ ರಾಜಾಂಗಣರ್ದ್ ಸುಮಾರ್ 2 ಕಿಮೀ ದೂರಡ್ ಇಪ್ಪುನ ಮೂರುಕಾವೇರಿ ಮುಟ್ಟ ವಿಜಯ ಸಂಕಲ್ಪ ಯಾತ್ರೆದ ರಥ ಮೆರವಣಿಗೆದ ಮುಖೇನ ಪಿದಾಡುಂಡು. ಅಂಚಾದ್ ಈ ಮಾರ್ಗಡ್ ಪೋಪಿನ ಗಾಡಿ ಚಾಲಕೆರ್ ಬದಲಿ ಮಾರ್ಗಡ್ ಪೋವೊಡು ಪಂದ್ ಬಿನ್ನಾಪು ಮಲ್ದೆರ್.

ಬದಲಿ ಮಾರ್ಗ:
1. ತೊಕ್ಕೊಟ್ಟು ಕಡೆರ್ದ್ ದೇರಳಕಟ್ಟೆಗ್ ಪೋಪುನಕುಲು ತೊಕ್ಕೊಟ್ಟು, ಕೋಟೆಕಾರ್, ಮಾಡೂರ್ ಮಾರ್ಗವಾದ್ ಪೊವೊಡು.
2. ದೇರಳಕಟ್ಟೆ ಕಡೆರ್ದ್ ತೊಕ್ಕೊಟ್ಟುದಂಚಿ ಬರ್ಪುನಕುಲು ದೇರಳಕಟ್ಟೆ, ಮಾಡೂರ್, ಕೋಟೆಕಾರ್ ಮಾರ್ಗವಾದ್ ಬರೊಡು.
3. ಕಾರ್ಲರ್ದ್ ಕುಡ್ಲ ಕಡೆಕ್ಕ್ ಬರ್ಪುನಕುಲು ಮೂರುಕಾವೇರಿರ್ದ್ ಕಟೀಲ್-ಬಜ್ಪೆ ಮಾರ್ಗವಾದ್ ಕುಡ್ಲಗ್ ಬರೊಡು.
4. ಮುಲ್ಕಿರ್ದ್ ಬೆದ್ರ ಕಡೆಕ್ಕ್ ಪೊಪುನಕುಲು ಏಳಿಂಜೆ, ಕುಕ್ಕಟ್ಟೆ ರ್ದ್ ಮೂಜಿಕಾವೇರಿಗ್ ಬತ್ತ್ ದ್ ಬೆದ್ರದ ಕಡೆಕ್ಕ್ ಪೋವೊಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

Change in routes for vehicular traffic near Kankanady ಕಂಕನಾಡಿದಲ್ಪ ಸಂಚಾರ ಮಾರ್ಗಡ್ ಬದಲಾವಣೆ

ಕುಡ್ಲ ಪೇಂಟೆದ ಕಂಕನಾಡಿ ವೃತ್ತದಲ್ಪದ ಗಾಡಿ ಸಂಚಾರ ಸಮಸ್ಯೆದ ನಿವಾರಣೆಗಾದ್ ತಾತ್ಕಾಲಿಕವಾದ್ ಮಾರ್ಗ ಬದಲಾವಣೆ ಮಲ್ದೆರ್.

ಬದಲಿ ಮಾರ್ಗ:
*ಫಳ್ನೀರ್ ಕಡೆರ್ದ್ ಪಂಪ್ ವೆಲ್ ಕಡೆಕ್ಕ್ ಪೋಪಿನ ಮಾತ ರೀತಿದ ಗಾಡಿಲೆನ ಸವಾರೆರ್ ಕಂಕನಾಡಿ ವೃತ್ತಡ್ ಎಡಕ್ಕ್ ತಿರ್ಗ್ ದ್ ಕರಾವಳಿ ವೃತ್ತಡ್ ಬಲಕ್ಕ್ ತಿರ್ಗ್ ದ್ ದುಂಬು ಪೊವೊಡು.
*ಫಳ್ನೀರ್ ಕಡೆರ್ದ್ ವೆಲೆನ್ಸಿಯಾ ಕಡೆಕ್ಕ್ ಪೋಪಿನ ಮಾತ ರೀತಿದ ಗಾಡಿ ಸವಾರೆರ್ ಕಂಕನಾಡಿ ವೃತ್ತಡ್ ಎಡಕ್ಕ್ ತಿರ್ಗ್ ದ್ ಕರಾವಳಿ ವೃತ್ತಡ್ U turn ದೆತೊಂದು ದುಂಬು ಪೋವೊಡು.
*ಫಳ್ನೀರ್ ಕಡೆರ್ದ್ ಮಂಗಳಾದೇವಿ ಕಡೆಕ್ಕ್ ಪೋಪಿನ ಗಾಡಿ ಸವಾರೆರ್ Sturrock ಮಾರ್ಗ, ನಂದಿಗುಡ್ಡೆ ಮಾರ್ಗದ ಮುಖೇನ ಕೋಟಿ ಚೆನ್ನಯ ವೃತ್ತದಯಿಟೆ ಪೋವೊಡು.

March 16 th: 15 th Annual celebration by Mangalore Association, Saudi Arabia ಮಾ.16: ಸೌದಿಡ್ ಮಂಗಳೂರು ಅಸೋಸಿಯೇಶನ್ ದ 15 ನೇ ವರ್ಷೊದ ಗೌಜಿ ಗಮ್ಮತ್ತ್ ಲೇಸ್

ಮಂಗಳೂರು ಅಸೋಸಿಯೇಶನ್, ಸೌದಿ ಅರೇಬಿಯಾ ನೆತ್ತ 15ನೇ ವರ್ಷೊದ ಗೌಜಿ ಗಮ್ಮತ್ತ್ ಲೇಸ್ ಮಾ.16 ಕ್ಕ್ ದಮ್ಮಮ್ ಕ್ರಿಸ್ಟಲ್ ಹಾಲ್ ಡ್ ಬಯ್ಯಗ್ 7 ಗಂಟೆಗ್ ನಡಪರೆ ಉಂಡು ಪಂದ್ ಅಧ್ಯಕ್ಷೆರ್ ಸತೀಶ್ ಕುಮಾರ್ ಬಜಾಲ್, ಉಪಾಧ್ಯಕ್ಷೆರ್ ಗೋಪಾಲ್ ಶೆಟ್ಟಿ, ಜನರಲ್ ಸೆಕ್ರೆಟರಿ ಅಮೀರ್ ಹುಸೈನ್, ಸಲಹಾ ಸಮಿತಿದ ಮುಖ್ಯಸ್ಥೆರ್ ರವಿ ಕರ್ಕೇರ ತೆರಿಪಾದೆರ್.

ಈ ಪೊರ್ತುಡು ಬೇತೆ ಬೇತೆ ಕ್ಷೇತ್ರೋಡ್ ಸಾಧನೆ ಮಲ್ತಿನ ಸಾಧಕೆರೆಗ್ ತಮ್ಮನ ನಡಪರೆ ಉಂಡು. ಅಂಚೆನೆ “ಹೊಂಗಿರಣ” ಪನ್ಪಿನ ಮ್ಯಾಗಜಿನ್ ಬುಡುಗಡೆ ಆವೆರೆ ಉಂಡು. ಬೊಕ್ಕ 2023-2024 ನೇ ವರ್ಷೊದ ಪೊಸ ಕಮಿಟಿ ಉದಿಪನ ಆವರೆ ಉಂಡು. ಈ ಪೊರ್ತುಡು ಸಾಂಸ್ಕೃತಿಕ ಲೇಸ್ ಬೊಕ್ಕ ಇನಾಮು ಪಟ್ಟುನ ಲೇಸ್ ನಡಪರೆ ಉಂಡು. ಈ ಲೇಸ್ ಡ್ ಪಾಲ್ ಪಡೆಯಿನ ಬಿನ್ನೆರೆಗ್ ತೆನಸ್ ದ ವ್ಯವಸ್ಥೆನ್ ಆಯೋಜಕೆರ್ ಅಟ್ಟನೆ ಮಲ್ದೆರ್.

ವರದಿ: ಸಂದೇಶ್ ಕರ್ಕೇರ, ದಮ್ಮಮ್

March 16 th: 15 th Annual celebration by Mangalore Association, Saudi Arabia

The 15 th Annual celebration by Mangalore Association, Saudi Arabia will be held on 16 th of March at Dammam Crystal Hall informed president of the association Satish Kumar Bajal.

Achievers in various fields will be honoured on the occasion. A new magazine ” Hongirana” will be launched on the occasion. A new committee for the upcoming year will also be formed.
The evening will show case a host of cultural events with games and events followed by prize distribution to the winners.

April 1st: Floodlight Vollyball tournament organised on the occasion of golden Jubilee celebration by Vidya Vinayaka Yuvaka Mandala ಎ.1: ವಿದ್ಯಾವಿನಾಯಕ ಯುವಕ ಮಂಡಲದ ಸುವರ್ಣ ಉಚ್ಚಯದ ಅಂಗವಾದ್ ಫ್ಲಡ್ ಲೈಟ್ ವಾಲಿಬಾಲ್ ಪಂತೊ

ಹಳೆಯಂಗಡಿ: ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲ(ರಿ.), ಶ್ರೀ ವಿದ್ಯಾವಿನಾಯಕ ರಜತ ಸೇವಾ ಟ್ರಸ್ಟ್ (ರಿ.), ಸುವರ್ಣ ಉಚ್ಚಯ ಸಮಿತಿ, ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲ (ರಿ.) ನೆತ್ತ ಒಟ್ಟುಸೇರಿಗೆಡ್ ಯುವಕ ಮಂಡಲದ ಸುವರ್ಣ ಉಚ್ಚಯದ ಅಂಗವಾದ್ ಫ್ಲಡ್ ಲೈಟ್ ವಾಲಿಬಾಲ್ ಪಂತೊ ಎ.1 ಸನಿಯಾರ ಬಯ್ಯಗ್ 6:30 ಕ್ಕ್ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಎದುರುಡ್ ನಡಪರೆ ಉಂಡು.

ಈ ಪಂತೊಡು ಪಾಲ್ ಪಡೆಯೆರೆ 2 ಸಾರ ರೂ. ಫೀಸ್ ಕಟ್ಟೊಡು. ಅಂಚನೆ ಮುಂಗಡವಾದ್ 1 ಸಾರ ರೂ. ನ್ ಮಾ.28 ತ್ತ ಉಲಯಿ 8197019857 ನಂಬರ್ ಗ್ ಗೂಗಲ್ ಪೇ ಇಜ್ಜಿಂಡ ಪೋನ್ ಪೇ ಮಲ್ಪೊಡು ಪಂದ್ ಬಿನ್ನಾಪು ಮಲ್ದೆರ್.

ಈ ಪಂತೊದ ಇನಾಮು:
ಸುರುತ ಇನಾಮು 25 ಸಾರ ರೂ‌. ಬೊಕ್ಕ ಟ್ರೋಫಿ.
ರಡ್ಡನೇ ಇನಾಮು 15 ಸಾರ ರೂ. ಬೊಕ್ಕ ಟ್ರೋಫಿ.
ಮೂಜಿನೇ ಇನಾಮು 10 ಸಾರ ರೂ. ಬೊಕ್ಕ ಟ್ರೋಫಿ.
ನಾಲ್ ನೇ ಇನಾಮು 5 ಸಾರ ರೂ‌. ಟ್ರೋಫಿ.
ಅಂಚನೆ ಬೆಸ್ಟ್ ಅಟ್ಯಾಕರ್, ಬೆಸ್ಟ್ ಪಾಸರ್, ಬೆಸ್ಟ್ ಅಲ್ ರೌಂಡರ್ ಪ್ರಶಸ್ತಿ ಕೊರ್ದು, ಮಾನಾದಿಗೆ ಮಲ್ಪರೆ ಉಂಡು.

ಗೊಬ್ಬುದ ನಿಯಮಲು:
*ಒಂಜಿ ಕೂಟಡ್ ಒಂಜೇ ಪಿನ್ ಕೋಡ್ ಇಪ್ಪುನ ಆಟಗಾರೆರೆಗ್ ಗೊಬ್ಬೆರೆ ಅವಕಾಶ.
*ಬಯ್ಯಗ್ 6:30 ತ್ತ ಉಲಯಿ ಹಾಜರ್ ಇಪ್ಪುನ ಕೂಟಲೆಗ್ ಮಾತ್ರ ಅವಕಾಶ.
ಪುದರ್ ನೋಂದಣಿ ಮಲ್ಪರೆ ಮಾ.28 ಅಕೇರಿದ ತಾರೀಕ್.
*ತೀರ್ಪುಗಾರೆರೆನ ಬೊಕ್ಕ ವ್ಯವಸ್ಥಾಪಕೆರೆನ ತೀರ್ಮಾನನೇ ಅಕೇರಿ.
*ಆಧಾರ್ ಕಾರ್ಡ್ ಬೊಕ್ಕ ರೇಷನ್ ಕಾರ್ಡ್, ವೋಟರ್ ಐಡಿ, ಡ್ರೈವಿಂಗ್ ಲೈಸೆನ್ಸ್ (ಒವೊಂಡಾಲ ರಡ್ಡ್ ದಾಖಲೆ) ಪ್ರತಿ ಕಡ್ಡಾಯವಾದ್ ಕನವೊಡು.
*ನಿಯಮ ತತ್ತ್ಂಡ ಕೂಟನ್ ಎಂಟ್ರಿ ಫೀಸ್ ಕೊರಂದೆ ಪಂತೊರ್ದ್ ಪಿದಯಿ ಪಾಡರೆ ಅವಕಾಶ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.